Alma

Diyin God Bizaad

Naaltsoos Mormon Wolyéhígíí

Dabiyi’ígíí
Saad Bee Ąą Álnéehii dóó Daʼiiłtsáanii
1 Nephi
2 Nephi
Jacob
Enos
Jarom
Omni
Mormon Bizaad
Mosiah
Alma
Helaman
3 Nephi
4 Nephi
Mormon
Ether
Moroni
Saad Baa Dahaneʼígíí Naaltsoos Mormon Wolyéhígíí Dabiyiʼ

Alma

Wóltaʼii 1
Nehor éí naʼnitin tʼóó ádaatʼéehígíí yee naʼnitin, tʼáá bí bisodizin łaʼ yee hodeezʼąʼ, doo yáʼádááshóonii háyííłwod, dóó Gideon yiyístxį́—Nehor adąąhdahnahátʼaʼgo biʼdiistsxį́—Diyin bizaad ndeigizgo nidaʼnitin dóó atíʼílį́ áhidiníłʼnáágóó diné bitah hazlį́į́ʼ—Priest danilínígíí éí tʼáá bí ádikʼindaaldzil, diné éí baa dahojoobáʼígíí yaa ádahaalyą́, dóó Diyin biSodizin bidziil silį́į́ʼ. Jesus bidiʼdoochííłjįʼ 91–88 B.C. yihahgo ádahóótʼįįd.
Wóltaʼii 2
Amlici aláahdi naatʼáanii deeshleeł nízingo yíká átʼį́ ákondi diné doo dabinízin da—Bikééʼ deiyíkáhígíí aláahdi naatʼáanii ádabiilaa—Amlici dineʼé éí Nephi dineʼé yichʼįʼ dadeezbaaʼ ńtʼę́ę́ʼ bikʼih hodeesdlį́į́ʼ—Laman dineʼé dóó Amlici dineʼé bikʼih hodeesdlį́į́ʼ dóó ałhííkai—Alma éí Amlici yiyeesxį́. Jesus bidiʼdoochííłjįʼ 87 B.C. yihahgo ádahóótʼįįd.
Wóltaʼii 3
Diyingo haʼoodzííʼyę́ę bikʼehgo Amlici dineʼé ákʼindaʼashdléézh—Laman dineʼé ákʼihjįʼdaazliʼígíí biniinaa hóyéeʼgo báhaʼoodzííʼ—Nihokááʼ dineʼé bąąhági ádaadzáaʼígíí binahjįʼ hóyéeʼgo ákʼihjįʼ ninádeestʼąh—Nephi dineʼé nááná łaʼ Laman dineʼé ndaabaahii yikʼeh dadeesdlį́į́ʼ. Jesus bidiʼdoochííłjįʼ 87–86 B.C. yihahgo ádahóótʼįįd.
Wóltaʼii 4
Alma éí ląʼí dimííl daʼoosdląądígíí tó yee yiyiisį́į́ʼ—Bąąhági ádaatʼéii Sodizin biyiʼ hazlį́į́ʼ, dóó Sodizin náás bił hoolzhishyę́ę dahnáskid—Nephihah éí aláahdi ánahwiiʼáahii nilį́ doogo bikʼihodiiniiʼ—Alma, éí high priest nilį́įgo, diyingo naʼnitin yaaʼáʼdeetʼą́. Jesus bidiʼdoochííłjįʼ 86–83 B.C. yihahgo ádahóótʼįįd.
Wóltaʼii 5
Yisdáʼadoodáałgo, diné tʼáá ałtso ádaańdaʼdookąął dóó Diyin God bibee hazʼáanii yikʼeh hółʼį́į dooleeł, diyingo náádabiʼdiʼdoochííł nahalingo adabidiʼdoolnííł, Christ bidił deeznaʼígíí biníkááʼ góneʼ biʼééʼ bee táádadoogis, hojoobaʼ ádadiʼdoolnííł dóó ádaahodzódlí dóó ádáʼhonooníh yóóʼ adeididooʼááł, dóó yáʼátʼéehgo ádaʼálʼíinii yindaalnish dooleeł—Dibé Yaaʼáhályá Yáʼátʼéehii bidineʼé yiká ání—doo yáʼáshǫ́ǫ́góó ádaʼałʼíinii éí biʼiiníziinii baʼáłchíńí danilį́—Alma Diyin binaʼnitin tʼáá aaníigo yaa hoolneʼ dóó diné ádaa ndaʼookąąh yidííniid—Diyinkʼehgo dahináanii dabízhiʼ iiná binaaltsoos biyiʼ ádadoolnííł. Jesus bidiʼdoochííłjįʼ 83 B.C. yihahgo ádahóótʼįįd.
Wóltaʼii 6
Zarahemladi sodizin éí bąąhágiʼ ádaatʼéii bąąh adingo ályaa dóó diyingo hadilyaa—Alma éí naʼdinootʼį́į́ł biniyé Gideongóó ííyá. Jesus bidiʼdoochííłjįʼ 83 B.C. yihahgo ádahóótʼįįd.
Wóltaʼii 7
Christ éí Mary bidoołchííł—Anoonééł bitłʼóól kʼíídiyooʼah dóó Bidineʼé bibąąhági ádaatʼéii akʼiididootʼááł—Ádaańdaʼooskanígíí, tó bee dabiʼdiilzį́į́ʼ, dóó bee hazʼáanii yikʼehdahółʼínígíí hoolʼáágóó iiná baa dadoolyééł—Doo yáʼádaashónígíí doo Diyin God bił hazʼą́ baa dahidoolyééł da—Aʼohgo ajoobaʼ, oodląʼ, sih hasin, dóó diyingo ayóóʼóʼóní hwee hólǫ́ǫgo tʼéiyá. Jesus bidiʼdoochííłjįʼ 83 B.C. yihahgo ádahóótʼįįd.
