1 Áádóó nááná, shí, Alma, Diyin God áshidííniid Amulek bił dahdidííʼash dóó díí diné nináádíníítį́į́ł, éí doodago Ammonihahdi diné kintahgi kéédahatʼínígíí, áádóó baa hoolzhiizh naʼnishtingo hahoolzhiizh, dóó shichʼįʼ saad adeiyiiznil, kódaaníigo:

2 Háísh ánítʼį́? Ákoósh tʼááłáʼí diné tʼáá aaníigo yaa halneʼígíí deidiidląął, díí nahasdzáán nahjįʼ kódoonííł níigo naʼnitingo?

3 Áko bizaad yee haadzíʼígíí tʼáadoo yikʼidaʼdiitą́ą da; háálá nahasdzáán nahjįʼ kódoolníiłgo doo bił béédahózin da.

4 Áádóó ałdóʼ kódaaní: Nizaad doo deidiidląął da Diyin bikʼeh áhodooníiłgo díí kintah ayóó átʼéii tʼááłaʼ ajíní doolchxǫǫł.

5 Áko Diyin God kótʼáo ayóó átʼáo ndoolnishgo doo bił béédahózin da, háálá diné bijéí daastłʼis dóó bikʼos daniłdzilii danilį́.

6 Áádóó ádaaní: Diyin Godísh éí háí ájítʼį́, bee óhólníihii diné tʼááłáʼígo díí diné bee bichʼįʼ ajííłʼaʼ, bee tʼáá aaníinii ádaatʼéii dóó ayóó átʼáo haneʼígíí nihił ííshją́ą́ ádoolnííł.

7 Áádóó dashidoosiłgo shichʼį́ deizįʼ; ákondi shooh, tʼáadoo ádaadzaa da. Áádóó doo tʼą́ą́ʼ nináhinisyéésgóó tʼáá aaníigo bichʼįʼ haasdzííʼ, kódíshníigo:

8 Áko shooh, O bąąhági ádaohtʼíinii dóó kʼad oochííł biiʼ doo yáʼádanohshóonii, haash yitʼáo nihizází bibee óʼoolʼįįł yę́ę baa deisoonah; aooʼ, haash yitʼáo tʼáá hodíínaʼí Diyin God bibee hazʼáanii beideisiyoohnah.

9 Béédaałniihísh nihizhéʼé Lehi, Diyin God bílaʼ yee Jerusalemdę́ę́ʼ chʼíbiʼdoodlóóz? Dooísh béédaałniih da tʼáá átʼé diné doo kééhatʼíní góneʼ chʼííníʼeezh?

10 Áádóó daʼ tʼáá íídą́ą́ʼísh baa deisoonah haanéelą́ąʼdi danihizhéʼé yę́ę dabiʼdisnáádę́ę́ʼ yisdáyííʼeezh, dóó ndadootsxiłdę́ę́ʼ chʼíiníʼeezh, azhą́ bikʼiské bílákʼeedę́ę́ʼ ndi.

11 Aooʼ, dóó doo beʼadziil yíneelʼánígóó, bibeʼajoobaʼgóó, dóó doo nízaad nihaa hastiʼgóó, tʼą́ą́ʼ kólnéehgo nahasdzáán bikááʼdóó tʼáá íídą́ą́ʼ ánihiʼdisdiid doo ńtʼę́ę́ʼ, éí doodago hoolʼáágóó tiʼhoonííh dóó bíighahí bee nihił hazʼą́ą ńtʼę́ę́ʼ.

12 Áko shooh, ánihidishní ádaa ńdaʼoohkąąh nihiłníʼ; dóó ádaa ńdaʼsookango tʼéiyá, Diyin God bił hazʼą́ądi yah aníhidoohkah. Ákondi shooh, doo díí tʼéiyá da—ádaandaʼoohkąąh nihidííniid, éí doodago nahasdzáán bikááʼdóó nahjįʼ kónihidoolííłgo nanihidoołtsxił; aooʼ, doo bił aanínígíí yee hwiidoołʼaał; dóó tʼáá íiyisíí doo bił aanínígíí doo niʼkwiidoolííł da.

13 Áko shooh, dooísh béédaałniih da éí Lehi yee yichʼįʼ haadzííʼ, kóníigo: Shibee hazʼáanii bikʼeh honołʼį́įgo, kéyah bikááʼgóó daʼohtʼį́į doo? Áádóó ánááhodooʼniid: Doo shibee hazʼáanii bikʼeh honołʼį́į́góó Bóhólníihii doo nihił hólǫ́ǫ da dooleeł.

