Kyerɛwsɛm
Nkyerɛkyerɛ na Ahyɛmudzi 43


Ɔfã 43

Nyikyerɛ a wɔnam Joseph Smith Nkɔnhyɛnyi no do dze mae, wɔ Kirtland, Ohio, Kwakwar, 1831. Aber yi no nna osian ator a nkorɔfo binom ridzi dɛ wɔyɛ nyikyerɛfo ntsi, Asɔrmba no mu binom retseetsee. Nkɔnhyɛnyi no bɔɔ mpaa bisaa Ewuradze na onyaa dɛm mbuae yi a wɔdze maa Asɔr no mu elderfo no. Dza odzi kan no fa Asɔr no n’amambu ho; dza odzi ewiei no yɛ kɔkɔbɔ a ɔwɔ dɛ elderfo no dze bɔ aman a wɔwɔ asaase do.

1–7, Nyikyerɛ na mbrasɛm fi nyimpa kortonoo a woeyi no esi hɔ mu ba; 8–14, Wɔtsew Ahotseweefo ho wɔ ber a woridzi dwuma wɔ krɔnkrɔnyɛ mu wɔ Ewuradze n’enyim no; 15–22, Wɔsoma elderfo dɛ wɔnkɛkã nnuho ho asɛm na wonsiesie adasa mfa mma Ewuradze Ne da kɛse no; 23–28, Ewuradze dua nankasa Ne ndze na abɔdze no tum do frɛ nyimpa; 29–35, Mfe Apem no na Satan ne nkyekyeree no bɛba.

1 O Hom ntsie, hom elderfo a hom wɔ m’asɔr mu, na hom nyɛ aso mma nsɛm a merebɛkã akyerɛ hom yi.

2 Na hwɛ, nokwar, nokwar, mese hom dɛ, hom nsa akã mbrasɛm a ɔyɛ m’asɔr ne ambra no, medze duaa nyia meyi no esi hɔ ama hom dɛ ɔngye bmbrasɛm nye nyikyerɛ mfi me nsamu no do.

3 Na iyi na hom bohu dɛ ɔyɛ nokwar—dɛ obiara nnyi hɔ bio a woeyi no esi hɔ ama hom dɛ ɔngye mbrasɛm nye nyikyerɛ mfa mma hom kodu dɛ wɔbɛfa no, sɛ aɔtsena mo mu a.

4 Na nokwar, nokwar, mese hom dɛ aobiara nnyi hɔ bio a wobeyi no esi hɔ dze ama dɛm akyɛdze yi gyedɛ wɔdze dua ɔno nko do; na sɛ wɔgye fi ne nsamu a orinnya tum bio gyedɛ woyi obi fofor si n’ananmu.

5 Na iyi bɛyɛ mbra ama hom, dɛ mma hom nngye nkyerɛkyerɛ biara mmfi obiara a ɔbɛba hom enyim abɛkã dɛ onya nyikyerɛ anaa mbrasɛm hɔ;

6 Na medze iyi ma hom amma awɔaanndaadaa hom na mbom hom eehu dɛ ommfi mo hɔ.

7 Na nokwar, mese hom dɛ, nyia amahyɛ no sɔfo no wɔ dɛ odua babow no mu ba na wɔhyɛ no sɔfo dɛ mbrɛ makã akyerɛ hom dada no, ama ɔaakyerɛkyerɛ dɛm nyikyerɛ a hom nsa akã nye dza hom nsa bɛkã efi nyia meyi no esi hɔ no hɔ.

8 Na afei, hwɛ, mbrasɛm a medze ma hom nye dɛ, sɛ hom hyia a, hom ankyerɛkyerɛ homho na hom ntotow homho do ama hom eetum ehu dza ɔwɔ dɛ hom yɛ, na hom akyerɛ m’asɔr no kwan, mbrɛ obesi edzi me mbra nye me mbrasɛm a medze ama no do.

9 Na dɛm kwan yi na hom mfa do nya nkyerɛkyerɛ wɔ m’asɔr ne mbra ho na hom mma dza hom nsa akã no antsew homho, na hom bɛhyɛ bɔw abɔ bra wɔ krɔnkrɔnyɛ wɔ m’enyim—

10 Na mber dodowara a hom bɛyɛ dɛm no, wɔdze enyimnyam abɛkã ahenman a hom nsa akã no ho. Na mber dodowara a hom nnkɛyɛ no, bwɔbɛgye dza hom nsa akã no mpo.

11 Hom ntow aemumuyɛ a ɔwɔ hom mu no ngu; hom ntsew homho wɔ m’enyim;

12 Na sɛ hom pɛ ahenman no mu enyimnyam a, hom nyi m’akowaa Joseph Smith, Kakraba, na hom ampegya no wɔ m’enyim wɔ mpaabɔ a gyedzi wɔ mu.

13 Na bio, mese hom dɛ, sɛ hom pɛ ahenman mu aesumasɛm ehu a, hom mma no edziban na ntar, nye dza ohia biara a ɔdze bɛyɛ edwuma a mahyɛ no dɛ ɔnyɛ no;

14 Na sɛ hom annyɛ a, ɔbɔkɔ do ayɛ hɔn a wɔagye no edzi no nko dze, ama maakora nkorɔfo a hɔnho atsew do wɔ m’enyim.

15 Bio, mese dɛ, hom ntsie hɔn a wɔyɛ m’asɔr mu elderfo a meyi hɔn esi hɔ no: Wɔannsoma hom dɛ hom nkɔ na wɔnkyerɛkyerɛ hom, na mbom dɛ hom ankɛkyerɛkyerɛ adasamba ndzɛmba a menam mo bSunsum no tum do dze ahyɛ hom nsamu no;

16 Na awofi sor bɛkyerɛkyerɛ hom. Hom bntsew homho na wɔdze cadom akyɛdze tum bɛhyɛ hom mã, ama hom dze dza makã no mpo ama.

