1 Sa pagkamatuod ini ang siling sang Ginuo: Kinaalam para sa akon alagad nga si David W. Patten nga tapuson niya ang tanan niya nga transaksyon sa negosyo sa labing madali nga panahon, kag idispatsar ang iya mga baligya agud matuman niya ang isa ka misyon sa akon sa madason nga tigpamulak nga kaupod ang iban, bisan pa dose lakip ang iya kaugalingon nga magpamatuod parte sa akon ngalan kag magpahayag sang maayong balita sa bilog nga kalibutan.

2 Kay sa pagkamatuod ini ang siling sang Ginuo, nga kon may yara sa inyo nga nagapanghiwala sang akon ngalan, pagabuslan sila sang iban kag pagabatonon ang ila pagkaobispo. Amen.