Wóltaʼii 8
Alma Melekdi naʼnitin dóó tó yee íísį́į́ʼ—Ammonihahdi doo dabinízingóó biniinaa tʼóó dahdiiyá—Diyin Yá Naalʼaʼí ákǫ́ǫ́ nídíídááł dóó diné ádaańdaʼoohkąąh bidiníigo bee bichʼįʼ hadíídzih biʼdooniid—Amulek yah abíílóóz, dóó tʼáá áłah Ammonihahdi naʼneeztʼą́ą́ʼ. Jesus bidiʼdoochííłjįʼ 82 B.C. yihahgo ádahóótʼįįd.
Wóltaʼii 9
Alma Ammonihah bidineʼé ádaańdaʼoohkąąh yiłní—Bóhólníihii Laman dineʼé akéedi dayoołkáałdi yaajidoobaał—Nephi dineʼé diyingo adinídíín doo deiniizį́į́ʼgóó, Laman dineʼé ndabidoołtsxił—Diyin God biYeʼ hodíínaʼgo doogááł—Ádaańdaʼooskanígíí, tó bee dabiʼdoolzį́ʼígíí, dóó bizhiʼ deiyoodlánígíí yá ninaʼdoodlééł. Jesus bidiʼdoochííłjįʼ 82 B.C. yihahgo ádahóótʼįįd.
Wóltaʼii 10
Lehi éí Manasseh yitsʼą́ą́dóó yigááł—Amulek éí Diyin yá naalʼaʼí Alma baa áhólyá bił nínée yaa hoolneʼ—Diyinkʼehgo deiyíkáhígíí bisodizin yee diné yisdáyínil—Aghadiitʼaahii dóó andawiiʼáahii doo yáʼádaatʼééhii diné ndabidooltsxiłgo yá hashtʼeʼdahóola. Jesus bidiʼdoochííłjįʼ 82 B.C. yihahgo ádahóótʼįįd.
Wóltaʼii 11
Nephi dineʼé bibéeso naachʼid chʼétʼą́—Amulek Zeezrom saad yił ahíítʼááh—Christ diné bąąhági ádaatʼį́įgo doo yisdéidoonił da—Yáʼąąsh bił hazʼą́ądi bá dahooʼaʼígíí tʼéiyá yisdáhidookah—Diné tʼáá ałtso bitsʼíís dahólǫ́ǫgo ahooláago náádahiidoonaał—Nááʼiiná bikééʼdóó anoonééł ádin. Jesus bidiʼdoochííłjįʼ 82 B.C. yihahgo ádahóótʼįįd.
Wóltaʼii 12
Alma Zeezrom yichʼįʼ yałtʼiʼ—Diyin God bitsʼą́ą́dę́ę́ʼ tʼáá aaníinii tʼahdoo ííshją́ą́ ádaalnéehii daʼoodláanii tʼéiyá bichʼįʼ kódoolnííł—Diné bintsékees, bedaʼoodląʼ, dabizaad, dóó yindaashnish yę́ę bikʼehgo bá ndahwiidootʼááł—Diné bąąhági ádaatʼínii iiʼ sizíiniikʼehgo bichʼįʼ ndahwiiʼnáago dínóonééł—Díí atsʼíís anoonééł bidééłníigo iinánígíí éí nabidiʼnitaahgo bił hazʼą́—Nináʼílyáago hootʼááł Náádaʼiiná yee hoołʼaʼ dóó, bedaʼoodląʼ binahjįʼ ádaańdaʼooskango bibąąhági ádaatʼéii bá yóóʼadahideestʼą́—Ádaańdaʼooskanígíí éí aYeʼ Tʼáá Éí Tʼéiyá Yizhchíinii binahjįʼ ajoobaʼ baa dadoolyééł. Jesus bidiʼdoochííłjįʼ 82 B.C. yihahgo ádahóótʼįįd.
Wóltaʼii 13
Hastóí bidaʼoodląʼ yee dabidziil dóó nizhónígo Diyin yá ndaalnishígíí biniinaa high priest dadooleełgo biká áʼdooniid—Diyin bibee hazʼáanii yee ndaʼnitin dooleeł—Diyinkʼehgo deiyíkááhgo hadaałtʼé dadooleeł dóó Bóhólníihii yáʼąąsh góneʼ yił yah ahidookah—Melchizedek éí díí atah jílį́į́ ńtʼę́ę́ʼ—Diyin Yá Ndaalʼaʼí adawiisʼáágóó haneʼ baa hózhóonii yaa dahalneʼ—Éí Christ tʼáá íiyisíí doogááł daaníigo ííshjání ádeidoolííł. Jesus bidiʼdoochííłjįʼ 82 B.C. yihahgo ádahóótʼįįd.
Wóltaʼii 14
Alma dóó Amulek awáalyah abiʼdoonil dóó atíbiʼdiilyaa—Daʼoodlánígíí dóó Diyin bizaad dílzingo bee akʼedaʼashchínígíí nídahásdzohígíí kǫʼ bee adahideeskʼą́ą́ʼ—Daʼoodlą́ągo ndabiʼdiztséédígíí éí ayóó átʼáo Bóhólníihii ndabididoonił—Awáalyah bee alyáahígíí dahastʼǫ́ dóó niʼjįʼ ndahásdaaz. Alma dóó Amulek éí yisdáátʼéézh, dóó atidabilaa yę́ę éí ndabiʼdistseed. Jesus bidiʼdoochííłjįʼ 82–81 B.C. yihahgo ádahóótʼįįd.
Wóltaʼii 15
Alma dóó Amulek Sidomgóó niʼáázh dóó sodizin báhooghan niiníʼą́—Alma Zeezrom néidiiłá, éí sodizin yidiiyá—Ląʼída tó bee dabiʼdoolzį́į́ʼ, dóó sodizin ałʼąą naaznil daazlį́į́ʼ—Alma dóó Amulek Zarahemlagóó níʼáázh. Jesus bidiʼdoochííłjįʼ 81 B.C. yihahgo ádahóótʼįįd.
