Ɔfã 82
Nyikyerɛ a wɔdze maa Joseph Smith Nkɔnhyɛnyi no wɔ Independence, Jackson County, Missouri, Ebɔbira 26, 1832. Da no nna Asɔr n’asɔfompanyifo na elderfo abaguafo ehyia. Abaguafo nhyiamu no woyii Joseph Smith tsipia dɛ ɔno nyɛ Asɔfodzi a Ɔkrɔn no ne President, a ɔyɛ dzibew no a wɔahyɛ no dada no wɔ asɔfompanyin, elderfo na asɔrmba ehyiadzi kɛse bi a wɔyɛe wɔ Amherst, Ohio, Sanda 25, 1832 no ase (hwɛ dza wɔakyerɛw wɔ Ɔfã 75 n’etsifi no). Nyikyerɛ yi si nkyerɛkyerɛ a wɔmaa no wɔ nyikyerɛ (ɔfã 78) a wɔama no dadaw no do dɛ wɔnkyekyer edwumadze—a wɔfrɛ no Nkabɔmu Edwumadze (Joseph Smith no kwankyerɛ ase no, dzin “nhyehyɛɛ” ekyir no bɛsesaa “edwumadze”)—wɔdze hwɛɛ Asɔr no n’adzetɔn na nwomatsintim edwuma do.
1–4, Nyia wɔama no dodow no, wɔbɛgye dodow efi no hɔ; 5–7, Sum na odzi hen wɔ wiadze; 8–13, Sɛ yedzi dza Ewuradze akã no do a, yɛbɔ No dua mu; 14–18, Ɔsɛ dɛ Zion tu mpon wɔ ahoɔfɛw na krɔnkrɔnyɛ mu; 19–24, Ɔwɔ dɛ nyimpa biara hwehwɛ ne nyɛnko ne yieyɛ.
1 Nokwar, nokwar, mese hom, mo nkowaa, dɛ susuampaara dɛ hom dze hom bɔn aakyekyɛ homho nkorkor no, dɛm so mpo na Emi, Ewuradze, medze hom bɔn kyɛ hom.
2 Eso, binom wɔ hom mu a wɔayɛ bɔn mbordo; nyew, ahom nyinara mpo ayɛ bɔn; mbom nokwar mese hom dɛ, ofi aber yi dze kɔ, hom nhwɛ yie, na hom ntwe homho mfi bɔn ho, amma atsɛmbu dzendzen ammba hom tsir do.
3 Na nyia wɔma no adodow no, bwɔbɛgye dodow efi no hɔ; na nyia ɔyɛ cbɔn tsia dkan kɛse no benya afɔbu kɛse so.
4 Hom bɔ me dzin bisa anyikyerɛ, na medze ma hom; na susuampaara dɛ hom nndzi me nsɛm a medze ma hom do no, hom abɛyɛ mbratofo; na bpɛrpɛrdzi na atsɛmbu nye ntsẽa a ɔbata me mbra ho.
5 Dɛm ntsi, dza mekã kyerɛ kor no, mekã kyerɛ hom nyina: Hom anweɔn, osiandɛ bɔtamfo no atserɛw n’ahentum mu, na csum na odzi hen;
6 Na Nyankopɔn n’ebufuw redzɛw tsia hɔn a wɔwɔ asaase do no do; na hɔn mu biara nnyɛ papa, osiandɛ hɔn nyinara amanman efi akwan no do.
7 Na afei, nokwar, mese hom dɛ, emi Ewuradze, meremmfa abɔn biara nnto hom do; hom nkɔ hom kwan na mma hom nnyɛ bɔn bio; na mbom ɔkra biara a ɔbɛyɛ bɔn no, no bɔn bdadaw no bɛsan aba no do, Ewuradze hom Nyankopɔn no na ɔse.
