Wóltaʼii 1Pahoran naaki góneʼ aláahdi ánahwiiʼaah silį́į́ʼ áádóó Kishkumen biisxį—Pacumeni anhwiiʼaahii yitséskʼeh góneʼ dahneezdá—Coriantumr éí Laman dineʼé bindaabaahí dayidiiʼeezh, Zarahemla hazʼą́ągi akʼedadeesdlį́į́ʼ, dóó Pacumeni seesxį́—Moronihah Laman dineʼé yikʼeh deesdlį́į́ʼ dóó Zarahemla yee ádíńdahoosníí, áádóó Coriantumr seesxį́. Jesus bidiʼdoochííłjįʼ 52–50 B.C. yihahgo ádahóótʼįįd. Wóltaʼii 2Helaman, Helaman biyeʼ, aláahdi anahwiiʼaahii silį́į́ʼ—Gadianton ndaʼałtseedígíí éí Kishkumen dineʼé yinaatʼááh silį́į́ʼ—Helaman bá naalaʼí Kishkumen yiyiisxį́, dóó Gadianton ndaʼałtseedígíí diné doo kééhatʼíní góneʼ adahineezchą́ą́ʼ. Jesus bidiʼdoochííłjįʼ 50–49 B.C. yihahgo ádahóótʼįįd. Wóltaʼii 3Tʼóó ahayóí Nephi dineʼé nahookǫsjigo kéyahgóó adahaazná—Tsé náádleehí yee hooghan ndeiznil dóó ląʼí haneʼ ndeiyiidzoh—Neeznaa dimííł bilááhgóó idahidiikai dóó tó bee dabiʼdoolzį́į́ʼ—Diyin God bizaad éí diné yisdaʼiildééh yaa yiiʼéésh—Nephi Helaman biyeʼ ánahwiiʼaahii abiʼdiilyaago dahneezdá. Jesus bidiʼdoochííłjįʼ 49–39 B.C. yihahgo ádahóótʼįįd. Wóltaʼii 4Nephi dineʼé atsʼą́ą́jí daazlįʼígíí dóó Laman dineʼé ałhiihíná dóó Zarahemla kéyah yee adídahoosnííʼ—Nephi dineʼé bąąhágiʼ ádaatʼinígíí biniinaa bikʼeh hodeesdlį́į́ʼ—Sodizin ląʼígo yitsʼáhaskai, dóó diné Laman dineʼégiʼ átʼáo bandaabaahí tʼáá áłchʼį́į́dí silį́į́ʼ. Jesus bidiʼdoochííłjįʼ 38–30 B.C. yihahgo ádahóótʼįįd. Wóltaʼii 5Nephi dóó Lehi naʼnitingo yee ádaaʼdeetʼą́—Bizhʼįʼígíí éí dabizází beʼiinaʼ ádeiłʼínééʼ yikʼehgo ádeiyiilaa—Christ ádaańdaʼookąąhígíí yisdáʼyiiʼéésh—Nephi dóó Lehi binahjįʼ ląʼí idahidiikai dóó yahabiʼdoonil, dóó kǫʼ bináztʼiʼ silį́į́ʼ—Táádi neeznádiin diné kʼos diłhiłgo bikʼihooleʼ—Nahasdzáán nahaʼná, áádóó iinééʼ leiʼ diné ádaańdaʼookąąh biłní—Nephi dóó Lehi Diyin yá ndaalʼaʼí yił yáłtiʼ, dóó áłah nilínéé kǫʼ bináztʼiʼ. Jesus bidiʼdoochííłjįʼ 30 B.C. yihahgo ádahóótʼįįd. Wóltaʼii 6Laman dineʼ yáʼátʼéehgo dahiinánígíí Nephi dineʼé bąąhági adaatʼínígíí ndeinitin—Tʼáá áłah diné dahyiikahígíí kʼé dóó daʼítʼį́įgo hoolzhishgo náásdeeskai—Lucifer, bąąhági átʼéii haidiilai, bąąhági ádaatʼínígíí bijéí yádahóółchįįd dóó Gadianton daʼniʼįįhii ndaʼałtseed dóó baahági ádaatʼįįłgo yaanaakaigo yádahóółchįįd—Gadianton daʼniʼįįhii éí Nephi dineʼé nahazʼą́ yindaahaʼáí yee ádídahoosniiʼ. Jesus bidiʼdoochííłjįʼ 29–23 B.C. yihahgo ádahóótʼįįd. Wóltaʼii 7Nephi éí nahookǫsjigo kéédahatʼínígíí doo daboodlą́ą da áádóó Zarahemlajįʼ nádzá—Bidaʼakʼehdi yaʼdiitłʼin bikáádóó sodoolzin dóó diné ádaańdaʼookąąh éí doodago anihidiʼdooldįįł yídííniid. Jesus bidiʼdoochííłjįʼ 23–63 B.C. yihahgo ádahóótʼįįd. Wóltaʼii 8Andahwiiʼaahii bindaʼadloʼígíí Diné Nephi yikʼijįʼ danilį́įgo yándahaʼá—Abraham, Moses, Zenos, Zenock, Ezias, Isaiah, Jeremiah, Lehi, dóó Nephi tʼáá átʼé Christ tʼáá aníigo yaadahalneʼ—Nephi diyingo bił hóóneʼgo aláahdi ánahwiiʼaah