Jarom Binaaltsoos

1 Ákó shooh kʼad, shí, Jarom éí shizhéʼé, Enos, adíínidígíí łaʼ náházoh, áko nihizází baa dahaneʼ tʼáá nihee dahólǫ́ǫ doo.

2 Áádóó díí béésh tʼą́hí ádaałtsʼíísí, dóó díí nidaháásdzoohígíí éí nihikʼiské, Laman dineʼé bá yáʼátʼééh, ákohgo, éí biniinaa áłtsʼísígo nihézoh, dóó éí Diyin bikʼeh áhodooníłígíí doo bikááʼ náhideesoh da, éí doodago shił ííshją́ą́ʼ ályaaígíí. Haʼátʼíísh éí nihizázi nídeyíízo yę́ę biláahgo nínááhideesoh? Daʼ nahatʼá bee yisdánídoodáłígíísh tʼáá íídą́ą́ʼ nihił ííshją́ą́ ádeiyiilaa? Aooʼ; áádóó díí shił bíighah.

3 Áko shooh, díí diné tʼáá íiyisíí ndínóotį́į́ł, háálá bijéí dáátłʼis, doo daʼdiitsʼaʼ da, dóó bintsékees ádaadin, dóó bikʼos daniłdzil; ákótʼée ndi, Diyin God tʼáá íiyisíí yaa joobaʼ, áko díí kéyah bikááʼdóó tʼah doo nahjįʼ kólnééh da.

4 Áádóó nihitahgóó niidląʼí da ląʼígo diyingo nihił ííshją́ą́ ádaʼalyaa, háálá tʼáá átʼé doo bikʼos daniłdzil da. Áádóó doo bikʼos daniłdzilígíí dóó beʼoodlą́ dahólónígíí, éí Iiʼ Sizį́ Diyinii yéédahósin, éí nihokááʼ dineʼé baʼáłchíní, beʼoodlą́ binahjįʼ yił ííshjání éʼéłʼį́.

5 Áádóó kʼad, áko shooh, naakidi neeznadiin nááhai, dóó Nephi bidineʼé ayóó daʼátʼį́įgo deeskai. Moses bibee hazʼáanii yikʼeh dahiná dóó hááʼáyį́į́h bijį́ Diyin Bóhólníihii yichʼįʼ dahodísin. Doo tʼáá ádzaagóó yádaałtiʼ da; áádóó ałdóʼ doo Diyin yikʼijįʼ hadahadziih da. Dóó kéyah bibee hazʼáanii tʼáá íiyisíí bikʼedaʼashchį́.

6 Áádóó kéyah bikááʼgóó daʼníłtsʼą́ąjigo ałtsʼádabidiʼneeskaad, Laman dineʼé ałdóʼ. Áádóó Nephi dineʼé yilááh ánéélą́ą́ʼ silį́į́ʼ; dóó ayóó nidaʼałtsʼééd dóó naaldlooshii daʼałchinígíí bidił deidlą́.

7 Áádóó baa hoolzhiizh ląʼí da, Nephi dineʼé daniidlínígíí, nihikʼijįʼ nídadibah. Ákondi aláahdi nihinaatʼáanii dóó nihilą́ąjįʼ naazíinii ayóí ádaatʼé Diyin Bóhólníihii deiyoodlą́; dóó bidineʼé Diyin Bóhólníihii bikʼehgo oodááł yee nideinitin; ákohgo, Laman dineʼé doo nihikʼeh dadeesdlį́į da dóó nihikéyah biyiʼdóó chʼidaniidzood, dóó nihikin hadaasʼá bichʼą́ą́h yádaʼdiitłʼin, éí doodago tʼáá ałtso nihikédaayahgóó.

8 Áádóó ląʼí siidlį́į́ʼ, dóó kéyah bikááʼ ałʼąą dínéétʼą́, dóó béésh óola tʼáá íiyisíí bee daʼiitʼį́ dasiidlį́į́ʼ, dóó béésh łigaii, dóó naadeełii daʼílíinii, dóó tsin bee naʼachʼąąh, kin ádaalʼį́, dóó bee naʼanishí, dóó béésh ditʼóódígíí dóó béésh łichíiʼii, dóó béésh łitsoii dóó béésh dootłʼizh, dóó bee naʼanishí ałʼąą átʼéego bee nihwiildlaadí, dóó bee daʼahijigánígíí—aooʼ, kʼaaʼ háádahaashchxiiʼ, dóó kʼaaʼyeel, dóó kʼaaʼ ahiltłʼiidígíí, dóó kʼaaʼ nineez anáhálghąhí, dóó bee naʼabaah tʼáá ałtso hashtʼeelyaa.

9 Áádóó áko hashtʼeʼ ádaʼdiilyaago Laman dineʼé bikʼijįʼ dahdadiibaaʼ, tʼáadoo nihikʼeh dadeesdlį́į́ʼ da. Ákondi Diyin Bóhólníihii bizaad ííshją́ą́ ályaa, éí nihizází yę́ę yee yichʼįʼ haadzííʼ, kóní: Shibee hazʼáanii bikʼeh dahonołʼį́įgo kéyah bikááʼ yáʼátʼéehgo náás dookah.

10 Áádóó baa hoolzhiizh Diyin Bóhólníihii yá yádaałtiʼii Nephi bidineʼé yéego yichʼįʼ hadahaasdzííʼ, Diyin God bizaad bikʼehgo, áko bee hazʼáanii doo yikʼeh dahółʼį́į́góó, dóó niʼiilzííh yiih yíkaigo, kéyah bikááʼdóó nahjįʼ kóhodiʼdoolníilgo bohónéedzą́ silį́į́ʼ.

11 Ákohgo, Diyin yá yádaałtiʼii, dóó priest, dóó ndaʼnitiní danilínígíí, yéego nidaalnish, diné yéego náásgóó tiʼhooʼnííh bee bídadoołkaalgo ádaʼołʼį́ deiłní; Moses bibee hazʼáanii nideinitin, dóó biniyé ndahaasyáhígíí; Messiah doogáałgo ndeinółí deiłníigo ndayookąąh, dóó tʼáá íídą́ą́ʼ níyá nahalingo deinóhdlą́. Áádóó áko díigi átʼáo ndeineeztą́ą́ʼ.

12 Áádóó baa hoolzhiizh naʼnitin yikʼeh dahółʼį́įgo éí bee kéyah bikááʼdóó doo áhoʼdidooldįįł da; áko saad bee bijéí ńdeinshish, áłahjįʼ ádaa ńdaʼoohkąąh deiłníigo yídeiniłkad.

13 Áádóó baa hoolzhiizh naakidi neeznádiin dóó tádiin dóó biʼaan tseebíí nááhaigo—daʼanaaʼgo daʼahóbááh, dóó ałchʼįʼ saad dahółǫ́ʼ, dóó saad yee atidaʼahilʼį́įgo, nízaagóó ahoolzhiizh.

14 Áádóó Shí, Jarom, doo łaʼ ninááhideesoh da, háálá béésh tʼą́hí ádaałtsʼíísí. Ákondi shooh, shikʼéí, nááná łaʼ Nephi bibéésh tʼą́hí dínóółʼįįł, háálá áko shooh, éí bikááʼ niheʼanaaʼ bikááʼ nihaasdzoh, aláahdi naatʼáanii ndaʼazooígíí bikʼehgo, doodaii ndayízo yę́ę.

15 Áádóó díí béésh tʼą́hí shiyeʼ Omni bílákʼéíʼą́, áko shizází yee ndahazʼánéegi átʼáo náás deiyóʼááł doo.