1 Áádóó baa hoolzhiizh Shez, éí Heth yitsʼą́ą́dóó hazlį́į́ʼ—háálá Heth éí dichin dahaghą́ągo atah dichin hwiisxį́, dóó tʼáá átʼé yił dabighanígíí ałdóʼ tʼáá hazhóʼó Shez tʼéiyá chʼééyá—ákohgo, Shez diné tiʼhooʼnííh yiyiʼdę́ę́ʼ hasdáákaaígíí bidziilgo ánéídlééh.

2 Áádóó baa hoolzhiizh Shez bizází ábiʼdisdįįdyę́ę yénálniih, dóó yáʼátʼéehgo hootʼááł bił hazʼą́ągo haidiilaa; jó áko Jared dóó bikʼis tónteel yikááʼdę́ę́ʼ Diyin Bóhólníihii biníʼeezhyę́ę yénáálniiʼ, Diyin Bóhólníihii yikʼeh hósingo níyá; dóó biyeʼké dóó bitsiʼké dahazlį́į́ʼ.

3 Áádóó álą́ąjįʼ biyeʼ éí Shez wolyé, éí hatsʼą́ą́jí silį́į́ʼ; ákótʼée ndi, tʼáá bí Shez łaʼ aniʼįįhii biisxį́ háálá ayóó atʼį́įgo, éí bąą bizhéʼé hazhóʼó bił hazʼą́ągo bił náhootʼaʼ.

4 Áádóó baa hoolzhiizh bizhéʼé kéyah bikááʼgóó tʼóó ahayóí kin dah naazhjaaʼgo áyiilaa, dóó diné kéyah bikááʼgóó ałʼąą dínéestʼą́. Dóó Shez tʼáá íiyisíí są́ yiih yíyá; dóó áko biyeʼ Riplakish bá yizhchį́. Áádóó bizééʼ hazlį́į́ʼ, dóó dahjizdáhę́ę góneʼ Riplakish aláahdi bóhólníihgo hodeeshzhiizh.

5 Áádóó baa hoolzhiizh Riplakish Diyin Bóhólníihii doo yikʼeh hółʼį́įgo hooʼááł ńtʼę́ę́ʼ, háálá tʼóó ahayóó beʼasdzą́ą́ áyiilaa dóó ałjiłnii bee hólǫ́ǫ́ ńtʼę́ę́ʼ, dóó bidineʼé neiniłkaadgo tiʼdahooníihgo áyiilaa, aooʼ, tʼáá íiyisíí ląʼí ínáoltąʼ ndeiyiiléego yeehoołʼaʼ; dóó éí ínáoltaʼí kin danitsaaígíí yee niyiiznil.

6 Áádóó aláahdi naatʼáanii yikááʼ dah sidá tsʼídá nizhónígíí ádá áyiilaa; dóó ląʼí awáalyah nayiiznil, dóó doo ínáóltąʼí yiyaa iikáhígíí awáalyah góneʼ ayiiznil; dóó doo ínáóltąʼí ndeiyiiléhígíí awáalyah góneʼ ayiiznil; dóó łahdóó ákaʼadoojahgo áłahjįʼ nidaalnishgo áyiilaa; dóó doo ndadoolnishígíí neistseed.

7 Ákohgo tsʼídá daʼílíinii bá bindaʼanishgo baaheesyá, aooʼ, béésh óola aláahdiʼígíí ndi awáalyahdi bá ályaa; dóó tʼáá ałtso tsʼídá daʼílį́įgo awáalyahdi bá ádaalyaa. Áádóó baa hoolzhiizh bidoo yáʼádaashóonii dóó tsʼídá aláahdi daolchʼį́įdii diné yee átíyiilaa.

8 Áádóó hooʼáałgo dízdiin dóó biʼaan naaki nááhaigo dineʼé bikʼijįʼ daazlį́įʼgo bikʼijįʼ nídiijééʼ; áádóó kéyah bikááʼgóó anaaʼ nááhásdlį́į́ʼ, hónáásiiʼ Riplakish biʼdiisxį́, dóó bikʼéí kéyahdóó chʼíbidiʼnoolkaad.

9 Áádóó baa hoolzhiizh ląʼí nááhaigo, Morianton, (Riplakish yikʼéí nilį́įgo) chʼíbidiʼnoolkaadyę́ę łaʼ nidaabaahí dadooleełgo ahíyiizhʼeezh, áádóó dah diiná dóó dineʼé yił ałkʼiijééʼ; dóó ląʼí kindaatah yee ádíhoosnííʼ; áádóó anaaʼyę́ę yéego achʼįʼ nahwiiłná silį́į́ʼ, dóó tʼáá daʼahijigą́ągo ląʼí nídááhai; áádóó éí kédaayah tʼáá áłtso yikʼi ádíhoosnííʼ, dóó kédaayah yikʼi aláahdi naatʼáanii nilį́įgo áʼdiilyaa.

