1 Áádóó kʼad éí Amalickiah dóó doo kééhojitʼínígóó yił dah dadíníichą́ą́ʼ yę́ę baa nááháneʼ, háálá, áko shooh, yił dahdiinánéé, Laman dineʼé yitah yíkai Nephi bikéyahdi, áádóó Laman dineʼé Nephi bidineʼé yichʼįʼ yádahóółchįįd, áko Laman dineʼé biʼaláahdi naatʼáanii bikéyahgóó haneʼ áyiilaa, tʼáá átʼé bidiné bitahgóó, ahínááhidoohkahgo Nephi dineʼé yikʼiidoojah.

2 Áádóó baa hoolzhiizh haneʼ bitah yítʼą́ągo tʼáá íiyisíí yikʼee bił dahóóyééʼ; aooʼ, aláahdi binaatʼáanii dóó bił aaníí da ádeidoolíiłgo yéédaasdzid, dóó ałdóʼ Nephi dineʼé yikʼijįʼ ndadoobahígíí yeedaaldzid háálá nidabidiʼdootsxił. Áádóó baa hoolzhiizh doo ádeinízin da, éí doodago tʼóó ahayóí yiltʼéh, aláahdi naatʼáanii bibee hazʼáanii doo yikʼeh dahółʼį́į da.

3 Áádóó áko baa hoolzhiizh aláahdi naatʼáanii báhóóchįįd doo akʼeh dahółʼínígíí biniinaa; áko bá ndaabaahí bizaad yikʼeh dahółʼínígíí éí Amalickiah yinanitaʼí áyiilaa, dóó nílááh ákǫ́ǫ́ dahdiilyeed dóó ndadoobahgo biníłchééh yidííniid.

4 Áko shooh, díí Amalickiah yichʼą́ą́h hwíídéélní; háálá ayóó bąąhági átʼį́ éí bąą bijéí yiiʼ yinahazʼą́ Laman dineʼé aláahdi binaatʼáanii yiigháhodidootʼááłgo.

5 Áádóó áko Laman dineʼé aláahdi naatʼáanii yikʼeh dahółʼínígíí éi kʼad yikʼi bóhólnííh; dóó doo akʼeh dahółʼínígíí bichʼijí dadooleełgo yíká átʼį́; éí bąą Onidah hoolyéego dah diiyá, ákǫ́ǫ́ Laman dineʼé tʼáá ałtso dah dadíníichą́ą́ʼ, háálá anaaʼí bichʼįʼ deíbáahgo hadeideesʼį́į́ʼ, dóó, ndanihiʼdoołtsxiłgo nihichʼįʼ deínééh daniizį́į́ʼ, éí bąą Onidahgóó dahdiijééʼ, ndadoobahgo.

6 Áádóó łaʼ diné biʼaláahdi naatʼáanii dóó nabiʼeesh dooleełgo yikʼi dadiilniiʼ Nephi dineʼé doo bikʼijįʼ ndadiibahgo anihidiʼdoolnííł da danízingo yee ádáʼdahoolʼaʼ.

7 Áádóó baa hoolzhiizh hózhǫ́ dah yiskʼid bikáaʼgi Antipas hoolyéegi ałhííkai, ndadoobahgo yíká hashtʼeʼádadilnééh.

8 Áko Amalickiah éí doo yikʼiidoojahgo yíká átʼį́į da aláahdi naatʼáanii yee nahoníʼánéegi átʼáo; ákondi shooh, Laman dineʼé bindaabaahígíí bichʼihjí dadooleełgo yíká átʼį́, éí bitsijįʼ sézį́į doo nízin dóó aláahdi naatʼáanii nahjįʼ habidiʼdooljish dóó kéyah bikʼihshóhólnííh doo nízin.

9 Áádóó áko shooh, baa hoolzhiizh bá ndaabaahí Antipas dah yiskʼid biyaa dzígaigi biníbaal nideiznil.

