Wóltaʼii 1Ammaron éí díí haneʼ díłzinígíí Mormon yineineeztą́ą́ʼ—Nephi dineʼé dóó Laman dineʼé ałchʼįʼ ńdadiibaaʼ—Tááʼ Nephi dineʼé hoolʼáágóó nahasdzáán bikáaʼgi dahináago baa deitʼánéé dah nídiitʼeezh—Bąąhági átʼéii, oodląʼ ádin, iiníziin, dóó aláahdi átʼéego bił hooʼaʼ. Jesus náádiidzáádóó A.D. 321–326 yihahgo. Wóltaʼii 2Mormon éí Nephi dineʼé bindaabaahí binanitaʼí nillį́įgo yił dah diiná—Dił dóó atsʼíís kéyah bikááʼgóó adíítąąd—Nephi dineʼé tiʼdahooʼnííhgo bá nidahwiistʼánígíí yił yínííł danilį́ dóó yaa daachago dadilwosh—Baa dahijidoobaałyę́ę bíláyooską́—Nephi bibéésh tʼąhí bikʼindaʼiisdzoyę́ę Mormon shóʼyoostʼeʼ—Anaaʼ tʼahdii baa ooldah. Jesus náádiidzáádóó A.D. 327–350 yihahgo. Wóltaʼii 3Mormon éí Nephi dineʼé ádaańdaʼoohkąąh yiłní—Ayóó átʼáo dahoneesná dóó beʼadziil yee ádaadahaʼniih—Mormon éí yinaatʼáanii dooleełgo doo yinízin da, dóó doo daʼoodlánígíí biniinaa chʼééh yá sodilzin—Naaltsoos Mormon Wolyéhígíí naakitsʼáadahgo Israel bidineʼé dahyikahígíí Diyin Bóhólníihii binahatʼá bee yisdáʼiildéehii deiyinohdlą́ yiłní. Jesus náádiidzáádóó A.D. 360–362 yihahgo. Wóltaʼii 4Daʼahijigą́ dóó ndaʼahijiltseedgo tʼahdii baa ooldah—Bąąhági átʼéii yaa ńdiikaiʼígíí tʼáá bí atídaʼahilʼį́ daazlį́į́ʼ—Díí Israel bighandooʼígíí tsʼídá atxisgo doo yáʼátʼééhgóó deeskai—Sáanii dóó áłchíní éí tʼáá bí biyishchíín yichʼįʼ náádeiyiiłniih—Laman dineʼé Nephi dineʼé ńdeidíníiłkaad. Jesus náádiidzáádóó A.D. 363–375 yihahgo. Wóltaʼii 5Mormon éí Nephi dineʼé bindaabaahí daʼahijigą́ą́góó dóó ndaʼahijiltseedgóó yilą́ąjįʼ sizį́įgo yił anáánáákai—Naaltsoos Mormon Wolyéhígíí binahjįʼ tʼáá átʼé Israel dineʼé Jesus tʼáá aaníí Christ nilį́įgo deidoodląął—Doo daʼoodlánígíí biniinaa, Laman dineʼé daʼníłtsʼą́ąjigo ałtsʼádahidíʼnóolkał, dóó Diyin Iiʼ Sizį́ Diyinii doo bił hólǫ́ǫ da dooleeł—Nihoogááł bichʼįʼ hoolzhishdi Gentile dineʼé yitsʼą́ą́dóó nahatʼá bee yisdáʼiildéehii nídeididoolééł. Jesus náádiidzáádóó A.D. 375–384 yihahgo. Wóltaʼii 6Nephi dineʼé Cumorah kéyahjįʼ ahidahizhdiiná tsʼídá akéeʼdi daʼahizhdoogą́ą́ł biniyé—Mormon haneʼ diyinii Cumorah dah yiskʼid yiiʼ néideesʼį́į́ʼ—Laman dineʼé akʼeh dadeesdlį́į́ʼ, dóó Nephi dineʼé ábiʼdisdįįd—Díkwíidi neeznádiindi mííl yázhí shį́į́ bééshhał bee naaztseed. Jesus náádiidzáádóó A.D. 385 yihahgo. Wóltaʼii 7Mormon éí Laman dineʼé dííshjį́įdi bił hoolzhishígíí ííłní Christ deinohdlą́, Binahatʼá bee yisdáʼiildéehii bikééʼ ninóhkááh, dóó yisdáhóhkááh—Tʼáá háíshį́į́ Diyin God bizaad Bible dayoodlánígíí éí Naaltsoos Mormon Wolyéhígíí ałdóʼ deiyoodlą́ą doo. Jesus náádiidzáádóó A.D. 385 yihahgo. Wóltaʼii 8Laman dineʼé Nephi dineʼé hadeinitá dóó ndeiłtseed—Díí Naaltsoos Mormon Wolyéhígíí éí Diyin God bibee adziilii bee bénáhodoodzįįł—Diyin Bóhólníihii binaanish bikʼijįʼ yádajiłtʼiʼígíí dóó deijoołáhígíí éí doo yáʼátʼéehgo há haʼoodzííʼ—Díí Nephi dineʼé baa haneʼígíí éí tsʼídá doo yáʼátʼéehii, dóó bąąhági átʼéii, dóó sodizin bitsʼáʼiildééhgo, bénáhodoodzįįł. Jesus náádiidzáádóó A.D. 400–421 yihahgo. Wóltaʼii 9Moroni éí Christ doo dayoodlánígíí ádaańdaʼoohkąąh yiłní—Diyin God éí álíleekʼehgo naalnish níigo yaa halneʼ, daboodlánígíí yił ííshją́ą́ éʼéłʼį́ dóó yaʼiilé dóó binahjįʼ éédahózinii yichʼįʼ kwííłʼį́—Doo daʼjoodlánígíí biniinaa álílee naʼanish ásdįįd—Daʼoodlánígíí éí binahjįʼ ééhózinii bikéé áhoonííł—Diné éí dahonohsą́ dóó diyin bibee hazʼáanii bikʼeh dahonołʼį́ biʼdiʼní. Jesus náádiidzáádóó A.D. 401–421 yihahgo.