Wase 131
Na ivakaro mai vei Josefa Simici na Parofita, a soli mai Reimasi, Ilinoi, ena 16 kei na 17 ni Me 1843.
1–4, E gadrevi na vakamau vakasilesitieli me da bula vakacerecerei kina ena lomalagi cecere duadua; 5–6, Sa vakamacalataki na sala ena vauci kina na tamata ki na bula tawamudu; 7–8, Sa vakavatukana na yalo kecega.
1Â E tolu na lomalagi se na ivakatagedegede ena lagilagi vakasilesitieli;
2Â Me rawata na ivakatagedegede e cake sara, sa dodonu vua e dua na tamata me na curu ena ivakarau oqo ni matabete [na kena ibalebale na veiyalayalati vou ka tawamudu ni vakamau];
3Â Ia kevaka e sega, ena sega sara ni rawata.
4Â Ena rawa beka ni curu ki na dua tale, ia sa yala ga e keri na nona matanitu; sa na sega ni rawa ni vakawa.
5Â (17 ni Me, 1843.) Na vosa ni parofisai veivakadeitaki e kena ibalebale na nona kila e dua na tamata ni sa vauci ki na bula tawamudu, ena ivakatakila kei na yalo ni parofisai, ena kaukauwa ni Matabete Tabu.
6Â Raica sa ka dredre me vakabulai na tamata ena nona lecaika.
7Â E sega ni dua na ka e sega na vatukana. Raica sa vakavatukana na yalo kecega, ia sa rui savasava ka uasivi sara, a sa rawa wale ga me raici ena mata sa savasava sara;
8Â Eda sega ni raica rawa; ia ni sa vakasavasavataki na yagoda, sa qai rawa ni da raica na vatukadra.