10 Áádóó aláahdi naatʼáanii áʼdiilyaago dineʼé naanish bikʼi naazláyę́ę doo hózhǫ́ ndaazgóó áyiilaa, éí yee dineʼé badaʼólí daazlį́į́ʼ, áádóó aláahdi binaatʼáanii nilį́į doogo akʼah yee deiyiyíísį́į́ʼ.

11 Áádóó hazhóʼó dineʼé yikʼi hodeezʼą́, ákondi tʼáá bí ákʼih éí ndagaʼ háálá tʼóó ahayóí bąąhági átʼéii yaa naayáhígíí biniinaa; ákohgo Diyin Bóhólníihii doo bił hólǫ́ǫ da ńtʼę́ę́ʼ.

12 Áádóó baa hoolzhiizh Morianton tʼóó ahayóí kintah dahólǫ́ǫgo áyiilaa, dóó dineʼé yikʼi hooʼáałgo tʼáá íiyisíí daʼatʼį́ daazlį́į́ʼ, kin ádaalneʼ, dóó béésh óola dóó béésh łigaii, dóó kʼéédadidlééhgo, dóó binaaldlooshii, dóó ndaniłkaadígíí, éí bichʼįʼ ndaasdlį́ʼígíí.

13 Áádóó Morianton tʼáá íiyisíí są́ yiih yíyá, dóó Kim bá yizhchį́; dóó Kim bizhéʼé dahsidáhę́ę́ góneʼ naatʼáanii silį́į́ʼ, dóó hooʼáałgo tseebíí nááhai, áádóó bizhéʼé bizééʼ hazlį́į́ʼ. Áádóó baa hoolzhiizh Kim doo Diyinkʼehgóó hooʼááł da ńtʼę́ę́ʼ, ákohgo Diyin Bóhólníihii doo bikʼijidlíi da ńtʼę́ę́ʼ.

14 Áádóó bikʼis bikʼijįʼ silį́į́ʼ, áádóó yisnáh; dóó ąąh sidáago ałtso biiníłką́; dóó ąąh sidáago biyeʼké dóó bitsiʼké hazlį́į́ʼ, dóó są́ yiih yíyá Levi bá yizhchį́; dóó bizééʼ hazlį́į́ʼ.

15 Áádóó baa hoolzhiizh Levi bizhéʼé dah nídiidzá dóó ąąh sidáago, dízdiin dóó baʼaan naaki nááhai. Áádóó kéyah bikáaʼgi aláahdi naatʼáanii nilínígíí yił anaaʼ áyiilaa, ákótʼáo hootʼááł bił hazʼánígíí yee ádíhoosniiʼ.

16 Áádóó hootʼááł bił hazʼánígíí yee ádíhoosniiʼ dóó Diyin Bóhólníihii yinááł yáʼátʼéehgo hooʼááł ńtʼę́ę́ʼ; dóó diné kéyah yikááʼ náás deeskai; dóó nízaagóó biiníłką́ągo índa są́ yiih yíyá, dóó biyeʼké dóó bitsiʼké hazlį́į́ʼ, Corom ałdóʼ bá yizhchį́, éí dahsidáhę́ę́ góneʼ naatʼáanii nilį́į dooleełgo akʼah yee yiyíísį́į́ʼ.

17 Áádóó baa hoolzhiizh Corom éí Diyin Bóhólníihii yinááł yáʼátʼéehgo hooʼáałgo ałtso biiníłką́; dóó ląʼí biyeʼké dóó bitsiʼké hazlį́į́ʼ; áádóó ląʼí yiiʼ tádííyą́ągo bizééʼ hazlį́į́ʼ, nahasdzáán bikááʼ anoonééłígi átʼáo; áádóó dahsidáhę́ę́ góneʼ Kish aláahdi bóhólnííh silį́į́ʼ.

18 Áádóó baa hoolzhiizh Kish ałdóʼ bizééʼ hazlį́į́ʼ, áádóó dahsidáhę́ę́ góneʼ Lib aláahdi bóhólnííh silį́į́ʼ.

19 Áádóó baa hoolzhiizh Lib ałdóʼ Diyin Bóhólníihii yinááł yáʼátʼéehgo hooʼááł ńtʼę́ę́ʼ. Áádóó Lib hinánéedą́ą́ʼ tłʼiish tsoh báhádzidii ałtso nideistseed ńtʼę́ę́ʼ. Ákohgo shádiʼáahjigo kéyah yichʼįʼ dah diikai, diné kéyah yikááʼ kéédahatʼínígíí chʼiyáán yá yíká ndaalzheeh doo biniyé, háálá áadi kéyah bikááʼgóó naaldlooshii dziłyiʼ naaldeehígíí tʼóó adahayóí. Áádóó Lib ałdóʼ ayóó naalzheeh silį́į́ʼ.

20 Áádóó kintah ayóó átʼéii ádeiyiilaa kéyah ałchʼįʼ hootsʼózídi, tónteel bee kéyah ałtsʼááʼnil hazʼą́ągi.

21 Áádóó kéyah shádiʼáahjigoígíí doo diné kééhatʼínídi, naʼazheeh doogo baa áháyą́ągo ádeiyiilaa. Áádóó náhookǫsjigo éí kéyah bikááʼgóó diné kéédahatʼį́.