14 Áko díí béédaałniih, Laman dineʼé éí Diyin God bibee hazʼáanii doo yikʼeh dahołį́į da, Diyin Bóhólníihii bitsʼą́ą́dóó nahjįʼ kóbiʼdiilyaa. Kʼad bikʼihdaʼdiitą́ Bóhólníihii bizaad yee haadzííʼ yę́ę bohoolyaa, áádóó Laman dineʼé bitsʼą́ą́dóó nahjįʼ kódabiʼdiilyaa, kéyahdi bee hazʼáanii kʼídeiyiiztiʼ yę́ędą́ą́ʼ dóó hóshdę́ę́ʼ.

15 Ákótʼée ndi ánihidishní, ánahootʼaah bijį́įdi bí éí tʼáá achʼįʼgo bá nahodootʼááł nihí éí ndagaʼ, nihibąąhági ádaatʼéii tʼah deinóhtąʼgo, aooʼ, áko kʼad ndi hózhǫ́ áchʼįʼgo bikʼi siláa doo nihí éí ndagaʼ, tʼáá hazhóʼó ádaa ńdaʼsookango tʼéiyá.

16 Háálá Laman dineʼé éí ląʼígo yáʼátʼéehii bee bikʼi hojidoodliił; háálá dabizází bibee óʼoolʼįįł biniinaa tʼahdii doo bił éédahoozįįh da; éí bąą Bóhólníihii baa joobaʼgo tʼáá náás kéyah yikááʼ kéédahatʼį́į doo.

17 Áádóó náás hoolzhiizhdi bizaad deidoodląął, dóó dabizází bibee óʼoolʼįįł doo ákodaatʼé yę́ę bił béédahodoozįįł; dóó tʼóó ahayóí yisdádookah, háálá Diyin Bóhólníihii tʼáá ałtso yaa joobaʼ tʼáá hái shį́į́ bichʼįʼ sodadilzinígíí.

18 Ákondi shooh, ánihidishní díí bąąhági átʼéii tʼah baa naahkaidą́ą́ʼ doo náásgóó kéyah bikááʼ honohłǫ́ǫ da doo, háálá Laman dineʼé éí nihichʼįʼ doolʼaał; dóó doo ádaa nídaʼoohkąąhgóó doo nideínóhłíígóó nihaatįįh dookah, dóó danihidooghą́ą́ł; dóó éí Bóhólníihii tʼáá íiyisíí hashkéhígíí bikʼehgo bohodoolnííł.

19 Háálá nihibąąhági átʼéii biiʼ kéédahoniitʼį́į́go doo yee hasʼą́ą da, áko bidineʼé ayídoołdįįłgo ánihidishní, Ndagaʼ, Laman dineʼé éí Nephi dineʼé daolyéhígíí tʼáá átʼé deidooghą́ąłgo yá hasʼą́ éí Diyin bidineʼé dajílį́, ndi bąąhági ádaatʼéii dóó niʼiilzííh biih jookaigo, azhą́ biBóhólníihii Diyin God ląʼí bibee adinídíín dóó bibee ééhózinii beiníláa ndi;

20 Aooʼ, Bóhólníihii bidineʼé alááh baa joobaʼii dajílį́į́ ńtʼę́ę́ʼ; aooʼ, tʼáá áłtso ałʼąą dineʼé dah deíkáahii, ałkʼéí danidlíinii, bizaad ałʼąą ádaatʼéii, dóó tʼáá áłtso diné biláahdi aaníinii dajílį́į ńtʼę́ę́ʼ; tʼáá ałtsoní bił ííshją́ą́ ádaalyaa ńtʼę́ę́ʼ, ádeinízinígíí bikʼehgo, dóó biʼdaʼoodląʼ, dóó bisodizin, éí ákodaatʼéé ńtʼééʼ, dóó tʼahdii ádaatʼé, dóó éí náasdi ádaatʼée doo;

21 Diyin God biʼIiʼ Sizį́ Diyinii baa níyá; Diyin yá nidaalʼaʼí yił yááłtiʼgo, dóó Diyin Bóhólníihii bichʼįʼ haadzííʼ; dóó diyingo áhodooníłígíí, dóó diyingo ił ííshją́ą́ ályaaígíí, dóó ałdóʼ ląʼí da aadahaasyá, dóó ałʼąą saad bee yáʼátiʼ aa yílyáii, dóó bee naʼnitin aa yílyáii dóó Iiʼ Sizį́ Diyinii aa yílyéii, dóó bee ataʼ haneʼ aa yiiléii shee hólǫ́ǫgo.

22 Aooʼ, dóó Jerusalem kéyahdę́ę́ʼ Diyin God chʼíhoníʼeezh, Bóhólníihii bílaʼ yee; dichin, dóó tsʼííh niidóóh, dóó tʼáá átʼé ałʼąą átʼéego naałniih bitsʼą́ą́dóó yisdáʼhwííʼeezh, dóó bidziilgo ndaazbaaʼ, áko doo nidabidiʼdootsxił da; dóó ląʼídi dabiʼdisnahdę́ę́ʼ chʼééhbiʼdiitʼeezh, dóó kojįʼ dah deíkáahgo baa áháyą́ągo ahoolzhiizh, dóó tʼáá ałtsojįʼ daʼatʼį́įgo deeskai.

