1 Hom nyɛ aso, O m’asɔr mu elderfo a hom ehyia wɔ me dzin mu, emi Jesus Christ Nyame tseasefo ne Ba, wiadze Agyenkwa no; mber dodowara a hom gye me dzin dzi na hom dzi me mbrasɛm do no.

2 Bio, mese hom dɛ, hom nyɛ aso na hom ntsie na hom ndzi ^ambra no a medze bɛma hom no do.

3 Na nokwar mese dɛ, dɛ hom akã homho aboa ano dɛ mbrɛ ^ambrasɛm a medze maa hom no tse, na hom esi hom adwen pi ^bwɔ adze kor yi ho, na hom ebisa Egya no wɔ me dzin mu no, dɛm so mpo na hom nsa bɛkã.

4 Hwɛ, nokwar mese hom dɛ, medze mbrasɛm a odzi kan yi ma hom, dɛ hom nkɔ wɔ me dzin mu, hom mu kor biara, ma ɔnka mo nkowaa Joseph Smith, Kakraba, na Sidney Rigdon.

5 Na mbrasɛm a medze ma hɔn nye dɛ wɔbɔkɔ mber kakra, na wɔnam ^aSunsum no tum do beyi akyerɛ hɔn mber a wɔbɛsan aba.

6 Na hom nkɔ wɔ mo Sunsum no tum mu, nkɛkã m’asɛmpa no, ^abeenu beenu, wɔ me dzin mu, hom mma hom ndze do tse dɛ totorobɛnto, mbɔ m’asɛm no dawur tse dɛ Nyankopɔn n’abɔfoe.

7 Na hom nkɔ, na hom mfa nsu nkonuma, nkã dɛ: Hom nnu homho, hom nnu homho, na sor ahenman no abɛn.

8 Na hom fi bea yi do a, hom nkɔ anee apaamu so; na mber dodow biara a hom bohu hɔn a wɔbɛgye hom no, hom nkyekyer m’asɔr wɔ apaamu biara mu—

9 Kesi dɛ mber bɛba a wobeyi fi sor akyerɛ hom, ber a wɔbɛkyekyer ^aJerusalem ^bkuropɔn Fofor no, nna ^cwɔbɔboaboa hom ano ayɛ hom kor, ama hom abɛyɛ mo ^dnkorɔfo na mabɛyɛ hom Nyame.

10 Na bio, mese hom dɛ, wɔmma m’akowaa ^aEdward Partridge ngyina dzibew a medze no esi no. Na ɔba dɛ sɛ ɔtõ mbra a, wɔmfa ^bobi fofor nhyɛ n’ananmu. Ɔnyɛ hɔ dɛm. Amen.

11 Bio, mese hom dɛ, mma wɔmma obi nnkɔ ^annkɛkã m’asɛmpa, anaadɛ ɔnnkyekyer m’asɔr, gyedɛ obi a ɔwɔ ^btumdzi dze ne nsa egu no do, na asɔr no nyim dɛ ɔwɔ tumdzi na banodzifo ^cahyɛ no sɔfo.

12 Na bio, asɔr yi mu ^aelderfo, asɔfo na akyerɛkyerɛfo ^bnkyerɛkyerɛ m’asɛmpa ne fapem no, a ɔwɔ ^cBible na ^dMormon Nwoma no mu, dza ^em’asɛmpa ne mãhyɛ wɔ mu no.

13 Na wondzi ^aahyɛmu nye asɔr ne nkyerɛkyerɛ no do, na iyinom bɛyɛ hɔn nkyerɛkyerɛ, dɛ mbrɛ Sunsum no bɛkyerɛ hɔn kwan no.

14 Na wɔnam gyedzi ^ampaabɔ do benya ^bSunsum no; na sɛ hom nsa nnkãa Sunsum no a mma hom nnkyerɛkyerɛ.

15 Na hom ndzi iyi nyinara do na hom nyɛ no dɛ mbrɛ mahyɛ hom no, dza ɔfa hom nkyerɛkyerɛ ho no, kesi dɛ wɔdze me ^akyerɛwsɛm ne mãhyɛ no bɛma hom.

