1 Áko shooh, kʼad baa hoolzhiizh díí saad Nephi yee haadzíiʼgo, łaʼ hastóí ánihwiiʼaahii bił hazʼą́ą́góó ńjééʼ; aooʼ, ashdlaʼ ákǫ́ǫ ńjééʼ, áádóó akǫ́ǫ́ yiijahgo, kódaʼahidooʼniid:

2 Áko shooh, kʼad tʼáá aaníigo nihił béédahodoozįįł díí hastiin daatsʼí Diyin yá yáłtiʼii nilį́ dóó Diyin God ábíłníigo díí ayóó átʼáo Diyin bikʼeh áhodooníłígíí yee nihił hoolneʼ. Áko shooh, díí tʼáadoo ákódzaa da daniidzin; aooʼ, Diyin yá yáłtiʼii nilį́įgo doo deiniidlą́ą da; ákondi díí aláahdi ánihwiiʼaahii yaa hoolneʼ tʼáá aaníigo, áko éí biʼdiisxį́į́go, ákohgo índa łahjígo saad yee haadzííʼ yę́ę tʼáá aaníí ádaatʼéego deidiidląął.

3 Áádóó baa hoolzhiizh beʼadziil yee tsxį́įłgo ákǫ́ǫ́ níjééʼ; dóó ánihwiiʼaahii-bił hazʼą́ąjiʼ ńjééʼ; áádóó áko shooh, aláahdi ánihwiiʼaahii niʼjįʼ náátłizh lá, dóó bidił yiiʼsitʼį́.

4 Áádóó áko shooh, díí deiyiiłtsą́ągo yikʼee bił dahóóyééʼ, áko niʼjįʼ adahineezdeeʼ; háálá éí Nephi bizaad doo deiyoodlą́ą da álaahdi ánahwiiʼaahii yaa hoolneʼígíí.

5 Ákondi kʼad, deiyiiłtsą́ągo daʼoosdląąd, dóó yéédaasdzííd tʼáá ałtso bee ndahwiidootʼáałii Nephi yee hahaasdzííʼyę́ę́ diné bikʼijįʼ kódoolnííł; éí bąą bitah dahoditsxizgo niʼjįʼ ahineezdeeʼ.

6 Áko, tʼáá hooshchʼįʼ ánihwiiʼaahii bidiisxį́įgo—éí bikʼis ééʼ doo bee bééhoʼdiʼdoolzįįłígíí yee hadiidzaago béésh baa ayííłgeed, áádóó dahyiiteʼ, dóó ánidaalʼaʼii diné yaa níjééʼgo yił dahoolneʼ, łaʼ nihitahgóó hoʼdiisxį́ daaníigo yee ndadeeshghaazh;

7 Áádóó áko shooh diné ánahwiiʼaahii-bił hazʼą́ą́di ahíikai—áádóó áko shooh, yikʼee dadeesyiz hastóí ashdlaʼ niʼnaaʼahineezdeeʼgo deiyiiłtsą́.

8 Áádóó áko shooh, diné Nephi bidáʼákʼehdi áłah silį́ʼígíí doo yaa ákodanízin da; áko bíniʼdii ádaaní: Díí hastóí ánihwiiʼaahii deiyiisxį́, dóó Diyin God nidabistseed áko doo nihitsʼą́ą́ʼ dahdidoojah da.

9 Áádóó baa hoolzhiizh deiyiiłtsood, dóó yeʼdaʼaztłʼǫ́ dóó yahadeiznil. Áádóó ánahwiiʼaah biʼdiisxį́ haʼníigo haneʼ ílíinii adahwiisʼáágóó baa dahóóneʼ, dóó áko ndaʼastseedígíí daasdził dóó yah abiʼdiisnil.

10 Áádóó baa hoolzhiizh biiskání diné ahíikai yínííł dóó chʼiyáán ádąąhdeistʼįįd, aláahdi ánahwiiʼaahii ayóó átʼéii biʼdiisxį́ yóóʼálnééh di.

11 Áádóó áko ándahwiiʼaahii Nephi bidáʼákʼehdi naaldeeh yę́ę, dóó bizaad deidiiztsʼą́ą́ʼ yę́ę, éí ałdóʼ atsʼíís yóóʼ álnééhdi ahíikai.

12 Áádóó baa hoolzhiizh diné ndeideełkid, kódaaní: Háadish ashdlaʼgo aláahdi ánahwiiʼaah daatsʼí náádiilyá yíndaʼádíłkid yę́ę eekai? Áádóó nátʼą́ą́ʼ yaa ndahoolneʼ dóó ádadííniid: Ashdlaʼgo adaalʼaʼ dadohnínígíí, doo nihił béédahózin da; ákondi ashdlaʼgo éí ndaʼastseed, éí yah adasoonil.

