Wóltaʼii 1Nephi bidineʼé yaa halneʼgo háʼíizo—Lehi ił ííshją́ą́ eʼelʼį́ kǫʼ yadiitʼiʼgo yiiʼ yiyiiłtsą́ dóó naaltsoos Diyin bikʼehgo áhodoonííł bee haʼoodzíʼígíí yiyííłtaʼ—Diyin God yaa haznih, Messiah doogáłígíí yaa hoolneʼ, dóó Jerusalem doolchxǫǫłgo yaa hoolneʼ—Jew dineʼé atídabiłʼį́. Jesus bidiʼdoochííłjįʼ 600 B.C. yihahgo ádahóótʼįįd. Wóltaʼii 2Lehi diné doo kééhatʼíní góneʼ Tónteel Łichííʼ bąąhjįʼ baʼáłchíní yił chʼékai—Binaadeeł tʼáá ákǫ́ǫ́ ndéiznil—Lehi Diyin Bóhólníihii yichʼįʼ nááʼiisniiʼ dóó biyeʼké bibee hazʼáanii dólzinii yee neineeztą́ą́ʼ—Laman dóó Lemuel bizhéʼé yikʼijįʼ saad hółǫ́—Nephi akʼeh hółʼį́ dóó oodlą́ągo sodoolzin; Diyin Bóhólníihii bichʼįʼ haadzííʼ, dóó bikʼiské yilą́ąjįʼ sizį́į dóogo bikʼi hodiiniiʼ. Jesus bidiʼdoochííłjįʼ 600 B.C. yihahgo ádahóótʼįįd. Wóltaʼii 3Lehi biyeʼké béésh łitsoii tʼą́hí ńdeidooʼááł biniyé Jerusalemgóó nákai—Laban béésh tʼąhí haidooʼáłígíí dooda ní—Nephi bikʼiské tį́ nílááh tʼáá bídeiyíníighah yiłní—Laban honaadééłii hweineezʼį́į́ʼ dóó kʼasdą́ą́ʼ nahastseed—Laman dóó Lemuel Nephi dóó Sam átíjíłʼį́įgo biniinaa diyin yá naalʼaʼí hachʼahóóshkeed. Jesus bidiʼdoochííłjįʼ 600–592 B.C. yihahgo ádahóótʼįįd. Wóltaʼii 4Nephi Diyin Bóhólníihii áníigo Laban yiyiisxį́ dóó béésh łitsoii bikááʼ naʼasdzo yę́ę yinahazʼą́ągo shóyoostʼeʼ—Zoram tʼáá bí aníigo diné doo kééhatʼínígi Lehi bighan hazʼáajįʼ yidiiyá. Jesus bidiʼdoochííłjįʼ 600–592 B.C. yihahgo ádahóótʼįįd. Wóltaʼii 5Sariah Lehi yikʼijįʼ haadzííʼ—Tʼááʼájíłah hweʼashiiké nákaigo baa hoł hóózhǫǫd—Nááʼdaʼíísniiʼ—Béésh łitsoii tʼą́hí Moses dóó Diyin God yá yádaałtiʼii ńdeiyíízo yę́ę dabiyiʼ—Béésh łitsoii tʼą́hí Lehi Joseph bizází nilį́įgo ííshją́ą́ áyiilaa—Lehi baʼáłchíní náásgóó daʼahilchíhígíí ádadooníłígíí dóó béésh łitsoii tʼą́hí hastʼendootʼáłígíí yaa hoolneʼ. Jesus bidiʼdoochííłjįʼ 600–592 B.C. yihahgo ádahóótʼįįd. Wóltaʼii 6Nephi Diyin God bídéétʼiʼígíí yaa náʼiizóóh—Nephi éí bílaʼáshdlaʼii Abraham biDiyin God yaahidookah dóó yisdááhidookah biniyé naʼadzo. Jesus bidiʼdoochííłjįʼ 600–592 B.C. yihahgo ádahóótʼįįd. Wóltaʼii 7Lehi biyeʼké Jerusalemgóó nákai dóó Ishmael dóó yił dabighnígíí nihił wohnééł doo deidííniid—Laman