1 Áádóó áko kéyah tʼáá ałtso bikááʼgóó ayóó átʼáo hóyééʼgo bił hooʼaʼ háálá dineʼé bąąhági ádaatʼínígíí biniinaa, áko, diné da łaʼ bibeenaʼanishí doodaiiʼ bibéesh hał bikááʼ dah nídaʼaʼniłídi niitʼį́į́hgo, doodago dah neitʼį́hę́ęgiʼ niitʼį́į́hgo, áko shooh, biiłkááhí, chʼééh háídéézʼį́į́ʼ doo, áko tʼóó báhádzidgo kéyah bikááʼgóó hóyééʼgo hooʼaʼ.

2 Ákohgo diné tʼáá łaʼí nízínígo binaadeełii, bilaʼ yee, ádídeiyóltąʼ dóó doo baʼílyée da dóó doo háída yaʼiilée da; áádóó diné tʼáá łaʼí nízínígo bibéésh hał bee wótʼaʼígi bilaʼ nishʼnáájíígíí yee yótąʼ, binaadeełii, dóó tʼáá bí beʼiinaʼ dóó bichʼooní dóó baʼáłchíní danilíinii yee yichʼą́ą́h naʼałhaał doogo.

3 Áádóó áko, naaki ałtso nááhaigo, dóó Shared biʼdiisyį́ dóó bikʼijįʼ, áko shooh, Shared bikʼis akʼijįʼ yiizįʼ dóó Coriantumr yikʼijįʼ deezbaaʼ, áko Coriantumr éí yikʼeh deesdlį́į́ʼ dóó Akish diné doo kééhatʼínígóó yikééʼ níbaaʼ.

4 Áádóó baa hoolzhiizh Shared bikʼis éí Akish diné doo kééhatʼínídi hakʼijįʼ deezbaaʼ; dóó ayóó átʼáo daʼahijoogą́ą́, dóó ląʼí dimííl yázhí bilááhgóó béésh hał bee ndabiʼdiztseed.

5 Áádóó baa hoolzhiizh Coriantumr diné doo kééhatʼínígíí yinídaaztʼiʼ; dóó Shared bikʼis tłʼéégo diné doo kééhatʼínídééʼ chʼíníná, dóó Coriantumr bindaabaahí łahdóó ndeistseed, naaʼadeyizlą́ągo.

6 Áádóó Moron kéyahgi níyá, dóó Coriantumr hooʼááłyę́ędóó dahneezdá.

7 Áádóó baa hoolzhiizh Coriantumr diné doo kééhatʼínídi kééhatʼį́įgo naaki nááhai, áko ndaabaahí ląʼígo baa haatʼeeshgo yéego bidziil silį́į́ʼ.

8 Áko Shared bikʼis, éí Gilead wolyé, éí ałdóʼ ndaabaahí ląʼígo baa hatʼééshgo yéego bidziil silį́į́ʼ, nahonitʼingo ndahaʼáhígíí bikáʼííjéʼígíí biniinaa.

9 Áádóó baa hoolzhiizh bihigh priest nilínígíí hooʼáałgi dahsidáago biisxį́.

10 Áádóó baa hoolzhiizh łaʼ nahonitʼingo nahaʼáhígíí nahonitʼin chʼíhóonitʼį́gi biisyį́, dóó nahatá bił hazʼą́ yee ádíhoosʼniiʼ; dóó éí Lib joolyé; dóó Lib hastiin éí ayóó ázníłnééz, tʼáá ałtso dineʼé bihastʼóíʼígíí biláahdi.

11 Áádóó baa hoolzhiizh Lib tʼááłáʼí nááhai hooʼááłgo, Coriantumr kéyah Moronjįʼ níyá, dóó Lib yikʼiilwod.

12 Áádóó baa hoolzhiizh Lib yił ahoogą́ą́ʼ, áko Lib bigaan neidííłhaalgo atíyiilaa; ákotʼée ndi, Coriantumr bindaabaahí náásee Lib yikééʼ deiyíbááh, áko tónteel bíighahjįʼ anííchą́ą́ʼ.

13 Áádóó baa hoolzhiizh Coriantumr binoołchééł; dóó Lib tónteel bíighahgi yił ahoogą́ą́ʼ.

14 Áádóó baa hoolzhiizh Lib Coriantumr bindaabaahí yitaaʼ asxaal, áko Akish diné doo kééhatʼínígóó ánáádahineezhchą́ą́ʼ.

15 Áádóó baa hoolzhiizh Lib yinoołchééłgo Agosh halgaijįʼ yikééʼ níbaaʼ. Áádóó Coriantumr tʼáá ałtso dineʼé dahyidiiʼeezh Lib bikééʼ yibahgo éí kéyah azhnííchą́ą́ʼyę́ęjigo.

16 Áádóó Agosh halgaigi níyáago Lib yikʼiilwod, dóó néíniłxałgo yiyiisyį́; ákotʼée ndi, Lib bikʼis Coriantumr yikʼiilwod Lib biʼdisyínígíí biniinaa, dóó ayóó átʼáo daʼahijoogą́ą́, áko Coriantumr Lib bikʼis bá daabaahí yitsʼąą dahnáádínííchą́ą́ʼ.

17 Áko Lib bikʼis éí Shiz wolyé. Áádóó baa hoolzhiizh Shiz Coriantumr yikééʼ deezbaaʼ, dóó kintah ląʼí yikʼehdeesdlį́į́ʼ, áádóó sáanii dóó áłchíní neistseed, dóó kindaatahyę́ę iidiyiskʼą́ą́ʼ.

