1 Shooh díí doohtsʼį́į́h, O Jacob bighandóó haojéʼígíí, Israel bízhiʼ bee danihiʼdójíhígíí, dóó Judah bitáyiʼ haahisóhkai, éí doodago tó bee danihiʼdoolzį́į́ʼdę́ę́ʼ haahisóhkai, Diyin Bóhólníihii bízhiʼ yee ádee hádahadziihii, ndi dóó Israel biDiyin God deiyizhiʼii, ákondi tʼáá aaníinii dóó Diyinkʼehgo oodááł doo yee ádee hadahaasdzííʼ da.

2 Ákótʼée ndi, tʼáá bí kintah diyinii yee daʼádójí, ndi tʼáá bí doo Israel biDiyin God yikʼeh ádaatʼéii da, Diyin Tʼáá Ałtsoní bee Bóhólníihii; aooʼ, Diyin Tʼáá Ałtsoní bee Bóhólníihii éí bízhiʼ.

3 Áko shooh, hodeeyáádę́ę́ʼ ádahóótʼįįdígíí baa hweeshneʼ; dóó tʼáá shí shizééʼdóó bee haasdzííʼ, dóó bił ííshjání ádeishłaa. Tʼáá hooshchʼįʼ bił ííshjání ádeishłaa.

4 Áádóó doo áníʼdiʼnínígi ánítʼéego shił bééhózin, dóó nikʼos éí béésh nitłʼizígíí nahalingo ayóó íídóotsʼid, dóó ninátsʼiin béésh łitsoii nahalin éí biniinaa ákótʼáo haasdzííʼ;

5 Áádóó ńléí hodeeyáádę́ę́ʼ nichʼįʼ bee haasdzííʼ; éí áhoonííł bitsijįʼ nił ííshjání ádeishłaa; dóó báádahadzid bíká ííshjání ádeishłaa ni kódidííniiłgo—Shiʼéʼélyaa áátʼįįd, dóó sheʼalyaa, dóó doolyįįʼgo shá éʼélyaii kódadoohnííł yidííniid.

6 Ni díí ałtso yiníłtsą́ dóó disinítsʼą́ą́ʼ; dóó dooísh baa hódiilní da? Dóó tʼáadoo leʼé ániidígíí kodóó nił ííshjání íishłaa, tʼah doo béédahoozįįhígíí, dóó tʼah doo niłhił ííshją́ą́ álnéhígíí.

7 Kʼad ádaalyahígíí, dóó doo hodeeyáádę́ęʼ dah, ńléí bee nichʼįʼ haʼoodziʼę́ę́dą́ą́ʼ bitsijįʼ doo dasidinitsʼą́ąʼ da,—Jó ákon shił béédahózin didíiniiłgo.

8 Aooʼ, doo dasidintsʼą́ąʼ da; aooʼ, doo nił béédahózin da; aooʼ, áádóó wóshdę́ę́ʼ nijaaʼ doo ąą átʼée da; tʼáá íídą́ą́ʼ ní ayóó ninaʼádloʼíígíí shił bééhózin, dóó yishchʼid biiyiʼdę́ę́ʼ niʼiisííhii yisínílyeʼ.

9 Ákótʼée ndi, shízhiʼ biniinaa sháháchįʼ niʼ kódeeshłííł, dóó shaa haʼniih biniinaa naashistiʼ doo, áko doo nidiyeeshxéeł da.

10 Háálá, áko shooh, nizhǫ́ ániishlaa, achʼįʼ nahwiiʼná dookʼą́ą́łdę́ę́ʼ nihikʼidiishniiʼ.

11 Tʼáá shí adá, aooʼ, díí tʼáá shí adá ákodeeshnííł, doo tʼáánaʼníleʼdii shízhiʼ bee naʼásdzíih da doo, dóó doo nááná łaʼ shaa haʼniihígíí baa dideeshʼááł da.

12 Shíísíníłtsʼą́ą́ʼ, O Jacob, dóó Israel háká ádííniid, háálá bí áshtʼį́; áłtsé nishłį́, dóó akéedi ałdóʼ nishłį́.

13 Shílaʼ ałdóʼ nahasdzáán yitłʼááhdóó haidiilaa, dóó shílaʼ nishnáají yáʼąąsh ąąh kóyiiláá. Bichʼįʼ ádííniid dóó ałhííghah deizįʼ.

14 Tʼáá ánółtso, áłhíidooʼkah, dóó dadidoohtsʼį́į́ł; háísh bitahdóó díidí tʼáadoo leʼé yaa hóólneʼ? Diyin Bóhólníihii ayóó abóʼní; aooʼ, dóó bizaad yinahjįʼ yaa hóólneʼę́ę yeedaʼdoolííł; dóó Babylon íinízinígi íidoolííł, dóó bigaan yee Chaldea dineʼé yaa kwíidoolííł.

15 Ałdóʼ, Diyin Bóhólníihii kóníiniʼ; Shí Diyin Bóhólníihii nishłíinii, aooʼ, bee yéiiłtiʼ; aooʼ, yee yádoołtih biniinaa yíízhiʼ, shí honílóóz, dóó ííłʼinígíí bee náás hoolzhishgo íidoolííł.

16 Hágo shíighahgi yiizįįh; doo nanishʼingóó nichʼįʼ haasdzííʼ; hodeeyáádę́ę́ʼ, tʼóó bee haʼoodzííʼdóó bee yéiiłtiʼ; dóó Bóhólníihii Diyin God, dóó biʼIiʼ Sizį́ Diyinii, ashííłʼaʼ.

17 Áádóó Diyin Bóhólníihii kóníineʼ, náNináʼnídláii, Israel biDiyin Ayóó Átʼéii; shí iiłʼaʼ, Bóhólníihii niDiyin God bee ákʼihóltaʼii yinaníneestą́ą́ʼ, yínááł doo góneʼ noolóós, éí yiiʼ hadiiyá.

18 O shibee hazʼáanii yísiníłtsʼą́ąʼgo—yeeʼ índa tooh nílį́įgi átʼáo nił hoozyéél doo, dóó tónteel yilkʼolgi átʼáo tʼáá ákogi ánitʼée doo ńtʼééʼ.

19 Nílástsiiʼ ałdóʼ séigi átʼéé ńtʼę́ę́ʼ; niyiʼdóó háájééʼ tsézéí nidáhalin; bízhiʼ doo nahjįʼ kódoolníił da índa shitsíjįʼ doo doolchxǫǫł da ńtʼę́ę́.

20 Babylondóó wohkah, Chaldea dineʼé bitsʼą́ąjįʼ noohcheeł, sin doohʼáałgo baa hoołneʼ, díí baa hoołneʼ, nahasdzáán nineelʼáajįʼ baa hołneʼ; kódíní: Diyin Bóhólníihii Jacob bá naalʼaʼí yá nináʼnídlá.

21 Áádóó doo dibááʼ danlíį da; dadzígai góneʼ chʼíiniʼeezh; tsé biyiʼdę́ę́ʼ tó háálįįgo yá áyiilaa; tsé ałdóʼ yideeshgizh dóó tó hadzííłhaal.

22 Áádóó azhą́ díí tʼáá ałtso áyiilaa ndi, dóó álááh ádaatʼéii ałdóʼ, ákótʼéendi doo hódeezyéél da, Diyin Bóhólníihii tsiʼ nidaakáíígíí ííłní.