1 Áádóó baa hoolzhiizh kéyahdi sodizin yee dahyikahgo ádeiyiilaa, aláahdi naatʼáanii Lamoni éí Ammon Nephi kéyahgóó bił dahdideeshʼash nízin, áko bizhéʼé yił ííshjáá íídoolííł biniyé.

2 Áádóó Ammon Bóhólníihii yízhí yídiiztsʼą́ą́ʼ, kóní: Nephi bikéyahgóó dóónááł lágo, háálá áko shooh, aláahdi naatʼáanii atíndoolííł; ákondi Middoni kéyahgóó díínááł; háálá áko shooh, áadi nikʼis Aaron, dóó Muloki dóo Ammah ałdóʼ awáályah góneʼ naháaztą́.

3 Áko baa hoolzhiizh Ammon díí yidiiztsʼą́ą́ʼgo, Lamoni áyidííniid: Shooh, shikʼis dóó shikʼiské Middonidi awáályah góneʼ nahaztą́, akǫ́ǫ́deeshááł dóó chʼéédeeshʼnił.

4 Áko Lamoni éí Ammon ííłní: Bóhólníihii beʼadziil bee tʼáá ałtsoní ádíílííłgo shił bééhózin. Ákondi shooh, Middoni kéyahgóó nił deeshʼash; háálá Middoni kéyah biʼaláahdi naatʼáanii, éí Antiomno wolyé, éí shikʼis nilį́; éí bąą Middoni kéyahgóó deishááł, áko áadi aláahdi naatʼáanii łídíshchíídgo, dóó nikʼiské awáályahdééʼ chʼínéidooʼnił. Áko Lamoni ábidííniid: Háísh nikʼiské awáályah góneʼí nahaaztʼą́ąhgo nił hoolneʼ?

5 Áádóó Ammon ábidííniid: Doo tʼáá háída shił hoolneʼ da; tsʼídá Diyin God tʼéiyá, dóó kóshidííniid—Nílááh ákǫ́ǫ́dínááh nikʼiské chʼééníʼéésh, háálá Middonidi awáályah góneʼ nahááztą́.

6 Áko Lamoni yaa hodiiztsʼą́ą́ʼgo bá ndaalʼaʼí bilį́į́ʼ dóó bitsinaabąąs naaki bijádígíí hashtʼeʼdaałééh yídííniid.

7 Áádóó Ammon áyidííniid: Txįʼ, Middoni kéyahgóó diitʼash, dóó áadi aláahdi naatʼáanii néídeeshkąął áko nikʼiské awáályahdééʼ chʼínéídooʼnił.

8 Áádóó baa hoolzhiizh Ammon dóó Lamoni oołbąsgo, Lamoni bizheʼé yikʼinʼáázh, éí tʼáá ałtso kéyah bikááʼgóó aláahdi naatʼáanii nilį́.

9 Áádóó shooh, Lamoni bizheʼé ábíłní: Haʼátʼíí biniyé tʼáadoo níháíníyáa da shiyeʼké, dóó shidineʼé bá daʼiidą́ą́ʼyę́ędą́ą́ʼ?

10 Áádóó ałdóʼ kódííniid: Háágóó éí díí Nephi dineʼé bił yíʼash, éíi binaʼadloʼii baʼáłchíní łaʼ átʼį́?

11 Áádóó baa hoolzhiizh Lamoni deeyáágóó yee yił hoolneʼ, háálá yáhodoołchiiłgo biniinaa yináldzid.

12 Áádóó tʼáá bí bikéyah bee bóhoolnííhdi binaanish hólǫ́ǫgo biniinaa, tʼáadoo bizheʼé adoodį́į́ł bá hashtʼeelyaagóó naayáa da.

