1 Áádóó áko, shiyeʼ, náádaʼiiná bá haʼoodzííʼ yę́ę łahgi bee hanáádeesdzih; háálá áko shooh, łaʼ Diyin bizaad bee akʼedaʼashchínígíí ndeisgiz, dóó biniinaa tʼáá íiyisíí yooʼaheeskai. Áádóó ałdóʼ díí níniʼnilį́įgo baa ákoniizį́į́ʼ. Ákondi shooh, díí hózhóʼí bee nandínééshtʼįįł.

2 Ándishní, shiyeʼ, nááʼiiʼná bikʼeh áhodooníłígíí éí Diyin God ákótʼéego yee nahwiníʼą́; háálá éí bee tʼáá ałtsóní adaatʼéhę́ęgiʼ átʼáo háádadidoolʼnííł. Áko shooh, díí bee áhodoonííł dóó Diyin God joobaʼígíí bikʼehgo, Christ beʼadziil dóó nááhiinaʼígíí binahjįʼ, nihokááʼ dineʼé biiʼ sizíinii bitsʼíís biihnídoolyééł, dóó atsʼíís tʼáá átʼé bee hadilyaa yę́ę bee háádidoolnííł.

3 Áádóó díí Diyin God bibeenahwiitʼaah tsʼídá bee áhodoonííł éí nihokááʼ dineʼé naanish ádayiilaayę́ę bikʼehgo bá nidahodootʼááł; dóó díí iiná biyiʼ yáʼátʼéehgo ádaʼiilaago, dóó bijéí yáʼádaatʼééhii deinízingo, éí ałdóʼ, nihoníyáadi, yáʼátʼéehii bee háádidoolnííł.

4 Áádóó doo yáʼáshǫ́ǫgo adaʼiilaago éí doo yáʼáshóonii bee háádadidoolnííł. Éí bąą, tʼáá ałtsoní ádaatʼéhę́ęgiʼ átʼáo háádadidoolnííł, tʼáá ałtsoní tʼáá niléídę́ęʼ adaalyaa yę́ęgiʼ átʼáo—anoonééł doo anoonééłjįʼ ádoolnííł, dííłdzid yę́ę doo dííłdzid da doo—ahoolʼáágóó ił hózhǫ́ doo ninítiʼii éí Diyin God bił hazʼą́ądi bá hwiidooʼaał, doodago achʼinahwiiʼná doo ninítʼiʼii biʼiiníziinii bił hazʼą́ądi bá hwiidooʼaał, łaʼ éí díígiʼ átʼé, łaʼ éí kónáánátʼé—

5 Łaʼ éí ił hózhǫ́ bee háádidoonííł ił hózhǫ́ yinízinígíí bikʼehgo, doodago yáʼátʼéehii éí yáʼátʼéehii yinízinígíí bikʼehgo; dóó łaʼígíí doo yáʼáshóonii éí doo yáʼáshóonii yinízinígíí bikʼehgo; háálá doo yáʼáshóonii yinízingo bee aʼdooʼááł azhą́ chahóółhéél ndi doo yáʼáshóonii yidoołbįįł.

6 Áádóó łaʼ éí díígiʼ átʼé. Bąąhági ádzaaʼígíí yaa ádaanáʼooskango, dóó yáʼátʼéehii yinízingo beʼiiná bee nihoolzhiizhjįʼ, ákótʼáo yáʼátʼéehii yoosbą́ą́ doo.

7 Díí éí Diyin Bóhólníihii yá ninaʼnídláa doo; aooʼ, díí éí bitsaʼnil yę́ę adaatʼį́, éí chahaałhxeeł doo ninítʼiʼii bitsʼą́ą́dééʼ yisdáátʼeezh; áko tʼáá naazį́į doo doodago ndadootłish; háálá áko shooh, tʼáá bí ádah andahwiiʼaahii danilį́į doo, yáʼáʼtʼééhii doodago bąąhágiʼ átʼéii ádeidoolííł.

