1 Áádóó áko, shiyeʼ, ni ląʼígo bee nichʼįʼ hanáádeesdzih nínaaí bee bichʼįʼ haasdzííʼ biláahgo; háálá áko shooh, nínaaí hazhoʼó yigáłígíísh hasínísid, oodlaʼ yaʼólíhígíí, dóó yéego Diyin God bibee hazʼáanii yikʼeh hółʼínígíí? Áko shooh, yáʼátʼéehgo sizínígíísh baa ákoninizį́į́ʼ?

2 Háálá nínaaí éí akʼeh hóółʼįįd ni éí tʼáadoo yéego shizaad bikʼeh hwííníłʼįįd da, Zoram dineʼé bitahdi. Áko díí éí bee nikʼijįʼ séłʼą́; neʼadziil dóó níł ééhózinígíí bee ádaadzínídlíí ńtʼééʼ.

3 Áádoo, shiyeʼ, doo díí tʼéiyá da. Íiyisíí doo shił yáʼátʼéhígíí baanisíníyá; háálá nanitin ádaalʼínígíí bitsʼéíníyá, dóó Laman dineʼé bihoodzodi Siron kéyahdi yíníyá, Isabel ałjiłnii bikééʼ.

4 Aooʼ, ląʼída dineʼé bijéí yineezʼį́į́ʼ; ákondi, shiyeʼ, díí doo bee akʼíhóʼááh da doo. Naʼnitin ádaalʼį́į́jígo áníłʼį́į doo ńtʼę́ę́ʼ éí bee nikʼihodiinííʼ ńtʼę́ę́ʼ.

5 Shiyeʼ, dooísh nił bééhózin da, díí Diyin bidááhdóó aláahdi woolchʼį́įdii ádaatʼé; aooʼ, tʼáá ałtso bąąhági ádaatʼéii bilááhdi woolchʼį́įdii ádaatʼé tʼáá hazhóʼó diné doo ádihodiiltʼiʼii dóó bidił bitsʼánílį́įgo jiishxį́įgo da doodaiiʼ Iiʼ Sizį́ Diyinii ádąąhjitʼį́įgo.

6 Háálá áko shooh, Iiʼ Sizį́ Diyinii nihiiʼ hólǫ́ ńtʼééʼgo dóó nahjįʼ kóóhłaago, dóó nił bééhózingo nahjįʼ kóóhłaago, áko shooh, díí bąąhági átʼéii éí doo bee andeetʼaah da; aooʼ, dóó tʼáá háídá Diyin God biʼbeeʼádinídiin dóó biʼbeeʼééhózinii yikʼijįʼ iisxį́įgo, baanídiʼdootʼaałgo bá nanitłʼah doo; aooʼ, ándishní, shiyeʼ, áko andeetʼaah aanályéego ayóó bá nanitłʼah doo.

7 Dóó áko, shiyeʼ, Diyin God doo íiyisígiʼ átʼáo nikʼijįʼ siláago handoolʼį́į́ʼ da doo ńtʼę́ę́ʼ. Doo nikʼijįʼ silá ályaaʼígíí tʼéí baa nitséskees da doo, éí niiʼ naazíinii doo bichʼįʼ nahwiisnáa da doo ńtʼę́ę́ʼ, díí doo ná yáʼátʼééhgóó.

8 Ákondi shooh, nikʼijįʼ siláhígíí doo Diyin God bitsʼąą nanilʼin da; dóó doo ádaanaʼiinikąąhgóó tʼáá aaníí bee haʼoodzííʼgo nihoníyáadi nikʼijįʼ kódoolnííł.

9 Áko shiyeʼ, ádaanáʼiiníkąąh dóó nibąąhági ádaatʼéii yóóʼadahidíʼaah, áádóó tʼáadoo ninááʼ yidánoolníinii bikééʼ nanináhí, ákondi díí tʼáá átʼé niyiʼdóó nahjįʼ kónílééh; háálá doo kónínééhgóó doo Diyin God bił hazʼą́ądi náhwiidooʼaał da. O, béénílníí, dóó ádąąhninídlé, dóó díí niyiʼdóó nahjįʼ kónílééh.

