Wóltaʼii 1Nehor éí naʼnitin tʼóó ádaatʼéhígíí yee naʼnitin, tʼáá bí bisodizin łaʼ yee hodeezʼą́ʼ, doo yáʼádaashóonii háyííłwod, dóó Gideon yiyiisxį́—Nehor ádąąh dahnahatʼaʼgo biʼdiisxį́—Diyin bizaad nideigizgo nidaʼnitin dóó atíʼílį́ ahidiníłnáago diné bitah hazlį́į́ʼ—Priest danilínígíí éí tʼáá bí ádíkʼindaaldzil, diné éí baa dahojoobáʼígíí yaa ádahalyą́, dóó Diyin biSodizin bidziil silį́į́ʼ. Jesus bidiʼdoochííłjįʼ 91–88 B.C. yihahgo ádahóótʼįįd. Wóltaʼii 2Amlici aláahdi naatʼáanii deeshleeł nízingo yíká átʼį́ ákondi diné doo dabinízin da—Bikééʼ deíkáhígíí aláahdi naatʼáanii ádabiilaa—Amlici dineʼé éí Nephi dineʼé yichʼįʼ dadeezbaaʼ ńtʼę́ę́ʼ bikʼeh hodeesdlį́į́ʼ—Laman dineʼé dóó Amlici dineʼé bikʼeh hodeesdlį́į́ʼ dóó ałhííkai—Alma éí Amlici yiyiisxį́. Jesus bidiʼdoochííłjįʼ 87 B.C. yihahgo ádahóótʼįįd. Wóltaʼii 3Diyingo haʼoodzííʼyę́ę bikʼehgo Amlici dineʼé ákʼindaʼashdléézh—Laman dineʼé ákʼihjįʼdaazlį́ʼígíí biniinaa hóyéeʼgo báhaʼoodzííʼ—Nihokááʼ dineʼé bąąhági ádaa dzaaígíí binahjįʼ hóyéeʼgo akʼijįʼ ninádeestʼąh—Nephi dineʼé nááná łaʼ Laman dineʼé nidaabaahii yikʼeh dadeesdlį́į́ʼ. Jesus bidiʼdoochííłjįʼ 87–86 B.C. yihahgo ádahóótʼįįd. Wóltaʼii 4Alma éí ląʼí dimííl daʼoosdląądígíí tó yee yiyíísį́į́ʼ—Bąąhági ádaatʼéii Sodizin biyiʼ hazlį́į́ʼ, dóó Sodizin náás bił hoolzhishyę́ę dahnáskid—Nephihah éí aláahdi ánahwiiʼaahii nilį́ doogo bikʼihodiiniiʼ—Alma, éí high priest nilį́įgo, diyingo naʼnitin yaa ádeetʼą́. Jesus bidiʼdoochííłjįʼ 86–83 B.C. yihahgo ádahóótʼįįd. Wóltaʼii 5Yisdáʼadoodáałgo, diné tʼáá ałtso ádaa ńdaʼdookąął dóó Diyin God bibee hazʼáanii yikʼeh hółʼį́į dooleeł, diyingo náádabidiʼdoochííł nahalingo ádabidiʼdoolnííł, Christ bidił deeznaʼígíí biníkááʼ góneʼ biʼééʼ bee táádadoogis, hojoobaʼ ádadiʼdoolnííł dóó ádaahodzódlí dóó ádáʼhonooníh yóó adeididooʼááł, dóó yáʼátʼéehgo ádaʼálʼíinii yindaalnish dooleeł—Dibé Yaa áhályą́ Yáʼátʼéehii bidineʼé yíká ání—doo yáʼáshǫ́ǫ́góó ádaʼałʼíinii éí biʼiiníziinii baʼáłchíńí danilį́—Alma Diyin binaʼnitin tʼáá aaníigo yaa hoolneʼ dóó diné ádaa nídaʼoohkąąh yidííniid—Diyinkʼehgo dahináanii dabízhiʼ iiná binaaltsoos biyiʼ ádadoolnííł. Jesus bidiʼdoochííłjįʼ 83 B.C. yihahgo ádahóótʼįįd. Wóltaʼii 6Zarahemladi sodizin éí bąąhági ádaatʼéii bąąh adingo ályaa dóó diyingo hadilyaa—Alma éí naʼdínóotį́į́ł biniyé Gideongóó ííyá. Jesus bidiʼdoochííłjįʼ 83 B.C. yihahgo ádahóótʼįįd. Wóltaʼii 7Christ éí Mary bidoołchííł—Anoonééł bitłʼóól kʼíídiyooʼah dóó Bidineʼé bibąąhági ádaatʼéii akʼiididootʼááł—Ádaa ńdaʼooskanígíí, tó bee dabiʼdiilzį́į́ʼ, dóó bee hazʼáanii yikʼehdahółʼínígíí hoolʼáágóó iiná baa dadoolyééł—Doo yáʼádaashónígíí doo Diyin God bił hazʼą́ baa dahidoolyééł da—Aʼohgo ajoobaʼ, oodląʼ, sih hasin, dóó diyingo ayóóʼóʼóʼní hwee hólǫ́ǫgo tʼéiyá. Jesus bidiʼdoochííłjįʼ 83 B.C. yihahgo ádahóótʼįįd. Wóltaʼii 8Alma Melekdi naʼnitin dóó tó yee íísį́į́ʼ—Ammonihahdi doo dabinízingóó biniinaa tʼóó dah diiyá—Diyin Yá Naalʼaʼí ákǫ́ǫ́ nídíídááł dóó diné ádaa ńdaʼoohkąąh bidiníigo bee bichʼįʼ hadíídzih biʼdooʼniid—Amulek yah abíílóóz, dóó tʼáá áłah Ammonihahdi naʼneeztą́ą́ʼ. Jesus bidiʼdoochííłjįʼ 