8 Áko, Diyin God yee nihoníʼánígíí doo łahgo ádoonííł da; éí bąą, tʼáá íídą́ą́ʼ bá hashtʼéʼhoolyaa tʼáá háíshį́į́ yikʼeh yigáłígíí yisdádoogááł.

9 Áádóó áko shooh, shiyeʼ, niDiyin God binaʼnitin daasdzohígíí bikʼijįʼ nááʼooʼsih lágo, tʼáá nizááká bąąhági átʼį́įgo kojįʼ ahoolzhiizh.

10 Tʼáadoo kwííníníziní, nááʼííná baa haʼoodzíʼígíí biniinaa, bąąhági ántʼínígíí éí doo bitsʼą́ą́dóó ił hózhǫ́ʼ nee hodooleeł da. Áko shooh, ándishní, bąąhágiʼ átʼéii tsʼídá tʼáá niléídę́ę́ʼ doo ił hózhóonii átʼée da.

11 Áádóó áko, shiyeʼ, nihokááʼ dineʼé tʼáá alyaayę́ęgiʼ átʼáo bił hazʼą́, doodago ádíshní, niʼiidzííhgo hazʼą́, bikʼeʼashchʼííʼgo bikʼeʼíyééʼdéé dóó bąąhági átʼéii hótąʼgo; Diyin God doo bił dahólǫ́ǫ da nahasdzáan bikáaʼgi, éii biniinaa Diyin God átʼéhígíí yitsʼą́ą́jí daazlį́į́ʼ; éí biniinaa, íł hózhóonii átʼéhígíí yitsʼą́ą́jį́ danilį́.

12 Áádóó áko shooh, díí saad nááʼiiná wolyéhígíí kótʼéego ááh yiłní tʼáá ályaayę́ęgiʼ átʼáo bił hazʼą́ doo tʼáá ályaayę́ęgiʼ átʼáo bił hazʼą́ągo ádoolnííł, doodago tʼáá ályaayę́ęgiʼ átʼáo bił hazʼą́ bitsʼą́ą́jígo ádoolnííł?

13 O, shiyeʼ, díí doo ákótʼée da, ákondi díí saad nááʼiiná wolyéhígíí éí doo yáʼáshóonii éí doo yáʼáshóonii baanídoolyééł, doodago niʼiilzííh éí niʼiildzííh bá, doodago biʼiiníziinii átʼéhígíí éí biʼiiníziinii átʼéhígíí bá—yáʼátʼéehii éí yáʼátʼéehii bá; diyinkʼehgo oodááł éí diyinkʼehgo oodááł bá, Diyin God joobaʼígíí bikʼehgo éí Diyin God joobaʼígíí bikʼehgo bá; ájoobaʼ éí ájoobaʼ bá.

14 Éí bąą, shiyeʼ, nikʼéí baa jiiníbá; Diyin God joobaʼígíí átʼáo bił nanilnish, yáʼátʼéehgo bánahwiiyíʼaah, dóó tʼáá áłahjįʼ yáʼátʼéehgo íʼíłʼį́; dóó díí tʼáá átʼé áníłʼį́įgo bidinínáh naʼdoolyééł; aooʼ, ajoobaʼ naanídoolyééł, nihwiitʼaah yáʼátʼéehii náánídoolyééł, yáʼátʼéehgo ánahwiitʼaah naanídoolyééł; áádóó íʼiinlaahígíí bidinínáh yáʼátʼéehii náánídoolyééł.

15 Háálá nitsʼą́ą́dóó íʼiłʼį́įgo baanídleehígíí éí nichʼįʼ kónídoolnííł, dóó naanídoolyééł; éí bąą, saad nááʼiiná éí bąąhági átʼínígíí tʼáá íiyisíí bikʼijįʼ siláa doo, dóó tsʼídá doo baa joobaʼ da doolééł.