10 Áádóó ándishní nínaaʼí danilínígíí adíílíłʼígíí bee bił nahóʼáago ádąąhninílé, háálá áko shooh, tʼah tsíłkéí nílį́, áádóó nínaaí danilínígíí ndanitingo ná yáʼátʼééh. Dóó yee ndanitinígíí yíísíníłtsʼą́ą́ʼ.

11 Bee adaadahodzódlí doodaiiʼ bee doo ádahayáanii yóóʼanilóós lágo; biʼiiníziinii éí daʼałjiłnii doo yáʼádaashóónii nijéí yee yóóʼanáádanólóós lágo. Áko shooh, O shiyeʼ, ayóó átʼáo bąąhági átʼéii Zoram dineʼé bąąh níínílá; háálá ni íínidzaaʼígíí deiyiiłtsą́ągo shizaad doo deiyoodlą́ą da ńtʼę́ę́ʼ.

12 Áádóó áko Diyin Bóhólníihii biʼIiʼ Sizį́ Diyinii áshíłní: naʼáłchíní yáʼátʼéehii ádaałʼį́ bidiní shidííniid, tʼáadoo dagóó éí ląʼída dineʼé bijéí yee yóó adeidiyooʼishgo dadínóónééł; éí bąą, shiyeʼ, Diyin God bá hodólzingo, ándishní, bąąhági átʼéii tʼáadoo baananinání.

13 Áko Diyin Bóhólníihii bichʼįʼ kónínééh níniʼ, neʼadziil, dóó bee nidziilii bee, áko dineʼé doo bąąhági ádaatʼį́į́jígo bijéí yóó ahíʼéshí; ákondi baa nínááh, dóó niʼiyínísiʼígíí bił ííshją́ą́ ánílééh dóó bąąhí íinidzaaʼígíí bee bił hólneʼ.

14 Atʼį́ tʼáadoo bíkáʼánítʼíní doodaiiʼ adahwiisʼáágóó bee ádaahodzódlí ałdóʼ; háálá áko shooh, háálá éí doo andaʼjiijááh da.

15 Áádóó áko, shiyeʼ, Christ doogááł bídadéétʼiʼígíí bee nichʼįʼ hadeesdzih. Áko shooh, ándishní, áko éí tʼáá aaníigo nihokááʼ dineʼé bibąąhági ádaatʼéii nahjįʼ yá kwíídoolííł; aooʼ, bidineʼé yisdaʼiildééh baa hózhóonii yee yił hodoolnihgo yighááh.

16 Áádóó áko, shiyeʼ, díí naʼnitin bee nikʼihodiiniiʼ, áko díí dineʼé hózhǫ́ǫgo naʼnitin bee bił hodíílnih, biniʼ hashtʼedadíílííł, doodaiiʼ yisdaʼiildééh yaahidookah, baʼáłchíní bíniʼ hashtʼeideidoolíił éí saad yigááhgo deididootsʼį́į́ł.

17 Áádóó áko níniʼ díí baahaneʼígíí ałtsé tʼóóyó niʼ kóshlééh. Áko shooh, haʼátʼíí biniinaa tʼahnízaadééʼ hoolzhishgo díí baahodoonih. Áko shooh, ándishní, níyáadi iiʼ sizíinii ílʼínígiʼ átʼáóosh kʼad ndi iiʼ sizíinii Diyin God bichʼįʼ ílʼį́?

18 Ákooísh nináʼílyáago hootʼááł díí dineʼé bichʼįʼ kódoolnííłgo kʼad nizin dóó badaʼáłchíní ałdóʼ?

19 Daʼ kʼad ndi doo nanitłʼahgóó Diyin Bóhólníihii bá naalʼaʼí díí baa hózhǫ́ǫgo haneʼ yee nihilhodoolnih dóó náásdi nihaʼáłchíní ndi, doodaiiʼ níyáádóó bikʼijįʼ ndi?