82 B.C. yihahgo ádahóótʼįįd. Wóltaʼii 9Alma Ammonihah bidineʼé ádaa ńdaʼoohkąąh yiłní—Bóhólníihii Laman dineʼé akéedi dayoołkáałdi yaajidoobaał—Nephi dineʼé diyingo adinídíín doo deiniizį́į́ʼgóó, Laman dineʼé ndabidoołtsxił—Diyin God biYeʼ hodíínaʼgo doogááł—Ádaa ńdaʼooskanígíí, tó bee dabiʼdoolzį́ʼígíí, dóó bízhiʼ deiyoodlánígíí yá nináʼdoodlééł. Jesus bidiʼdoochííłjįʼ 82 B.C. yihahgo ádahóótʼįįd. Wóltaʼii 10Lehi éí Manasseh yitsʼą́ą́dóó yigááł—Amulek éí Diyin yá naalʼaʼí Alma baa áhólyá biłnínée yaa hoolneʼ—Diyinkʼehgo deíkáhígíí bisodizin yee diné yisdáyínil—Aghadiitʼaahii dóó ándawiiʼaahii doo yáʼádaatʼéehii éí diné nidabidooltsxiłgo yá hashtʼedahoolaa. Jesus bidiʼdoochííłjįʼ 82 B.C. yihahgo ádahóótʼįįd. Wóltaʼii 11Nephi dineʼé bibéeso naachʼid chʼétʼą́—Amulek Zeezrom saad yił ahíítʼááh—Christ diné bąąhági ádaatʼį́įgo doo yisdéidoonił da—Yáʼąąsh bił hazʼą́ądi bá dahooʼaʼígíí tʼéiyá yisdáhidookah—Diné tʼáá ałtso bitsʼíís dahólǫ́ǫgo ahoolʼáágóó náádahidooʼnaał—Nááʼiiná bikééʼdóó anoonééł ádin. Jesus bidiʼdoochííłjįʼ 82 B.C. yihahgo ádahóótʼįįd. Wóltaʼii 12Alma Zeezrom yichʼįʼ yałtʼiʼ—Diyin God bitsʼą́ą́dę́ę́ʼ tʼáá aaníinii tʼahdoo ííshją́ą́ ádaalnéehii daʼoodláanii tʼéiyá bichʼįʼ kódoolnííł—Diné bintsékees, bedaʼoodląʼ, dabizaad, dóó yindaashnish yę́ę bikʼehgo bá ndahwiidootʼááł—Diné bąąhági ádaatʼíinii iiʼ sizíiniikʼehgo bichʼįʼ nidahwiiʼnáago dínóonééł—Díí atsʼíís anoonééł bidééłníigo iinánígíí éí nabidiʼnitaahgo bił hazʼą́—Nináʼílyáago hootʼááł Náádaʼiiná yee hoołʼaʼ dóó, bedaʼoodląʼ binahjįʼ ádaa ńdaʼooskango bibąąhági ádaatʼéii bá yóóʼadahideestʼą́—Ádaa ńdaʼooskanígíí éí aYeʼ Tʼáá Éí Tʼéiyá Yizhchíinii binahjįʼ ajoobaʼ baa dadoolyééł. Jesus bidiʼdoochííłjįʼ 82 B.C. yihahgo ádahóótʼįįd. Wóltaʼii 13Hastóí bidaʼoodląʼ yee dabidziil dóó nizhónígo Diyin yá nidaalnishígíí biniinaa high priest dadooleełgo bíká áʼdooniid—Diyin bibee hazʼáanii yee ndaʼnitin dooleeł—Diyinkʼehgo deíkáahgo hadaałtʼé dadooleeł dóó Bóhólníihii yáʼąąsh góneʼ yił yah ahidookah—Melchizedek éí díí atah jílį́į́ ńtʼę́ę́ʼ—Diyin Yá Nidaalʼaʼí adawiisʼáágóó haneʼ baa hózhóonii yaa dahalneʼ—Éí Christ tʼáá íiyisíí doogááł daaníigo ííshjání ádeidoolííł. Jesus bidiʼdoochííłjįʼ 82 B.C. yihahgo ádahóótʼįįd. Wóltaʼii 14Alma dóó Amulek awáalyah abiʼdooʼnil dóó atíbiʼdiilyaa—Daʼoodlánígíí dóó Diyin bizaad dílzingo bee akʼedaʼashchínígíí nídahásdzohígíí kǫʼ bee adahideeskʼą́ą́ʼ—Daʼoodlą́ągo nidabiʼdiztseedígíí éí ayóó átʼáo Bóhólníihii ndabididoonił—Awáalyah bee alyáahígíí dahastʼǫ́ dóó niʼjįʼ ndahásdaaz. Alma dóó Amulek éí yisdáátʼéézh, dóó atídabiilaa yę́ę éí nidabiʼdistseed. Jesus bidiʼdoochííłjįʼ 82–81 B.C. yihahgo ádahóótʼįįd. Wóltaʼii 15Alma dóó Amulek Sidomgóó niʼáázh dóó sodizin bá hooghan niiníʼą́—Alma Zeezrom néidiiłá, éí sodizin yidiiyá—Ląʼí da tó bee dabiʼdoolzį́į́ʼ, dóó sodizin ałʼąą naaznil daazlį́į́ʼ—Alma dóó Amulek Zarahemlagóó níʼáázh. Jesus bidiʼdoochííłjįʼ 81 B.C. yihahgo ádahóótʼįįd. Wóltaʼii 16Laman dineʼé éí Ammonihah bidineʼé nideistseed—Zoram éí Nephi dineʼé binaatʼáanii naabaahí nilį́įgo Laman dineʼé yikʼehdadeesdlį́į́ʼ—Alma