1 Áádóó baa hoolzhiizh Amaleki dineʼé dóó Amulon dineʼé dóó Laman dineʼé éí Amulon bikéyahdi naaldeeh, dóó ałdóʼ Helam bikéyahdi, dóó Jerusalem bikéyahdi naaldeeh yę́ę, áádóó tʼáá ałtso kéyah binaagóó, ałdóʼ, éí tʼáhdoo ídahídiikah da dóó yízhí Anti-Nephi-Lehi tʼáhdoo akʼídeidiitʼaah da, Amaleki dineʼé dóó Amulon dineʼé bikʼéí yikʼijįʼ daʼhoołchįįd.

2 Áádóó tʼáá íiyisíí bikʼeháshchʼį́į́go deijoołá, wonáásdóó aláahdi naatʼáanii yichʼįʼ náádadiibah, aláahdi binaatʼáanii doo deinízin da; éí bąą, Anti-Nephi-Lehi bidineʼé yichʼįʼ yee ndaabaahígíí yił hadaazdéél.

3 Áko aláahdi naatʼáanii bee bóhólníihígíí biyeʼ yee diníʼą́, dóó Anti-Nephi-Lehi yee yiyíízhiʼ.

4 Áádóó aláahdi naatʼáanii bizééʼ hazlį́į́ʼ éí tʼáá éí yihaiʼígíí biyiʼ Laman dineʼé éí Diyin God bidineʼé yikʼijįʼ nidadoobahgo hashtʼeʼádadilnééh.

5 Áko Ammon dóó bikʼiské dóó tʼáá átʼé yił yikaiʼígíí Laman dineʼé bikʼiské ndeidoołtsxil yiká hashtʼeʼádadilnééhgo hadeideisʼį́į́ʼ, Midian kéyahgóó dahdiiná, áádóó ákweʼé bikʼiské yił ahíikai, áádóó Ishmael kéyahdi yíkai Lamoni yił ałah silį́į́ʼbił ndahodiitʼááł danízingo áádóó bikʼis Anti-Nephi-Lehi ałdóʼ, haitʼáo éiyá adíchʼą́ą́h ndadiibah Laman dineʼé bikʼihjiʼ.

6 Áko diné Diyin Bóhólníihii yikééʼ dahdiikaiʼígíí bitahdóó tʼááʼ ląʼí ndi yee daʼahighánígíí doo bikʼiské yichʼįʼ doo dahdeididootʼį́į́ł da; dooda, doo anaaʼ yichʼįʼ hashtʼeʼádadilnééh da; aooʼ, dóó ałdóʼ aláahdi binaatʼáanii dooda doo bee hazʼą́ą da yidííniid.

7 Áko, díí áhootʼéhígíí diné yee yichʼįʼ haadzííʼ kóníigo: ShiDiyin God baa aheeh nisin, shidiné ayóó anishníínii, nihiDiyin God ayóó átʼéii tʼáá ákónééhii nihikʼiské nihichʼįʼ ayiiłʼaʼ, Nephi dineʼé, ndanihidinóótʼį́į́łgo nihichʼįʼ ayííłʼaʼ, dóó nihizází bąąhágiʼ átʼáo ádaʼiłʼínéé nihił béédahoozin.

8 Áádóó áko shooh, Diyin God ayóóʼátʼéii baa ahééh nisin háálá biʼIiʼ Sizį́ Diyinii łahdóó nihainíláago nihijéí yilzhólí ádeiyiilaa, áko nihikʼéí, Nephi dineʼé, nizhónígo bił ndeilnish dahsiidlį́į́ʼ.

9 Áádóó áko shooh, shiDiyin God ałdóʼ ahéheeʼ bidishní, díí nizhónígo bił ndeilnish dahsiidlį́ʼígíí biniinaa nihibąąhági ádaatʼéii nihił bee dahoozin, dóó ląʼída ndaʼsiiltseed yę́ęʼ.

10 Áádóó ałdóʼ shiDiyin God ahéheeʼ bidishní, aooʼ, shiDiyin God ayóóʼátʼéii, háálá díí baa ńdaʼdiikąąłgo yee nihá lą́ʼ asłį́į́ʼ, dóó ałdóʼ nihibąąhági ádaatʼéii dóó ląʼída ndaʼsiiltseedyę́ę yee nihanídiʼníʼą́, dóó nihijéí biyiʼ bee ádidahodiiltʼi yę́ę nahjįʼ nihá kóyiilaa, biYeʼ bibee ajoobaʼígíí biníkááʼ góneʼ.