23 Áádóó áko shooh ánihidishní, díí diné, Bóhólníihii bílákʼeedóó ląʼí bikʼihoojisdliʼgo, adinídíín dóó ééhóziníí bee hólǫ́ǫ ndi daʼasiihgo, ánihidishní díí kotʼéego, niʼiilzííh yiih yíkaigo, Laman dineʼé tʼáá yídeiíghahgo yiiʼ chʼídookah bíjígo éí ndagaʼ.

24 Háálá áko shooh, Bóhólníihii éí Laman dineʼé yikʼi hojidoodliiłgo yee haadzííʼ, ndi ndaʼíyoosihgo éí doo nihá bikʼihoodooleeł da; tʼáá ííshjání tʼáá aaníí átʼéego yee nihichʼįʼ haadzííʼ, bikʼijįʼ dasoolį́įʼgo éí nahasdzááń bikááʼdóóísh ánihidoołdįįł?

25 Áádóó áko díí biniinaa, dóó ánihidoołdįįł da, Diyin Bóhólníihii bá naalʼaʼí bidineʼé tʼóó ahayóí yitaa doogáałgo ayííłʼaʼ, díí diné yee yił hodoolnih, kóníigo: Ádaa ńdaʼoohkąąh, háálá yáʼąąshdi hazʼą́ koshídę́ę́ʼ hoolzhiish;

26 Áádóó tʼáá díkwíí yiską́ągo tsʼídá alááh átʼéii Diyin God biYeʼ doogááł, dóó biʼayóó átʼéii nihiTaaʼ Tʼáá Éí Tʼéiyá Bá Yizhchíinii binałtʼée doo, bibee ajoobaʼ bee hólǫ́, aheełtʼéego, dóó tʼáá aaníinii, haʼahoonih bee hólǫ́, joobá, dóó nízaadgóó haʼólní, bidineʼé bisodizin tʼáá hooshchʼįʼ yididootsʼį́į́ł dóó bisodizin yikʼi áhodoolííł.

27 Áádóó áko shooh, ádaa ńdaʼooskango tó bee dabiʼdoolzį́hígíí éí yá nináʼdoodlééł, bízhiʼ deiyoodlą́ągo.

28 Éí bąą, Bóhólníihii bá hashtʼeʼádadoołnééh, háálá tʼáá ałtso diné ádaʼiiláahígíí bikʼehgo bikʼi hoozhdoodlííłgo bichʼįʼ hoolzhish, ádaajitʼéhígíí bikʼehgo—diyinkʼehgo deíkáahgo biiʼ sizíinii yisdádahidookah, Jesus Christ beʼadziilii dóó biyisdáʼiildéehii bikʼehgo; dóó doo yáʼáshóonii ádaʼałʼį́įgo éí tʼáá bí hóyéeʼjį́ ádaandahidootʼááł, biʼiiníziinii bibeʼadziilii bee dóó yizadookah.

29 Ákohgo, díí Diyin yá naalʼaʼí bizhí átʼé, diné yichʼįʼ haadzííʼ.

30 Áádóó áko, shikʼéí ayóó ánihííníshníinii, háálá shikʼéí danohłį́, dóó ayóó ánihídoonih, dóó bindaałnishígíí ádaa náʼookąąh bináłtʼéhígíí ádaohłeʼ, bééhózinígo tʼáá íiyisíí nihijéí daastłʼis nihiDiyin God bizaad bikʼijįʼ, dóó bééhózinígo yóóʼoohkai dóó diné bąąhági átʼéii yiih yíkai danohłį́.

31 Áko baa hoolzhiizh éí shí, Alma, díí saad bee hahaasdzíiʼgo, shooh, diné shichʼįʼ bádahóóchįįd háálá diné bijéí daastłʼisii dóó bikʼos dááłdziłii danohłį́ bidííniid.

32 Áádóó ałdóʼ yóóʼoohkai dóó diné baa ndahóókaadii danohłį́ bidíiniidgo biniinaa shichʼįʼ bádahóóchįįd, dóó dahshiisiłgo shichʼį́ dahdiijééʼ, awáalyah yąąh adahshidiyoołhą́ąłgo.

33 Ákondi baa hoolzhiizh Bóhólníihii doo kʼad awáalyah góneʼ yah adashidiyoołhą́ą́łgo yee hoołʼąʼ da.

34 Áádóó baa hoolzhiizh Amulek yichʼįʼ dah diiyá dóó yidááhdóó niníyá dóó neineeztą́ą́ʼ. Áádóó áko Amulek bizaad yee hahaasdzííʼ yę́ę éí doo tʼáá átʼé náháasdzo da, ákótʼée ndi łahdóó bizaad yę́ę éí díí biyiʼ ndaháasdzoh.