dóó Amulek dóó ląʼí da Diyin bizaad yee nidaʼneeztą́ą́ʼ—Christ Nááhiinaʼ dóó bikʼijįʼ Nephi dineʼé yichʼįʼ ííshją́ą́ ídidoolnííłgo yee nideineeztą́ą́ʼ. Jesus bidiʼdoochííłjįʼ 81–77 B.C. yihahgo ádahóótʼįįd. Wóltaʼii 17Mosiah biyeʼké diyingo áhodooníłígíí dóó diyingo ił ííshją́ą́ ályaaígíí bee dahólǫ́—Daniłtsʼą́ą́jígo dah diikai Laman dineʼé diyin bizaad yee nideidínóotį́įłgo—Ammon éí Ishmael bikéyahgóó níyá dóó aláahdi naatʼáanii Lamoni yá naalʼaʼí silį́į́ʼ—Ammon aláahdi naatʼáanii bidibé yisdeinííłkaad dóó beʼanaaʼí tó siyį́ Sebusdi neistseed. Saad dahshijaaʼ 1–3, Jesus bidiʼdoochííłjįʼ 77 B.C. yihahgo ádahóótʼįįd; saad dahshijaaʼ 4, Jesus bidiʼdoochííłjįʼ 91–77 B.C. yihahgo ádahóótʼįįd; dóó saad dahshijaaʼ 5–39, Jesus bidiʼdoochííłjįʼ 91 B.C. yihahgo ádahóótʼįįd. Wóltaʼii 18Aláahdi naatʼáanii Lamoni éí Ammon Iiʼ Sizį́ Ayóó Átʼéii nilį́ niizį́į́ʼ—Ammon éí aláahdi naatʼáanii Tʼáá Ałtsoní Ádaalyaai yee neineeztą́ą́ʼ, Diyin God nihokááʼ dineʼé yił naalnishígíí, dóó Christ tʼáá bí nináʼnídláhígíí—Lamoni oosdląąd dóó niʼjįʼ naaʼíítłizh bizééʼ hazlį́į́ʼ nahalingo. Jesus bidiʼdoochííłjįʼ 90 B.C. yihahgo ádahóótʼįįd. Wóltaʼii 19Lamoni hoolʼáágóó iiná bibeeʼadinídíín beiyílyá dóó Nináʼnídláii yiyiiłtsą́—bighandóóʼígíí tʼóó bił ádahoodzaa, dóó ląʼí da Diyin yá nidaalʼaʼí deiyiiłtsą́—Ammon ayóó átʼáo baaʼ áhóóyąąd—Ląʼí da tó yee yiyíísį́į́ʼ dóó sodizin yihidiikai. Jesus bidiʼdoochííłjįʼ 90 B.C. yihahgo ádahóótʼįįd. Wóltaʼii 20Bóhólníihii Ammon Middonigóó ayííłʼaʼ áko bikʼiské awáalyahdę́ę́ʼ chʼéédooʼnił biniyé—Ammon dóó Lamoni éí Lamoni bizhéʼé yił ahííkai, éí kéyah tʼáá nahwiisʼą́ą́dę́ę́ʼ yee bóhólnííh—Ammon éí aláahdi naatʼáanii haastihígíí awáalyahdę́ę́ʼ bikʼiské yééʼdoołnihgo yee yíyííkeed. Jesus bidiʼdoochííłjįʼ 90 B.C. yihahgo ádahóótʼįįd. Wóltaʼii 21Aaron éí Amaleki dineʼé Christ dóó Bąąhági Átʼéii Yikʼé Nináʼídláhígíí yee neineeztą́ą́ʼ—Aaron dóó bikʼiské éí Middonidi awáalyah naháaztą́—Chʼéébiʼdootʼeezhgo, daʼoodlání áłah nídaadleehdi nidaʼneeztą́ą́ʼ dóó ląʼí da daʼoosdląąd—Lamoni éí Ishmaeldi diné kéédahatʼínígíí bidaʼoodląʼ tʼáá bí bídahólníihgo yá hoołʼaʼ. Jesus bidiʼdoochííłjįʼ 90–77 B.C. yihahgo ádahóótʼįįd. Wóltaʼii 22Aaron Lamoni bizhéʼé nahasdzáán álnééh, Adam asih yę́ę, dóó Christ binahjįʼ nináʼílyáago hootʼááł yee neineeztą́ą́ʼ—Aláahdi naatʼáanii dóó bighan dóóʼígíí diyin yikééʼ deizįʼ—Nephi dineʼé dóó Laman dineʼé bitaʼgi kéyah ałtsʼánil baa hóóneʼ. Jesus bidiʼdoochííłjįʼ 90–77 B.C. yihahgo ádahóótʼįįd. Wóltaʼii 23Diné tʼáá bí ádeinízingo daʼoodląʼ bee haʼoodzííʼ—Laman dineʼé tsostsʼid kéyah bikááʼgóó dóó kin hadaasʼą́ą́góó Diyin deiyoosdląąd—Éí Anti-Nephi-Lehi dineʼé bízhiʼgo ádeiyiilaa dóó bikʼijįʼ haʼoodzį́į́ʼ yę́ę nahjįʼ kólyaa—Amaleki dineʼé dóó Amulon dineʼé diyingo tʼáá aaníinii doo deiniizį́į́ʼ da. Jesus bidiʼdoochííłjįʼ 90–77 B.C. yihahgo ádahóótʼįįd. Wóltaʼii 24Laman dineʼé diné Diyin God yikééʼ naazínígíí yikʼijįʼ dadeezbaaʼ—Anti-Nephi-Lehi dineʼé Christ yaa bił dahózhǫ́ dóó Diyin yá nidaalʼaʼí baa daaskai—Tiʼdahooníihgo nidabiʼdistseed ndi doo achʼą́ą́h ndadiibah da danízin—Ląʼí Laman dineʼé