13 Áádóó áko Lamoni díí tʼáá átʼé yee yił hoolneʼgo, shooh, tʼóó bikʼee bił ahóóyóí, bizheʼé bichʼįʼ báhóóchįįd, dóó kódííniid: Lamoni, Nephi dineʼé binaʼadloʼii biʼyeʼké ádaatʼį́. Nihizheʼé yę́ę yee daʼneezʼį́į́ʼgo nihitah níłniiʼ, bindaʼagiz dóó dabiyooʼchʼííd, yee nihindaʼdooloh, áko nihinaalyéhé nihee náádeidínooʼį́į́ł.

14 Áko Lamoni bizheʼé abiłní Ammon béésh hał bee siyíłhé. Áádóó Middoni kéyahgóó doo dinííł da, ákondi Ishmael kéyahgo nátʼą́ą́ʼ nídíítʼash.

15 Ákondi Lamoni ábíłní: Ammon doo yidiyeeshééł da, dóó doo Ishmael kéyahgóó ndeeshdááł da ndi Middoni kéyahgóó deeshááł áko Ammon bikʼiské biʼdeeshnih, háálá diné yáʼátʼéehgo dahiinánígíí dóó Diyin God tʼáá aaníinii Diyin God yá yádaałtiʼii dadiyinii ádaatʼé.

16 Áko bizheʼé díí saad yidiiztsʼą́ągo, bichʼįʼ báhoochįįd, dóó béésh hał yił háádééł yee naaʼayizdoołhał biniyé.

17 Ákondi Ammon yichʼą́ą́h aalwod dóó kódííniid: Shooh, niyé dóó naaʼabízhdííłhał da; ákótʼée ndi, bíjí atíbiʼdiilyaago tʼáá bá yáʼátʼééh doo ní éí ndagaʼ, háálá áko shooh, bibąąhági átʼéii yaa náʼooskan: ákondi kʼad niʼ naaʼindzoolghxaalgo, naháchʼįʼgo, niiʼ sizíinii doo yisdádoogááł da.

18 Áádóó nááná, niʼnidiníʼaah, háálá niyé síníłhį́įhgo, éí diné doo bąąh tééhii nilį́, bidił łeeyiʼdééʼ biBóhólníihii Diyin God yichʼįʼ hoojoobaʼ áníí doo, tʼáá ni nikʼihjiʼ nídoodleeł; dóó niiʼ sizíinii da yooʼadidííʼááł.

19 Áko Ammon díí saad yee yichʼįʼ haadzííʼgo, nátʼą́ą́ʼ bichʼįʼ haadzííʼ, kóníigo: Shił bééhózin shiyeʼ séłxį́įgo, diné doo bąąh tééhii bidił deeznaʼ doo; háálá niyeʼ atídeeshlííł nínízin.

20 Áádóó Ammon yiʼniiłhį́įʼgo béésh hał yichʼįʼ dahyidiitʼą́. Ákondi Ammon bikʼeh deesdlį́į́ʼ, dóó yigaan yizhgish áko doo choidoołʼįįł da biniyé.

21 Áko aláahdi naatʼáanii Ammon bidiyoołheełgo yaa ákoniizį́į́, beʼiinaʼ doo niidoołtʼihgóó Ammon néíyoozkąąd.

22 Ákondi Ammon béésh hał yichʼįʼ dahyidiitʼą́, dóó kódííniid: Shooh, shikʼiské awáályah dę́ę́ʼ chʼéédííníł éí bee lą́ʼ asíníłį́įʼgo tʼéiyá doo nidiyeeshxééł da.

23 Áko aláahdi naatʼáanii, bidiʼdoolyééł yikʼee bił hooyééʼgo, ádííniid: Doo shisíníłxį́įgo éí tʼáá haʼátíʼshį́į́ shíínkeedígíí naa deeshlééł, ázhą́ kéyah bee shóhólnííhígíí ałníídóó ndi.