10 Áádóó baa hoolzhiizh éí bitłʼééʼ naalchíʼí Antipas dah yiskʼid góde ayííłʼaʼ, dah yiskʼid yikááʼ dah yinééł binaatʼáanii, éí Lehonti wolyé, éí dah yiskʼid yikááʼdę́ę́ʼ adadoogááł, háálá bichʼįʼ hadeesdzih nízin.

11 Áádóó baa hoolzhiizh Lehonti haneʼ bee yítʼą́ągo doo tʼáá kʼad dah yiskʼidgóyaa deiyáa da. Áádóó baa hoolzhiizh Amalickiah éí haneʼ yił anááʼ ííłʼaʼ, hóshdę́ę́ʼ adanínááh yiłníígo. Áádóó baa hoolzhiizh Lehonti doo ákǫ́ǫ́ bineʼ da; áádóó díí haneʼ baa náánátʼą́, díí kʼad tááʼdi azlį́į́.

12 Áádóó baa hoolzhiizh Amalickiah éí Lehonti dah yiskʼid bikááʼdę́ę́ʼ adaninááh chʼééh yidííniidgo, tʼáá bí dah yiskʼid góde hááyá, Lehonti biníbaal siʼą́ąjįʼ, áádóó dį́įdi álééhgo Lehonti haneʼ yichʼįʼ ánááyootʼą́, shichʼįʼ adadoogááł nízingo, dóó bichʼą́ą́h naazínígíí yidooʼishgo bił tʼáá áko.

13 Áádóó baa hoolzhiizh Lehonti bichʼą́ą́h naazínígíí yił Amalickiah yichʼįʼ hadaakai, Amalickiah tʼáá éí bitłʼééʼ bá ndaabaahí yił hadadoonééł nízin, dóó aláahdi naatʼáanii bá ndaabaahí yikʼi bóhólnííh abiʼdiilyaa yę́ę yindootʼiʼ, dóó Lehonti yilákʼeidooʼish, (Amalickiah) éí akééʼdóó tʼáá átʼé nidaabaahii binaatʼáanii ábidiʼdoolnííłgo yíká átʼį́.

14 Áádóó baa hoolzhiizh Lehonti dóó bá ndaabaahí yił adááná dóó Amalickiah bá ndaabaahí yináztʼiʼ, áko haiłyiłkąąhgóó tʼah doo chʼéédadzíídą́ą́ʼ Lehonti bá ndaabaahí bináztʼiʼ.

15 Áádóó baa hoolzhiizh ndaabaahí bináztʼiʼgo deiyiiłtsą́, Amalickiah ndeiyooskan áko bikʼiské yił ahíídoonééł yee yá hwiidoołʼaałgo, áko doo ndabidiʼdooltsxił da. Áko díí éí Amalickiah tʼáá íiyisíí yíkáʼátʼį́į ńtʼę́ę́ʼ.

16 Áádóó baa hoolzhiizh bá ndaabaahí yee níʼeezh, aláahdi naatʼáanii abídííniid yę́ę bitsʼą́ą́jí. Áko díí éí Amalickiah yíká átʼį́į́ ńtʼę́ę́ʼ, áko díí éí aláahdi naatʼáanii yighahodidooʼáałgo yinahaʼáhą́ą yikʼeh áhodoolííł.

17 Áko Laman dineʼé éí bee óʼolʼį́į́ł, binaatʼááh tseesyį́įgo, akééʼ góneʼ naatʼáanii naatʼááh nilį́įgo bikʼihodiinih.

18 Áádóó baa hoolzhiizh Amalickiah łaʼ bá naalʼaʼí Lehonti azeeʼ bahádzidí tʼįįhdígo ałkééʼ baa híkaah doo yidííniid, áko yiyishxį́.

19 Áko, Lehonti biʼdiisxį́įgo, Laman dineʼé éí Amalickiah naatʼáanii dóó naatʼááh nilį́įgo yikʼi dadiilniiʼ.