Wóltaʼii 16
Laman dineʼé éí Ammonihah bidineʼé ndeistseed—Zoram éí Nephi dineʼé biʼnaatʼáanii naabaahí nilį́įgo Laman dineʼé yikʼehdadeesdlį́į́ʼ—Alma dóó Amulek dóó ląʼída Diyin bizaad yee ndaʼneeztʼą́ą́ʼ—Christ Nááhiinaʼ dóó bikʼijįʼ Nephi dineʼé yichʼįʼ ííshją́ą́ ídidoolnííłgo yee ndeineeztʼą́ą́ʼ. Jesus bidiʼdoochííłjįʼ 81–77 B.C. yihahgo ádahóótʼįįd.
Wóltaʼii 17
Mosiah biyeʼké diyingo áhodooníłígíí dóó diyingo ił ííshą́ą́ ályaaígíí bee dahólǫ́—Daniłtsʼą́ą́ʼjigo dahdiikai Laman dineʼé diyin bizaad yee ndeidinóótʼį́į́łgo—Ammon éí Ishmael bikéyahgóó níyá dóó aláahdi naatʼáanii Lamoni yá naalʼaʼí silį́į́ʼ—Ammon aláahdi naatʼáanii bidibé yisdeinííłkaad dóó beʼanaaʼí tó siyį́ Sebusdi neistsééd. Saad dahshijaaʼ 1–3, Jesus bidiʼdoochííłjįʼ 77 B.C. yihahgo ádahóótʼįįd; saad dahshijaaʼ 4, Jesus bidiʼdoochííłjįʼ 91–77 B.C. yihahgo ádahóótʼįįd; dóó saad dahshijaaʼ 5–39, Jesus bidiʼdoochííłjįʼ 91 B.C. yihahgo ádahóótʼįįd.
Wóltaʼii 18
Aláahdi naatʼáanii Lamoni éí Ammon Iiʼ Sizį́ Ayóóʼátʼéii nilį́ niizį́į́ʼ—Ammon éí aláahdi naatʼáanii Tʼáá Ałtsoní Adaalyaai yee neineeztą́ą́ʼ, Diyin God nihokááʼ dineʼé yił naalnishígíí, dóó Christ tʼáá bí nináʼnídláhígíí—Lamoni oosdląąd dóó niʼjįʼ naaʼíítłizh bizééʼ hazlį́į́ʼ nahalingo. Jesus bidiʼdoochííłjįʼ 90 B.C. yihahgo ádahóótʼįįd.
Wóltaʼii 19
Lamoni hoolʼáágóó iiná bibeeʼadinídíín beilyá dóó Nináʼnídláii yiyiłtsą́—bighandóóʼígíí tʼóó bił ádahoodzaa, dóó łąʼída Diyin yá ndaalʼaʼí deiyiiłtsʼą́—Ammon ayóó átʼáo baaʼáhóóyąąd—Ląʼída tó yee yiyiisį́į́ʼ dóó sodizin yihidiikai. Jesus bidiʼdoochííłjįʼ 90 B.C. yihahgo ádahóótʼįįd.
Wóltaʼii 20
Bóhólníihii Ammon Middonigóó ayííłʼaʼ áko bikʼiské awaalyahdééʼ chʼéédooʼnił biniyé—Ammon dóó Lamoni éí Lamoni bizhéʼé yił ahííʼkai, éí kéyah tʼáá náhwiisʼą́ą́dééʼ yee bóhólnííh—Ammon áláahdi haastihígíí naatʼáanii awaalyahdééʼ bikʼiské yééʼdoołnihgo yíyíkeed. Jesus bidiʼdoochííłjįʼ 90 B.C. yihahgo ádahóótʼįįd.
Wóltaʼii 21
Aaron éí Amaleki dineʼé Christ dóó Bąąhági Átʼéii Yikʼé Nináʼílyáhígíí yee neineeztʼą́ą́ʼ—Aaron dóó bikʼiské éí Middonidi awáályah naháaztą́—Chʼéébiʼdootʼeezhgo, daʼoodlání áłah nídaadleehdi nidaʼneeztʼą́ą́ʼ dóó ląʼída daʼoosdląąd—Lamoni éí Ishmaeldi diné kéédahatʼinígíí bidaʼoodląʼ tʼáá bí bídahólnííhgo yá hoołʼaʼ. Jesus bidiʼdoochííłjįʼ 90–77 B.C. yihahgo ádahóótʼįįd.
Wóltaʼii 22
Aaron Lamoni bizhéʼé nihosdzáán álnéé, Adam asih yę́ę, dóó Christ binahjįʼ nináʼílyáago hootʼááł yee neineeztʼą́ą́ʼ—Aláahdi naatʼáanii dóó bighan dóóʼígíí diyin yikééʼ deizįʼ—Nephi dineʼé dóó Laman dineʼé bitaʼgi kéyah ałtsánil baa hóóneʼ. Jesus bidiʼdoochííłjįʼ 90–77 B.C. yihahgo ádahóótʼįįd.
Wóltaʼii 23
Diné tʼáá bí ádeinízingo daʼoodląʼ bee haʼoodzííʼ—Laman dineʼé tsostsʼid kéyah bikááʼgóó dóó kin hadaasʼą́ą́góó Diyin deiyoosdląąd—Éí Anti-Nephi-Lehi dineʼé bízhiʼgo ádeiyiilaa dóó bikʼihjįʼ haʼoodzį́į́ʼ yę́ę nahjįʼ kólyaa—Amaleki dineʼé dóó Amulon dineʼé diyingo tʼáá aaníinii doo deiniizį́į́ʼ da. Jesus bidiʼdoochííłjįʼ 90–77 B.C. yihahgo ádahóótʼįįd.
