Ɔfã 90
Nyikyerɛ a wɔdze maa Joseph Smith Nkɔnhyɛnyi no wɔ Kirtland, Ohio, Ebɔw 8, 1833. Nyikyerɛ yi yɛ kwan a wɔfaa do kyekyeer President a Odzi Kan no na n’Apamfo no nsɔwdo (hwɛ dza wɔakyerɛw wɔ Ɔfã 81 n’etsifi no); na ɔno na ɔmaa wɔhyɛɛ apamfo no a wɔabobɔ hɔn edzin no asɔfo wɔ Ebɔw 18, 1833.
1–5, Wɔdze ahenman ne nsaafee no ama Joseph Smith, na wodua no do dze ma Asɔr no; 6–7, Sidney Rigdon na Frederick G. Williams wɔ dɛ wɔsom wɔ President a Odzi Kan na n’Apamfo no mu; 8–11, Ɔwɔ dɛ wɔka asɛmpa no kyerɛ Israel aman, nye Amanamamfo, na Jewfo no; obiara wɔ dɛ ɔtse wɔ nankasa ne kasaa mu; 12–18, Joseph Smith na n’apamfo no wɔdɛ wɔtoto Asɔr no mu ndzɛmba esiado esiado; 19–37, Ewuradze tu ankorankor fo dɛ wɔnnantsew tɔɔtsen mu na wɔnsom wɔ N’ahenman mu.
1 Dɛm na Ewuradze se, nokwar, nokwar, mese ɔwo me babanyin dɛ, wɔdze wo bɔn aakyɛ wo, dɛ mbrɛ apa ho kyɛw no, osiandɛ ɔwo nye wo nuanom hom mpaabɔ afow sor edu m’asomu.
2 Dɛm ntsi, ofi ndɛ kɔ woehyira wo, ɔwo na wɔdze ahenman no ne ansaafee ekitsa wo nsamu; dɛm bahenman no a ɔreba mber a odzi ewiei mu no.
3 Nokwar, mese wo dɛ wɔnnkɛgye ahenman yi ne nsaafee efi wo nsamu da wɔ ber a etse wiadze yi mu, nna wɔnnkɛgye so wɔ wiadze a ɔreba no mu;
4 Eso wobodua wo do ama binom ehu hɔn andaamba dza obesi hɔn do, nyew, dze ama asɔr no mpo.
5 Na hɔn a hɔn nsa bɛkã hɔn ndaamba dza obesi hɔn do yi efi Nyame hɔ no anhwɛ yie wɔ mbrɛ wosi suo mu ho amma woeemmbu no adze tootooba, na wɔaammbɛhyɛ afɔbu ase, mma woeemmfintsiw, na sɛ ehum tu na mframa bɔ, na bnsu tɔ, na ɔhwe hɔn adan a, wɔaannhwe ase.
6 Na bio, nokwar, mese wo nuanom Sidney Rigdon na Frederick G. Williams dɛ, wɔdze hɔn so hɔn bɔn akyɛ hɔn, na wɔdze hɔn akã wo ho dɛ hom nyɛ pɛr nkura ahenman a odzi ewiei yi ne nsaafee.
7 Na ɔnam wo dwumadzi mu na medze ankɔnhyɛfo skuul no a mahyɛ wo dɛ kyekyer no so ne nsaafee ahyɛ wo nsamu;
8 Na dɛm bɛma woeedzi mu wɔ hɔn ɔsomdwumadzi no mu dze ama Zion ne nkwagye, nye Israel aman, nye Amanamamfo dodowara a wɔbɛgye edzi no hɔn nkwagye;
9 Ama ɔnam wo dwumadzi do hɔn nsa aakã asɛm no, na wɔnam hɔn dwumadzi do asɛm no akɔ asaase ano nyina, aobedzi kan akɔ bAmanamamfo hɔ, na afei, hwɛ, na hu dɛ wɔbɛsan aba Jewfo hɔ.
10 Na nkyii no da no bɛba a Ewuradze no tum abɛda n’abasa edzi wɔ tum mu ma aman, abosonsɔrfo aman, bJoseph fifo agye hɔn nkwagye ho asɛmpa no edzi.
11 Na ɔbɛba dɛ dɛm da no, ɔdasanyi biara abɛtse asɛmpa no ne mãhyɛ no wɔ nankasa ne kasaa mu, na wɔnam hɔn a wɔdze btum yi cahyɛ hɔn asɔfo nye dƆwerɛkyekyefo no a woehue egu hɔn do no no dwumadzi do a ɔma woyi Jesus Christ kyerɛ.
12 Na afei, nokwar mese wo dɛ, dɛm mbrasɛm yi na medze ma wo dɛ kɔ do yɛ aɔsomdwuma no na kã president na n’apamfo no ho.