ináádiikai. Jesus bidiʼdoochííłjįʼ 90–77 B.C. yihahgo ádahóótʼįįd. Wóltaʼii 25Laman dineʼé bádahachįʼgo kʼeeʼąą kódzaa—Noah bipriest danilínígíí baʼáłchíní nidabiʼdistseed Abinadi yaa haadzííʼ yę́ęgi átʼáo—Tʼóó ahayóí Laman dineʼé daʼoosdląąd dóó Anti-Nephi-Lehi bidineʼé yidiikai—Éí Christ deiyoodlą́ dóó Moses bibee hazʼáanii yikʼeh dahoołʼį́. Jesus bidiʼdoochííłjįʼ 90–77 B.C. yihahgo ádahóótʼįįd. Wóltaʼii 26Ammon Diyin Bóhólníihii ayóó átʼáo yaa haniih—Daʼoodlánígíí éí Diyin Bóhólníihii bidziilgo áyiilaa dóó ééhózin baadahasyaʼ—Oodląʼ bee nihokááʼ dineʼé dimiil yázhí bilááhgóó ndeidooʼishgo ádaandaʼdookąął—Diyin God tʼáá átʼé adziilii bee hólǫ́ dóó tʼáá ałtsoní bił bééhózin. Jesus bidiʼdoochííłjįʼ 90–77 B.C. yihahgo ádahóótʼįįd. Wóltaʼii 27Diyin Bóhólníihii Ammon Anti-Nephi-Lehi bidineʼé doo atídadoolnííłjįʼ niiníʼeezh—Alma yił ahííʼaazhgo, Ammon bił hóózhǫǫd biniinaa beʼadziil ałtso bąąh nahóókaad—Nephi dineʼé Anti-Nephi-Lehi dineʼé Jershon kéyah yaa deideezʼą́—Éí Ammon bidineʼé daolyé. Jesus bidiʼdoochííłjįʼ 90–77 B.C. yihahgo ádahóótʼįįd. Wóltaʼii 28Tʼóó bááhádzidgo anaaʼ daʼazlį́įʼgo Laman dineʼé bikʼehodeesdlį́į́ʼ—Neeznáadi dimííl yázhí ałhą́ą́h nániiláo nidabiʼdistseed—Bąąhági átʼéii beʼiinaʼ ádeiyiiláahígíí hoolʼáágóó tíhooʼniih bee bá hazʼą́; diyinkʼehgo deíkáhígíí éí íł hózhǫ́ doo ninítʼiʼii ńdeididoolééł. Jesus bidiʼdoochííłjįʼ 77–76 B.C. yihahgo ádahóótʼįįd. Wóltaʼii 29Alma éí Diyin yá nidaalʼaʼí yíneidlínígi átʼáo diné ádaa ńdaʼoohkąąh yididooniiłgo yínízin—Diyin Bóhólníihii éí tʼáá ałtso adahwiisʼáágóó ndaʼdinootʼį́łígíí yá lą́ asłį́į́ʼ—Alma éí Diyin Bóhólníihii binaanish dóó Ammon dóó bikʼéí nizhónígo ádaʼiilaaígíí yaa haniih. Jesus bidiʼdoochííłjįʼ 76 B.C. yihahgo ádahóótʼįįd. Wóltaʼii 30Korihor, Christ-yitsʼą́ą́jí nilíinii, Christ, dóó Bąąhági Átʼéii Bikʼé Nináʼílyáhígíí, dóó diyingo áhodooníłígíí tʼóó yeidloh—Diyin God doo hólǫ́ǫ da, tʼáadoo nihokááʼ dineʼé yóóʼíyáa da, bąąhági átʼéii éʼélʼį́įgo doo bikʼeʼazláa da, dóó Christ doo hólǫ́ǫ da níigo yee naʼnitin—Alma tʼáá aaníí áníigo Christ doogááł dóó tʼáá ałtsoní Diyin God hólǫ́ǫgo yaa dahalneʼ—Korihor bee bił ééhódoozįįłígíí tʼáá naʼníleʼdii yókeed dóó doo haadziihgóó ábiʼdiilyaa—Biʼiiníziinii éí Diyin yá naalʼaʼí nahalingo Korihor yichʼįʼ ííshjání aʼdiilyaa dóó yee hadoodzihígíí bee nabineeztą́ą́ʼ—Korihor bikʼi naʼasdeeʼgo daaztsą́. Jesus bidiʼdoochííłjįʼ 76–74 B.C. yihahgo ádahóótʼįįd. Wóltaʼii 31Zoram naʼnitin bee bikʼihodiiniiʼ éí dineʼé sodizin yitsʼáhaaskaiʼígíí ałhąą ándoolnííł biniyé Alma dahadiiʼeezh—Zoram dineʼé éí Christ doo deiyoodlą́ą da, doo ákótʼéego ákʼihodiinííh deiyoodlą́, dóó sodizin tʼáá íídą́ą́ʼ ałkééʼ ndaasnilígíí yee ndahałá—Diyin yá ndaʼnitiní Iiʼ Sizį́ Diyiinii biiʼ dahólǫ́—Biʼatiʼhoonííh Christ bee ił hózhǫ́ yee yá yikʼehdeesdlį́į́ʼ. Jesus bidiʼdoochííłjįʼ 74 B.C. yihahgo ádahóótʼįįd. Wóltaʼii 32Alma diné baa dahojoobáʼígíí neineeztą́ą́ʼ éí tiʼhoonííh baa dahojoobaʼígo ádabiilaa—Oodląʼ haʼólní átʼé háálá tʼáá aaníinii doo biyiʼ yitʼį́į da—Alma ádííniid Diyin yá nidaalʼaʼí hastóí, sáanii, dóó áłchíní yíká anídaalwoʼ—Alma