20 Áádóó baa hoolzhiizh Amalickiah bá ndaabaahí yił dahdiiná (háálá yínízin yę́ę yihoolaa) Nephi bikéyahgóó, Nephi bikin dahshijaaʼjįʼ, éí aláahdi kin dashijaaʼ átʼé.

21 Áádóó aláahdi naatʼáanii bichʼą́ą́h ndaabaahí yił yidááh yíkai, háálá Amalickiah ádííłííł yidííniid yę́ę yeʼiilaa nízingo, dóó Amalickiah tʼóó ahayóí nidaabaahii ahíyiizhʼeezh lá éí Nephi dineʼé yikʼijįʼ ndadoobahgo.

22 Ákondi shooh, aláahdi naatʼáanii bichʼįʼ chʼíníyá, Amalickiah bá nidaalʼaʼii aláahdi naatʼáanii yił ahíídookahgo yichʼįʼ ayííłʼaad. Áádóó ááyíkai dóó aláahdi naatʼáanii yichʼįʼ ntsidadínígoʼ, ayóó átʼéhígíí biniinaa deidósingo ádaʼdilʼí.

23 Áádóó baa hoolzhiizh aláahdi naatʼáanii bichʼįʼ dahdiilniiʼ deidoozįįł nízingo, Laman dineʼé bee óʼoolʼįįłkʼehgo, kʼé bee bééhózingo, éí óʼoolʼįįł Nephi dineʼé yitsʼą́ą́dóó ndeidiilá.

24 Áádóó baa hoolzhiizh áłtséhígíí łeeyiʼdę́ę́ʼ yidoozįįł yiniyé yichʼįʼ dahdiilniiʼ ńtʼééʼ, shooh aláahdi naatʼáanii bijéí yaʼiʼííłgeed; dóó niʼjįʼ naaʼíítłizh.

25 Áko aláahdi naatʼáanii bá nidaalʼaʼí dahdiijééʼ; áádóó Amalickiah bá nidaalʼaʼí hadadoolghaazh, kódaaníigo:

26 Áko shooh, aláahdi naatʼáanii bá nidaalʼaʼí bijéí béésh yaa adeesgeed, dóó niʼjįʼ íítłizh dóó yitsʼą́ąjįʼ dah diijééʼ; áko shooh, hágo dóó danółʼį́.

27 Áádóó baa hoolzhiizh Amalickiah bánidaabaahí ákǫ́ǫ́ dadohnééh dóó aláahdi naatʼáanii abiʼdiilyaaígíí nihił béédahoozįįh yidííniid; dóó áhóótʼįįdígi yíkaigo, aláahdi naatʼáanii biʼdiisyíigo dił yiiʼsitį́, Amalickiah báháchįʼ ádílʼį́, dóó ání: Tʼáá háí shį́į́ aláahdi naatʼáanii ayóó íínóhníí ńtʼę́ę́ʼígíí, hóshdę́ę́ʼ nahohkááh, dóó dabiisxínígíí bikʼínóhjeeh áko ndadootsxił.

28 Áádóó baa hoolzhiizh tʼáá ałtso aláahdi naatʼáanii ayóó ádeiyónínéé, díí saad deidiiztsʼą́ą́go, ahíikai dóó aláahdi naatʼáanii bá nidaalʼaʼí yikééʼ dahdadiibaaʼ.

29 Áko aláahdi naatʼáanii bá nidaalʼaʼí bichʼįʼ deiyíbaahgo deiyiiłtsą́, bił náádahooyééʼ, dóó doo kééhojitʼíní góneʼ dahdiijééʼ, áádóó Zarahemla bikéyahjįʼ níjééʼ dóó Ammon bidineʼé yił ahíikai.

30 Áádóó ndaabaahí bikééʼ yiinéłę́ę́ náʼná, éí yikééʼ yinéełgo chʼééh ádáátįįd, áádóó kótʼáo Amalickiah, binaʼadloʼ yee, diné yijéí yooskan.

31 Áádóó baa hoolzhiizh biiskání Nephi kin dashijaaʼdi bá ndaabaahí yił yah ííná, dóó kin dashijaaʼ yee ádíhóósnííʼ.