18 Áádóó tʼáá ałtso kédaayahgóó Shiz yéédaasdzííd; aooʼ, adahwiisʼáago tʼóó báhádzidgo cha hazlį́į́ʼ—Háílá Shiz bindaabaahí yikʼijįʼ dabidziil dooleeł? Áko shooh, nihokááʼ dineʼé biʼdoolzhoh nahalingo ndabidistsxeed!

19 Áádóó baa hoolzhiizh dineʼé ndaabaahí yił ałhídahiikai, tʼáá ałtso adahwiisʼáago.

20 Áádóó ałtsʼáákai; łaʼ éí Shiz bindaabaahí yichʼįʼ adahineezhchą́ą́ʼ, áádóó łaʼ éí Coriantumr bindaabaahí yichʼįʼ adahineezhchą́ą́ʼ.

21 Áádóó ayóó átʼáo dóó nízaadgóó anaaʼ hólǫ́ ńtʼę́ę́ʼ, dóó nízaadgóó daʼahijigą́ dóó ndaʼahijiltseedgo bił hooʼaʼ, áko tʼáá ałtso kéyah bikááʼgóó atsʼíís daneeznánígíí yílʼá.

22 Áádóó anaaʼ éí tʼáá hoshchʼįʼ dóó tsxįįłgo azlį́į́ʼ áko daneeznánígíí tʼáadoo łééh bóníłí da, ákondi ndaʼahiltseedgo dóó ndaʼahiltseedjį́ tʼáá náás deiyíbááh, hastʼóí, sáanii, dóó áłchíní bitsʼíís kéyah bikááʼ tʼáá bikééʼ deiyílʼáago ádeiyiilaa, áko chʼosh atsįʼ deiyánígíí bichʼiiyą́ dajizlį́į́ʼ.

23 Áádóó kéyah bikááʼgóó dadííłdzidyę́ę halchingo yijoł, tʼáá ałtso kéyah bikááʼgóó ńdi; ákohgo dineʼé jį́ dóó tłʼééʼ bííghah bidaʼdiiłʼá, háálá dííkʼǫshgo halchinígíí biniinaa.

24 Ákotʼée ndi, Shiz Coriantumr yiká naabaahgo tʼáadoo yikʼideiyáa da; háálá Coriantumr bikʼis yiʼyisxínée biniinaa éí yá nináʼdoodléełgo yee ádéhaadzííʼ, jó éí bidiisyį́, áádóó Ether Diyin Bóhólníihii bizaad yidiiztsʼą́ą́ʼ éí Coriantumr béésh hał doo bee bidiʼyoolyééł da dííniid.

25 Áádóó áko baa ákódaniidzííʼ Diyin Bóhólníihii éí báháchįʼ hakʼijįʼ kóyiilaa, áádóó bąąhági ádaatʼéii dóó tsʼídá aláahdi woolchʼįįd yaa naakaiʼígíí éí hoolʼáago tihooʼnííh yá hashtʼehoolaa.

26 Áádóó baa hoolzhiizh Shiz Coriantumr haʼaʼaahjigo yinoołchééł; tónteel bíighahjįʼ ndi, áádóó akweʼé yił ahigą́ąʼgoo tááʼ yiską́.

27 Áádóó Shiz bindaabaahí bitahgóó tʼóó báhádzido daʼahijoogą́ą́ʼ áko dineʼé yinídaasdzííd, dóó Coriantumr yindaabaahí yitsʼą́ą́dóó dahdadínííchą́ą́ʼ; dóó Corihor kéyahgóó dahdadínííchą́ą́ʼ, dóó akǫ́ǫ́ kéédahatʼínéé yikʼedadeesdlį́į́ʼ, tʼáá átʼé doo bidahidiikáhígíí.

28 Áádóó Corihor halgaigi biníbaal ndeiyiznil; áádóó Coriantumr éí Shurr halgaigi biníbaal neiyiznil. Áko Shurr halgai éí Comnor dah yiskʼid bííghahgi bił hazʼą́; ákohgo, Coriantumr éí Comnor dah yiskʼid bikáaʼgi bindaabaahí yił ahííkai, áádóó dilní Shiz bindaabaahí yee yichʼįʼ ádadííniid akweʼé yił daʼahidoogą́ą́łgo.

29 Áádóó baa hoolzhiizh baa níná, ákondi nátʼą́ą́ʼ anábidiʼnoolkaad; áádóó náánáná, áádóó nátʼą́ą́ʼ anáábidiʼnoolkaad. Áádóó baa hoolzhiizh táádi bikʼijįʼ náádadeezbaaʼ, dóó tʼóó báhádzidgo adaʼahizhniigą́ą́.

30 Áádóó baa hoolzhiizh Shiz Coriantumr neineesxaal áko yéego bitsʼíís atíyiilaa; áádóó Coriantumr, łą́ągo dił bąąh náánaʼ, bił chʼaa hazlį́į́ʼ, dóó biʼdiisyį́ nahalingo dahdeidiiłtį́.

31 Áko ląʼí da hastóí, sáanii, dóó áłchíní tʼáá ałchʼishjí ayóó áneilą́ągo daneezná áko Shiz bidineʼé Coriantumr bindaabaahí tʼáadoo biká ádaahtʼíní yidííniid; ákohgo, biníbaal ndaaznilyę́ęjįʼ náná.