1 Áádóó baa hoolzhiizh Diyin Bóhólníihii yichʼįʼ dahodíísįįd, dóó shił dahdiikai; dóó tsin nizhóní adeelneʼgo bindashiilnish. Dóó Diyin Bóhólníihii haitʼéego tsinaaʼeeł ádeeshłíłígíí haashį́į́ nízah nináhálzhishgo shił ííshją́ ánáyiilʼįįh.

2 Kʼad shí, Nephi, doo diné tsin yindaalnish yidahoołʼąʼígi átʼáo bináashnish da, doondi diné tsinaaʼeeł ádeiiłʼinígi átʼéego íishłaa da; ndi Diyin Bóhólníihii shił ííshją́ áyiilaaígi átʼéego íishłaa; ákohgo, doo diné bikʼehgo íishłaa da.

3 Áádóó shí, Nephi, tʼáá ahąąh dził bighą́ą́ʼgóó ałnánáshdááh, dóó tʼáá ahąąh Diyin Bóhólníihii bichʼįʼ sondíszįįh; ákohgo Diyin Bóhólníihii tʼáadoo leʼé ayóó ádaatʼéii shił ííshją́ ádayiilaa.

4 Áádóó baa hoolzhiizh tsinaaʼeeł ałtso íishłaa dóó bikʼijįʼ; Diyin Bóhólníihii bizaad bikʼehgo, shikʼiské bił yáʼátʼéehgo deineełʼį́į́ʼ, dóó tʼáá íiyisíí nizhonígo hadadiilyaa; ákohgo, tʼáá bíDiyin Bóhólníihii yidáahgi hójoobaʼ ánáádaʼdiilyaa.

5 Áádóó baa hoolzhiizh Diyin Bóhólníihii biinééʼ yee shizhéʼé yichʼįʼ haadzííʼ, tsʼídá dáoosįįh dóó tsinaaʼeeł biih wohkááh.

6 Áádóó baa hoolzhiizh biiskání, tʼáá ałtsoní hashtʼedéilyaa dóó bikʼijįʼ, diné doo kééhatʼinídę́ę́ʼ daneestʼąʼ dóó atsįʼ łą́ągo, dóó tsisʼná bitłʼizh tʼóó ahayóigo, dóó Diyin Bóhólníihii choidoołʼį́į́ł nihidííniidíí bikʼehgo hashtʼedéilyaago, tsinaaʼeeł biih yiikai, ałtso hashtʼedeilyaa dóó nihiʼálastiiʼ bił, dóó tʼáadoo leʼé daniijaaʼę́ę bił, nihéédááhaígíí bikʼehgo; ákohgo, tʼáá aníiltso tsinaaʼeeł biih yiikai, niheʼesdzáá dóó nihaʼáłchíní bił.

7 Áádóó kʼad, shizhéʼé diné doo kééhatʼinígi ashiiké naakigo bee hazlį́į́ʼ; alą́ąjįʼígíí Jacob wolyé dóó akéédeʼígíí Joseph.

8 Áádóó baa hoolzhiizh tʼáá aníiltso tsinaaʼeeł biih yiikai dóó bikʼijįʼ, dóó chodeidiilʼįįłíí biih daheejaaʼ dóó tʼáadoo leʼé bee nihichʼįʼ haʼoodzíʼígíí, tónteel biih dah siitʼą́ dóó níyol bee kéyah aa deetʼą́ągóó nihił dah adiiʼéél.

9 Áádóó ląʼída yiską níyol náás nihił niʼníłʼéél dóó bikʼijįʼ, jó ákon, shikʼiské dóó Ishmael biyeʼké dóó bedaʼesdzáá yił hááhgóóshį́į́ ańdaadloh, hónáásdóóʼ adaʼniilzhiizh, dóó adahoʼniitáál, dóó tʼóó baaʼihgo ayádaʼniiłtiʼ, aooʼ, hónáásdóó haʼátʼíí beʼádziil yee kojįʼ niikaiígíí yaa dayooznáh; aooʼ, tʼáá íiyisíí tʼóó nichxǫ́ʼigo yee hadahaadzííʼ.

