Ether Binaaltsoos
Jared bidineʼé baa hane, éí naadiin-dį́į́ʼ béésh tʼą́hí Limhi bidineʼé yikʼékaiyę́ę biyiʼdę́ę́ʼ haadzoh eii éí Mosiah Aláahdi Naatʼáanii nilínéedą́ą́ʼ áhóótʼįįd.
Wóltaʼii 1
Moroni éí Ether neiyiizohyę́ę ałtso ałhíyíízohgo—Ether bizázíyę́ę alkééʼ sinilgo baa nááháneʼ—Jared dineʼé dabizaad éí Babel Kin Yadiinéézdi bizaad tʼáadoo ałʼąą átʼéego ályaa da—Diyin Bóhólníihii éí kéyah bikʼihodiiniiʼgóó yidooʼishgo yee yá haadzííʼ dóó ayóó átʼáo dah yikahgo íidoolííł.
1 Áádóó áko, shí, Moroni, ałkʼidą́ą́ʼ kéédahatʼínée baa haneʼ nahásóóhgo baa nídiishnish éí díí náhookǫsjigo kéyah bikááʼgóó Diyin Bóhólníihii ábísdįįd.
2 Áádóó díí haneʼígíí naadiin-dį́į́ʼ béésh tʼą́hí Limhi bidineʼé yikʼékaiyę́ę biyiʼdę́ę́ʼ háázoh, eii éí Ether binaaltsoos wolyé.
3 Áádóó díí áłtsé haneʼ biyiʼdóó baa ntséskeesgo, éí nahasdzáán hadilyaadę́ę́ʼ yaa halneʼ, dóó Adam ałdóʼ, dóó áádę́ę́ʼ hoolzhishgo dóó ńléí kin yadiinéézjįʼ baa haneʼ, dóó tʼáá haʼátíshį́į́ nihokááʼ diné baʼáłchíní bitah ádahóótʼįįdígíí dóó áajįʼ, éí Jew dineʼé deiníjaaʼ—
4 Éí bąą Adam biyoołkááłdą́ą́ʼ ádahootʼįįdígíí éí doo náhásóóh da; ákondi éí béésh tʼą́hí dabikááʼ; dóó tʼáá háí shį́į́ yikʼíníyáhígíí, adziilii yee tʼáá ałtso bił bééhodoozįįł.
5 Ákondi shooh, doo tʼáá átʼé baa hashneʼ da, ndi łahdóó baa hashneʼ, kin yaʼdiitłʼindóó ńléí ábiʼdisdįįdjįʼ.
6 Áádóó ádahóótʼįįdígíí bikʼehgo baa hashneʼ. Díí haneʼ éí Ether náyíízoh, dóó éí Coriantor yitsʼą́ą́dóó hazlį́į́ʼ.
7 Coriantor éí Moron yiyeʼ nilį́į́ ńtʼę́ę́ʼ.
8 Áádóó Moron éí Ethem yiyeʼ nilį́į́ ńtʼę́ę́ʼ.
9 Áádóó Ethem éí Ahah yiyeʼ nilį́į́ ńtʼę́ę́ʼ.
10 Áádóó Ahah éí Seth yiyeʼ nilį́į́ ńtʼę́ę́ʼ.
11 Áádóó Seth éí Shiblon yiyeʼ nilį́į́ ńtʼę́ę́ʼ.
12 Áádóó Shiblon éí Com yiyeʼ nilį́į́ ńtʼę́ę́ʼ.
13 Áádóó Com éí Coriantum yiyeʼ nilį́į́ ńtʼę́ę́ʼ.
14 Áádóó Coriantum éí Amnigaddah yiyeʼ nilį́į́ ńtʼę́ę́ʼ.
15 Áádóó Amnigaddah éí Aaron yiyeʼ nilį́į́ ńtʼę́ę́ʼ.
16 Áádóó Aaron éí Heth yitsʼą́ą́dóó hazlį́į́ʼ, éí Hearthom yiyeʼ nilį́į́ ńtʼę́ę́ʼ.
17 Áádóó Hearthom éí Lib yiyeʼ nilį́į́ ńtʼę́ę́ʼ.
18 Áádóó Lib éí Kish yiyeʼ nilį́į́ ńtʼę́ę́ʼ.
19 Áádóó Kish éí Corom yiyeʼ nilį́į́ ńtʼę́ę́ʼ.
20 Áádóó Corom éí Levi yiyeʼ nilį́į́ ńtʼę́ę́ʼ.
21 Áádóó Levi éí Kim yiyeʼ nilį́į́ ńtʼę́ę́ʼ.
22 Áádóó Kim éí Morianton yiyeʼ nilį́į́ ńtʼę́ę́ʼ.
23 Áádóó Morianton éí Riplakish yitsʼą́ą́dóó hazlį́į́ʼ.
24 Áádóó Riplakish éí Shez yiyeʼ nilį́į́ ńtʼę́ę́ʼ.
25 Áádóó Shez éí Heth yiyeʼ nilį́į́ ńtʼę́ę́ʼ.
26 Áádóó Heth éí Com yiyeʼ nilį́į́ ńtʼę́ę́ʼ.
27 Áádóó Com éí Coriantum yiyeʼ nilį́į́ ńtʼę́ę́ʼ.
28 Áádóó Coriantum éí Emer yiyeʼ nilį́į́ ńtʼę́ę́ʼ.
29 Áádóó Emer éí Omer yiyeʼ nilį́į́ ńtʼę́ę́ʼ.