13 Na sɛ ekyerɛ nkɔnhyɛsɛm no ase wie a, ofitsi dɛm aber no dze kɔ, ahwɛ asɔr no nye bskuul no ho nsɛnkaa do;
14 Na ofi ber to ber, dɛ ma Ɔwerɛkyekyefo no bɛda no edzi akyerɛ wo no, ebenya anyikyerɛ a ɔbɛma ada ahenman no bn’esumasɛm edzi;
15 Na atoto nsɔr mu ndzɛmba nyina esiado esiado, na aesũa na behu na ebohu nwoma apapa nyina, na atse ckasa na kasa horow na nkorɔfo so ase.
16 Na iyi nye hom edwuma wɔ hom nkwa nda nyina mu, hom bedzi bano wɔ abaguafo do na hom ahwɛ atoto asɔr yi nye ahenman no mu nsɛnkaa nyina esiado esiado.
17 Mma hom aenyi nntõ, eso mma hom mmfɛr; mbom hom ngye afotu amma hom tsir mu annyɛ hom dɛw na hom bammema homho do, osiandɛ dɛm bosua hom akra efir.
18 Hom ntoto hom efiefi mu ndzɛmba yie; hom nyi aenyihaw na bdza ho nntsew akwa.
19 Afei, nokwar, mese wo dɛ, hwehwɛ tsenabew ma wo pamfo na kyerɛwfo, Frederick G. Williams mpo, n’ebusua ntsɛmara.
20 Na ma m’akowaa a n’enyi efir, aJoseph Smith, Panyin, nye n’ebusua nkɔ do ntsena bea a wɔtse seseiara no; na mma wɔnntɔn kesi dɛ Ewuradze bobue n’ano akã.
21 Na ma me pamfo aSidney Rigdon mpo nda ho ntsena bea a ɔtse seseiara no nkesi dɛ Ewuradze bobue n’ano akã.
22 Na ma bishop no nhwehwɛ aananmusinyi enyiberdo, na dɛm nyimpa no wɔ dɛ ɔyɛ obi a bɔwɔ ne sika—Nyame nyimpa, na ne gyedzi yɛ dzen—
23 Ama oeetum etua kaw biara; amma nkorɔfo eennhu na wɔaannkasa enngu Ewuradze n’adzekorabea ho fĩ.
24 Hom nhwehwɛ aenyiber do, na hom mbɔ bmpaa aber nyina, na hom ngye ndzi, na sɛ hom nantsew tsenenee kwan do, na hom kaa cahyɛmu a hom nye homho edzidzi nkorkor no a, dndzɛmba nyina bɔkɔ do yie ama hom yieyɛ.
25 Hom mma hom aebusua ebusua nyɛ kakraba, nkanka m’akowaa Joseph Smith, Panyin, a n’enyi efir no, ɔfa hɔn a wɔnnkã w’ebusuafo ho no;
26 Ama dɛm ndzɛmba no a woesiesie ato hɔ dɛ fa yɛ m’edwuma no, wɔaanngye emmfi wo nsamu aammfa amma hɔn a wɔmmfata—
27 Na dɛm no besiw wo kwan ma irunntum nnyɛ ndzɛmba a mahyɛ wo dɛ yɛ no.
28 Na bio, nokwar, mese hom dɛ, ɔyɛ mepɛ dɛ hom ma m’abaawa Vienna Jaques sika ma ɔdze twa noho esu kɔ Zion asaase do;
29 Na sika a ɔbɛka no, wonhyira do mma me, na obenya n’akatua wɔ mankasa me mber mu.
30 Nokwar, mese hom dɛ, ɔtsen wɔ m’enyi do dɛ ɔbɔkɔ Zion asaase do, na ɔakɛgye egyapadze efi bishop no hɔ;
31 Ama mber dodow biara a obedzi nokwar no ɔaatsena asomdwee mu, na ofi dɛm da no kɔ no mma ɔnnyɛ enyihaw wɔ n’abrabɔ mu.
32 Na hwɛ, nokwar, mese hom dɛ, hom nkyerɛw mbrasɛm yi, na hom nse hom nuanom a wɔwɔ Zion dɛ, hom kyia hɔn wɔ ɔdɔ mu, na dɛ mafrɛ hom so dɛ hom anhwɛ Zion do wɔ mankasa me mber mu.
33 Dɛm ntsi, hom mma wongyaa me haw wɔ dɛm nsɛm yi ho.
34 Hwɛ, mese hom dɛ, hom nuanom a wɔwɔ Zion no ahyɛ ase runu hɔnho, na abɔfo ridzi dɛw wɔ hɔn ho.
35 Naaso, m’enyi nngye ndzɛmba pii ho; na m’enyi nngye m’akowaa aWilliam E. McLellin ho, nna m’enyi nngye m’akowaa Sidney Gilbert ho; nye bishop so ho; na binom so wɔ ndzɛmba pii a ɔsɛ dɛ wonu hɔnho wɔ ho.
36 Na nokwar, mese hom dɛ, emi, Ewuradze, menye aZion bedzi esi, na matotɔ aserɛ n’ahoɔdzenfo na bmatsẽa no ekesi dɛ obedzi do nyim na no ho catsew wɔ m’enyim.
37 Na worinnyi no mmfi n’ananmu. Emi, Ewuradze, na makã. Amen.