Wóltaʼii 24
Laman dineʼé diné Diyin God yikééʼ naazínígíí yikʼijįʼ dadeezbaaʼ—Anti-Nephi-Lehi dineʼé Christ yaa bił dahózhǫ́ dóó Diyin yá ndaalʼaʼí baa daaskai—Tiʼdahooʼnííhgo ndabiʼdistseed ndi doo áchą́ą́ ndadiibah da danízin—Ląʼí Laman dineʼé ináádiikai. Jesus bidiʼdoochííłjįʼ 90–77 B.C. yihahgo ádahóótʼįįd.
Wóltaʼii 25
Laman dineʼé bádahachįʼgo kʼeeʼąą kódzaa—Noah bipriest danilínígíí bá áłchíní ndaʼbiʼdistseed Abinadi yaa haadzííʼ yę́ęgiʼ átʼáo—Tóó ahayóí Laman dineʼé daʼoosdląąd dóó Anti-Nephi-Lehi bidineʼé yidiikai—Éí Christ deiyoodlą́ dóó Moses bibee hazʼáanii yikʼeh dahoołʼį́. Jesus bidiʼdoochííłjįʼ 90–77 B.C. yihahgo ádahóótʼįįd.
Wóltaʼii 26
Ammon Diyin Bóhólníihii ayóó átʼáo yaahaniih—Daʼoodlánígíí éí Diyin Bóhólníihii bidziilgo áyiilaa dóó ééhózin baadahasyaʼ—Oodląʼ bee nihokááʼ dineʼé damiil yázhí bilááhgóó ndeidooʼishgo ádaandaʼdookąął—Diyin God tʼáá átʼé adziilii bee hólǫ́ dóó tʼáá ałtsóní bił bééhózin. Jesus bidiʼdoochííłjįʼ 90–77 B.C. yihahgo ádahóótʼįįd.
Wóltaʼii 27
Diyin Bóhólníihii Ammon Anti-Nephi-Lehi bidineʼé doo atídadoolnííłjįʼ niiníʼeezh—Alma yił ahííʼaazhgo, Ammon bił hóózhǫǫd biniinaa beʼadziil ałtso bąąh nahóókaad—Nephi dineʼé Anti-Nephi-Lehi dineʼé Jershon kéyah yaa deideezʼą́—Éí Ammon bidineʼé daolyé. Jesus bidiʼdoochííłjįʼ 90–77 B.C. yihahgo ádahóótʼįįd.
Wóltaʼii 28
Tʼóó baahádzidgo anaaʼ daʼazlį́į́ʼgo Laman dineʼé bikʼehodeesdlį́į́ʼ—Neeznáadi dimííl yázhí ałhą́ą́h nániiláo ndabiʼdistseed—Bąąhági átʼéii beʼiinaʼ ádeiyiiláahígíí hoolʼáágóó tíhooʼniih bee bá hazʼą́; diyinkʼehgo deiyíkáhígíí éí íł hózhǫ́ doo ninítʼiʼii ńdeididoolééł. Jesus bidiʼdoochííłjįʼ 77–76 B.C. yihahgo ádahóótʼįįd.
Wóltaʼii 29
Alma éí Diyin yá ndaalʼaʼí yíneidlínígiʼ átʼáo diné ádaańdaʼoohkąąh yididooniiłgo yínízin—Diyin Bóhólníihii éí tʼáá ałtso adahwiisʼáago ndaʼdinootʼį́łígíí yá lą́ʼ asłį́į́ʼ—Alma éí Diyin Bóhólníihii binaanish dóó Ammon dóó bikʼéí nizhónígo adaʼiilaaʼígíí yaa haniih. Jesus bidiʼdoochííłjįʼ 76 B.C. yihahgo ádahóótʼįįd.
Wóltaʼii 30
Korihor, Christ-yitsʼą́ą́jí nilíinii, Christ, dóó Bąąhági Átʼéii Bikʼé Nináʼílyáhígíí, dóó diyingo áhodooníłígíí tʼóó yeidloh—Diyin God doo hólǫ́ǫ da, tʼáadoo nihokááʼ dineʼé yóóʼíyáa da, bąąhági átʼéii éʼélʼį́įgo doo bikʼeʼazláa da, dóó Christ doo hólǫ́ǫ da níigo yee naʼnitin—Alma tʼáá aaníí áníigo Christ doogááł dóó tʼáá ałtsóní Diyin God hólǫ́ǫgo yaa dahalneʼ—Korihor bee bił ééhódoozįįłígíí tʼáá naʼníleʼdii yókeed dóó doo haadziihgóó ábiʼdiilyaa—Biʼiiníziinii éí Diyin yá naalʼaʼí nahalingo Korihor yichʼįʼ ííshjání aʼdiilyaa dóó yee hadoodzihígíí yee nabineeztʼą́ą́ʼ—Korihor bikʼi naʼasdééʼgo daaztsą́. Jesus bidiʼdoochííłjįʼ 76–74 B.C. yihahgo ádahóótʼįįd.
Wóltaʼii 31
Zoram naʼnitin bee bikʼihodiiniiʼ éí dineʼé sodizin yitsʼáhaaskaiʼígíí ałhąą ándoolnííł biniyé Alma dahadiiʼeezh—Zoram dineʼé éí Christ doo deiyoodlą́ą da, doo ákótʼéego ákʼihodiinííh deiyoodlą́, dóó sodizin tʼáá íídą́ą́ʼ ałkééʼ ndaasnilígíí yee ndahałá—Diyin yá ndaʼnitiní Iiʼ Sizį́ Diyiinii biiʼ dahólǫ́—Biʼatiʼhoonííh Christ bee iłhózhǫ́ yee yá yikʼehdeesdlį́į́ʼ. Jesus bidiʼdoochííłjįʼ 74 B.C. yihahgo ádahóótʼįįd.
