Kyerɛwsɛm
Nkyerɛkyerɛ na Ahyɛmudzi 15


Ɔfã 15

Nyikyerɛ a wɔnam Joseph Smith Nkɔnhyɛnyi no do dze maa John Whitmer, wɔ Fayette, New York, Ɔbiradzi, 1829. (hwɛ dza wɔakyerɛw wɔ Ɔfã 14 n’etsifi no.) Asɛm no hia na ɔfa no nkotoo ho osiandɛ Ewuradze kasa fa dza John Whitmer na Ewuradze nko nyim. Ekyir no, John Whitmer bɛyɛɛ Mormon Nwoma ho Adasegyefo Baawɔtwe no mu kor.

1–2, Ewuradze n’abasa kata asaase nyina do; 3–6, Ebɛkã asɛmpa no na agye akra nkwa no nye adze a ɔsom bo kɛse.

1 Yɛ aso, m’akowaa John, na tsie Jesus Christ, w’Ewuradze na wo Pomfo no ne nsɛm.

2 Na hwɛ, medze ndamyɛ na atum kasa kyerɛ wo, osiandɛ m’abasa kata asaase nyina do.

3 Na mebɛkã nsɛm a obiara nnyim kã emi nye ɔwo nko ho akyerɛ wo—

4 Na mber pii na apɛ dɛ ihu adze a ɔbɔsom wo bo kɛse efi mo hɔ,

5 Hwɛ, nhyira akã wo wɔ dɛm adze yi ho, dɛ erekã m’asɛm a medze ama wo, dɛ mbrɛ me mbrasɛm se no.

6 Na afei, hwɛ, mese wo dɛ, adze a ɔbɔsom wo bo kɛse ama wo nye dɛ aebɔbɔ nnuho ho dawur akyerɛ nkorɔfo yi, ama aatwe akra abrɛ me, ama enye hɔn baahomcm’Egya dn’ahenman no mu. Amen.