13 Áádóó baa hoolzhiizh ándahwiiʼaahii kodi nídootʼish daniizį́į́ʼ; dóó nidabiʼdishtʼeezh, áádóó áko shooh éí éíí ashdlaʼgo adabiʼdoolʼaʼ yę́ę ádaatʼį́į́ lá; áádóó áko shooh ándahwiiʼaahii ndaʼídééłkid haa hoodzaaʼígíí bił béédahodoozįįł biniyé, dóó ádaadzaaígíí tʼáá átʼé yaa dahoolneʼ, kódaaníigo.

14 Yiijahgo, ánihwiiʼaahii bił hazʼą́ąjįʼ niikai, dóó tʼáá ałtsoní deiltsą́ éí Nephi tʼáá aaníigo yaa hoolneʼ yę́ęgi átʼáo, éí bikʼee nihił dahóóyééʼ éí bąą niʼjįʼ aníídeeʼ; áádóó nihił dahóóyééʼdę́ę́ʼ ééndahoosdzingo, áko shooh éí yah adanihiznil.

15 Áko, díí diné biʼdiisxínígíí, háí iisxínígíí éí doo nihił béédahózin da; dóó tʼáá kóníłtsohígo tʼéiyá nihił béédahózin, áadi niijééʼ dóó ádínínée bikʼehgo niijééʼ, áádóó áko shooh daaztsʼą́ą́ lá, Nephi ádííniid yę́ę bikʼehgo.

16 Áádóó baa hoolzhiizh ándahwiiʼaah díí diné yił chídeezʼą́, Nephi yikʼijįʼ hadadoolghaazh, kódaaníigo: Áko shooh, díí nihił béédahózin díí Nephi háiida ánihwiiʼaahii yidiyoołhéełgo yił ałhaʼdeetʼą́, áádóó díí éí yee nihił hodoolniih, áko beʼoodląʼígíí bihidiikah, áko diné ayóó átʼéii nilį́įgo yidoozįįł, Diyin God nábidiiłtį́įgo, dóó Diyin yá yáłtiʼii nilį́įgo.

17 Áádóó áko shooh, díí diné nidabídídíilkił, dóó asihígíí yaa hodoolnih dóó tʼáá aanii ánihwiiʼaahii yiyiisxínígíí yee nihił hodoolnih.

18 Áádóó baa hoolzhiizh ashdlaʼgooʼígíí chʼéébididooʼnil diné yóó álneeh yoołkáałdi. Ákondi ándahwiiʼaahii Nephi yee yikʼijįʼ hadaasdziʼígíí niʼ kódeiyiilaa, tʼááłáʼí nízínígo yichʼįʼ hadahaasdzííʼ, áko doo ákódaanínígíí yee deidiiłheel.

19 Ákondi, Nephi deisił dóó yedaʼaztłʼǫ́ dóó aláahdi ndeizlóóz, dóó ałʼąą átʼéego ndeidíłkidgo yaa nídiikai áko tsistła deidínóółcheeł biniyé, áko biʼdiʼyoolyééłgo yándahodooʼááł—

20 Kódeiłníigo: éí bił nilį́; hastiin iisxinígíísh háí átʼį́? Kʼad nihił hólneʼ, dóó asinísihígíí bee nihił hólneʼ; kódíníigo, Áko shooh kǫ́ǫ́ béeso; dóó doo dandiyilyééł da nihił hwíínílneʼgo, dóó bił ałhaʼdínítʼánígíí baa hodíílnih.

21 Ákondi Nephi kóbidííniid: O doo ádahołʼyáanii, tsʼídá doo bijéí biyiʼdi daalzį́ʼígíí, doo daʼooʼíinii, diné bikʼos daniłdzilii, nihiDiyin God Bóhólníihii haanízahgóó díí nihibąąhági átʼéii yee nihá hasʼą́ą doo?

22 O dadołwosh dóó yínííł danohłį́į doo yę́ę, háálá kʼadę́ę ayóó átʼáo ánihiʼdildįįh, tʼáá hazhóʼó ádaa ńdaʼsookango tʼéiyá.

23 Áko shooh hastiin łaʼ Seezoram yidiyoołhéełgo bił ałhaʼdinishtʼą́ dadohní, éí aláahdi nihiʼánahwiiʼaahii nilį́į́ ńtʼę́ę́ʼ. Ákondi shooh, ánihidishní, áko díí kótʼé háálá díí nihił béédahózin doo biniyé tʼáá aaníigo haasdzííʼ; aooʼ, dóó nihichʼįʼ yitʼį́į doołeeł, áko nihitahgóó doo yáʼáshóonii dóó tʼóó bąąhági átʼéii hólǫ́ǫgo nihił béédahodoozįįł.