Wóltaʼii 32
Alma diné baa dahojoobáʼgíí neineeztą́ą́ʼ éí tiʼhoonííh baa dahojoobaʼígo ádabiilaa—Oodląʼ haʼoolní átʼé háálá tʼáá aaníinii doo biyiʼ yitʼį́į da—Alma ádííniid Diyin yá ndaalʼaʼí hastóí, sáanii, dóó áłchíníyíkaʼandaalwoʼ—Alma éí Diyin God binaʼnitin ałástsiiʼ nahalin ní—Éí kʼididoolyééł dóó baa áháyą́ą doo—Áádóó tsin dooleeł bitsʼą́ą́dóó hoolʼáágóó iiná bineestʼąʼgo bąąh niʼdidootʼááł. Jesus bidiʼdoochííłjįʼ 74 B.C. yihahgo ádahóótʼįįd.
Wóltaʼii 33
Zenos éí nihokááʼ dineʼé tʼáá nihił ndahazʼáagóó sodadołzin dóó dahodinóhsin yiłníigo neiʼneeztʼą́ą́ʼ, dóó Diyin biYeʼ binahjįʼ nihánahidootʼááłígíí nahjįʼ kódaalyaa—Zenock éí Diyin biYeʼ binahjįʼ ajoobaʼ aadahaasyá níigo yee naʼneeztʼą́ą́ʼ—Moses éí Diyin God biYeʼ tʼóó beʼalyaaʼígíí doo kééhojitʼínídi yitʼį́įgóó áyiilaa. Jesus bidiʼdoochííłjįʼ 74 B.C. yihahgo ádahóótʼįįd.
Wóltaʼii 34
Amulek aní saad bee yisdáʼdoodáłígíí éí Christ biiʼ hólǫ́—Nihokááʼ dineʼé tʼáá ałtso hoolʼáágóó tíhoonííh dooleeł, tʼáá hazhóʼó bąąhági átʼéii bikʼé nináʼílyáago tʼéiyá—Moses bibee hazʼáanii tʼáá átʼé Diyin God biYeʼ nináʼádeetʼą́ągo yaa halneʼ—Díí hoolʼáágóó nináʼílyáago hootʼááł éí oodląʼ dóó ádaanáʼookąąh bee hadilyaa—Atsʼíís dóó iiʼ sizíinii bee akʼihojídlí bíká sodadołzin—Díí iiná biyiʼ nihokááʼ dineʼé Diyin God yił yahanáhidookahgo hashtʼeʼádaʼdilnééh—Diyin God bichʼįʼ hodíínóhsingo yisdádookahígíí bindaałnish. Jesus bidiʼdoochííłjįʼ 74 B.C. yihahgo ádahóótʼįįd.
Wóltaʼii 35
Diyin God bizaad bee naʼnitingo Zoram dineʼé bindaʼagiz yę́ę dááchxǫʼ—Éí idahidiikaiʼyę́ę chídeineeskaad, éí Jershondi Ammon bidineʼé yidiikai—Alma diné bąąhágiʼ ádaatʼinígíí biniinaa yínííł silį́į́ʼ. Jesus bidiʼdoochííłjįʼ 74 B.C. yihahgo ádahóótʼįįd.
Wóltaʼii 36
Alma Diyin yá naalʼaʼí yiyiłtsą́ągo oosdląąd éí tʼáá aníí áhóótʼįįdgo Helaman yee yił hoolneʼ—Biiʼ sizíinii chʼį́į́dii nabiloʼgo yikʼee tiʼhoozniiʼ; Jesus bizhiʼ yíká ádííniid, dóó Diyin God yeʼaweeʼ niłį́įgo yaa ákoniidzį́į́ʼ—Aláahdi ił hózhóonii biyiʼdi hadéébįįd—Ląʼí Diyin yá ndaalʼaʼí Diyin God yaadahaniihgo yiyiiłtsą́—Bił ííshją́ą́ ályaa dóó yiyiłtsánígíí ląʼída tʼáá ákotʼáó daʼoosdląąd. Jesus bidiʼdoochííłjįʼ 74 B.C. yihahgo ádahóótʼįįd.
Wóltaʼii 37
Béésh łitsoii tʼąhí dóó łaʼ Diyin bizaad bee akʼedaʼashchínígíí hashtʼeʼniiʼnilígíí éí iiʼ naazíinii yinahjįʼ yisdádookah. Jared dineʼé doo yáʼáshoonii yaa naakaiígíí biniinaa ábiʼdisdį́į́d—Bibee óʼoolʼįįł ndeiniłʼinígíí dóó yee yił ahadaʼdeestʼánígíí éí yéego diné bitsʼą́ą́jį kólzin doo—Diyin Bóhólníihii tʼáá ałtso ádíílíłígíí bee bił nahóʼá—Liahona éí Nephi dineʼé yikʼehgo yíkai yę́ęgiʼ átʼáo, Christ bizaad éí diné hoolʼáágóó iiná yaa yiiʼéésh. Jesus bidiʼdoochííłjįʼ 74 B.C. yihahgo ádahóótʼįįd.
Wóltaʼii 38
Shiblon éí diyinkʼehgo oodááł yikééʼ sizį́įgo biniinaa atíbiʼdilʼyaa—Christ binahjįʼ yisdáʼiildééh, éí iiná dóó nihokááʼ dineʼé bibee adinídiin nilį́—Tʼáá átʼé bídenílinígíí hazhóʼó naniloʼ. Jesus bidiʼdoochííłjįʼ 74 B.C. yihahgo ádahóótʼįįd.
Wóltaʼii 39
Ajiłii bąąhági áʼtéii éí tsʼídá woolchʼį́įdii átʼé—Corianton bibąąhági ádaatʼéii yaa naagháhígíí biniinaa Zoram dineʼé Diyin bizaad tʼáadoo ndeidiiláa da—Christ nináʼnídláhígíí éí ałkʼidą́ą́ʼ daʼoosdląąd yę́ę yisdéidooʼish. Jesus bidiʼdoochííłjįʼ 74 B.C. yihahgo ádahóótʼįįd.