dóó łaʼ akʼijįʼ daazlį́į́ʼ—Nephi bikʼiské Diyin Bóhólníihii tʼáá íiyisíí yinohdlą yidííniid—Tłʼóół yee hweʼdaʼaztłʼǫ́ʼ dóó dahodiyoołhééłgo yindahazʼą́—Oodląʼ yee bee bídziilgo tłʼóół kʼííníłdláád—Bikʼiské nihaa ndiʼníʼaah hodííniid—Lehi dóó hoł yíkaaígíí nááhániihii dóó didlidgo nááhániihii yee náádaʼiisniiʼ. Jesus bidiʼdoochííłjįʼ 600–592 B.C. yihahgo ádahóótʼįįd. Wóltaʼii 8Lehi ił ííshją́ą́ éʼélʼį́ yiiʼ tsin bee iináanii yiyiiłtsą́—bineestʼąʼ yiyiiyą́ą́ʼ dóó baʼáłchíní yá yiniizį́į́ʼ—Áłtsʼóózígo yah ahóótʼiʼ dóó áłtsʼóózígo honítʼiʼ, éí béésh bąąh níʼáago yiyiiłtsą́, dóó nihokááʼ dineʼé chahałheeł ditą́ągo bikʼídaastiʼ—Sariah, Nephi, dóó Sam tsin bineestʼąʼ dayiiyą́ą́ʼ, ndi Laman dóó Lemuel éí doo yinízin da. Jesus bidiʼdoochííłjįʼ 600–592 B.C. yihahgo ádahóótʼįįd. Wóltaʼii 9Nephi naaki haneʼ naháasdzogo áyiilaa—Éí tʼáá áłah Nephi bibéésh tʼą́hí wolyé—Béésh tʼąhí nitsaaígíí éí diné binákééʼ náháneʼ biyiʼ; béésh tʼąhí áłtsʼísígíí éí baa dahastiʼii biyiʼ. Jesus bidiʼdoochííłjįʼ 600–592 B.C. yihahgo ádahóótʼįįd. Wóltaʼii 10Lehi éí Babylon dineʼé Jew dineʼé náásdi ąąh shijééʼgo ádeidoolííł dííniid—Messiah, Yisdáʼiiníiłii, Nináʼnídláii Jew dineʼé yitah doogááł ní—Lehi Diyin God biDibé Yázhí tó yee yidoosį́łígíí ałdóʼ łaʼ doogááł níigo yaa hoolneʼ—Lehi éí Messiah bidiʼdoolyééł dóó nááhiidooʼnááł níigo yaa hoolneʼ—Olive bitsin nahalingo Israel daʼníłtsʼą́ąjigo adahineeskaad dóó áłhąʼ ándoolnííł ní—Nephi éí Diyin God biYeʼ, Iiʼ Sizį́ Diyinii aayílyé, dóó tʼáá ákogi éʼétʼį́ bidin hóyeeʼ yaa yááłtiʼ. Jesus bidiʼdoochííłjįʼ 600–592 B.C. yihahgo ádahóótʼįįd. Wóltaʼii 11Nephi Diyin Bóhólníihii biʼIiʼ Sizį́ Diyinii yiyiiłtsą́ dóó íł ííshją́ą́ éʼélʼį́ biiʼ tsin bee iináanii bił ííshjání ályaa—Diyin God biYeʼ bimá yiyiiłtsą́ dóó Diyin God aʼoh áʼdiilyaago yíkʼeʼdiitą́—Diyin God biDibé Yázhí tó bee biʼdilzį́į́h, naʼneeztą́ą́ʼ, dóó tsin ałnaosdzoh bikáajįʼ bił oʼoolkaal yiyiiłtsą́—Bí dóó Diyin biDibé Yázhí Hastóí Naakitsʼáadah Bikʼihodiiniiʼígíí bikáʼádooʼniidgo dóó ndaʼnitingo ałdóʼyiyiiłtsą́. Jesus bidiʼdoochííłjįʼ 600–592 B.C. yihahgo ádahóótʼįįd. Wóltaʼii 12Nephi ił ííshją́ą́ éʼélʼį́ yiiʼ kéyah bee ahaʼdeetʼą́ yiyiiłtsą́; Diyinkʼehgo oodááł, tʼoo baaʼihgo dahooldah, dóó haitʼáó daʼahoolchxǫʼígíí; Diyin God biDibé Yázhí bitah doogááł; haitʼáo Naakitsʼáadah Bídahoołʼaahii dóó Hastóí Naakitsʼáadah Bikʼihodiiniiʼígíí Israel bighandóó haajééʼígíí yá ndahodooʼááł; dóó doo daʼóodlánígíí tʼóó baaʼíhgo bił nahazʼánígíí. Jesus bidiʼdoochííłjįʼ 600–592 B.C. yihahgo ádahóótʼįįd. Wóltaʼii 13Nephi ił ííshją́ą́ éʼélʼį́ biyiʼ Gentile dineʼé bitahgi biʼiiníziinii bisóhodizin siʼą́ągo yiyiiłtsą́, America bikʼiʼneetą́ą́ʼ dóó bikááʼ niʼíízná, Diyin God Bizaad Bible łahgóó łą́ągo biʼééhózin dóó daʼílíínígíí yóóʼaníídeeʼ, náasdi Gentile yóó ahidookah, nahatʼá bee yisdáʼiildéehii ńdootʼááł, ayiłką́ą́hjįʼ Diyin bizaad bee akʼedaʼashchínígíí háádootʼááł, dóó Zion ndootʼááł. Jesus bidiʼdoochííłjįʼ 600–592 B.C. yihahgo ádahóótʼįįd. Wóltaʼii 14Diyin Yá Ndaalʼaʼí Nephi yee yił halneʼ Gentile dineʼé bee bikʼidahojisdliʼ yę́ę dóó hóyéego bikʼijiʼ kólyaa yę́ę—Sodizin tʼáá naakihí: Diyin God biDibé Yázhí bisodizin dóó biʼiiníziinii bisodizin ayóó átʼéii dóó joodláii—Diyin God Yá Naazínígíí tʼáá ałtso dah deiyíkááhdééʼ éiyá sodizin ayóó átʼéii dóó aláahgo woolchʼį́dígíí atídabiłʼį́—John hastiin bikʼihodiiniiʼii nahasdzáán niitʼéhígíí yaa akʼeʼniiłchį́. Jesus bidiʼdoochííłjįʼ 600–592 B.C. yihahgo ádahóótʼįįd. Wóltaʼii 15Lehi bílástsiiʼ akéédi dayoołkáałdi Gentile dineʼé nahatʼá bee yisdáʼiildéehii baa deidoolééł—Israel dineʼé ałhąʼánalnééh yeeʼ olive bitsin bił áłhąąh sinil nahálingo bitsʼádáozʼáʼ yę́ę binííʼ anáhatséehgo—Nephi bił ííshją́ą́ éʼélyáago tsin bee iináanii kótʼé ní dóó Diyin God tsiʼnaakaihígíí dóó tʼáá ákogi ádaatʼéhígíí ałtsʼéí nínil éí tʼáá ákótʼé ní. Jesus bidiʼdoochííłjįʼ 600–592 B.C. yihahgo ádahóótʼįįd. Wóltaʼii 16Tsiʼnaakaii tʼáá aaníinii doo ayóó nanitłʼah danízin—Lehi biyeʼké Ishmael bitsiʼké bichʼooní daazlį́į́—Liahona diné doo kééhatʼinígóó booʼish—Diyin Bóhólníihii bitsʼą́ą́dę́ę́ʼ haneʼ Liahona ná hodiʼnáahgo bikʼih nináhadzoh—Ishmael náádiilyá; baʼáłchíní bichʼįʼ ndahwiiʼnáago biniinaa akʼihjįʼ yádaaltiʼ. Jesus bidiʼdoochííłjįʼ 600–592 B.C. yihahgo ádahóótʼįįd. Wóltaʼii 17Nephi tsinaaʼeeł ádíílííł biʼdooʼniid—Bikʼiské bitsʼą́ą́jí