éí Diyin God binaʼnitin ałástsiiʼ nahalin ní—Éí kʼididoolyééł dóó baa áháyą́ą doo—Áádóó tsin dooleeł bitsʼą́ą́dóó hoolʼáágóó iiná bineestʼąʼgo bąąh niʼdidootʼááł. Jesus bidiʼdoochííłjįʼ 74 B.C. yihahgo ádahóótʼįįd. Wóltaʼii 33Zenos éí nihokááʼ dineʼé tʼáá nihił nidahazʼą́ą́góó sodadoołzin dóó dahodínóhsin yiłníigo neineeztą́ą́ʼ, dóó Diyin biYeʼ binahjįʼ nihá nahidootʼááłígíí nahjįʼ kódaalyaa—Zenock éí Diyin biYeʼ binahjįʼ ajoobaʼ aadahaasyá níigo yee naʼneeztą́ą́ʼ—Moses éí Diyin God biYeʼ tʼóó beʼalyaaígíí doo kééhojitʼínídi yitʼį́įgo áyiilaa. Jesus bidiʼdoochííłjįʼ 74 B.C. yihahgo ádahóótʼįįd. Wóltaʼii 34Amulek ání saad bee yisdáʼdoodáłígíí éí Christ biiʼ hólǫ́—Nihokááʼ dineʼé tʼáá ałtso hoolʼáágóó tihoonííh dooleeł, tʼáá hazhóʼó bąąhági átʼéii bikʼé nináʼílyáago tʼéiyá—Moses bibee hazʼáanii tʼáá átʼé Diyin God biYeʼ nináʼádeetʼą́ągo yaa halneʼ—Díí hoolʼáágóó nináʼílyáago hootʼááł éí oodląʼ dóó ádaa náʼookąąh bee hadilyaa—Atsʼíís dóó iiʼ sizíinii bee akʼihojídlí bíká sodadołzin—Díí iiná biyiʼ nihokááʼ dineʼé Diyin God yił yah anáhidookahgo hashtʼeʼádaʼdilnééh—Diyin God bichʼįʼ hodínóhsingo yisdádookahígíí bindaałnish. Jesus bidiʼdoochííłjįʼ 74 B.C. yihahgo ádahóótʼįįd. Wóltaʼii 35Diyin God bizaad bee naʼnitingo Zoram dineʼé bindaʼagiz yę́ę dááchxǫʼ—Éí idahidiikaiʼyę́ę chídeineeskaad, éí Jershondi Ammon bidineʼé yidiikai—Alma diné bąąhági ádaatʼínígíí biniinaa yínííł silį́į́ʼ. Jesus bidiʼdoochííłjįʼ 74 B.C. yihahgo ádahóótʼįįd. Wóltaʼii 36Alma Diyin yá naalʼaʼí yiyiiłtsą́ągo oosdląąd éí tʼáá aaníí áhóótʼįįdgo Helaman yee yił hoolneʼ—Biiʼ sizíinii chʼį́į́dii nabiloʼgo yikʼee tiʼhoozniiʼ; Jesus bízhiʼ yíká ádííniid, dóó Diyin God yeʼaweeʼ niłį́įgo yaa ákoniizį́į́ʼ—Aláahdi ił hózhóonii biyiʼdi hadéébįįd—Ląʼí Diyin yá nidaalʼaʼí Diyin God yaadahaniihgo yiyiiłtsą́—Bił ííshją́ą́ ályaa dóó yiyiiłtsánígíí ląʼí da tʼáá ákótʼáo daʼoosdląąd. Jesus bidiʼdoochííłjįʼ 74 B.C. yihahgo ádahóótʼįįd. Wóltaʼii 37Béésh łitsoii tʼą́hí dóó łaʼ Diyin bizaad bee akʼedaʼashchínígíí hashtʼeʼniiʼnilígíí éí iiʼ naazíinii yinahjįʼ yisdádookah. Jared dineʼé doo yáʼáshóonii yaa naakaiígíí biniinaa ábiʼdisdįįd—Bibee óʼoolʼįįł ndeiniłʼinígíí dóó yee yił ahadaʼdeestʼánígíí éí yéego diné bitsʼą́ąjįʼ kólzin doo—Diyin Bóhólníihii tʼáá ałtso ádíílíłígíí bee bił nahóʼá—Liahona éí Nephi dineʼé yikʼehgo yíkai yę́ęgi átʼáo, Christ bizaad éí diné hoolʼáágóó iiná yaa yiiʼéésh. Jesus bidiʼdoochííłjįʼ 74 B.C. yihahgo ádahóótʼįįd. Wóltaʼii 38Shiblon éí diyinkʼehgo oodááł yikééʼ sizį́įgo biniinaa atíbiʼdilʼyaa—Christ binahjįʼ yisdáʼiildééh, éí iiná dóó nihokááʼ dineʼé bibee adinídíín nilį́—Tʼáá átʼé bídenílinígíí hazhóʼó naniloʼ. Jesus bidiʼdoochííłjįʼ 74 B.C. yihahgo ádahóótʼįįd. Wóltaʼii 39Ałjiłnii bąąhági átʼéii éí tsʼídá woolchʼį́įdii átʼé—Corianton bibąąhági ádaatʼéii yaa naagháhígíí biniinaa Zoram dineʼé Diyin bizaad tʼáadoo ndeidiiláa da—Christ nináʼnídláhígíí éí ałkʼidą́ą́ʼ daʼoosdląąd yę́ę yisdéidooʼish. Jesus bidiʼdoochííłjįʼ 74 B.C. yihahgo ádahóótʼįįd. Wóltaʼii 40Christ éí tʼáá ałtso nihokááʼ dineʼé náádahiidooʼnaałgo íidoolííł—Diyingo dahinánée