11 Áádóó áko shooh, shikʼéí, tʼáá díí tʼéiyá adadiilnííłgo (háálá tʼáá ałtso nihokááʼ dineʼé tsʼídá yooʼadahaaskai daniidlį́į́ʼ ńtʼę́ę́ʼ) nihibąąhági ádaatʼéii dóó ndaʼsiiltseedyę́ę baa ńdaʼdiikąął, áádóó Diyin God nihijéí bitsʼą́ą́dóó nihá nahjįʼ kwíídooleeł, háálá éí tʼéiyá ádaʼdiilnííłgo bee ádidahodiiltʼiʼ yę́ę Diyin God bidááhdóó baańdaʼdiikąął—

12 Áko, shikʼéí tsʼídá ayóó ánihííníshʼníinii, áko Diyin God bee ádidahodiiltʼiʼ nihá nahjįʼ kwííyiilaa, dóó nihibéésh hał bitsáʼdinilííd daazlį́į, áko nihibéésh hał doo nihikʼéí bidił bąąh ánáádadiilnííł da.

13 Áko shooh, ánihidishní, Dooda, nihibéésh hał doo bił hánáádadiidił da áko doo nihikʼéí bidił doo bąąh nááná doolééł; ákodah, nihibéésh hał dił bąąh ánáadeilyaago tánásgiz ndi doo nihiDiyin God ayóó átʼéii biYeʼ bidił biníkááʼ góneʼ doo tánínáádoogisgóó bitsʼáʼdaʼdinílííd da doo, éí bidił nihá deesgoʼgo nihibąąhági átʼéii bikʼé nináʼílyáa doo.

14 Áádóó Diyin God ayóóʼátʼéii nihaajoozbaʼ, dóó díí nihił ííshjáá áyiilaa áko doo anihiʼdooldįįł da; aooʼ, dóó díí tʼáá íídą́ą́ʼ nihił ííshjáá áyiilaa, háálá nihiiʼ sizʼíinii ayóó ayóní nihaʼáłchíní ayóó ayónínígiʼ átʼáo; éí bąą, bee ajoobaʼ yee Diyin yá ndaalʼaʼí nihichʼįʼ ayiisʼaʼ, áko yisdáʼiildééh beehootʼááł nihí dóó náásdi naʼoochííł bił ííshjáá ádoolnííł.

15 Dooládóʼ, nihiDiyin God joobaʼ da! Áádóó áko shooh, tʼáá bídaneilánígo bedaʼiilyáago nihibąąhágiʼ átʼéii nihá nahjįʼ kódoolnííł, dóó nihibéésh hał bikʼindziʼdidlaadgo ályaa, éí ndadidiilʼį́į́ł áko tʼah bitsʼáʼdaʼdinilííd doo, nihiDiyin God nihoníyáajįʼ tʼáá aaníigo bee bił ííshją́ą́ʼ ííníílzin doo, doodago bidááhdóó nanihiʼdeidlóózgo nihá nihodooʼááł, éí nihikʼéí bidił nihibééshał tʼáadoo bąąh ánaadeilyaa da bizaad nihił ííshją́ą́ áyiilaa dóó hóshdę́ę́ʼ dóó doo yee hihąąh chingóó ánihiilaa.

16 Áádóó áko, shikʼéí, nihikʼéí ndanihidoołtsxił danizingo nihiká ádaatʼį́, áko shooh, nihibéésh hał, aooʼ, éí tsʼídá hóyahdi łeeyiʼ ńdadidiilʼį́į́ł, áko tʼáá bízdílid doo, éí tʼáá aaníí tʼáadoo choideisiilʼįįdgóó bee bééhózin doo, akéédi yoołkáałdi; áádóó nihikʼéí ndanihistseedgo, áko shooh, nihiDiyin God bichʼįʼ dóó yisdánihidoonił.

17 Áádóó áko baa hoolzhiizh aláahdi naatʼáanii ałtso haadzííʼgo, dóó tʼáá ałtso diné ałah silį́į́ʼgo, bibéésh hał ndeidiinil, dóó nihokááʼ dineʼé tʼáá ałtso bee ndaʼástseed yę́ę, tsʼídá hóyáhdi łeehyiʼ góneʼ yooʼádeiyiilaa.

18 Áádóó kódaʼiilaa, éí bikʼehgo Diyin God dóó nihokááʼ dineʼé, tʼáá aaníigo yee yił ííshją́ą́ ádeiyósin, áko éí dééníínii yee doo nináádaʼdoołtsxił da, dóó kódaʼiilaa, tʼáá aaníí ádaaníigo Diyin God yił ahadaʼdeestʼą́, áko bikʼéí doo átídeidoolííł da ákondi tʼáá bí beʼiinaʼ ninádeididooʼááł dánízin; dóó doo bikʼéí yighaʼ daʼdoolééł da danízin ákondi yichʼįʼ yaa dadleeʼ doo; dóó ił hooyéí bídeiyiłkáágo doo deinízin da yéígo bilá yee ndaalnishgo tʼéiyá.

19 Áádóó áko nihił bééhózin, díí Laman dineʼé daʼoosdląądgo dóó tʼáá aaníinii bił béédahózingo, ayóó yee hadaʼoolní, dóó tiʼdahoonííhgo nináʼádadeestʼą́ doo adąąh dahwiidoolʼááł da biniyé; dóó baa ákodaniidzį́į́ʼ yee ndaʼiłtseed yę́ę yooʼádeiyiilaa ké bidiníłną́ą́jįʼ, doodago yee ndaabaah yę́ę yikʼi dahoogeed, kʼéhígíí biniyé.