daazlį́į́ʼ—Diyin God Israel dineʼé yíká eelwod yę́ę yił nááyíltaʼ dóó ákótʼéego hinohná yił níigo yichʼįʼ haadzííʼ—Nephi Diyin God bibee ádziil biiʼ hazlį́į́ʼ—Bikʼiske éí nihitsilí bidoołchííd lágo biʼdooʼniid, lókʼaaʼ niiłnaʼ dóó siganígi dah ádoonííł. Jesus bidiʼdoochííłjįʼ 592–591 B.C. yihahgo ádahóótʼįįd. Wóltaʼii 18Tsinaaʼeeł ałtso ályaa—Jacob dóó Joseph yizhchinii baa hóoneʼ—Ałhiʼiildeeʼíí kéyah bee ahaʼdeetʼanii bichʼįʼ hoł dah diiʼéél—Ishmael biyeʼké dóó bedaʼesdzáá daʼalzhish dóó akʼijįʼ ayádaʼníiłtiʼ—Nephi beʼestłʼǫ́, dóó tʼáá íiyisíí naháłtin bił níyolgo tsinaaʼeeł nátʼą́ą́ʼ bił náníʼéél—Nephi keeʼootʼáh, dóó sodóolzingo níyolę́ę niʼkódzaa—Dineʼé kéyah baa deetʼą́ądi yíkai. Jesus bidiʼdoochííłjįʼ 591–589 B.C. yihahgo ádahóótʼįįd. Wóltaʼii 19Nephi tsé bee béésh tʼąhí áyiilaa dóó bidineʼé binákééʼ náhaneʼ náyiizoh—Lehi hastąądi neeznádiin nááhaidą́ą́ʼ Jerusalemdóó dah diiyáago Israel biDiyin God doogááł—Nephi éí tiʼhoonííh dóó tsin ałnaosdzoh bikááʼ bił iʼdoolkáłígíí yaa hoolneʼ—Jew dineʼé dabiʼjoodlá dóó daʼníłtsʼą́ąjigo ałtsʼádabiʼdínóolkał ńléí áájį́ʼ ayííłką́ąhjįʼ índa, áko Diyin Bóhólníihii yaa náhidookáh. Jesus bidiʼdoochííłjįʼ 588–570 B.C. yihahgo ádahóótʼįįd. Wóltaʼii 20Diyin Bóhólníihii íinizinígíí Israel yił ííshjání áyiilaa—Israel achʼįʼ nahwiiʼná yiiʼ dookʼą́ąłgo bikʼihódiiniiʼ dóó Babylondóó dah didookáh—Isaiah 48 bił ahąąh nidííniłgo dínííłʼįįł. Jesus bidiʼdoochííłjįʼ 588–570 B.C. yihahgo ádahóótʼįįd. Wóltaʼii 21Messiah Gentile dineʼé yeʼádinídíín nilį́į doolééł dóó awáalyáh shijeʼígíí chʼíídooʼish—Israel ádziilii bee ałhąʼádoolnííł níhoníyá beiníłką́ąhgo—aláahdi naatʼáanii dabizhéʼégo baaʼádahalyáa doo—Isaiah wóltaʼ 49 bił ahąąh nidííniłgo dínííłʼįįł. Jesus bidiʼdoochííłjįʼ 588–570 B.C. yihahgo ádahóótʼįįd. Wóltaʼii 22Israel tʼáá ałtso nahasdzáán bikááʼ daʼníłtsʼą́ąjigo adahidiʼnóolkał—Gentiledóó Israel iiłkaahjįʼ nahatʼá bee yisdáʼiildéehii yee yaaʼáhodoolyąął dóó yeedoołdził—Israel ahąʼádoonííł dóó yisdáadookah, dóó tsiʼnaakaiígíí tséhégodgi átʼáo ahídidoolkʼą́ą́ł—Biʼiiníziinii bił hazʼánígíí doolchǫǫł, dóó Chʼį́įdii beʼdootłʼóół. Jesus bidiʼdoochííłjįʼ 588–570 B.C. yihahgo ádahóótʼįįd.