Wóltaʼii 1Moroni éí Ether neiyiizohyę́ę ałtso ałhíyíízohgo—Ether bizázíyę́ę álkéé sinilgo baa nááháneʼ—Jared dineʼé dabizaad éí Babel Kin Yadiinéézdi bizaad tʼáádóó ałʼąąh átʼéego ályaa da—Diyin Bóhólníihii éí kéyah bikʼihodiiniiʼgóó yidooʼishgo yee yá haadzííʼ dóó ayóó átʼáo dahyiikahgo íídoolííł. Wóltaʼii 2Jared dineʼé kéyah baa deetʼánígíí yichʼįʼ dahdidoonééłgo hashtʼeʼádaʼdilnééh—Éí tʼáá íiyisíí kéyah yáʼátʼéehii átʼé ákweʼé diné Christ deidósin doo doodago éí nahjįʼ ábidiʼdooldįįł—Diyin Bóhólníihii Jared bínaaí yichʼįʼ yáłtiʼgo táá ahééʼálkid—Jared dineʼé tsin naaʼeeł ádeiyiilaa—Diyin Bóhólníihii Jared bínaaí haitʼáo tsin naaʼeeł biyiʼ adiltłiʼ dooleełgo neiyídííłkid. Wóltaʼii 3Jared bínaaí éí Diyin Bóhólníihii tsé hastą́ʼáadah yidoolchidgo yilázhoozh yiyiiłtsą́—Christ éí Jared bínaaí Biiʼ sizíinii ánoolninígíí yił ííshjání áyiilaa—Háída haałtʼéego bił ééhózinígíí daaʼdiníbaal doo bichʼą́ą́h silą́ą da dooleeł—Bee éédahodoozįįłígíí éí Jared dineʼé baa haneʼ ííshjání ádoolnííłgo ndahaasyá. Wóltaʼii 4Jared bínaaí neiyiizohyę́ę éí Moroni bidáʼdiʼdííłjah biʼdooniid—Nihokááʼ dineʼé doo bił ííshjání ádoolnííł tʼáá hazhóʼó Jared bínaaí nahalingo daʼoosdląądgo índa—Christ éí nihokááʼ dineʼé Shizaad deiyinohdlą́ yiłní dóó Shikééʼ naazíinii bizaad ałdóʼ—Nihokááʼ dineʼé éí ádaańdaʼoohkąąh biʼdooʼniid, dóó nahatʼá bee yisdáʼiildéehii deinohdlą́, áko yisdáʼdohkah. Wóltaʼii 5Tááʼgo daʼiiłtsánígíí dóó bindoonishígíí éí Naaltsoos Mormon Wolyéhígíí tʼáá aaníí átʼé daaníigo yaa dahalneʼ doo. Wóltaʼii 6Jared dineʼé bitsinaaʼeeł bił daníyolgo kéyah baa deetʼą́ąjįʼ yíkai—Éí diné Diyin Bóhólníihii bee ajoobaʼ yaa dahaniih—Orihah éí aláahdii binaatʼáanii nilį́įgo yikʼidadiilniiʼ—Jared dóó bikʼis bizééʼ hazlį́į́ʼ. Wóltaʼii 7Orihah diyinkʼehgo akihooʼááł—Bitahgi adziilii doo yáʼátʼééhgóó chodeiyoołʼį́ dóó saad yee daʼahighá, Shule dóó Cohor ałkʼijįʼ nilíigo bił hooʼaʼ—Diyin Yá Yádaałtiʼí doo yáʼáshóonii dóó diné yedaʼiiláiiʼígíí yichʼįʼ ndahałááhgóó doo ákótʼée da daaní, éí áádóó ádaańdaʼooskan. Wóltaʼii 8Nahatʼá bił hazʼą́ągi saad ahideitʼááh dóó ałkʼijįʼ danilį́—Aláahdi naatʼáanii deidiyoolhééłgo Akish tʼáá nahonitʼingo łaʼ yił ałhaʼdaʼdeestʼą́—Nahonitʼingo nahatʼá éí biʼiiníziinii bibeeóʼoolʼįįł átʼé dóó éí