32 Áádóó áko baa hoolzhiizh aláahdi naatʼáanii beʼasdzą́ą́, aláahdi naatʼáanii biʼdiisxį́įgo yaa hodiiztsʼą́ąʼgo—Amalickiah báyádaałtiʼí aláahdi naatʼáanii beʼasdzą́ą́ haneʼ yaa deezʼą́ aláahdi naatʼáanii bá nidaalʼaʼí dabiisxį́ daaníigo, áko éí bá ndaabaahí yikééʼ ndaazbaaʼ, ákondi chʼééh ádáátʼįįd, dóó baadiijééʼ—

33 Éí bąą, aláahdi naatʼáanii beʼasdzą́ą́ díí haneʼ yidiiztsʼą́ąʼgo Amalickiah yichʼįʼ haneʼ ánéiyiidlaa, kin dashijaaʼdi diné áádíísįįł yiłníigo neiyoozkan, dóó hóshdę́ę́ʼ shaadíínááł yidííniid; áádóó ałdóʼaláahdi naatʼáanii biʼdiisxį́įgo binááł ádahóótʼįįdígíí dííʼishgo yaa dahodoolnih yidííniid.

34 Áádóó baa hoolzhiizh Amalickiah bá naalʼaʼí aláahdi naatʼáanii yiyisxínée yił níʼáázh, dóó tʼáá átʼé yił ádáátinéé, dóó aláahdi naatʼáanii beʼásdzáá yaa yíkai, dahsidáajįʼ, dóó tʼáá átʼé aláahdi naatʼáanii bá nidaalʼaʼí dabiisxį́ daaníigo yaa hadahaasdzííʼ; áádóó ałdóʼ ádadííniid: Dah dadíníichą́ą́ʼ, daʼ díísh tʼáá aaníí ádáátʼįįdígíí bee bééhózin? Áádóó ákótʼáo aláahdi naatʼáanii beʼásdzáá aláahdi naatʼáanii biʼdiisxínée tʼáá aaníí áhóótʼęędgo yoosdląąd.

35 Áádóó baa hoolzhiizh Amalickiah aláahdi naatʼáanii beʼásdzą́ą́ shidínóozįįł nízin, dóó bichʼooní áyiilaa; dóó díí éí binaʼadloʼ bee, dóó bá nidaalʼaʼí ndaʼagizígíí yił, kéyah yee ádíhoosnííʼ; aooʼ, aláahdi naatʼáanii nilį́įgo bee bééhoʼdooszįįd adahwiisʼáágóó, Laman dineʼé bitahgóó, éí Laman dineʼé dóó Lemuel dineʼé dóó Ishmael dineʼé, áádóó Nephi dineʼé yitsáheeskai yę́ę ádaatʼį́, Nephi hooʼááłyę́ędą́ą́ʼ dóó kojį ahoolzhiizh.

36 Áko díí átsáheeskai yę́ę, Nephi dineʼé tʼáá átʼé baa haneʼ dóó naʼnitin tʼáá áheełtʼéego bee ndabidiʼneeztą́ą́ʼ, aooʼ, Diyin Bóhólníihii bee ééhózin tʼáá aheełtʼéego bee ndabidiʼneestą́ą́ʼ, ákótʼée ndi, tʼóó haashį́į́tʼé, atsʼáheeskai dóó tʼáá hodíínaʼí tʼóó yíwohdi doo ndabiʼdídzil da dóó doo ádaa nídaʼookąąh da, dóó tʼóó yíwohdi doo daatsʼííd da, Laman dineʼé yiláahdi bąąhági ádaatʼį́ dóó tʼóó báádahadzid—Laman dineʼé bibee ádaʼoolʼįįł yídaneedlį́; ił hooyéé, dóó tʼáá ałtso atsʼíís bee tsiʼnaʼadáh yiih yíkai; aooʼ, Bóhólníihii Diyin God ałtso yaa deiyoozná.