Wóltaʼii 40
Christ éí tʼáá ałtso nihokááʼ dineʼé náádahiidooʼnaałgo íídoolííł—Diyingo dahiinánée Diyin bikéyah hózhónídi nehakááh dóó bąąhági ádaʼáłʼínígíí éí chahałheeł hazʼą́ądi náádahiidooʼnááłgo yibaʼ—Tʼáá ałtsoní tʼáá ádaatʼéhéegi átʼéego dóó hadaaltʼéego náádahiiʼnáa doo. Jesus bidiʼdoochííłjįʼ 74 B.C. yihahgo ádahóótʼįįd.
Wóltaʼii 41
Nihokááʼ dineʼé ił hózhǫ́ doo ninítiʼii doodago achįʼnahwiiná doo ninítiʼii bił hazʼáadi Náádahiidooʼnaał—Bąąhágiʼ átʼéii tsʼídá tʼáá niléídę́ę́ʼdoo ił hózhóonii átʼée da—Nihokááʼ dineʼé bąąhági ádaatʼínígíí éí Diyin God doo bił hólǫ́ǫ da nahasdzáán bikáaʼgi—Nihokááʼ dineʼé tʼáá łaʼí nízinígo náádahiinaʼgo nahasdzáán bikáaʼgi yee ádaatʼéhę́ę dóó yikʼehgo adaʼałʼínéé baa nídahidoolyééł. Jesus bidiʼdoochííłjįʼ 74 B.C. yihahgo ádahóótʼįįd.
Wóltaʼii 42
Nahasdzáán bikáaʼgi diné nabidiʼnitaah biniyé bá hooʼaʼ áko ádaańdaʼookąąh doo dóó Diyin God yíkáʼanájah doo—Áłtsé asdzáán dóó hastiin ásihyę́ę bitsʼą́ą́dóó atsʼíískʼeh dóó iiʼ sizíiniikʼeh anoonééł hazlį́į́ʼ—Nináʼílyáhígíí binahjįʼ ádaanaʼookąąh bee nihá ahóótʼiʼ—Diyin God Tʼáá Bí nihokááʼ dineʼé bibąąhági ádaatʼéii yá tiʼhoozniiʼ—Ádaandaʼooskanígíí éí Diyin God bibeʼajoobaʼ bá hólǫ́—Łaʼígíí éí tʼáá átʼé Diyin God beʼánihwitʼaah bikʼih siláa doo—Bąąhági Átʼéii Bikʼé Nináʼílyáhígíí binahjįʼ Diyin God bibeeʼajoobaʼ hólǫ́—Ádaańdaʼooskango beʼiina łahgo áńdayiidlaaʼígíí tʼéiyá yisdádookah. Jesus bidiʼdoochííłjįʼ 74 B.C. yihahgo ádahóótʼįįd.
Wóltaʼii 43
Alma dóó biyeʼké diné Diyin bizaad yee ndeinitin—Zoram dineʼé dóó Nephi dineʼé atsʼádahaskaiʼígíí éí Laman dineʼé daazlį́į́ʼ—Laman dineʼé éí Nephi dineʼé yitsʼą́ą́jí daazlį́į́ anaaʼgo—Moroni éí Nephi dineʼé béésh ééʼ yaa yiznil—Diyin Bóhólníihii éí Alma Laman dineʼé yee nidaʼdoobaah binahatʼaʼ yee yił hoolneʼ—Nephi dineʼé éí dabighan, tʼáá bí ádeinízingo kééʼdahatʼį́, dóó bikʼéí, dóó biʼoodląʼ yichʼą́ą́h ndadoobah—Moroni dóó Lehi bándaabaahí Laman dineʼé yináztiʼ. Jesus bidiʼdoochííłjįʼ 74 B.C. yihahgo ádahóótʼįįd.
Wóltaʼii 44
Moroni Laman dineʼé kʼé náhodoodleełgo bee ahadaʼdinoohtʼaah yiłní éí doodaii nidabidiʼdooltsxíl—Zerahemnah bee ahaʼditʼaah doo yinízin da, áádóó naadaʼahiʼniiʼghą́ą́ʼ—Moroni bándaabaahii Laman dineʼé yikʼehdadeesdlį́į́. Jesus bidiʼdoochííłjįʼ 74–73 B.C. yihahgo ádahóótʼįįd.
Wóltaʼii 45
Helaman éí Alma saad yee haadzihígíí yoodlą́—Alma náásgóó áhodoonííł yee haadzííʼ éí Nephi dineʼé ndabidiʼdootsxił—Kéyah yikʼijisdliʼ dóó hoyééʼgo yá haadzííʼ—Alma éí Iiʼ Sizį́ Diyinii yáʼąąshgóó bił dah diiʼáázh, Moses ádzaayę́ęgiʼ átʼáo—Sodizin atah danilínígíí tʼóó yíwohdi ałkʼihnéejah daazʼlį́į́ʼ. Jesus bidiʼdoochííłjįʼ 73 B.C. yihahgo ádahóótʼįįd.
Wóltaʼii 46
Amalickiah éí aláahdi naatʼáanii deeshłeeł nizingo nahonitʼingo yaa hodeezʼą́—Moroni éí tʼáá bí ádeinízingo kéédahatʼį́ bee bééhózin bidahnaatʼaʼí dah yistsooz—Diné ałhąʼ áyiilaa beʼoodląʼ yichʼą́ą́h nidadoobah biniyé—Tʼáá aaníigo daʼoodlanígíí éí Christ Daʼoodlaní daolyé—Joseph baʼáłchíní chʼéédziʼígíí náásgóó baa áháyą́ą doo—Amalickiah dóó atsʼáákaiʼígíí Nephi bikéyahgóó adahineezhchą́ą́ʼ—Tʼáá bí ádeinízingo dahiiná bihootʼááł doo yikééʼ naazínígíí éí ndabidistseed. Jesus bidiʼdoochííłjįʼ 73–72 B.C. yihahgo ádahóótʼįįd.