17 Hom ntsie, osiandɛ, hwɛ, Ewuradze ne ada bkɛse no abɛn.

18 Na da no bɛba a Ewuradze dze ne andze bɛkasa efi sor, na ɔsorsor bbɔwosow na asaase capopo, na Nyame no dtotorobɛnto bɛtsẽa mu kɛse akyɛr, na ɔase aman a wɔadeda no dɛ: Hom ahotseweefo, hom ensoɛr na hom ntsena ase; hom ndzebɔnyɛfo, hom fntweɔn na hom gnda kesi dɛ mebɛfrɛ bio.

19 Dɛm ntsi, hom mbɔ hom asen do amma woeennhu hom wɔ emumuyɛfo mu.

20 Hom mma hom ndze do na mma hom nngyaa. Hom nse aman dɛ wonnu hɔnho, mpanyimfo nye mbofra, ndɔmmumfo nye fahodzifo, hom nse dɛ: Hom nsiesie homho mma Ewuradze ne da kɛse no;

21 Na sɛ emi a meyɛ nyimpa, mema me ndze do na mese hom dɛ hom nnu homho, na sɛ hom tan me a, sɛ da no ba na awimu paapaa mu fi asaase ne mfɛndzanan nyina, kasa gu atseasefo nyina asowa mu, se dɛ—Hom nnu homho; na hom nsiesie homho mma Ewuradze ne da kɛse no a, hom bɛse dɛn?

22 Nyew, na bio, sɛ enyinam tsew fi boka afamu dze kɔ anee dze ndze tsẽa mu kyerɛ atseasefo nyinara, na ɔma hɔn a wɔbɛtse nyinara hɔn asowa mu yɛ hɔn heii, na ɔse dɛ—Hom nnu homho, na Ewuradze ne da kɛse no aba so ɛ?

23 Na bio, Ewuradze bɛma ne ndze do fi sor ase dɛ: Hom nyɛ aso, O hom aman a hom wɔ asaase do, na hom ntsie dɛm Nyankopɔn no a ɔbɔɔ hom no ne nsɛm.

24 O, hom aman a hom wɔ asaase do, mpɛn ahen na matase hom aboa ano dɛ mbrɛ aakokɔ baatan boaboa ne mba dze hyɛ ne ntsaban ase, na mbom hom bmma ho kwan!

25 Mpɛn ahen na medua mo ankowaa ano do bafrɛ hom, na menam cabɔfo hɔn som do, na wɔ mankasa me ndze do, na wɔ sor mpaapaamu ndze do, nye enyinam ndze do, nye ehum ndze do, nye asaasewosow ndze do, nye mframa dzendzen, nye dɔkɔm na ɔyardɔm ahorow ndze do, nye totorobɛnto ndze kɛse do, nye atsɛmbu ndze do, nye da nyina mu embɔbɔrhu ndze do, nye enyimnyam na emudzi ndze do, nye onnyiewiei nkwa mu ahonya do, na medze fnkwagye a ɔwɔ hɔ daapem agye hom nkwa, na mbom hom mma ho kwan!

26 Hwɛ, da no aba, na m’ebufuhyew kɔɔpow no ayɛ mã.

27 Hwɛ, nokwar, mese hom dɛ, iyi nye Ewuradze hom Nyankopɔn ne nsɛm.

28 Dɛm ntsi, hom nyɛ edwuma, hom nyɛ aedwuma wɔ mo wenyin ture mu wɔ aber a odzi ekyir yi mu—ber a odzi ekyir a wɔdze refrɛ hɔn a wɔtse asaase do.

29 Na amebɛba asaase do mankasa me ber ano ebobu atsɛn, na wɔbɔpon mo nkorɔfo na wɔnye me edzi hen wɔ asaase do.

30 Na aMfe Apem kɛse no a medua mo nkowaa ano akã no, bɛba.

31 Na awɔbɛkyekyer bSatan, na sɛ wɔsan no bio a, obedzi hen cmber tsiabaa mu, na afei asaase bɛba dewiei.

32 Na awɔbɛsakyer nyia ɔtsenaa ase wɔ btseneneeyɛ mu no ntsɛmara, na asaase botwa mu akɔ tse dɛ mbrɛ wɔdze ogya ahyew.

33 Na emumuyɛfo bɔkɔ aogya a onndum da mu, na hɔn ewiei dze, ɔdasanyi biara nnyim, anaadɛ orunnhu, kesi dɛ wɔbɛba m’enyim wɔ batsɛmbu mu.

34 Hom ntsie dɛm nsɛm yi. Hwɛ, emi nye Jesus Christ, wiadze aAgyenkwa no. Hom bnkora ndzɛmba yinom do wɔ hom akoma mu, na hom mma mbersantsen ne cduryɛ no ho adwendwen dnda hom eadwen mu.

35 Hom nyɛ abotoo. Hom ndzi me mbrasɛm nyinara do. Ɔnyɛ hɔ dɛm. Amen.