20 Áádóó baa hoolzhiizh bikʼéí Laman dineʼé doo daʼoodlánígíí anaaʼí ádadiilnííł daaníigo hashtʼeʼádadiilyaa Nephi kéyahjįʼ yíkai aláahdi naatʼáanii deidiyoołheełgo, dóó łaʼ náábiidoolzį́į́ł, dóó Anti-Nephi-Lehi bidineʼé ndooltsxiłgo doo dabikéyah doo biniyé.

21 Áko diné bikʼijįʼ deiyíbááhgo deiyiłtsą́ dóó yidááh yíkai, dóó yidáágiʼ niʼgóó neezjééʼ, dóó Diyin Bóhólníihii deiyózhíigo yichʼįʼ sodaʼdiʼniilzin, dóó ákodaadzaago Laman dineʼé baatiihyíjééʼ, dóó béésh hał yee ndabiłtseedgo yaanídiikai.

22 Áádóó tʼáadoo bijįʼ nilínígóó, tʼááłaʼí dimííl yázhí dóó biʼaan ashdlaʼ ndeistseed; dóó nihił béedahózin éí bikʼidahojisdliʼgo, biDiyin God yichʼįʼ anáákai.

23 Áko Laman dineʼé bikʼéí béésh hał doo yitsʼą́ą́jįʼ dahdiijeehgo, doodago doo nishʼnáájí doodago nishtłʼahjigo dahdadiijééh da, ákondi tʼóó niʼgo néézjéé dóó ndabiʼdistseed, dóó Diyin God yaa dahaniih ázhą́ béésh hał bee ndabiʼdiltseed ndi—

24 Áko Laman dineʼé díí deiyiiłtsʼą́ągo ndaʼałtsééd yę́ę niʼ kódeiyiilaa, dóó ląʼída bijéí dabidiisnááʼ bikʼéí béésh hał yee ndeestseedgo, háálá ádáátʼį́į́dyę́ę yąąh dabineʼgo ádaańdaʼooskan.

25 Áádóó baa hoolzhiizh yee ndaabaah yę́ę niʼjįʼ adeiyiistłʼííd, dóó doo nináádeididoonił da, háálá ndaʼastseed dóó adaʼtʼiilaaʼígíí yaa yínííł daniizį́į́ʼ, dóó bikʼéí nahalingo niʼgóó neezjééʼ, ndaʼałtseedígíí yichʼįʼ hojoobaʼ ádeinizingo doo naníhiʼdidootsxil da danízin.

26 Áádóó baa hoolzhiizh Diyin God bidineʼé ndabiʼdiztseedígíí biláah ánéílą́ą́ʼ daʼoosdląądgo ídahídiikai, dóó ndabiʼdiztseedígíí éí diné diyinkʼehgo deiyíkaah ńtʼę́ę́ʼ, éí bąą doo nihił naaki danilį́į da háálá éí yisdábiʼdoonil.

27 Áádóó doo éí laʼ diné doo yáʼáshóonii bitahdóó biʼdiisyį́į da; ákondi dimííl yázhí biláahgo tʼáá aaníinii yaa ákodaniizį́į́ʼ, áko baa ákódaniidzį́į́ʼ Diyin Bóhólníihii tʼóó ahayóí ałʼąą átʼáo yínaalnishgo bidiné yisdéídooʼish.

28 Áko Laman dineʼé bitahdoo ląʼída bikʼéí ndéístseedígíí éí Amaleki dineʼé dóó Amulon dineʼé ádaatʼį́į ńtʼę́ę́ʼ, éí bitsʼą́ą́dóó éí ląʼída Nehor danilínígíí bihoogááł yedaʼałʼį́į ńtʼę́ę́ʼ.

29 Áko, Diyin Bóhólníihii bidineʼé daʼoosdląądgo ídiikaiʼígíí, doo éí laʼ Amaleki dineʼé doodago Amulon dineʼé danilį́į da, doodago doo łaʼ Nehor bihoogááł yikéé deiyíkááh da, ákondi éí íiyisíí Laman dóó Lemuel yitsʼą́ą́dóó yikahígíí adaatʼį́į ńtʼę́ę́ʼ.

30 Áádóó áko tʼáá ííshjánígo baa ákódaniidzį́į́ʼ, éí Diyin God biʼIiʼ Sizį́ Diyinii diné yił chʼídiníłdláád ńtʼę́ę́ʼgo, dóó diyin bikʼehgo oodááł yéígo bił béédahózinyę́ę, áádóó bąąhági átʼéii yiiyiʼjįʼ yóóʼeekaigo dóó ndaʼiisííʼ, éí tʼóó yiwohdi doo ndabíʼdídzil da daaleeh, dóó biláahdi doo yáʼátʼééhgóó bił hooʼaah díí tʼáadoo bił béédahóziní da nahalǫ́ǫ.