1 Áádóó baa hoolzhiizh Diyin yá naalʼaʼí kóshidííniid: Níníłʼį́, áádóó áko shooh nilástsiiʼ níníłʼį́, dóó nikʼiské bílástsiiʼ ałdóʼ. Dóó dééʼį́į́ʼ dóó kéyah bee ahaʼdeetʼą́ néshʼį́; dóó diné dah naazhjaaʼgo néshʼį́, aooʼ, índa tónteel bibąąhgóó séí yílʼáhígi ánééląʼí nahalingo.

2 Áádóó baa hoolzhiizh diné ayóó ánéelą́ąʼgo ałkʼiidoojah biniyé ałhiheeskaigo néshʼį́, tʼááłáʼí dóó nááná łaʼ; dóó daʼahigą́ągo néshʼį́, dóó daʼahijigą́ą́góó baa dahaneʼ, dóó ayóó átʼéego shidineʼé béésh hał bee dajííghą́ą́ʼ.

3 Áádóó baa hoolzhiizh éí ląʼí da ałkééʼndaʼiizhchį́ daneeznáago néshʼį́, daʼahigą́ago dóó kéyahgi saad ałchʼįʼ adayiiznił binahjįʼ; dóó łą́ągo kin hadáasʼáago néshʼį́, aooʼ, índa tʼáadoo éí yíłtaʼ da.

4 Áádóó baa hoolzhiizh éí kéyah bee ahaʼdeetą́ bikááʼgóó chahałheełgo; dóó ndaʼdilchʼilgo yiiłtsą́, dóó daʼdiʼníigo dóó kéyah nahaʼnáago sidétsʼą́ą́ʼ, dóó nahasdzáán dóó tsé, éí ndaheezdláadgo néshʼį́; dóó daadziłę́ę ádaałtsʼíísígo ndaheesdááz; dóó nahasdzáangi dadzígaiyę́ę yiiłtsą́, éí nidahaastǫʼ; dóó kintah łą́ągo nahoditsʼǫʼ góneʼ ahindéhgo dóó ląʼígo kǫʼ adabiiskʼą́ąʼgo yiiłtsą́; dóó ląʼígo niʼjįʼ ahiih nídaazkaadgo yiiłtsą́, niʼ nahasʼnáʼígíí biniinaa.

5 Áádóó baa hoolzhiizh díidí tʼáadoo leʼé yiiłtsánígíí bikʼijįʼ, chahałheeł yildohyę́ę yiiłtsą́, éí nahasdzáán bikááʼdóó dah diildoh; áádóó áko shooh, Diyin Bóhólníihii ayóó átʼéego dóó báhádzidgo ánihwiiʼaahgo biniinaa diné dah naazhjaaʼgo tʼáadoo naaʼaníídeeʼígíí yiiłtsą́.

6 Áádóó yáʼąąsh ąą ádzaago yiiłtsą́, dóó Diyin God biDibé Yázhí yáʼąąshdę́ę́ʼ adah yigááł, dóó adáayá dóó tʼáá bí yichʼįʼ ííshjání íʼdiilyaa.

7 Áádóó Iiʼ Sizį́ Diyinii ałdóʼ naakitsʼáadah yiltʼéego yikʼi dahooleʼgo yiiłtsą́ dóó tʼáá aaníigo baa hashneʼ; dóó tʼáá átʼé Diyin God dabiisį́į́ʼ dóó náyiizlááʼ.

8 Áádóó Diyin yá naalʼaʼí shichʼįʼ haadzííʼ, kóníigo: jó ákon Diyin God biDibé Yázhí naakitsʼáadah bídahoołʼaahii, éí nílástsiiʼ yíká adoojahgo náyiizlááʼ.

9 Áádóó kóshidííniid: Niísh Diyin God biDibé Yázhí hastóí naakitsʼáadah bikʼi dahodiiniiʼę́ę béénilnííh? Áko shooh éí tʼáá átʼé Israel naakitsʼáadah bidineʼé dah yikahígíí yá ndahodooʼááł; ákohgo, nílástsiiʼ naakitsʼáadah bíká adoojáhígíí bá ndahodooʼááł; háálá Israel bighandóó dahosoolį́į́ʼ.

10 Áádóó díidí nílástsiiʼ naakitsʼáadah bíká adoojáhígíí shį́į́ bá ndahodooʼáłígíí níníłʼį́. Dóó, jó ákon, ahoolʼáágóo tʼáá ákogi ádaatʼé; háálá Diyin God biDibé Yázhí dayoodlánígíí biniinaa bidił yee biʼééʼ daalgai daazlį́į́ʼ.