16 Na sɛ hom nam ^aƆwerɛkyekyefo no do ma hom ndze do a, hom bɛkasa na hom ahyɛ nkɔm dɛ mbrɛ oye ma me;

17 Na hwɛ, Ɔwerɛkyekyefo no nyim ndzɛmba nyinara, na ɔgye Egya na Ɔba no hɔn ho dase.

18 Na afei, hwɛ, mekasa kyerɛ asɔr no. Mma ^anndzi ewu; na nyia ^bodzi ewu no nnkenya bɔnfakyɛ wɔ wiadze yi mu, anaa wiadze a ɔreba no mu.

19 Na bio, mese dɛ, mma nndzi ewu, na nyia odzi ewu no ^awobokum no.

20 Mma ^annwia adze; na nyia owia adze na orunnu noho no, wonyi no edzi.

21 Mma nndzi ^aator; nyia odzi ator na orunnu noho no wonyi no edzi.

22 Fa w’akoma nyina ^adɔ wo yer, na ^btakyer ɔno nko.

23 Na nyia ɔhwɛ ɔbaa na no ^akɔn dɔ no no, ɔpow gyedzi no, na orinnya Sunsum no, na sɛ oennu noho a, wonyi no edzi;

24 Mma ^anntõ awar; na nyia ɔtõ awar, na oennu noho no, wonyi no edzi.

25 Mbom nyia ɔtõ awar na ɔdze n’akoma nyina ^anu noho, na ɔtwẽ noho fi ho, na ɔnnyɛ bio no, hom mfa ^bnkyɛ no;

26 Na mbom sɛ ɔyɛ ^abio a, mma wɔmmfa nnkyɛ no, na wonyi no edzi.

27 Mma ^annkã wo nyɛnko ho asɛm bɔn, anaa nnyɛ no bɔn.

28 Hom nyim me mbra a ɔfa ndzɛmba yinom ho a wɔdze ama wɔ me kyerɛwsɛm no mu; nyia ɔyɛ bɔn na onnu noho no, ^awobeyi no edzi.

29 Sɛ hom ^adɔ me a, hom ^bbɔsom me na hom ^cedzi me mbrasɛm nyina do.

30 Na hwɛ, hom nkaa ^aehiafo, na hom mfa hom ahodze ^bmbɔ afɔr ma wɔmfa ^cmboa hɔn, na dza hom dze maa hɔn no bɛyɛ ahyɛmu nye ndzeyɛɛ a worunntum nndan no.

31 Na mber dodowara a hom dze hom ahodze ^arema ^behiafo no, nna hom dze rema me; na hom mfa mbogu ^cbishop a ɔwɔ m’asɔr mu no nye n’apamfo, elderfo anaa asɔfo mpanyimfo beenu, a obeyi hɔn anaadɛ oeyi hɔn dada, anaa ^doeyi hɔn esi hɔ ama dɛm dwumadzi yi no enyim.

32 Na ɔbɛba dɛ wɔdze egu bishop a ɔwɔ m’asɔr mu no enyim, na ekyir no ɔagye dase yinom a ɔfa ahonyadze no a wɔdze ^aabɔ afɔr ama m’asɔr a, dɛ worunntum nngye mmfi asɔr no hɔ bio, osiandɛ wɔagye me mbrasɛm no ato mu, na obiara bobu nankasa n’egyapadze ho ^bakontaa akyerɛ me dɛ ɔyɛ ^cɔhwɛdofo, anaa dza wɔdze abɔ afɔr dze ama no a ɔbɔso ɔno nye ^dn’ebusua nyina no.

33 Na bio, sɛ asɔr no wɔ egyapadze bi wɔ ne nsamu, anaa ankorankor bi wɔ egyapadze na sɛ oedzi kan dze bi ama dada na sɛ ɔda ho wɔ mbordo a, ɔmfa dza ^aɔbor do no nsan mbɔ afɔr mma bishop no ama ofi ber to ber ɔdze ama hɔn a wohia ama obiara eenya dza ohia.

34 Dɛm ntsi, hom mfa dza ɔbor do nyina nsie m’adzekorabea, na wɔdze ama ehiafo nye abɔbɔfo, dɛ mbrɛ asɔr no n’abaguafo etsitsir nye bishop na n’abaguafo bɛkyerɛ;

35 Na hom mfa bi so ntɔ nsaase mma asɔr no mfa nyɛ ndzɛmba a no ho bɛba mfaso ama obiara, na hom mfa bi so nsisi adan a wɔbɔsom wɔ mu, na hom mfa bi so nkyekyer ^aJerusalem Fofor no a ekyir yi wobeyi akyerɛ no—

36 Ama wɔdze aaboaboa m’ahyɛmu mba no ano wɔ bea kor do wɔ ber a ^amebɛba me ^btemple mu. Na mereyɛ iyi wɔ mo nkorɔfo hɔn nkwagye ntsi.