24 Áádóó kwíídzaaʼígíí biniinaa, hastiin léiʼ bił ałhaʼdinihtʼą́ągo kódzaa dadohní; aooʼ nihił ííshjání íishłaaʼígíí biniinaa shichʼįʼjigo nihádahachįʼ, dóó dashidiyoołhéełgo shaa ntsídaahkees.

25 Áádóó áko shooh, łaʼ beiyitʼínígíí nihił ííshją́ą́ ánáádeeshdlííł, dóó díí biniinaa daatsʼí dashidiyoołhééł.

26 Áko shooh ánihidishní: Seantum bighangóó dohkááh, éí Seezoram bikʼis, dóó ndabídółkid—

27 Daʼ Nephi, Diyin yá yáłtiʼí yeʼáłʼíní, éí díí diné łą́ągo doo yáʼáshóonii Diyin bikʼeh áhodoolnííłgo yił chʼííníʼą́, eiísh nił ałhaʼdeetʼą́, ndi ni éí Seezoram syíníłhį́, éí nikʼis ńtʼę́ę́ʼ?

28 Áádóó áko shooh, Ndagaʼ, nihididooniił.

29 Áádóó kóbididoohniił: Daʼ nikʼis síníłxį́?

30 Áádóó náldzidgo sizį́į doo, doo haadziihgóó. Áádóó áko shooh, ndagaʼ nihididooniił; dóó biyaa hodeesyiz nízín doo; ákondi, shí éí doo áshtʼį́į da nihididooniił.

31 Ákondi shooh, hadadoosił, dóó biʼééʼtsoh bibąąhági diłgo hadadidoołʼįįł.

32 Áádóó díí daołtsʼą́ągo, kóbididoohniił: Díísh éí háádę́ę́ʼ dił? Daʼ bééhózingo nikʼis bidiłʼísh átʼé?

33 Áádóó ditsxiz doo, dóó biniiʼ yidoogah, náábidiʼdoolyééł nahalingo.

34 Áádóó ádadidoohniił: Háálá náníldzidígíí dóó niniiʼ yiigaiʼígíí biniinaa, áko shooh, ni iisíníłhį́į́go nihił béédahózin.

35 Ákohgo índa hózhǫ́ ndooldzííł; dóó bí átʼínígíí yee nihił hodoolnih, dóó iisxínígíí doo neiniłʼin da dooleeł.

36 Áádóó yee nihił hodoolnih, áko shí, Nephi, díí áhodooníłʼígíí doo ndi shił bééhózin da tʼáá hazhóʼó Diyin God bibeʼadziil binahjįʼgo tʼéiyá shaa doolyééł. Dóó áadi índa hastiin doo biyoochʼíidii nishłį́įgo nihił béédahodoozįįł, dóó áko Diyin God éí nihichʼįʼ ashííłʼaʼ.

37 Áádóó baa hoolzhiizh dahdiijééʼ dóó, Nephi ádadoohnííł nínéegi átʼáo ádaadzaa. Áádóó áko shooh, saad yee haadzííʼ yę́ę tʼáá aaníí lá; háálá bizaad bikʼehgo doo ákwíísdzaa da dííniid; áádóó ałdóʼ bizaad yee ádííniid yę́ę bikʼehgo ádaa hoolneʼ.

38 Áádóó yídlóóz dóó tʼáá aaníí bí iisxínée ííshjání áyiilaa, éí bąą ashdlaʼígíí chʼéébiʼdoonil, áádóó Nephi ałdóʼ.

39 Áádóó łaʼ Nephi dineʼé Nephi bizaad deiyoosdląąd; dóó łaʼ ałdóʼ, ashdlaʼgo tʼáá aaníigo ádaa dahołneʼę́ę dayoosdląąd, háálá tʼah awáalyahdi daʼoosdląąd.

40 Áádóó łaʼ diné bitahdi, Nephi Diyin yá yáłtiʼí nilį́ dadííniid.

41 Áádóó łaʼ ádadííniid: Áko shooh, diyin god nilį́, háálá diyin god nilį́įgo tʼéiyá díí tʼáá átʼé bił bééhózin ńtʼę́ę́ʼ. Háálá áko shooh, nihijéí biyiʼ siléí yee nihił hoolneʼ, dóó ałdóʼ ííshją́ą́ áyiilaaʼígíí yee nihił hoolneʼ; dóó aláahdi nihiʼánahwiiʼaahii biisxínígíí tʼáá aaníigo ndi nihił ííshją́ą́ áyiilaa.