11 Áádóó Diyin yá naalʼaʼí kóshidííniid: Níníłʼį́! Áádóó dééʼį́į́ʼ, dóó táadi ałkééʼ naʼiizhchį́ tʼáá ákogi ádaatʼéego nááhidiilyáago nééłʼį́į́ʼ; dabiʼééʼ Diyin God biDibé Yázhí nahalingo daalgai daazlį́į́ʼ. Dóó Diyin yá naalʼaʼí kóshidííniid: Díidí Diyin God biDibé Yázhí bidił bee łigaigo ádaalyaa, éí daboodlánígíí biniinaa.

12 Áádóó shídóʼ, Nephi, dį́įdi ałkʼi náʼázhchį́ tʼáá ákogi ádaatʼéego ląʼí náhidiilyáago yiiłtsą́.

13 Áádóó baa hoolzhiizh diné nahasdzáángi dah naazhjaaʼgo ałhąʼ ádaadzaago yiiłtsą́.

14 Áádóó Diyin yá naalʼaʼí kóshidííniid: Shooh nílástsiiʼ níníłʼį́, dóó nikʼiské bílástsiiʼ.

15 Áádóó baa hoolzhiizh dééʼį́į́ʼ dóó shílástsiiʼ dóó dineʼé dah naazhjaaʼgo ałhíhiikaigo néshʼį́įgo shikʼiské bílástsiiʼ yikʼijįʼ; dóó áłkʼiidoojah yiníyé ałhíhiikai.

16 Áádóó Diyin yá naalʼaʼí kóshidííniid: Jó ákon tó tʼóó baaʼihgo nílinígíí nizhéʼé yiyiiłtsą́; aooʼ, tooh nílį́įgo yaa yááłtiʼę́ę; chʼį́įdiitah áhootʼéʼhígi áhootʼé.

17 Áádóó hodiłhiłgo chahałheeł éí biʼiiníziinii yee íʼnítaah ádaatʼé, éí anááʼ doo yee daʼooʼį́į da, dóó nihokááʼ dineʼé baʼáłchíní bijéí deineestłʼis, dóó atiin dah hóteelgóó ayiiʼéésh, daniné dóó yóó ahikááh.

18 Áádóó kin ntsaago biiʼ hazʼą́, nizhéʼé yiyiiłtsą́, nihokááʼ dineʼé baʼáłchíní tʼóó tʼáá bí tʼéiyá bił ádahatʼį́ dóó yee ádaa dadzódlí átʼé. Dóó ayóó átʼéego dóó báhádzidgo bitahgi bikooh; azhą́ Hoolʼáágóó Diyin God tʼáá ákogi átʼáo bizaad ndi, dóó Messiah nilínii éí Diyin God biDibé Yázhí átʼį́, éí Iiʼ Sizį́ Diyinii yaa halneʼ, hodeeyáádóó kojįʼ hoolzhishjįʼ, dóó díí hoolzhishdóó ahoolʼáágóó.

19 Áádóó Diyin yá naalʼaʼí díidí saad yee yáłtiʼgo, jó ákon shikʼiské bílástsiiʼ éí shílástsiiʼ yikʼijįʼ daʼdeeztsihgo yiiłtsą́, Diyin yá naalʼaʼí bizaad bikʼehgo; dóó shílástsiiʼ ádaa dadzódlíigo biniinaa, biʼiiníziinii bibee ídaʼhontáh, shikʼiské bílástsiiʼ shidineʼé bílástsiiʼ yikʼehdadeesdlį́į́ʼ.

20 Áádóó baa hoolzhiizh shí éí néshʼį́, dóó shikʼiské baʼáłchíní bidineʼé yiiłtsą́ągo shaʼáłchíní yikʼeh dadeesdlį́į́ʼ; dóó kéyah yikááʼgóó dah naazhjaaʼgo dah diikai.

21 Áádóó dah naazhjaaʼgo ałhíhiikaiígíí yiiłtsą́; dóó daʼahigą́ dóó bitahgóó daʼahijigánígíí baa dáhaneʼgo yiiłtsą́; dóó ląʼí da ałkʼi naʼázhchį́ daʼahigą́ągo dóó daʼahigáníjí baa haneʼgo ahoolzhiizh.

22 Áádóó Diyin yá naalʼaʼí kóshidííniid: Áko shooh díidí doo daʼoodlą́ą́góó ádadoodįįł.

23 Áádóó baa hoolzhiizh shí éí yiiłtsą́, beʼoodląʼ ádasdįįd dóó bikʼijįʼ bitsįʼ yishtłizhii daazlį́į́ʼ, dóó doo bá adahwiinítį́į da, dóó dineʼé tʼóó badaaʼih, ayóó bił dahóyééʼ dóó ayóó átʼéego oolchʼį́į́dígíí yikʼehgo deeskai.