1 Áádóó áko shí, Moroni, saad náhidíízoh shiʼdooʼniid yę́ę íishłaa, éí bénáshnííhyę́ę bikʼehgo; dóó bidáʼdiníłjéʼę́ę bee nihił hweeshneʼ; éí bąą baa náhólneʼgo nidíízohígíí éí doo da; háálá éí baa hastiʼ, tʼáá hazhóʼó Diyin God biʼééhózinii bikʼehgo tʼéiyá.

2 Áádóó áko shooh, díí béésh tʼą́hí bikááʼ naʼadzoh łahdóó yee ákáʼíadoolwołígíí bił ííshją́ą́ ádííłííłgo da bee ná hwiidooʼaał;

3 Áádóó táaʼgo éí Diyin God bibeʼadziilii bee bił ííshją́ą́ ádadoolnííł; ákohgo doo bił naaki danilį́į́góó díí tʼáá aaníí ádaatʼéego bił béédahodoozįįł.

4 Áádóó táaʼgo daʼiiłtsą́ągo yee hadaasdzíʼígíí bee nohootʼą́; dóó táaʼgo dóó díí naanish, tʼáá aaníí yaa dahoolneʼgo, éí bee Diyin God bibeʼadziilii dóó bizaad ałdóʼ bééhodoozįįł, éí bee diyingo aZhéʼé nilíinii, dóó aYeʼ, dóó Iiʼ Sizį́ Diyinii binahjįʼ baa haneʼ—áádóó díí tʼáá átʼé nihokááʼ dineʼé nihoníyáadi tʼáá aaníinii átʼéego bee bikʼijįʼ siláa doo.

5 Áádóó ádaa ńdaʼooskango dóó Jesus bízhiʼ binahjįʼ aZhéʼé nilíinii yaa ńdahaaskaigo, éí Diyin God bił hazʼą́ądi yah ahidookah.

6 Áádóó áko, díí doo bee shóhólnííhgóó, bee shánihoníʼaah, háálá shííníłtsʼą́ąʼgo bee shóhólníhígíí nił bééhodoozįįł, dóó nihoníyáadi Diyin God bidááhdóó yidiidzįįł. Amen.