Seksyon 40
Rebelasyon nga ginhatag kanday Joseph Smith nga Propeta kag Sidney Rigdon sa Fayette, New York sang ika-6 sang Enero 1831. Bilang introduksyon sa pagsulat sining rebelasyon, ang kasaysayan sang Propeta nagasiling, “Bangod ginsikway ni James [Covel] ang pulong sang Ginuo, kag nagbalik sa iya mga ginapatihan kag mga kaupdanan sang una, ginhatag sang Ginuo sa akon kag kay Sidney Rigdon ang masunod nga rebelasyon” (tan-awa sa seksyon 39).
1–3, Ang kahadlok sa pagpanghingabot kag ang mga kabalaka sa kalibutanon nga mga butang rason sa pagsikway sang ebanghelyo.
1 Tan-awa, sa pagkamatuod ginasiling ko sa inyo nga ang tagipusuon sang akon alagad nga si James Covel nangin matarong sa akon panulok kay nagpakighisugot sia sa akon nga tumanon niya ang akon pulong.
2 Kag ginbaton niya ang pulong sing malipayon, apang sa gilayon gintentar sia ni Satanas; kag ang kahadlok sa pagpanghingabot kag ang mga kabalaka sa kalibutanon nga mga butang nagtulod sa iya nga sikwayon ang pulong.
3 Gani, ginguba niya ang akon kasugtanan, kag nagapabilin sa akon kon ano ang himuon sa iya suno sa nagakaigo para sa akon. Amen.