iVolanikalou
Vunau kei na Veiyalayalati 85
iVakamacala e botona e ra
Ulutaga

Wase 85

Na ivakatakila sa soli yani mai vei Josefa Simici na Parofita mai Katiladi, Oaio, ena 27 ni Noveba, 1832. E tauri na wase oqo mai na nona ivola na Parofita vei Viliame W. Felepi ka sa vakaitikotiko mai Inidipenideni e Misuri. A sauma na vakatataro me baleti ira na Yalododonu era sa toki ki Saioni ia era a sega ni muria na ivakaro me ra vakatabuya na iyauqaqa era taukena ka ra se bera kina ni ciqoma na nodra ivotavota vakawa me vaka na kena ivakarau tudei ena Lotu.

1–5, Me na ciqomi na ivotavota vakawa mai Saioni ni sa vakatabui mai; 6–12, Ena solia vei ira na Yalododonu mai Saioni na nodra ivotavota vakawa e dua sa kaukauwa ka qaqa.

1 Sa itavi nei koya sa lesi me vunivola ni Turaga, me vola tiko e dua na itukutuku, kei na dua na aivolatukutuku raraba ni veika kece e yaco tiko mai Saioni me baleta na lotu, ka vakakina me baleti ira era bvakatabuya mai na nodra iyau, ka ciqoma na ivotavota vakawa me vaka na kena ivakarau vakalawa mai vua na bisopi;

2 Ka vakatalega kina na nodra ivakarau ni bula, na itovo ni nodra vakabauta kei na cakacaka; kei ira na vukitani era a qai vukitani ni ra sa ciqoma oti na nodra ivotavota vakawa.

3 Sa veisaqasaqa kei na nona lewa kei na ivakaro ni Kalou me volai vata na yacadra o ira era a sega ni ciqoma na nodra ivotavota vakawa ena avakatatabu, me vaka sa vakadonui ena nona lawa, a solia ko koya, me rawa kina ni ra saumi bikatini na nona tamata, me ra vakarautaki kina ki na siga ni cveisausaumi kei na veivakamai, vata kei ira na tamata ni Kalou.

4 Me kakua talega ni maroroi na nodra ivolatukutuku ni kawa, se me tu ena dua na vanua ka na kunei kina vata kei na ivolatukutuku se itukutuku makawa ni lotu.

5 Me na kakua ni kunei na yacadra, se na yacadra na nodra qase, se ko ira na luvedra ena aivola ni lawa ni Kalou, sa kaya na Turaga ni Lewevuqa.

6 Io, sa kaya vakaoqo na domo lailai amalumu sa vakasolokakana yani ka blaubasikata na ka kecega, ia ena vuqa na gauna sa dau kuretaka na noqu sui ni sa rogo mai na domona ka kaya:

7 Ka na qai yaco, niu na tala yani koi Au na Turaga na Kalou, e dua sa kaukauwa sara ka qaqa, a sa taura e ligana na ititoko ni kaukauwa, sa vakaisulu ena rarama me ubi koya, sa cavuta mai gusuna na vosa, na vosa tawamudu; na lomana sa ivurevure ni ka dina, me vakadodonutaka na vale ni Kalou, ka na tuvalaka tale ga na nodra ivotavota vakawa na yalododonu sa kunei na yacadra, kei na yacadra na nodra qase, kei ira na luvedra, sa volai ena ivola ni lawa ni Kalou;

8 Ia na tamata koya, sa kaciva ka lesia na Kalou, sa dodoka na ligana me vakadodonutaka na akato ni Kalou, ena vakabalei ena moto ni veivakamatei, me vaka e dua na vunikau sa lidika na yaseyase.

9 Ia ko ira kecega sa sega ni volai na yacadra ena aivola ni vakananumi, ena sega na nodra ivotavota dodonu ena siga ko ya, ia era na muduki tani ka ra na vakaivotavota vata kei ira sa tawavakabauta, ena vanua ni btagi kei na vakasequruqurubati.

10 Au sa sega ni tukuna vakai au ga na veika oqo; ia me vaka ni sa tukuna na Turaga, ena vakayacora tale ga ko koya.

11 Ia ko ira ena Matabete Levu, ka vakatalega kina ko ira ena matabete lailai, se ko ira na lewenilotu, ka sega ni kunei na yacadra ena aivola ni lawa, se ko ira sa kunei ni ra sa bvuki tani, se ni ra sa cmuduki tani mai na lotu, era na sega ni vakaivotavota vata kei ira na yalododonu i Koya sa Cecere Sara ena siga ko ya;

12 O koya, ena vakayacori kina vei ira me vaka ka a yaco vei ira na luvedra na bete, io me vaka sa volai tu ena ivola i Esera, wase e rua tikina e onosagavulu kadua kei na onosagavulu karua.