Wóltaʼii 47
Amalickiah éí naʼadloʼ, naʼatseed, dóó nahonitʼingo éʼéłʼį́ áko Laman dineʼé aláahdi yinaatʼáanii dooleełgo—Nephi dineʼé yitsʼádahaskaiʼígíí Laman dineʼé yiláahdi bąąhágiʼ adaatʼį́ dóó tʼóóʼ bádahádzid. Jesus bidiʼdoochííłjįʼ 72 B.C. yihahgo ádahóótʼįįd.
Wóltaʼii 48
Amalickiah Laman dineʼé Nephi dineʼé yikʼijįʼ hałchįʼ—Moroni bidineʼé Christ deiyoodlą́ągo ádaʼoołʼįįłígíí yichʼą́ą́h ndaabaah doogo yichʼįʼ hashtʼeʼádiilyaa—Tʼáá bí ádeinízingo kéédahatʼį́ dóó tʼáá bí ádáʼntsédaakees éí yaa bił hózhǫ́ dóó Diyin God bidiné ayóó átʼéii nilį́. Jesus bidiʼdoochííłjįʼ 72 B.C. yihahgo ádahóótʼįįd.
Wóltaʼii 49
Laman dineʼé ndaabaahí Ammonihah dóó Noah bikin dashijaaʼ tʼáadoo yikʼeh dadeesdlį́į́ʼ da—Amalickiah Diyin God yiyíídzííʼ dóó Moroni bidił deeshdlį́į́ł dííniid—Helaman dóó bikʼiské Sodizin tʼah hózhǫ́ bidziilgo ádeilééh. Jesus bidiʼdoochííłjįʼ 72 B.C. yihahgo ádahóótʼįįd.
Wóltaʼii 50
Moroni éí Nephi dineʼé bikéyah anaaʼ bikʼijįʼ bidziilgo ádadiiyaa—Kin dahnaazhjaaʼ aniidígíí ląʼí nideeznil—Nephi bidineʼé doo yáʼáshónígíí dóó bąąhí ádaatʼį́įgo daʼanaaʼgo łaʼ ndaʼbiʼdiztseed dóó tiʼdahoonííhgo bideiníłką́—Morianton dóó bikʼijįʼ daazlíʼígíí Teancum yikʼehdeesdlį́į́ʼ—Nephihah ájídin, dóó biyé Pahoran bitsékeh goné ánahwiiʼaahii nilį́įgo dahnááneezdá. Jesus bidiʼdoochííłjįʼ 72–67 B.C. yihahgo ádahóótʼįįd.
Wóltaʼii 51
Aláahdi naatʼáani-bidahastóí bee hazʼáanii łahgo ádoolnííł dóó aláahdi naatʼáanii hólǫ́ǫ doo danízin—Pahoran dóó diné tʼáá bí ádánidahatʼáhígíí diné bikééʼ deizįʼ—Moroni aláahdi naatʼáani-bihastóí yichʼahóóshkeed nihikéyah bichʼą́ą́h ndaahbaah doodaiiʼ ndanihiʼdidooltsxíl—Amalickiah dóó Laman dineʼé lą́ʼí kin dahnaazhjááʼgóó anaaʼí bichʼą́ą́h ádaalyaa yę́ę deisnááh—Teancum Laman dineʼé nátʼą́ą́ʼ anéínííłkaad dóó Amalickiah biníbaal yiyiʼ yiyisxí. Jesus bidiʼdoochííłjįʼ 67–66 B.C. yihahgo ádahóótʼįįd.
Wóltaʼii 52
Ammoron Amalickiah yighą́ą́h deeyá Laman dineʼé biʼaláahdi naatʼáanii silį́į́ʼ—Moroni, Teancum, dóó Lehi éí Nephi dineʼé Laman dineʼé yikʼeh dadidlį́įgo deiníʼeezh—Mulek kin dashijaaʼ éí daabí násdlį́į́ʼ, Jacob Zoram dineʼé nilíinii biʼdiisyį́. Jesus bidiʼdoochííłjįʼ 66–64 B.C. yihahgo ádahóótʼįįd.
Wóltaʼii 53
Laman dineʼé yah adabiʼdiisnil yę́ę Bountiful kin haalʼá anaaʼí bichʼįʼ bidziilgo ádeiyiilaa—Nephi dineʼé bitsákaiʼígíí Laman dineʼé yee hadaʼolníigo akʼeh dadeesdlį́į́ʼ—Helaman naaki dimííl Ammon bitséłkéí ndaabaahí yinaatʼááh silį́į́ʼ. Jesus bidiʼdoochííłjįʼ 64–63 B.C. yihahgo ádahóótʼįįd.
Wóltaʼii 54
Ammoron dóó Moroni deesnahígíí ałhádiiʼnił níigo yee hodeezʼą́—Moroni Laman dineʼé tʼą́ą́ʼ haohkááh dóó ndaʼołtseedígíí niʼkódáołééh yiłní—Ammoron Nephi dineʼé yeendaabaahí niʼndanohnííł dóó Laman dineʼé nihikʼih bídahólnííh doo yiłní. Jesus bidiʼdoochííłjįʼ 63 B.C. yihahgo ádahóótʼįįd.
Wóltaʼii 55
Moroni éí dabiʼdisnááhígíí doo ałhááʼdiiʼnił da dííniid—Laman dineʼé bá hadaʼasíidí yichʼįʼ yídaʼoołkąąh tsiʼhadookah biniyé, dóó Nephi dineʼé dabiʼdisnááh yę́ę béíʼilniiʼ—Gid kin haalʼá tʼáadoo dił deeznaʼí shónáóztʼeʼ. Jesus bidiʼdoochííłjįʼ 63–62 B.C. yihahgo ádahóótʼįįd.