24 Áko kʼad Ammon aláahdi naatʼáanii sání tʼáá haʼátʼíshį́į́ yíyókeedígíí yikʼeh áhodoolííłgo bił bééhoozin, áádóó kóyidííniid: Shikʼiské awáályahdééʼ chʼéédííníł éí bee lą́ʼ asíníłį́íʼgo, dóó Lamoni łahdóó bee bóhólníihígíí tʼáá bí yiląajįʼ sizį́į doo, dóó doo bikʼihjį siníłʼą́ą́ da doo, ndi tʼáá bí íínízinígíí dóó yaantsékeesígíí bee bá hosiníłʼą́ą doo, áko doo atíʼnideeshlííł da; doo ákotʼée dą́ą́ʼ éí tʼóó naaʼanízhdeeshał.

25 Áko Ammon kʼad díí kódííniidgo, aláahdi naatʼaanii beʼiiná hólónígíí yaa bił hoozhǫǫd.

26 Áádóó Ammon doo bidiyoolhééł da nízingo yaa ákoniizį́į́, dóó ayóó atʼéego Lamoni biyeʼ ayóó ayóóníigo bił bééhózin, tʼáá íyisíí yikʼee tsidisyiz, dóó ádííniid: Tʼáá díí tʼéiyá nínízinígíí biniinaa, nikʼiské nichʼįʼ bééʼdeeshnih, dóó shiyeʼ Lamoni bee bóhólníihígíí tʼáá bí doo, shooh, shiyeʼ kéyah tʼáá bí bee bóhólníihgo shíínkeedígíí ná bihódeeshlííł kodóóʼ dóó náás hoolʼáágóó; dóó éí kʼad bikʼihnááhweeshʼááł da doo—

27 Áádóó nikʼiské awáályahdééʼ nichʼįʼ chʼéédeeshniłgo bikʼehódeeshlííł, dóó ní dóó nikʼishké bił shaa doohkah, kéyah bee shoholnííhdi, háálá tʼáá íiyisíí nihééhodeesįįł nisin. Háálá aláahdi naatʼáanii saad yee haadzííhígíí yikʼee tsídoolyiz, dóó biyeʼ Lamoni saad yee haadzííʼ yę́ę ałdóʼ, ákohgo saad yee hadzíhígíí bóhodeeshʼááł niiʼzį́į́ʼ.

28 Áádóó baa hoolzhiizh Ammon dóó Lamoni Middoni kéyahgóó dah diiʼáázh. Dóó Lamoni aláahdi kéyah hazʼą́ binaatʼáanii bąąh ááh niizį́į́ʼ; áádóó bikʼihjįʼ Ammon bikʼiské awáályahdę́ę́ʼ bééʼálniiʼ.

29 Áádóó Ammon bikʼiské néíyiłtsʼą́ągo tʼáá íiyisíí yínííł niizį́į́ʼ, háálá áko shooh tʼáá daalchíʼí, dóó bikááʼgóó bidaatʼóód háálá tłʼooł ditsidígíí bee bedaʼastłǫ́ ńtʼéé. Dóó ałdóʼ dichin, dibaaʼ, dóó tʼáá ałʼąą átʼéego tíhdahoozniiʼ, azhą́ ákótʼée ndi tíhooʼniih yichʼįʼ hadaʼólníí ńtʼééʼ.

30 Áádóó, áhóótʼįįd, tʼáadoo bił naolnííhgóó diné doo yáʼádaashóonii dóó doo ndabiʼdidzilígíí yizaakai; áko saad yee yádaałtiʼígíí doo bá deidiitsʼą da, dóó chʼídabiʼyiistłʼííd, dóó atídabiilaa, dóó dahooghango ndeineeschą́ą́h, dóó daʼniłtsʼą́ą́góó, wonáásdóó Middoni kéyahjįʼ ajookai; dóó áadi dabiʼdisnah dóó awáályah góneʼ tʼáá naʼníleʼdii yahabiʼdooʼnil, tłʼóół ditsʼidígíí yee bidaʼaztłʼǫ́ʼ, dóó tʼóó ahayóí dabiiską́ awáályah góneʼ, áádóó Lamoni dóó Ammon chʼéébiníʼeezh.