dahdaʼíldéhígíí neiyiiłchǫ́ǫ́h—Tʼáá ániid Gentile danilínígíí tʼáá bí ádeinízingo kéédahatʼį́įgo, dahdeiyíkaahgóó, dóó adahwiisʼáago kéédahatínígíí dadoolchxǫ́ǫ́ł éí tʼáá nahonitʼingo nahatʼá átʼé éí ákohodooníłígíí tʼáá bitséédi bee bił dahooneʼ. Wóltaʼii 9Naatʼáanii bee báhazʼą́ éí daʼahiłchííhígíí bitah hoolzhishgo ahadeidiyiitʼaah doo, nahonitʼingo ndahaʼá, dóó naʼatseed bee—Emer éí Diyin Tʼáá Ákogiʼ Átʼéii biYeʼ yiyiiłtsą́—Ląʼí Diyin yá yádaałtiʼí ádaańdaʼoohkąąh daaníigo ndaʼnitin—Dichin aghą́ dóó naʼashǫʼii báhádzidii diné ndeiłtseed. Wóltaʼii 10Aláahdi Naatʼáanii ałkééʼ dahnídinibįįhgo hoolzhish—Aláahdi Naatʼáanii łaʼ diyinkʼehgo deiyikááh; łaʼ éí doo yáʼádaashǫ́ǫ da—Yáʼátʼééh oodááłjí álááh átʼéego, Diné bikʼih hojídlí dóó Diyin Bóhólníihii yinahjįʼ náásdeeskai. Wóltaʼii 11Jared dineʼé anaaʼ, ałtsʼadaʼiildééh, dóó bąąhági ádaatʼéí íiyisíí yaanaakai—Diyin Yá Yádaaltiʼí Jared dineʼé ádaańdaʼooskango tʼéiyá náásdi doo ałtso ábiʼdidooldįįł da daaníigo yaa dahoolneʼ—Dineʼé Diyin yá yádaałtiʼí bizaad yooʼadeideezʼą́. Wóltaʼii 12Diyin yá yáłtiʼii Ether éí dineʼé Diyin God deinohdlą́ yiłní—Moroni ayóó átʼáo dóó tsʼídá baa haʼniihgo oodląʼ bee ádaʼalyaaígíí yaahalneʼ—Oodląʼ bee Jared bínaaí Christ yiyiiltsą́—Diyin Bóhólníihii nihokááʼ dineʼé achʼįʼ nahwiiʼná yaayilé áko hojoobaʼ danízin doo—Jared bínaaí oodląʼ yee Zerin Dził łahgi niiníʼá—Oodląʼ, haʼólní, dóó diyingo ayóóʼóʼóní éí yisdaʼadoodááłgo tsʼídá nidzin—Moroni Jesus baa níyáago yiyiiłtsą́. Wóltaʼii 13Ether éí Jerusalem Ániidígíí Americadi Joseph baʼáłchíní ndeidoonił ní—Diyin bił ííshjání áyiilaaʼígíí yaa hoolneʼ, chʼibidiʼnoolchą́ą́ʼ, Jared dineʼé ánákeeʼ nahaneʼ neiyiizoh, dóó Jared dineʼé abidiʼdooldįįłgo yaa hoolneʼ—Anaaʼ tʼáá ałtso kéyah bikááʼgóó bááhádzidgo hazlį́į́ʼ. Wóltaʼii 14Dineʼé bąąhági ádaatʼínígíí biniinaa kéyah hóyééʼgo bił hooʼaʼ—Coriantumr éí Gilead, áádóó Lib, áádóó Shiz ałdóʼ yił anaaʼ áyiilaa—Kéyah bikááʼgóó daʼahijigą́ dóó ndaʼahijiltseedgo bił hooʼaʼ. Wóltaʼii 15Dimííl bilááhgóó Jared dineʼé anaaʼdi ndabiʼdiztseed—Shiz dóó Coriantumr dineʼé tʼáá átʼé ahíyiizheezh ałtso ndaʼahidooltsxił biniyé—Diyin Bóhólníihii biʼIiʼ Sizį́ Diyinii doo bił dahólǫ́ǫ da silį́į́ʼ—Jared dineʼé ałtso ábiʼdisdįįd—Coriantumr tʼéiyá chʼéédzííʼ.