1 Áko baa hoolzhiizh ándahwiiʼaahii Nephi bidineʼé yikʼi dahwéeʼaahgo tʼádiin yihah, Moroni éí Helaman saad bichʼįʼ áyiilaa dóó yiyííłtaʼgo, bił áhootʼéhígíí tʼáá íiyisíí yaa bił hóózhǫǫd, aooʼ, tʼáá íiyisíí Helaman łaʼ áyiilaaʼígíí, éí áadi kéyah bee bighadahodeestánééʼ shónáyoostʼeʼ.

2 Aooʼ, áádóó bidineʼé tʼáá átʼé yee yił hoolneʼ, naagháhígíí kédaayahgóó, áko bí ałdóʼ bił dahózhǫ́ǫ doo.

3 Áádóó baa hoolzhiizh tʼáá tsxííłgo Pahoran yichʼįʼ íʼiilaa, Helaman yee bidziil dooleełgo diné łaʼ bínáánéídííʼish yidííniid, éí doodago Helaman bindaabaahí, áko áajigo kéyahígíí tʼáadoo nanitłʼahí yaa ádahaalyą́ą doo éí álílee yee shónáyoostʼeʼ.

4 Áádóó baa hoolzhiizh Moroni saad neiyiizohígíí Zarahemla kéyahgóó áyiilaa, nahatʼá łaʼ yee nááhodeezʼą́ áko da kéyah dóó kin dah naazhjaaʼ Laman dineʼé bighadahodeestʼánééʼ shónéídoołtʼeeł.

5 Áádóó baa hoolzhiizh Moroni Laman dineʼé yikʼiidoojahgo tʼah yíká hashtʼeʼádiilnééh, áko shooh, Nephihah bidineʼé, éí Moroni bikin dashijaaʼdę́ę́ʼ dóó Lehi bikin dashijaaʼdééʼ dóó Morianton bikin dashijaaʼdę́ę́ʼ ahíikaigo, Laman dineʼé bikʼiijééʼ.

6 Aooʼ, Manti kéyahdę́ę́ʼ chʼíbidiʼnoolkaad yę́ę ndi, dóó binaagóó kédaayahdę́ę́ʼ, éí áádę́ę́ʼ niheeskaigo Laman dineʼé yihidiikai.

7 Áádóó kótʼáo ląʼí silį́į́ʼ, aooʼ, dóó tʼáá ákwíí jį́ ndaabaahí baa hatʼééshgo, Ammoron áníigo Nephihah bidineʼé yikʼijįʼ dadeezbaaʼ, áádóó yikʼiijéeʼgo tʼáá íiyisíí ląʼí nideistseed.

8 Áádóó bindaabaahí tsʼídá tʼóó ahayóí Nephihah bidineʼé tʼáadoo ádaaneʼígóó yilą́ąjįʼ dah dadíníichą́ą́ʼ; áádóó ndahineezchą́ą́ʼ dóó Moroni bindaabaahí yihidiikai.

9 Áádóó áko Moroni ndaabaahí Nephihah kin dashiijaaʼgóó dadoolʼaał niizį́į́ʼ, éí diné kin dashijaaʼ tʼáá deiyótʼąʼ dooleełgo yíká adoojah, béédahózingo éí kindashiijaaʼ tʼáá deiyíníítʼaʼgo yáʼátʼééh áko Laman dineʼé yee ádídeesníígo bitsʼą́ą́dę́ę́ʼ shónéídootʼeełgo tʼáá nanitłʼah, kin dashijaaʼ tʼáá deiyótaʼgo doo nanitłʼah da nízin.

10 Éí bąą bindaabaahí tʼáá átʼé hazʼą́ shóndeiyoostʼéʼígíí tʼáá deiyótąʼ doo.

11 Áádóó áko, Moroni Nephihah kin dashijaaʼ bighadahodeestʼą́ą lá bił bééhoozingo tʼáá íiyisíí yínííł silį́į́ʼ, dóó bił naaki silį́į́ʼ da, diné bąąhági ádaatʼínígíí biniinaa, bikʼéí yiizáokááh lágo.

12 Áko díí ndaabaahí binaatʼááh kótʼáo bił nahazʼą́. Bił naaki danilį́ dóó diné bąąhági ádaatʼínígíí yikʼee bił dahóóyóí, dóó díí éi Laman dineʼé yéego bikʼehdadeesdlį́ʼígíí biniinaa.

13 Áádóó baa hoolzhiizh Moroni nahatʼá bee bídahólníihii yichʼįʼ báhóóchįįd, háálá tʼáá bí ádeinízingóó dahináa doogo doo bił danilį́į da.