Wóltaʼii 6
Nephi Diyin God bídéétʼiʼígíí yaa náʼiizóóh—Nephi éí bílaʼáshdlaʼii Abraham biDiyin God yaahidookah dóó yisdááhidookah biniyé naʼadzo. Jesus bidiʼdoochííłjįʼ 600–592 B.C. yihahgo ádahóótʼįįd.
1 Áádóó kʼad shí, Nephi, ałkʼidą́ą́ʼ danihizhéʼé baa haneʼę́ę díí haneʼ áshłééhígíí doo biyiʼ náhádéísoh da; áádóó doo ndi haaʼída náásdi díí haneʼ béésh tʼąhí bikááʼ ádeeshłííł da; háálá éí shizhéʼé tʼáá bí neiʼáhígíí bikááʼ naháasdzoh; ákohgo, díí naanish áshłéhígíí doo biyiʼ nááhídéesoh da.
2 Háálá shił yáʼátʼééh Joseph bitsʼą́ą́dóó dahosiidlį́į́ʼ dishnínígíí.
3 Áádóó shizhéʼé tʼáá ałtso náyiidzoh yę́ę doo ałtso baa hodeeshnihgo baa ntséskees da, háálá díí béésh óola tʼą́hí bikááʼ nááhídóodzohgo doo bóhóoghah da, háálá tʼáá bikááʼ hazʼánígi éí Diyin God bídéétʼiʼíí bee akʼeʼdeeshchííł nisin.
4 Háálá nihokááʼ dineʼé eí, Abraham biDiyin God, dóó Isaac biDiyin God, dóó Jacob biDiyin God yaa náhidookah, dóó yisdánáhidookah nisingo biniyé áshtʼį́.
5 Ákohgo, nihokááʼ dineʼé bił yáʼadaatʼéhíigíí éí doo bee akʼeʼeshchíi da, ndi Diyin God bił yáʼátʼéhígií dóó nihokááʼ dineʼé Diyin God bił danilíníigo bíł yáʼádaatʼéhígíí tʼéiyá.
6 Ákohgo, náásdi shaʼáłchíní dadooleełígíí, nihokáá dineʼé baʼáłchíní doo bá yáʼátʼéhígíí díidí béésh tʼąhí doo bee bikʼidaʼdoołchííł da bidideeshnííł.