Seksyon 2
Pinili nga bahin sa kasaysayan ni Joseph Smith nga nagasaysay sang mga pulong sang anghel nga si Moroni kay Joseph Smith nga Propeta samtang sa balay sang amay sang Propeta sa Manchester, New York, sa gab-i sang ika-21 sang Septyembre 1823. Si Moroni ang katapusan sang malaba nga linyada sang mga tagsulat sang kasaysayan nga naghimo sang kasulatan nga subong yara sa kalibutan nga ginakilala bilang ang Libro ni Mormon. (Ikomparar ang Malaquias 4:5–6; amo man ang mga seksyon 27:9; 110:13–16; kag 128:18.)
1, Si Elias magapahayag sang pagkapari; 2–3, Ang mga promisa sang mga amay itanom sa mga tagipusuon sang mga anak.
1 Tan-awa, ipahayag ko sa inyo ang Pagkapari paagi sa kamot ni Elias nga propeta antes mag-abot ang dako kag makahaladlok nga adlaw sang Ginuo.
2 Kag itanom niya sa mga tagipusuon sang mga anak ang mga promisa nga ginhimo sa mga amay, kag ang mga tagipusuon sang mga anak magaliso sa ila mga amay.
3 Kon indi mangin amo sini, ang bilog nga duta lubos nga maguba sa iya pagkari.