30 Áádóó Omer éí Shule yiyeʼ nilį́į́ ńtʼę́ę́ʼ.
31 Áádóó Shule éí Kib yiyeʼ nilį́į́ ńtʼę́ę́ʼ.
32 Áádóó Kib éí Orihah yiyeʼ nilį́į́ ńtʼę́ę́ʼ, éí Jared yiyeʼ nilįį́ ńtʼę́ę́ʼ.
33 Éí Jared éí bikʼis yił níʼáázh dóó bighandóó yił kéédahatʼíinii, dóó nááná łahdę́ę́ʼ dóó dabikʼéí, kin ayóó átʼéego dahadiitłʼindę́ę́ʼ, Diyin Bóhólníihii diné dabizaad łahgo átʼéego áyiilaayę́ędą́ą́ʼ, dóó hashkéego ádííniid áko nahasdzáán tʼáá siʼáán ńtʼę́ę́ʼ bikááʼgóó daʼníłtsʼą́ąjigo ałtsʼádahodiʼnoolkaad; dóó Diyin Bóhólníihii ádííniidígíí bikʼehgo diné daʼníłtsʼą́ąjigo ałtsʼádabidiʼnoolkaad.
34 Áádóó Jared bínaaí éí hastiin bitah hátsxaaz dóó ayóó bidziil, dóó éí hastiin Diyin Bóhólníihii ayóó bikʼijidlí, Jared, bikʼis, ábíłní: Diyin Bóhólníihii naokąąh, áko nihizaad doo nihił chʼaa íidoolííł da háálá ákódzaadą́ą́ʼ doo daʼahidiitsʼaʼ da dooleeł.
35 Áádóó baa hoolzhiizh Jared bínaaí Diyin Bóhólníihii náyoozkąąd, áádóó Diyin Bóhólníihii Jared yaa aʼááh niizį́į́ʼ; éí bąą Jared bizaad tʼáadoo bił ałchʼaa áyiilaa da; áko Jared dóó bikʼis tʼáadoo bizaad ałʼąą átʼéego ályaa da.
36 Áádóó Jared bikʼis íidííniid: Diyin Bóhólníihii náánéiníkąąh, áko da báháchįʼígíí nihikʼiské yitsʼą́ąjįʼ kwiidoolííł, áko doo bizaad ałʼąą átʼéego iidoolííł da.
37 Áádóó baa hoolzhiizh Jared bínaaí Diyin Bóhólníihii neiyoozkan, áádóó Diyin Bóhólníihii bikʼiské dóó bikʼéí ałdóʼ yaa aʼááh niizį́į́ʼ, áko tʼáadoo bizaad ałʼąą átʼéego ályaa da.
38 Áádóó baa hoolzhiizh Jared bikʼis yichʼįʼ hanáánáádzííʼ, kóníigo: Diyin Bóhólníihii nabídíłkid kéyahdóó daatsʼí chʼínihiniłkaad, dóó kéyahdóó chʼínihiniłkaadgo éiyá, háajigo lá diikahígíí baa neidiikąął. Áádóó háísh bił bééhózin ákondi Diyin Bóhólníihii éí kéyah nahasdzáán bilááh átʼéego bikʼihodiiniiʼígíí yiyiʼjįʼ anihidooʼish? Áádóó ákótʼéego éiyá, Diyin Bóhólníihii deiniidlą́ągo, áko nihaididooʼááł dóó nihí dadooleeł.
39 Áádóó baa hoolzhiizh Jared bínaaí Diyin Bóhólníihii yichʼįʼ náʼooskan Jared yee haasdzííʼyę́ę bikʼehgo.
40 Áádóó baa hoolzhiizh Diyin Bóhólníihii Jared bínaaí yidiiztsʼą́ą́ʼ, dóó yaa aʼááh niizį́į́ʼ, dóó ábídííniid:
41 Nilį́į́ʼ ałhą́ ánílééh, bikąʼ dóó biʼáádígíí, tʼáá átʼé ałʼąą ádaatʼéhígíí; dóó ałdóʼ nahasdzáán bikááʼ álástsiiʼ kʼéédadilyéhígíí; dóó nighan dóó nikʼéí dabighandóóʼígíí; dóó ałdóʼ nikʼis Jared dóó bighan hazʼą́ą́dóó; dóó ałdóʼ nikʼiské dóó dabikʼéí, dóó Jared dabikʼis dóó dabikʼéí.
42 Áádóó kwííndzaago ńléí náhookǫsjigo dzígai góyaa bilą́ąjįʼ yínááł doo. Áádóó áadi nidááh deeshááł, dóó kéyah nahasdzáán bilááh átʼéego bikʼihodiiniiʼígíí biyiʼ nilą́ąjįʼ yiishááł dooleeł.
43 Áádóó áadi ni dóó nitsʼą́ą́dóó daʼáchíhígíí nikʼihodeeshdliił, dóó naʼáłchíní shikékʼeh deíkáahgo dadíníísééł, dóó nikʼisígíí baʼáłchíní, dóó nikééʼ dahdidookahígíí, ayóó átʼáo dahʼooldah doo. Áádóó nitsʼą́ą́dóó oochííł biyaa dahoołʼaʼígíí doo ła bilááh átʼéégóó dayiikah da dooleeł, tʼáá átʼé nahasdzáán bikááʼgóó. Áádóó áko nízaagóó naʼiisiníkanígíí biniinaa nihá beʼdeeshłííł.