37 Na ɔbɛba dɛ nyia ɔyɛ bɔn na onnu noho no, ^awobeyi no edzi efi asɔr no mu, na wɔrennsan mmfa dza wɔdze ^babɔ afɔr dze ama ehiafo nye abɔbɔfo a wɔwɔ m’asɔr mu no bio, anaadɛ, wɔdze ama me no bio—

38 Na susuampaara dɛ hom ^aayɛ ama nketseaba yi mu kor no, hom ayɛ ama me.

39 Na ɔbɛba dɛ dza muduaa mo nkɔnhyɛfo ano kãe no bɛhyɛ mã; na mibehyira hɔn a wɔwɔ Amanamamfo mu a wɔgye m’asɛmpa no hɔn ahonyadze do ama mo nkorɔfo ehiafo a wɔyɛ Israel fifo no.

40 Na bio, mma hom nnyɛ ^aahantan wɔ hom akoma mu; na ma ^bw’afadze nda famu, na ne fɛw nyɛ dɛ wankasa wo nsaano edwuma ne fɛw;

41 Na hom nyɛ ndzɛmba nyinara wansawansa wɔ m’enyim.

42 Mma hom nnyɛ ^aenyihafo; na nyia ɔyɛ onyihafo no mma onndzi odwumayɛnyi n’edziban anaa ɔnnhyɛ ne ntar.

43 Na hom mu biara a ^aɔyar, na onnyi gyedzi dɛ wobotum asã no yar, na mbom ɔgye dzi no, wɔmfa nhatanhataw nye edziban a ɔgow, nnya tsema nhwɛ no, na mma wɔmma ɔtamfo mmfã ne nsa nnkã no.

44 Na wɔmfrɛ asɔr no mu elderfo beenu anaa ma ɔbor dɛm ma wɔmfa hɔn ^ansa ngu hɔn do wɔ me dzin mu mbɔ mpaa; na sɛ wowu a ^bwobowu ama me; na sɛ wɔtsena ase a wɔbɛtsena ase ama me.

45 Hom mbɔ mu ^antsena wɔ ^bɔdɔ mu, ama hom eetum ^cesũ ama hɔn a wowu, nye nkanka hɔn a wonnyi ^denyidado biara wɔ enyimnyam wusoɛr no ho no.

46 Na ɔbɛba dɛ hɔn a wowu wɔ mo mu no nnkɔsɔ ^aowu ahwɛ, osiandɛ ɔbɛyɛ ^bdɛw ama hɔn;

47 Na hɔn a woennwu wɔ mo mu no, wondue, osiandɛ hɔn wu yɛ wen.

48 Na bio, ɔbɛba dɛ nyia ɔwɔ ^agyedzi wɔ mo mu dɛ obenya ^bayarsa no, sɛ ^cwɔnnhyehyɛe mmaa no dɛ obowu a, obenya ayarsa.

49 Nyia ɔwɔ gyedzi dɛ obohu no obohu.

50 Nyia ɔwɔ gyedzi dɛ ɔbɛtse asɛm no ɔbɛtse.

51 Obobuafo a ɔwɔ gyedzi dɛ obohuruw no obohuruw.

52 Na hɔn a wonnyi gyedzi dɛ wɔbɛyɛ ndzɛmba yinom no, na mbom wɔwɔ gyedzi wɔ mo mu no, wɔ tum dɛ wɔbɛyɛ me ^amba; na mber dodowara a wommbuu me mbra do no, hom ^bnsoa hɔn wɔ hɔn mberɛwyɛ ho.

53 Hom ngyina ^agyinabew a wɔdze hom esisi no.

54 Mma mmfa wo nua n’atar; na dza agye efi wo nua hɔ no, tua kaw.

55 Na sɛ ^ainya ndzɛmba ma obu dza edze bɔhwɛ wo ho do a, fa kɔ ^bm’adzekorabea ama hom aayɛ biribiara dɛ mbrɛ mase hom no.