10 Áádóó shí, Nephi, tʼáá hazhóʼó Diyin Bóhólníihii tʼáá íiyisíí bá hodoochįįłígíí bee sísdzííd, dóó bąąhági ádaatʼéii yaa ńdiikaiígíí biniinaa atínihóleʼ niizį́į́ʼ, áko tsʼídá tónteel yiyiʼjįʼ kónihóleʼ lágo; ákohgo shí, Nephi, hazhóʼó baa áhashyą́ągo bichʼįʼ yéiiłtiʼ; ákondi shooh tʼóó shichʼįʼ bádahoochįįd, kódaaníigo: Nihí doo nihitsilí nihinaatʼáanii dooleeł dah daniidzin.

11 Áádóó baa hoolzhiizh Laman dóó Lemuel shisíł dóó tłʼóół yee sheʼeztłʼǫ́, dóó tʼáá naʼńleʼdii nashiishan; ákótʼée ndi, Diyin Bóhólníihii bibee ádziil ííshjaní íidoolííł biniyé áhóótʼįįd, ńléí tsiʼ naakaaígíí saad yee yá haadzíʼę́ę bedaʼdoolnííł biniyé.

12 Áádóó baa hoolzhiizh yéego shedaʼaztłʼǫ́ áko doo hidideeshnááłgóó ádashiilaa, dah atsihígíí, éiyá Diyin Bóhólníihii hashtʼeyíilaayę́ę, doo naalnish da silį́į́ʼ.

13 Ákohgo, háajigo tsinaaʼeeł dah deididoołʼołígíí doo bił béédahózin da, hónáásdóó ayóó átʼáo deeyol, aooʼ, ayóó átʼáo dóó báá hádzidgo ahoʼniiłtą́, dóó nátʼą́ą́ʼ nihił nááyołgo tááʼ danhiiską; dóó tʼáá hazhóʼó tónteel ndabidoołtsiłígíí tʼéiyá tʼáá íiyisíí yeedaasdzííd; ákótʼée ndi tʼáadoo kʼééʼdashizhʼáh da.

14 Áádóó dį́į́ʼ yiską́ągo, nátʼą́ą́ʼ nihił náʼníʼeel, dóó tʼáá íiyisíí niyólgo nihee ahoʼniiłtą́.

15 Áádóó baa hoolzhiizh kʼadę́ę tónteel bitłʼáah góyaa anhiʼdilnééh silį́į́ʼ. Dóó táłkááʼ nátʼą́ą́ʼ nihił nááyołgo dį́į́ʼ yiską́ dóó bikʼijįʼ, shikʼiské Diyin God bibee ánihwiitʼááh bikʼijįʼ kólyaaígíí yaa ákodaniizį́į́ʼ, dóó doo ákogi átʼéii yaa naakaiígíí yaa ńdaʼooskango tʼéiyá doo dadínóonéłígíí yaa ákódaniizį́į́ʼ; ákohgo, shaa yíkai, dóó tłʼóół shílátsíín gónaa bee beʼestłʼónée kʼéédaʼazʼáh, áádóó áko shooh tʼáá íiyisíí neezhcháád; dóó shikétsíín ałdóʼ yéego neezhchaad, dóó ayóó átʼáo daneezgai.

16 Ákótʼée ndi, shiDiyin God bichʼįʼ diníshʼį́į́ʼ, dóó iʼiiʼááhjįʼ baa hashniih ńtʼę́ę́ʼ; dóó tiʼhwiiséniiʼígíí biniinaa tʼáadoo Diyin Bóhólníihii bikʼijįʼ haasdzíiʼ da.

17 Kʼad shizhéʼé, Lehi, tʼóó ahayói tʼáadoo leʼé yee yichʼįʼ haadzííʼ, dóó Ishmael biyeʼké ałdóʼ bichʼįʼ; ákondi, shooh, tʼáá háiida shichʼąąh haadzihígíí tʼáá íiyisíí saad yikʼijįʼ adayiinííł; dóó shineesanii haastxihgo, dóó baʼáłchíní biniinaa ayóó yaah bíniʼ dóó tiʼhoonííhgo naaʼaash, aooʼ, yaa ábiilaa, dóó bitʼahoniigai.

