Seksyon 126
Rebelasyon nga ginhatag paagi kay Joseph Smith nga Propeta sa balay ni Brigham Young sa Nauvoo, Illinois sang ika-9 sang Hulyo 1841. Sa sini nga tion si Brigham Young ang Pangulo sang Korum sang Dose ka Apostoles.
1–3, Si Brigham Young gindayaw bangod sang iya mga pagpangabudlay kag ginpapahuway sa pagbiyahe sa iban nga lugar.
1 Mahal kag pinalangga ko nga utod, Brigham Young, sa pagkamatuod ini ang siling sang Ginuo sa imo: Brigham, alagad ko, wala na ginapangayo sa imo kamot nga bayaan mo ang imo pamilya pareho sang una kay nagakaangay ang imo halad sa akon.
2 Nakita ko ang imo pagpangabudlay kag pagpanikasug sa mga pagpanglakaton para sa akon ngalan.
3 Gani, ginasugo ko ikaw nga ipadala ang akon pulong sa iban nga lugar, kag hatagan sing maayo gid nga pagtatap ang imo pamilya halin sa sini nga tion, padayon tubtob sa wala’y katapusan. Amen.