1 Áádóó baa hoolzhiizh ándahwiiʼaahii dízdiin dóó biʼaan naaki yihah góneʼ dahwéeʼaahgo, Moronihah éí Nephi dineʼé dóó Laman dineʼé bitah kʼé nááhódlǫ́ǫgo áyiilaa, áko shooh ánahwiiʼaahii doodleełígíí ádin, éí bąą ánahwiiʼaahii bitsáskʼeh góneʼ dahnáádinóódaałígíí diné bitahgo baa saad nááhásdlį́į́ʼ.

2 Áádóó baa hoolzhiizh Helaman, éí Helaman biyeʼ nilį́, éí ánahwiiʼaahii-bitsáskʼeh hooʼaʼ góneʼ dah dínóodaał hodooʼniid, diné saad yee hadahaasdzíʼígíí bikʼehgo.

3 Ákondi shooh, Kishkumen, Pahoran yiyiisxį́néé, Helaman ałdóʼ yidiyoołhéełgo yaanahodidá; éí bikééʼ naazínígíí yił nidahaʼá, bąąhági átʼínígíí doo háiida bił bééhodoozįįł da daaníigo ahadaʼdeestʼą́.

4 Háálá łaʼ Gadianton joolyé, saad ayóó yiyiichįįh, dóó ałdóʼ éí yee naʼagiz, éí yee nahonitʼingo naʼałtseed dóó antʼįįh náás yołtʼih, ákotʼį́įgo Kishkumen bikééʼ naazínígíí yinaatʼáanii silį́į́ʼ.

5 Éí bąa łíʼdíchí yee oołkąąh, dóó Kishkumen ałdóʼ, ánihwiiʼaahii hazʼą́ą́ góneʼ dah neezdáago ádabiilaago bikééʼ naazínígíí diné yikʼi bídahólnííh dóó yinaatʼáanii danilį́į doo yidííniid; éí bąą Kishkumen Helaman yídiyoołhéełgo yaa hodeezʼą́.

6 Áádóó baa hoolzhiizh ánihwiiʼaahii bá hazʼą́ąjįʼ Helaman yidoołhéełgo ákǫ́ǫ́ dah diiyáago, áko shooh Helaman łaʼ bá naalʼaʼí éí bitłʼééʼ tłʼóógóó naagháo, nahonitʼingo, yaa hodiiztsʼą́ą́ʼ, éí Helaman yidoolyéełgo yindahaʼáhígíí bił bééhoozin—

7 Áádóó baa hoolzhiizh Kishkumen yidááh níyá, dóó bichʼįʼ kódzaa, áko Kishkumen ádooniłígíí bił ííshją́ą́ áyiilaa, áko ánihwiiʼaahii bá hazʼą́ą́góó shił dííʼash bidííniid áko Helaman yidiyoołhééł biniyéʼ.

8 Áádóó Helaman yá naalʼaʼí Kishkumen ááníłígíí bił bééhózin, dóó iidoołhéłígíí bíniʼ siʼą́, dóó tʼáá átʼé bikééʼ naazínígíí ałdóʼ ndaʼatseed yíká ádaatʼį́, dóó daʼniʼįįh, dóó ádíʼdahólnííh yikʼá ádaatʼį́, (dóó díí éí nahonitʼingo yindahaʼá, dóó yee dah deíkááh) Helaman yá naalʼáʼí Kishkumen kwíidííniid: Tį́ ánihwiiʼaahii bá hazʼą́ągo diitʼash.

9 Áko díí Kishkumen tʼáá íiyisíí yineesdlįįd, háálá bíniʼ nilinééʼ yikʼeh hodoolííł niizį́į́ʼ; ákondi shooh, Helaman yá naalʼaʼí, ánihwiiʼaahii bá hazʼą́ągo ahinoolchééłgo, Kishkumen bijéí béésh yaa ayííłgeed, áko tʼáadoo diʼníhí daaztsá. Áádóó naalʼáʼí yaaltáál dóó tʼáá ałtsoní yiyiiłtsánígíí, dóó yidiiztsʼą́ʼígíí, dóó áátʼįįdígíí Helaman yee yił hoolneʼ.

10 Áádóó baa hoolzhiizh Helaman díí daʼniʼįįh dóó nahonitʼingo nidaʼałtseedígíí yił dadidoodiłgo yíká iʼííłʼaʼ, áko bee hazʼáanii bikʼehgo nidabidiʼdootsxił.

11 Ákondi shooh, Kishkumen tʼáadoo nádzáágóó Gadianton bił bééhoozingo násdzííd háálá shí ałdóʼ shidiʼdoolyééł niizį́į́ʼ, éí bąą bikééʼ naazínée shikééʼ wohjah yidííniid. Áádóó kéyahdóó dah dadíníichą́ą́ʼ, nahonitʼingo, doo kééhojitʼíní góneʼ; áádóó áko Helaman yíká iʼííłʼaʼgo tʼáadoo yikʼídaneeztą́ą́ʼ da.

12 Áádóó díí Gadianton tʼáá ląʼígóó baa naahodoonih. Áádóó andahwiiʼaahíí Nephi bidineʼé yikʼi dahwéeʼaahgo dízdiin dóó biʼaan naaki nááhai.

13 Áádóó áko shooh, díí ndáháásdzooʼígíí ałtsogo éí binahjįʼdíí Gadianton akʼehdeesdlį́įgo bééhodoozįįł, aooʼ, Nephi bidineʼé kʼasdą́ą́ʼ ałtso bidiʼdooghą́ą́ł.

14 Áko shooh doo éí Helaman ałtso baa hóóneʼgo ááhdishníi da, áko Nephi baa haneʼ ałtsogo ááhdishní, éí bitsʼą́ą́dóó dahaneʼígíí náházoh.