biʼdiisyíigo yaa hoolneʼ. Jesus bidiʼdoochííłjįʼ 23–21 B.C. yihahgo ádahóótʼįįd. Wóltaʼii 9Saad ndeiʼahígíí aláahdi ánahwiiʼaah biʼdiisyį́įgo yikʼíkai ándahwiiʼaahii bił hazʼą́ągi—Éí yah abiʼdoonil dóó náásdi chʼéébiʼdoonil—Nephi éí Seantum iisyínígíí diyin bił ííshjáá áyiilaa—Łaʼ Nephi Diyin yá yáłtiʼii nilį́įgo bił lą́ daazlį́į́ʼ. Jesus bidiʼdoochííłjįʼ 23–21 B.C. yihahgo ádahóótʼįįd. Wóltaʼii 10Diyin Bóhólníihii Nephi adziilii bee ahéhidooltłʼółígíí yeinílá—Adziil bee nahasdzáán bikáagi dóó yáʼaashdi hoolʼáágóó ahił dóó kʼindaʼiiltʼaad ádaʼalneʼgo beilyá—Diné ádaańdaʼoohkąąh doodago dínóóhnééł yidííniid. Jesus bidiʼdoochííłjįʼ 21–20 B.C. yihahgo ádahóótʼįįd. Wóltaʼii 11Nephi Diyin Bóhólníihii diné beʼanaaʼ naałniih yił ałneidooʼnił níigo yidááhniiníʼą́—Ląʼí diné ásdįįd—Diné ádaańdaʼooskan, dóó Nephi Diyin Bóhólníihii nahałtin yíyííkeed—Nephi dóó Lehi ląʼígo bił ííshją́ą́ éʼélyaa—Gadianton daʼniʼiihii kéyah yiiʼ beʼoodląʼ yee bídahólníihgo ádayiilaa. Jesus bidiʼdoochííłjįʼ 20–6 B.C. yihahgo ádahóótʼįįd. Wóltaʼii 12Nihokááʼ diné bąąhági átʼéii doo yichʼįʼ dabidziil da dóó doo ádahaalyą́ą da dóó tʼáá hooshchįʼ yaanídiikah—Diyin Bóhólníihii Bidineʼé yichʼahashké—Nihokááʼ dineʼé doo ílínígóó éí Diyin God bibeʼadziil bił ałhąąh niiʼnilgo nélʼį́—Ándahwiitʼaahdi nihokááʼ dineʼé hoolʼáago iiná doodago hoolʼáago iiʼ sizíiniikʼehgo iiná ninítiʼígíí baahidoolyééł. Jesus bidiʼdoochííłjįʼ 6 B.C. yihahgo ádahóótʼįįd. Wóltaʼii 13Samuel Laman Dineʼé Nilíinii Nephi dineʼé náásgóó ádooldįįł níigo yaa hoolneʼ tʼáá hazhóʼó ádaańdaʼooskango tʼéiyá—Bí dóó yee daʼatʼínígíí bikʼijįʼ haʼoodzííʼ—Diyin yá yádaałtiʼí doo deiniizį́įʼ da dóó tsé yee ndeistseed, dóó níłchʼi bidaʼiiníziinii bináztʼiʼ, dóó bąąhági átʼéii biyiʼ ił hózhóonii hadeinitá. Jesus bidiʼdoochííłjįʼ 6 B.C. yihahgo ádahóótʼįįd. Wóltaʼii 14Samuel náasdi tłʼéeʼgo adinídíín dooleełígíí dóó Christ yizhchį́įgo sǫʼ ániidígíí łaʼ hadoogáłígíí yaa hoolneʼ—Christ éí diné atsʼíís dóó iiʼ sizíiniikʼehgo anoonééł yá nináʼnídlá—Biʼdiisyį́įgo ádahodooníłígíí bee ééhózinígíí éí tágí jį́įgo chahałheeł dooleeł, tsé nihidoodlał dóó nahasdzáán biyiʼ yéego dáh honoochał. Jesus bidiʼdoochííłjįʼ 6 B.C. yihahgo ádahóótʼįįd. Wóltaʼii 15Diyin Bóhólníihii Nephi dineʼé ayóó áyóʼnínígíí biniinaa tiʼhooʼnííh yichʼįʼ kwííłʼį́—Laman dineʼé éí beʼoodląʼ niłdzilgo dóó doo nahaʼnáágóó dayótąʼ—Diyin Bóhólníihii Laman dineʼé náás yoołkáałdi yaa joobaʼ dooleeł. Jesus bidiʼdoochííłjįʼ 6 B.C. yihahgo ádahóótʼįįd. Wóltaʼii 16Nephi dineʼé Samuel dayoosdląądígíí éí Nephi tó yee deiyíísį́į́ʼ—Nephi dineʼé doo ádaańdaʼooskanígíí kʼaaʼ dóó tsé chʼééh Samuel yee dayiłhé—Łaʼ bijéí deistłʼis, dóó łaʼ éí Diyin yá ndaalʼaʼí dayiiłtsą́—Doo daʼoodláanii ádaaní Christ yoodlánígíí dóó Jerusalemdi bidiʼdoochíiłgo baa ntsíhodookosgo doo bíighah da. Jesus bidiʼdoochííłjįʼ 6–1 B.C. yihahgo ádahóótʼįįd.