56 Hom mbisa, na wɔdze me ^akyerɛwsɛm a mahyehyɛ ato hɔ dze ama no bɛma hom, na ^bwɔnkora do dwodwoodwo;

57 Na obeye dɛ ibomua w’ano wɔ ho, na mma nnkyerɛkyerɛ kesi dɛ hom nsa bɛkã ne nyinara.

58 Na mebɛma hom mbrasɛm bi na n’ekyir na hom dze bɛkyerɛkyerɛ nyimpa nyinara; na ɔwɔ dɛ wɔdze bɛkyerɛkyerɛ ^aaman, ebusuakuw, kasahorow nye nyimpa nyinara.

59 Hom mmfa ndzɛmba nyinara a hom nsa akã a medze ama wɔ me kyerɛwsɛm mu a ɔyɛ mbra no nyɛ mbra a hom dze bɔhwɛ m’asɔr do;

60 Na nyia ^aɔbɛyɛ ndzɛmba yinom no benya nkwa, na nyia ɔrennyɛ no, sɛ ɔkɔ do yɛ dɛmara a, ^bwobobu no fɔ.

61 Sɛ hom bisa a, hom benya ^anyikyerɛ mu nyikyerɛ, ^bnyimdzee mu nyimdzee, ama hom eehu ^cesumadze nye ^dasomdwee ndzɛmba—dza ɔdze ^eenyigye ba, dza ɔdze onnyiewiei nkwa ba.

62 Hom mbisa na wobeyi bea a wɔbɛkyekyer ^aJerusalem Fofor no akyerɛ hom wɔ mankasa me ber a ɔsɛ mu.

63 Na hwɛ, ɔbɛba dɛ wɔbɔsoma mo nkowaa ma wɔaakɔ boka nye anee, etsifi nye anaafo.

64 Na seseiara mpo, hom mma nyia ɔkɔ boka no nkyerɛkyerɛ hɔn a wɔbesakyer no dɛ wonguan nkɔ ^aanee, na wɔnyɛ dɛm osian dza ɔreba asaase do, nye ^bnsumaamu fɛkuwbɔ ntsi.

65 Hwɛ, hom ndzi ndzɛmba yinom nyinara do, na hom akatua bɛyɛ kɛse; na hom dze, wɔdze ama hom dɛ hom nhu ahenman no mu esumadze, na mbom wiadze dze wɔmmaa hɔn kwan dɛ wonhu.

66 Hom nhyɛ mbra a hom nsa akã no nsew na hom ndzi nokwar wɔ ho.

67 Na ekyir yi hom nsa bɛkã asɔr ^aahyɛmudzi no, dza ɔbɔso ma hom etsim wɔ ha nye Jerusalem Fofor no mu.

68 Dɛm ntsi, nyia ne ^anyansaa tɔ sin no, ombisa me na medze bɛma no kwa na merennkã n’enyim.

69 Hom mma hom akoma do na hom ndzi dɛw osiandɛ wɔdze ^aahenman no, anaadɛ asɔr no ne ^bnsaafee ama hom. Ɔnyɛ hɔ dɛm. Amen.

70 ^aAsɔfo nye ^bakyerɛkyerɛfo no benya ^cdwuma a wobedzi, asɔrmba no so mpo.

71 Na elderfo anaadɛ asɔfo mpanyin a woeyi hɔn dɛ wɔmboa bishop no dɛ wɔ n’apamfo no wɔ ndzɛmba nyinara mu no, ɔwɔ dɛ wɔdze egyapadze a wɔdze ^aabɔ afɔr dze ama bishop no dɛ ɔmfa nhwɛ ehiafo hɔn ebusuafo na ɔmfa ndzi dwuma binom so dɛ mbrɛ wɔakã no dada no.

72 Anaadɛ, ɔwɔ dɛ wotua hɔn kaw wɔ edwuma a wɔreyɛ nyinara ho, dɛ wɔdze dwuma tsitsir bi bɛhyɛ hɔn nsa anaadɛ biribi fofor, dɛ mbrɛ oye a apamfo no nye bishop no bɛgye ato mu.

73 Na bishop no so wɔ dɛ ne nsa kã biribi a ɔdze bɔhwɛ noho, anaadɛ wotua no kaw wɔ no dwuma a oridzi wɔ asɔr no mu no ho.

74 Hwɛ, nokwar, mese hom dɛ nyimpa biara a wɔwɔ hom mu a osian ^andwamanbɔ ntsi wobeyi hɔn hokafo edzi, no, sɛ wɔdze ahobrɛadze akoma bɛgye dase wɔ hom enyim dɛ dɛm na asɛm no tse a, mma hom nnyi hɔn edzi mmfi hom mu;

75 Na mbom sɛ hom hu dɛ osian ^aawartõ ho ntsi nkorɔfo bi egyaa hɔn hokafo, na sɛ mfom no gyina hɔnankasa hɔn do, na sɛ hɔn hokafo no tse nkwa mu a, hom ^bnyi hɔn edzi mfi hom mu.