22 Áádóó tsʼídá ayóó nidaalnish ńtʼę́ę́ʼ, dóó ałhąą ndaʼiiłniih dóó baa ndaʼiiniih, áko da daʼatʼį́į doo biniyé.

23 Áádóó béésh ałʼąą ádaatʼéego yee nidaalnish, dóó béésh óola, dóó béésh łigaii, dóó béésh ditʼóódígíí, dóó béésh łitsoii, dóó ałʼąą ádaatʼáo daabééshígíí; dóó nahasdzáán yiyiʼdóó hadeiyiizgeed; ákohgo, nahasdzáán biyiʼdóó ląʼí hadaʼiisgeed béésh ałʼąą ádaatʼéhígíí, béésh óola, béésh łigaii, béésh ditʼóódígíí, dóó béésh łichíiʼii. Áádóó ałʼąą átʼáo naanish yitsʼą́ą́dóó tsʼídá yáʼádaatʼéhígíí ádeiyiilaa.

24 Áádóó naatʼą́hí daditsxǫsígíí bee dahólǫ́, dóó naatʼą́hí nizhónígo-daastłʼónígíí; dóó naatʼą́hí ałʼąą ádaatʼéego yindaashnish, áko tʼáá daalchiʼí dago biniinaa biʼééʼ ádeiyiilaa.

25 Áádóó kéyah yee ndeiyiiłʼdlaad ałʼąą ádaatʼéego ádeiyiilaa, yee ndahwiiłdlaad dóó yee kʼéédaʼdidlééhgo, yee ńdaʼiilááh dóó yee ndahagodgo, dóó ałdóʼ yee daʼałdééh.

26 Áádóó bee naʼanishí ałʼąą ádaatʼéego yee binaaldlooshii daʼałchiní chodeiyoołʼį́.

27 Áádóó anaaʼdi bee ndaʼaltseedígíí ałʼąą ádaatʼéego ádeiyiilaa. Áádóó ałʼąą átʼéego tsʼídá nizhónígo bee ndaʼachąąhígíí ádeiyiilaa.

28 Háálá diné doo díigi átʼáo tsʼídá doo łaʼ bikʼidahojídlíi da ńtʼę́ę́ʼ, dóó Diyin Bóhólníihii yinahjįʼ hózhǫ́ náás deeskai. Áádóó kéyah tsʼídá aláahdi átʼéii yiiʼ kéédahaatʼį́, háálá Diyin Bóhólníihii éí yee haadzííʼ.

29 Áádóó baa hoolzhiizh, Lib ląʼí nááhaigo biiníłką́, dóó biyeʼké dóó bitsiʼké hazlį́į́ʼ, áádóó Hearthom ałdóʼ bá yizhchį́.

30 Áádóó baa hoolzhiizhgo bizhéʼé hooʼááłyę́ę góneʼ Hearthom dah nááhoodiiʼą́. Áádóó Hearthom naadin dį́į́ʼ nááhai hooʼáałgo, áko shooh, hootʼááł bił hazʼą́ bighahodeestʼą́. Áádóó ląʼí nááhai ąąh sidáago, aooʼ, ałtso biiníłką́ąjįʼ ndi.

31 Áádóó Heth bá yizhchį́, dóó Heth ąąh sidáago ałtso biiníłką́. Áádóó Heth Aaron bá yizhchį́, áádóó Aaron ąąh sidáago ałtso biiníłką́, áádóó Amnigaddah bá yizhchį́, dóó Amnigaddah ałdóʼ ąąh sidáago ałtso biiníłką́, áádóó Coriantum bá yizhchį́, dóó Coriantum ałdóʼ ąąh sidáago ałtso biiníłką́, áádóó Com bá yizhchį́.

32 Áádóó baa hoolzhiizh Com nahatʼá bił hazʼą́ ałnííʼdóó dahyidiiʼeezh. Áádóó nahatʼá bił hazʼą́ ałnííʼdóó yikʼi hooʼáałgo dízdiin dóó baʼaan naaki nááhai; dóó aláahdi naatʼáanii, Amgid, yikʼijįʼ deezbaaʼ, dóó ląʼí nááhai ałkʼijįʼ ndaabaahgo, ákweʼé hoolzhishgo Com éí Amgid yighahodeestʼą́, dóó nahatʼá bił hazʼą́ chʼéédziʼígíí yikʼi bóhólnííh silį́į́ʼ.

33 Áádóó Com hinánéedą́ą́ʼ kéyah bikááʼgóó daʼniʼįįhii dahazlį́į́ʼ, dóó ałkʼidą́ą́ʼ ndahatʼáhę́ę nídeidiilá, dóó ałkʼidą́ą́ʼ bee ádee hadaʼiisdzíʼę́ę aa deiyiizlá, dóó nahatʼá bił hazʼánée deidoołchxǫǫłgo yináádahazʼą́.

34 Áko Com tʼóó ahayóidi yikʼijįʼ nídeezbaaʼ; ákótʼée ndi, tʼáadoo yikʼehdeesdlį́į da.