Diyin bikéyah hózhónídi nehakááh dóó bąąhági ádaʼáłʼínígíí éí chahałheeł hazʼą́ądi náádahiidooʼnááłgo yibaʼ—Tʼáá ałtsoní tʼáá ádaatʼéhéegi átʼéego dóó hadaaltʼéego náádahiiʼnáa doo. Jesus bidiʼdoochííłjįʼ 74 B.C. yihahgo ádahóótʼįįd. Wóltaʼii 41Nihokááʼ dineʼé ił hózhǫ́ doo ninítʼiʼii éí doodago achʼįʼ nahwiiʼná doo ninítʼiʼii bił hazʼą́ądi Náádahiidooʼnaał—Bąąhági átʼéii tsʼídá tʼáá níléídę́ę́ʼdoo ił hózhóonii átʼée da—Nihokááʼ dineʼé bąąhági ádaatʼínígíí éí Diyin God doo bił hólǫ́ǫ da nahasdzáán bikáaʼgi—Nihokááʼ dineʼé tʼááłáʼí nízínígo náádahiinaʼgo nahasdzáán bikáaʼgi yee ádaatʼéhę́ę dóó yikʼehgo ádaʼałʼínée baa nídahidoolyééł. Jesus bidiʼdoochííłjįʼ 74 B.C. yihahgo ádahóótʼįįd. Wóltaʼii 42Nahasdzáán bikáaʼgi diné nabidiʼnitaah biniyé bá hooʼaʼ áko ádaa ńdaʼookąąh doo dóó Diyin God yíká anájah doo—Áłtsé asdzáán dóó hastiin asih yę́ę bitsʼą́ą́dóó atsʼíískʼeh dóó iiʼ sizíiniikʼeh anoonééł hazlį́į́ʼ—Nináʼílyáhígíí binahjįʼ ádaa náʼookąąh bee nihá ahóótʼiʼ—Diyin God Tʼáá Bí nihokááʼ dineʼé bibąąhági ádaatʼéii yá tiʼhoozniiʼ—Ádaa ndaʼooskanígíí éí Diyin God bibeʼajoobaʼ bá hólǫ́—Łaʼígíí éí tʼáá átʼé Diyin God biʼánihwiitʼaah bikʼi siláa doo—Bąąhági Átʼéii Bikʼé Nináʼílyáhígíí binahjįʼ Diyin God bibee ajoobaʼ hólǫ́—Ádaa ńdaʼooskango beʼiinaʼ łahgo áńdayiidlaaʼígíí tʼéiyá yisdádookah. Jesus bidiʼdoochííłjįʼ 74 B.C. yihahgo ádahóótʼįįd. Wóltaʼii 43Alma dóó biyeʼké diné Diyin bizaad yee nideinitin—Zoram dineʼé dóó Nephi dineʼé atsʼádahaskaiʼígíí éí Laman dineʼé daazlį́į́ʼ—Laman dineʼé éí Nephi dineʼé yitsʼą́ą́jí daazlį́į́ʼ anaaʼgo—Moroni éí Nephi dineʼé béésh ééʼ yaa yiznil—Diyin Bóhólníihii éí Alma Laman dineʼé yee nidaʼdoobaah binahatʼaʼ yee yił hoolneʼ—Nephi dineʼé éí dabighan, tʼáá bí ádeinízingo kééʼdahatʼį́, dóó bikʼéí, dóó biʼoodląʼ yichʼą́ą́h ndadoobah—Moroni dóó Lehi bá nidaabaahí Laman dineʼé yináztʼiʼ. Jesus bidiʼdoochííłjįʼ 74 B.C. yihahgo ádahóótʼįįd. Wóltaʼii 44Moroni Laman dineʼé kʼé nááhodoodleełgo bee ahadaʼdinoohtʼaah yiłní éí doodaii nidabidiʼdooltsxíl—Zerahemnah bee ahaʼditʼaah doo yinízin da, áádóó náádaʼahiʼniigą́ą́ʼ—Moroni bá nidaabaahii Laman dineʼé yikʼehdadeesdlį́į́. Jesus bidiʼdoochííłjįʼ 74–73 B.C. yihahgo ádahóótʼįįd. Wóltaʼii 45Helaman éí Alma saad yee haadzíʼígíí yoodlą́—Alma náásgóó áhodoonííł yee haadzííʼ éí Nephi dineʼé ndabidiʼdootsxił—Kéyah yikʼijisdliʼ dóó hóyéeʼgo yá haadzííʼ—Alma éí Iiʼ Sizį́ Diyinii yáʼąąshgóó bił dah diiʼáázh, Moses ádzaa yę́ęgi átʼáo—Sodizin atah danilínígíí tʼóó yíwohdi ałkʼinéejah daazlį́į́ʼ. Jesus bidiʼdoochííłjįʼ 73 B.C. yihahgo ádahóótʼįįd. Wóltaʼii 46Amalickiah éí aláahdi naatʼáanii deeshłeeł nízingo nahonitʼingo yaa hodeezʼą́—Moroni éí tʼáá bí ádeinízingo kéédahatʼį́ bee bééhózin bidah naatʼaʼí dah yistsooz—Diné ałhąʼ áyiilaa beʼoodląʼ yichʼą́ą́h nidadoobah biniyé—Tʼáá aaníigo daʼoodlánígíí éí Christ Daʼoodlání daolyé—Joseph baʼáłchíní chʼéédziʼígíí náásgóó baa áháyą́ą doo—Amalickiah dóó atsʼáákaiʼígíí Nephi bikéyahgóó adahineezhchą́ą́ʼ—Tʼáá bí ádeinízingo dahiná bihootʼááł doo yikééʼ naazínígíí éí nidabiʼdistseed. Jesus bidiʼdoochííłjįʼ 73–72 B.C. yihahgo