76 Na bio, mese hom dɛ, hom ^anhwɛ yie wɔ nhwehwɛmu biara a hom yɛ ho, amma sɛ wɔawar a hom anngye hɔn a wɔtsetse dɛm no wɔ hom mu;

77 Na sɛ wɔnnwaree a, wonnu hɔnho wɔ hɔn bɔn nyina ho, annyɛ dɛm a mma hom nngye hɔn.

78 Na bio, nyimpa biara a ɔdɔm Christ n’asɔr yi no wɔ dɛ ɔhwɛ na odzi asɔr ne mbrasɛm nye ahyɛmu nyinara do.

79 Na ɔbɛba dɛ sɛ nkorɔfo bi wɔ hom mu ^adzi ewu a wonyi hɔn mma na wɔnye hɔn ndzi no dɛ mbrɛ mbra a ɔwɔ asaase no do se; na hom nkaa dɛ onnyi bɔnfakyɛ; na wɔbɛda no edzi dɛ mbrɛ mbra a ɔwɔ asaase no do se.

80 Na sɛ banyin anaa ɔbaa tõ awar a, wondzi n’asɛm wɔ asɔr no mu wɔ elderfo beenu anaa dza ɔbor dɛm enyim, na asɛm biara a wɔbɛkã etsia no no, ɔwɔ dɛ asɔr no mu adasefo beenu gye dase tsia no wɔ ho, na mma wonntsie ɔtamfo ne dasegye; na mbom oye dɛ adasefo no wɔbor beenu.

81 Na mbom adasefo beenu hɔn anomusɛm na wongyina do mfa mbu no fɔ; na elderfo no mfa asɛm no nto asɔrmba no enyim, na asɔrmba no mma hɔn nsa do mfa ntsia no, ama wɔnye no eedzi dɛ mbrɛ Nyame ne mbra se.

82 Na sɛ ɔbɛyɛ yie a, bishop no so ntsena mu bi.

83 Na dɛm na hom nyɛ wɔ asɛm biara a wɔdze bɛba hom enyim no ho.

84 Na sɛ banyin anaa ɔbaa bi bɔ epoo a, wɔmma wɔnye no ndzi dɛ mbrɛ mbra a ɔwɔ asaase no do se.

85 Na sɛ ^aowia adze a, wɔmma wɔnye no ndzi dɛ mbrɛ mbra a ɔwɔ asaase no do se.

86 Na sɛ odzi ^aator a, wɔmma wɔnye no ndzi dɛ mbrɛ mbra a ɔwɔ asaase no do se.

87 Na sɛ ɔyɛ emumuyɛdze biara a, wɔmma wɔnye no ndzi dɛ mbrɛ mbra no se, ɔyɛ Nyame ne dze no mpo.

88 Na sɛ wo ^anuabanyin anaa w’akyerɛbaa bi ^bfom wo a, frɛ no nko na enye no nkã; na sɛ ^cɔgye no mfom to mu a, enye no mbɔ mu bio.

89 Na sɛ ɔanngye no mfom annto mu a, fa no kɔ asɔr no enyim, nnyɛ asɔrmba no, na mbom elderfo no a. Na wɔbɛkã no wɔ nhyiamu ase, na nnyɛ wɔ bagua mu.

90 Na sɛ wo nuabanyin anaa w’akyerɛbaa bi fom ɔdodow a, ^awɔntsẽa no wɔ ɔdodow enyim.

91 Na sɛ obi fom wɔ bagua mu a, wɔnka n’enyim wɔ bagua mu, ama n’enyim eegu ase. Na sɛ ɔanngye no mfom annto mu a, wɔnye no ndzi dɛ mbrɛ Nyame ne mbra se.

92 Sɛ obi fom wɔ nsumaamu a, wɔnkã n’enyim wɔ nsumaamu ama oeenya kwan akã no mfom akyerɛ onyia ɔafom no no, nye Nyankopɔn wɔ nsumaamu, amma asɔr no annkasa ammfa enngu n’enyim ase.

93 Na dɛm na hom nyɛ wɔ adze nyinara mu.