18 Ayóó yąąh bíniʼ dóó yaa yínííł nízin, dóó shikʼis bąąhági ádaatʼéii yaa naazhʼázhígíí biniinaa, kʼasdą́ą́ʼ díí yiikáhgi náábiʼdiiʼnílgo biDiyin God yichʼįʼ dah nídiitʼáázh; aooʼ, bitsiiʼ yiibaʼígíí kʼasdą́ą́ʼ łeeshtah góyaaʼí abíínil; aooʼ, índa kʼasdą́ą́ʼ yínííł naaʼáashgo táyiʼ góyaaʼí kólyaa.

19 Áádóó Jacob dóó Joseph ałdóʼ, tʼahdii nooséłí nilį́įgo, ayóó dichin nízingo, bimá tiʼhooníihgo biniinaa yaah bíniʼ; dóó sheʼesdzáán ałdóʼ jicha dóó sozdilzin, dóó ałdóʼ shaʼáłchíní, kʼenáʼóʼaad chʼééh dajiníigo shaa ńdaʼjookąąh ákondi shikʼiské bijéí tʼáadoo nídáázhǫǫdgóó doo kʼéédashizʼah da.

20 Áádóó tʼáá hazhóʼó Diyin God bibee ádziil, nabidoołtsxiłgo bił ííshjání ályaago, tʼéiyá bijéí yilzhóólí áyiilaa; ákohgo, kʼadę́ę tónteel abiłnééhgo ádáádzaayę́ę yąąh dabíneʼgo yaa ádaańdaʼooskan, wónáásdóó shéé dadeezhchid.

21 Áádóó baa hoolzhiizh kʼéédaʼshizhʼah dóó bikʼijįʼ, jó ákon, dah atsihíyę́ę ńdiiʼą́, dóó íinisinígíí yikʼehgo nídiilnish. Áádóó baa hoolzhiizh Diyin Bóhólníihii bichʼįʼ sodeeszin; dóó sodeeszin bikʼijįʼ doo níyol da silį́į́ʼ, dóó nahałtinée áhodiilzeeʼ, dóó doo íitsʼaʼí da silį́į́ʼ.

22 Áádóó baa hoolzhiizh shí, Nephi, tsinaaʼeeł dah náádiiłʼéél, ńléí kéyah aa deetʼanii bichʼįʼ.

23 Áádóó baa hoolzhiizh tʼáá nihił ooʼółgo tʼóó ahayóí náánéíską́ kéyah aa deetʼą́ądi nihił aʼníʼéél; dóó kéyah bikááʼgóó dah diikai, dóó nihiníbaal ndaniiʼnil; dóó kéyah aa deetʼą́ bee deiyíníijiʼ.

24 Áádóó baa hoolzhiizh kéyahgi hashtʼedeiilyaa, dóó álástsiiʼ kʼidadiilyéego baa nídiikai; aooʼ, álástsiiʼígíí ałtso kʼidadeelyá, Jerusalem bikéyahdę́ę́ʼ daniijaaʼą́ą́. Áádóó baa hoolzhiizh ayóó ndaʼneeltʼą́; ákohgo, tʼáá íiyisíí bee nihikʼihojisdliʼ.

25 Áádóó baa hoolzhiizh kéyah aadeetʼą́ bikáaʼgi bikʼídaneetą́ą́ʼ, diné doo kééhatʼį́įgi neikaigo, áko tsintahgóó naaldlooshii daʼałchiní ałʼąą áátʼeełgo hólǫ́, tʼáá áłah béégashii dóó bedaałtʼéhígíí, dóó télii dóó łį́į́ʼ, dóó tłʼízí dóó tłʼízí daʼałchinígíí, dóó naaldloosh daʼałchinígíí ałʼąą ádaatʼééł, diné chodeidoołʼįįł. Dóó tsé bee béésh ádaalʼį́ bikʼídaneetą́ą́ʼ, tʼáá áłah béésh óola dóó béésh łigaii, áádóó béésh łichíiʼii.