ádahóótʼįįd. Wóltaʼii 47Amalickiah éí naʼadloʼ, naʼatseed, dóó nahonitʼingo éʼéłʼį́ áko Laman dineʼé aláahdi yinaatʼáanii dooleełgo—Nephi dineʼé yitsʼádahaskaiʼígíí Laman dineʼé yiláahdi bąąhági ádaatʼį́ dóó tʼóó báádahadzid. Jesus bidiʼdoochííłjįʼ 72 B.C. yihahgo ádahóótʼįįd. Wóltaʼii 48Amalickiah Laman dineʼé Nephi dineʼé yikʼijįʼ hałchįʼ—Moroni bidineʼé Christ deiyoodlą́ągo ádaʼoołʼįįłígíí yichʼą́ą́h ndaabaah doogo yichʼįʼ hashtʼeʼ áʼdiilyaa—Tʼáá bí ádeinízingo kéédahatʼį́ dóó tʼáá bí ádáʼntsédaakees éí yaa bił hózhǫ́ dóó Diyin God bidiné ayóó átʼéii nilį́. Jesus bidiʼdoochííłjįʼ 72 B.C. yihahgo ádahóótʼįįd. Wóltaʼii 49Laman dineʼé ndaabaahí Ammonihah dóó Noah bikin dashijaaʼ tʼáadoo yikʼeh dadeesdlį́į́ʼ da—Amalickiah Diyin God yiyíídzííʼ dóó Moroni bidił deeshdlį́į́ł dííniid—Helaman dóó bikʼiské Sodizin tʼah hózhǫ́ bidziilgo ádeilééh. Jesus bidiʼdoochííłjįʼ 72 B.C. yihahgo ádahóótʼįįd. Wóltaʼii 50Moroni éí Nephi dineʼé bikéyah anaaʼ bikʼijįʼ bidziilgo ádadiiyaa—Kin dah naazhjaaʼ ániidígíí ląʼí nideiznil—Nephi bidineʼé doo yáʼáshónígíí dóó bąąhági ádaatʼį́įgo daʼanaaʼgo łaʼ nidabiʼdiztseed dóó tiʼdahooníihgo bideiníłką́—Morianton dóó bikʼijįʼ daazlíʼígíí Teancum yikʼehdeesdlį́į́ʼ—Nephihah ájídin, dóó biyeʼ Pahoran bitséskʼeh goné ánahwiiʼaahii nilį́įgo dahnááneezdá. Jesus bidiʼdoochííłjįʼ 72–67 B.C. yihahgo ádahóótʼįįd. Wóltaʼii 51Aláahdi naatʼáani-bidahastóí bee hazʼáanii łahgo ádoolnííł dóó aláahdi naatʼáanii hólǫ́ǫ doo danízin—Pahoran dóó diné tʼáá bí ádá nidahatʼáhígíí diné bikééʼ deizįʼ—Moroni aláahdi naatʼáani-bihastóí yichʼahóóshkeed nihikéyah bichʼą́ą́h ndaahbaah éí doodaiiʼ ndanihiʼdidooltsxíl—Amalickiah dóó Laman dineʼé lą́ʼí kin dah naazhjaaʼgóó anaaʼí bichʼą́ą́h ádaalyaa yę́ę deisnááh—Teancum Laman dineʼé nátʼą́ą́ʼ anéínííłkaad dóó Amalickiah biníbaal yiyiʼ yiyisxí. Jesus bidiʼdoochííłjįʼ 67–66 B.C. yihahgo ádahóótʼįįd. Wóltaʼii 52Ammoron Amalickiah yighą́ą́h deeyá Laman dineʼé biʼaláahdi naatʼáanii silį́į́ʼ—Moroni, Teancum, dóó Lehi éí Nephi dineʼé Laman dineʼé yikʼeh dadidlį́įgo deiníʼeezh—Mulek kin dashijaaʼ éí daabí násdlį́į́ʼ, Jacob Zoram dineʼé nilíinii biʼdiisxį́. Jesus bidiʼdoochííłjįʼ 66–64 B.C. yihahgo ádahóótʼįįd. Wóltaʼii 53Laman dineʼé yah adabiʼdiisnil yę́ę Bountiful kin haalʼá anaaʼí bichʼįʼ bidziilgo ádeiyiilaa—Nephi dineʼé bitsʼákaiígíí Laman dineʼé yee hadaʼolníigo akʼeh dadeesdlį́į́ʼ—Helaman naaki dimííl Ammon bitsíłkéí ndaabaahí yinaatʼááh silį́į́ʼ. Jesus bidiʼdoochííłjįʼ 64–63 B.C. yihahgo ádahóótʼįįd. Wóltaʼii 54Ammoron dóó Moroni deesnahígíí ałhádiiʼnił níigo yee hodeezʼą́—Moroni Laman dineʼé tʼą́ą́ʼ haohkááh dóó nidaʼołtseedígíí niʼkódáołééh yiłní—Ammoron Nephi dineʼé yeendaabaahí niʼndanohnííł dóó Laman dineʼé nihikʼi bídahólnííh doo yiłní. Jesus bidiʼdoochííłjįʼ 63 B.C. yihahgo ádahóótʼįįd. Wóltaʼii 55Moroni éí dabiʼdisnááhígíí doo ałhááʼdiiʼnił da dííniid—Laman dineʼé bá hadaʼasíidí yichʼįʼ yídaʼoołkąąh tsiʼhadookah biniyé, dóó Nephi dineʼé dabiʼdisnááh yę́ę béíʼilniiʼ—Gid kin haalʼá tʼáadoo dił deeznaʼí shónáóztʼeʼ. Jesus bidiʼdoochííłjįʼ 63–62 B.C. yihahgo