Ɔfã 118
Nyikyerɛ a wɔnam Joseph Smith Nkɔnhyɛnyi no do dze mae, wɔ Far West, Missouri, Ayɛwoho 8, 1838, ɔyɛ mbuae a wonyae wɔ hɔn ebisadze, “Kyerɛ hɛn wo pɛ, O Ewuradze, dza ɔfa Duebien no ho no.”
1–3, Ewuradze bɔhwɛ Duebien no hɔn ebusua ebusua; 4–6, Wɔhyɛ dzibew a wɔada hɔ pan wɔ Duebien no mu mba mu no ananmu.
1 Nokwar, dɛm na Ewuradze se: Hom nyɛ ehyiadzi kɛse ntsɛmara; hom mma Duebien no nsiesie hɔnho; na hom nyi nkorɔfo ma awɔnhyɛ hɔn a wɔahwe ase no hɔn ananmu.
2 Hom mma m’akowaa aThomas ntweɔn kakra wɔ Zion asaase do, na ɔmbɔ m’asɛm dawur.
3 Hom mma hɔn a wɔaka no nkɔ do nkã asɛmpa no mfi dɛm ber no mu, na sɛ wɔdze akoma a ɔyɛ botoo wɔ ɔdwe na aahobrɛadze, nye bpenkyɛr mu a, Emi, Ewuradze, mobɔ hɔn anohoba dɛ mebɛma hɔn ebusua ebusua hɔn ehiadze; na wobobue abow pa bi ama hɔn, ofi ndɛ kɔ.
4 Na Fefɛw a ɔreba yi hom mma womfi ha ntwa po kɛse yi nkɔ n’ekyir, na hɔ na wɔnda m’asɛmpa ne mãhyɛ no edzi nkyerɛ, na wɔngye me dzin ho dase.
5 Hom mma wongyaa m’ahotseweefo a wɔwɔ Far West, bea a worisi me dan no, na wɔnkɔ Ebɔbira ne da a otsĩa eduonu esia a ɔreba no mu, Ewuradze na ɔse.
6 Hom mma m’akowaa John Taylor, nye m’akowaa John E. Page so, nye m’akowaa Wilford Woodruff so, nye m’akowaa Willard Richards so nhyɛ hɔn a wɔahwe ase no ananmu, na asɔr mpanyimfo no nda hɔn dwumadzi fofor yi edzi nkyerɛ hɔn.