Wóltaʼii 56
Helaman Moroni saad yichʼįʼ ayíʼą́, Laman dineʼé yił daʼahóbááhgo hoolzhishígíí yee yił hoolneʼ—Antipus dóó Helaman ayóó atʼáo Laman dineʼé yikʼehdadeesdlį́į́ʼ—Helaman naaki dimííl yázhí biyeʼké ndaabaahí álíleekʼeh adziil yee ndaazbaaʼ, dóó tʼáadoo łaʼ biʼdiisyį́į da. saad dahshijaaʼ 1, Jesus bidiʼdoochííłjįʼ 62 B.C. yihahgo ádahóótʼįįd; saad dahshijaaʼ 2–19, Jesus bidiʼdoochííłjįʼ 66 B.C. yihahgo ádahóótʼįįd; dóó saad dahshijaaʼ 20–57, Jesus bidiʼdoochííłjįʼ 65–64 B.C. yihahgo ádahóótʼįįd.
Wóltaʼii 57
Helaman Antiparah bee ádíndahoosnííʼ yaa náhálneʼ dóó Cumeni ninaʼdeetʼaah dóó náásdi bichʼą́ą́h ndaʼabaah—Ammon dineʼé bitsíłkéí ndaabaahí bidziilgo ałkʼiijééʼ; tʼáá ałtso atídaadzaa, ákondi doo łaʼ biʼdiisyį́į da—Gid Laman dineʼé dabiʼdisnááʼígíí ndabiʼdistseed dóó chʼídaneestʼįʼígíí yaa hoolneʼ. Jesus bidiʼdoochííłjįʼ 63 B.C. yihahgo ádahóótʼįįd.
Wóltaʼii 58
Helaman, Gid, dóó Teomner Manti kinʼdashijaaʼ yá ndahazʼą́ągo yee ádidahoosnííʼ—Laman dineʼé tʼą́ą́ʼ haakai—Ammon dineʼé biyeʼké tʼáá bí ádeinízingo dah hiiná dóó beʼoodląʼ doo yikʼidadikááhgóó deiyótą́ʼígíí yisdáʼdabííʼeezh. Jesus bidiʼdoochííłjįʼ 63–62 B.C. yihahgo ádahóótʼįįd.
Wóltaʼii 59
Moroni éí Pahoran Helaman bindaabaahí łaʼ bínáánéídííʼnił yidííniid—Laman dineʼé Nephihah kin dashijaaʼ yee ádídahoosnííʼ—Moroni nahatʼá bee bidahólnííhii yichʼįʼ báhoochįįd. Jesus bidiʼdoochííłjįʼ 62 B.C. yihahgo ádahóótʼįįd.
Wóltaʼii 60
Moroni éí Pahoran yichʼįʼ saad hółǫ́ nahatʼá bee bidahólnííhii doo hozhoʼí ndaabaahí yaa ádahalyáágóó—Diyin Bóhólníihii diyinkʼehgo deiyíkaahígíí ndabiʼdiʼdooltsxiłgo yee yá hasʼą́—Nephi dineʼé tʼáá átʼé beʼadziil dóó chodeiyołʼínígíí yee yisdáʼdookah beʼanaaʼí bitsʼą́ąjįʼ—Moroni éí nahatʼá bee bidahólnííhii bikʼiidiijah níigo yee hahaasdzííʼ tʼáá hozhoʼí bindaabaahí biká oʼoowodgo tʼéiyá. Jesus bidiʼdoochííłjįʼ 62 B.C. yihahgo ádahóótʼįįd.
Wóltaʼii 61
Pahoran éí nahatʼá bee bídahólníhígíí bił hazʼą́ągi saad hazlʼį́į́ʼ dóó yikʼijįʼ daazlį́į́ʼgo Moroni yee yił hoolneʼ—Naatʼáanii-bidahastóí Zarahemla yee ádídahoosnííʼ dóó Laman dineʼé yił ahíikai—Pahoran ndaabaahí bíkáʼadoojahígíí yiyíkeed atsʼą́ą́jí daazlį́ʼígíí yikʼijįʼ dahdidoobahgo. Jesus bidiʼdoochííłjįʼ 62 B.C. yihahgo ádahóótʼįįd.
Wóltaʼii 62
Moroni Gideon kéyahgóó níná Pahoran yiká adoowołgo—Aláahdi naatʼáanii-bidahastóí bikéyah doo yichʼą́ą́h ndadoobahígíí éí ndabiʼdistseed—Pahoran dóó Moroni Nephihah yee ádínídahoosniiʼ—Ląʼída Laman dineʼé Ammon bidineʼé yidiiná—Teancum éí Ammoron yiyiisxį́ dóó tʼáá bí ałdóʼ biʼdiisxį́—Laman dineʼé éí kéyahdóó chʼíbidiʼnoodzood, dóó kʼé bił naaztʼiʼgo ánályaa—Helaman naʼnitin binaanishgo áneiyiidlaa dóó Sodizin bidziilgo áyiilaa. Jesus bidiʼdoochííłjįʼ 62–57 B.C. yihahgo ádahóótʼįįd.
Wóltaʼii 63
Shiblon dóó áádóó bikʼijįʼ Helaman dílzingo ndaháásdzooʼígíí bee bóhólnííh silį́į́ʼ—Ląʼí Nephi dineʼé kéyah náhookǫsjigo sinil yichʼįʼ aheezná—Hagoth tsin naaʼeeł áyiilaa, éí eʼeʼaahjigo tónteel siyinígíí yiiʼgóó dahdadiiʼéél—Moronihah Laman dineʼé yił daʼahooghą́ągo yikʼeh dadeesdlį́į́ʼ. Jesus bidiʼdoochííłjįʼ 56–52 B.C. yihahgo ádahóótʼįįd.