8 Na bio, mese hom dɛ, medze ambrasɛm fofor rema hom, ama hom aatse dza mepɛ a ɔfa hom ho ase;
9 Mekyerɛ dɛ, merekyerɛ hom akwan a hom mfa do ambɔ bra wɔ m’enyim, ama aayɛ nkwagye ama hom.
10 Emi Ewuradze, sɛ hom yɛ dza mekã a, hom akyekyer me; mbom sɛ hom annyɛ dza mekã a nna hom nnyi anohoba biara.
11 Dɛm ntsi, nokwar, mese hom dɛ, obeye ama mo nkowaa Edward Patridge na Newel K. Whitney, A. Sidney Gilbert na Sidney Rigdon, nye m’akowaa Joseph Smith, nye John Whitmer na Oliver Cowdery, nye Parley P. Pratt na Martin Harris, dɛ awɔbɛkã hɔnho abɔ mu na woedzi ahyɛmu a mbrato mpo nnkotum atsetsew mu, gyedɛ hom dwumadzi ahorow no ho atsɛmbu ba ntsɛm—
12 Dɛ hom nhwɛ ehiafo nye bishop na n’apamfo ndzɛmba nyinara a ɔwɔ Zion asaase do nye Kirtland asaase do;
13 Na mehyira Kirtland asaase no do wɔ mankasa me mber pa mu dze ama Ɔsorsornyi no n’ahotseweefo no, ma wɔdze aayɛ astake ama Zion.
14 Osiandɛ ɔwɔ dɛ Zion n’ahoɔfɛw nye no krɔnkrɔnyɛ nya mpontu; ɔwɔ dɛ wɔtserɛw n’ahe do; wɔmma ne stake horow no mu nyɛ dzen; nyew, nokwar, mese hom dɛ, ɔwɔ dɛ aZion soɛr na ɔfa bn’atar fɛɛfɛw hyɛ.
15 Dɛm ntsi, mbrasɛm a medze ma hom nye dɛ hom ndua dɛm ahyɛmu yi do nkã homho mbɔ mu, na ɔbɛyɛ hɔ dɛ mbrɛ Ewuradze ne mbra no se.
16 Hwɛ, iyi so yɛ nyansadze ma me wɔ hom yieyɛ ntsi.
17 Ɔwɔ dɛ hom yɛ apɛr, mekyerɛ dɛ, ɔwɔ dɛ hom nyinara nya kyɛfa pɛr wɔ egyapadze no mu, ama hom eetum edzi dwuma a wɔdze ahyɛ hom nsa no; ɔwɔ dɛ obiara nya dza ɔrohwehwɛ nye dza ohia, susuampaara dɛ dza ɔrohwehwɛ no dzi mu no—
18 Aama iyinom nyinara ho aaba mfaso ama tsease Nyankopɔn no n’asɔr no; aama obiara eetu ne atalent mu mpon, na nyimpa biara eenya talent bi so, nyew, mbɔho ɔha mpo, ama wɔdze eegu Ewuradze bn’adzekorabea, na ɔaabɛyɛ asɔrmba nyinara hɔn kwasafo egyapadze—
19 Na obiara repɛ ne nyɛnko ne yieyɛ, na wɔdze aenyiwa kor reyɛ adze nyina rehyɛ Nyankopɔn enyimnyam.
20 aNhyehyɛɛ yi mayɛ dɛ ɔnyɛ nhyehyɛɛ mma hom daapem, susuampaara dɛ hom nnyɛ bɔn yi, na ɔbɛyɛ hom adzedzifo so dze.
21 Na ɔkra biara a ɔbɛyɛ bɔn etsia ahyɛmu yi no, na obepirim n’akoma etsia no, wɔnye no bedzi dɛ mbrɛ m’asɔr no ne mbra se, na wɔdze no bɛhyɛ aSatan n’ekutukubɔ nsa ekesi dɛ mponee da no bɔsõ.
22 Na afei, nokwar, mese hom dɛ, na iyi yɛ nyansa, hom mfa ahonyadze a ɔnntsen no nyɛnko, na wɔnnkɛsɛɛ hom.
23 Hom ngyaa atsɛmbu nko mu nhyɛ me nsa, osiandɛ ɔyɛ medze na amubotua kaw. Asomdwee nkã hom; me nhyira da ho wɔ hom do.
24 Na iyi mpo, sɛ hom annhwe ase wɔ hom pinstinnyɛ mu a aahenman no da ho yɛ homdze, na ɔbɛyɛ hɔ afebɔɔ. Ɔnyɛ hɔ dɛm. Amen.