ádahóótʼįįd. Wóltaʼii 56Helaman Moroni saad yichʼįʼ ayííʼą́, Laman dineʼé yił daʼahóbááhgo hoolzhishígíí yee yił hoolneʼ—Antipus dóó Helaman ayóó atʼáo Laman dineʼé yikʼehdadeesdlį́į́ʼ—Helaman naaki dimííl yázhí biyeʼké ndaabaahí álíleekʼeh adziil yee ndaazbaaʼ, dóó tʼáadoo łaʼ biʼdiisxį́į da. saad dahshijaaʼ 1, Jesus bidiʼdoochííłjįʼ 62 B.C. yihahgo ádahóótʼįįd; saad dahshijaaʼ 2–19, Jesus bidiʼdoochííłjįʼ 66 B.C. yihahgo ádahóótʼįįd; dóó saad dahshijaaʼ 20–57, Jesus bidiʼdoochííłjįʼ 65–64 B.C. yihahgo ádahóótʼįįd. Wóltaʼii 57Helaman Antiparah bee ádíndahoosnííʼ yaa náhálneʼ dóó Cumeni nináʼdeetʼaah dóó náasdi bichʼą́ą́h ndaʼabaah—Ammon dineʼé bitsíłkéí ndaabaahí bidziilgo ałkʼiijééʼ; tʼáá ałtso atídaadzaa, ákondi doo łaʼ biʼdiisxį́į da—Gid Laman dineʼé dabiʼdisnááʼígíí nidabiʼdistseed dóó chʼídaneestʼįʼígíí yaa hoolneʼ. Jesus bidiʼdoochííłjįʼ 63 B.C. yihahgo ádahóótʼįįd. Wóltaʼii 58Helaman, Gid, dóó Teomner Manti kin dashijaaʼ yá nidahazʼą́ągo yee ádidahoosnííʼ—Laman dineʼé tʼą́ą́ʼ haakai—Ammon dineʼé biyeʼké tʼáá bí ádeinízingo dah hiná dóó beʼoodląʼ doo yikʼidadikááhgóó deiyótą́ʼígíí yisdáʼdabííʼeezh. Jesus bidiʼdoochííłjįʼ 63–62 B.C. yihahgo ádahóótʼįįd. Wóltaʼii 59Moroni éí Pahoran Helaman bindaabaahí łaʼ bínáánéídííʼnił yidííniid—Laman dineʼé Nephihah kin dashijaaʼ yee ádídahoosnííʼ—Moroni nahatʼá bee bídahólníihii yichʼįʼ báhóóchįįd. Jesus bidiʼdoochííłjįʼ 62 B.C. yihahgo ádahóótʼįįd. Wóltaʼii 60Moroni éí Pahoran yichʼįʼ saad hółǫ́ nahatʼá bee bídahólníihii doo hazhóʼí ndaabaahí yaa ádahalyą́ą́góó—Diyin Bóhólníihii diyinkʼehgo deíkáhígíí ndabiʼdiʼdooltsxiłgo yee yá hasʼą́—Nephi dineʼé tʼáá átʼé beʼadziil dóó chodeiyołʼínígíí yee yisdádookah beʼanaaʼí bitsʼą́ąjįʼ—Moroni éí nahatʼá bee bídahólníihii bikʼiidiijah níigo yee hahaasdzííʼ tʼáá hazhóʼí bindaabaahí bíká oʼoowodgo tʼéiyá. Jesus bidiʼdoochííłjįʼ 62 B.C. yihahgo ádahóótʼįįd. Wóltaʼii 61Pahoran éí nahatʼá bee bídahólníhígíí bił hazʼą́ągi saad hazlį́į́ʼ dóó yikʼijįʼ daazlį́įʼgo Moroni yee yił hoolneʼ—Naatʼáanii-bidahastóí Zarahemla yee ádídahoosnííʼ dóó Laman dineʼé yił ahíikai—Pahoran ndaabaahí bíká adoojahígíí yiyííkeed atsʼą́ą́jí daazlį́ʼígíí yikʼijįʼ dahdidoobahgo. Jesus bidiʼdoochííłjįʼ 62 B.C. yihahgo ádahóótʼįįd. Wóltaʼii 62Moroni Gideon kéyahgóó níná Pahoran yíká adoowołgo—Aláahdi naatʼáanii-bidahastóí bikéyah doo yichʼą́ą́h ndadoobahígíí éí nidabiʼdistseed—Pahoran dóó Moroni Nephihah yee ádínídahoosniiʼ—Ląʼí da Laman dineʼé Ammon bidineʼé yidiiná—Teancum éí Ammoron yiyiisxį́ dóó tʼáá bí ałdóʼ biʼdiisxį́—Laman dineʼé éí kéyahdóó chʼíbidiʼnoodzood, dóó kʼé bił naaztʼiʼgo ánályaa—Helaman naʼnitin binaanishgo áneiyiidlaa dóó Sodizin bidziilgo áyiilaa. Jesus bidiʼdoochííłjįʼ 62–57 B.C. yihahgo ádahóótʼįįd. Wóltaʼii 63Shiblon dóó áádóó bikʼijįʼ Helaman dílzingo nídaháasdzooígíí bee bóhólnííh silį́į́ʼ—Ląʼí Nephi dineʼé kéyah náhookǫsjigo sinil yichʼįʼ aheezná—Hagoth tsin naaʼeeł áyiilaa, éí eʼeʼaahjigo tónteel siyínígíí yiiʼgóó dahdadiiʼéél—Moronihah Laman dineʼé yił daʼahoogą́ąʼgo yikʼeh dadeesdlį́į́ʼ. Jesus bidiʼdoochííłjįʼ 56–52 B.C. yihahgo ádahóótʼįįd.