Seksyon 125
Rebelasyon nga ginhatag paagi kay Joseph Smith nga Propeta sa Nauvoo, Illinois sang Marso 1841 parte sa mga Santos sa Iowa nga teritoryo sang Estados Unidos.
1–4, Ang mga Santos dapat magtukod sang mga siyudad kag magtipon sa mga estaka sang Sion.
1 Ano ang pagbuot sang Ginuo parte sa mga santos sa Iowa nga Teritoryo?
2 Sa pagkamatuod, ini ang siling sang Ginuo sa inyo, kon inang mga nagatawag sang ila mga kaugalingon sa akon ngalan kag nagatinguha nga mangin akon mga santos, kon luyag nila nga himuon ang akon pagbuot kag tumanon ang akon mga kasugoan parte sa ila, patipona sila sa mga lugar nga ihatag ko sa ila paagi sa akon alagad nga si Joseph, kag patukora sila sang mga siyudad sa akon ngalan agud mangin handa sila sa sinang natigana para sa palaabuton.
3 Patukora sila sang isa ka siyudad sa akon ngalan sa duta nga sa pihak sang siyudad sang Nauvoo, kag pangalanan ini nga Zarahemla.
4 Kag ang tanan nga nagahalin sa este, kag sa weste, kag sa norte, kag sa sur nga luyag magpuyo dira, papuy-a sila sa ila panublion sa sinang lugar, kag sa siyudad man sang Nashville ukon sa siyudad sang Nauvoo, kag sa tanan nga estaka nga akon ginhatag, siling sang Ginuo.