Ɔfã 104
Nyikyerɛ a wɔdze maa Joseph Smith Nkɔnhyɛnyi no, wɔ Kirtland, Ohio anaa bea a ɔbɛn, wɔ Ebɔbira 23, 1834 a ɔfa Nkabɔmu Edwumadze (hwɛ afã 78 na 82 etsifi nsɛm). Dɛm aber no bɛyɛ Nkabɔmu Edwumadze mu abaguafo nhyiamu a wɔdwendween kwan a wɔbɛfa do aboa nkorɔfo a wohia asetsena mu mboa kɛse no ho. Edwumadze nhyiamu a wodzi kan yɛɛ no Ebɔbira 10 no wɔpeen do dɛ wongu kuw no. Nyikyerɛ yi kyerɛ dɛ mbom wɔnsan nhyehyɛ edwumadze no bio; wɔnkyɛ n’egyapadze mma kuwmba no dɛ wɔyɛ edwumayɛfo. Joseph Smith no kwankyerɛ ase no, ekyir no wɔsesãa kasasin “Nkabɔmu Edwumadze” yɛɛ no “Nkabɔmu Nhyehyɛɛ” wɔ nyikyerɛ no mu.
1–10, Ahotseweefo a wɔtõ nkabɔmu nhyehyɛɛ no mu mbra no ndom bɛkã hɔn; 11–16, Ewuradze wɔ nankasa No kwan a ɔfa do dze boa N’Ahotseweefo; 17–18, Asɛmpa mbra no na ɔhwɛ ma wɔboa ehiafo; 19–46, Wɔkyekyɛ dwumadzi na nhyira ma enuanom binom; 47–53, Nkabɔmu nhyehyɛɛ a ɔwɔ Kirtland no na nhyehyɛɛ a ɔwɔ Zion no no mu biara wɔdɛ odzi nankasa no dwuma; 54–66, Woetu Ewuradze no foto a wɔatsew ho no esi hɔ dɛ wɔdze betsintsim kyerɛwsɛm no; 67–77, Ɔwɔ dɛ wɔyɛ adwen kor dze hwɛ nkabɔmu nhyehyɛɛ ne sikakorabew nyina no do; 78–86, Hɔn a wɔwɔ nkabɔmu nhyehyɛɛ no mu no wɔdɛ wotua hɔn akaw nyina, na Ewuradze beyi hɔn efi ohia nkowaasom mu.
1 Nokwar, mese hom, m’anyɛnkofo dɛ, mema hom afotu na mbrasɛm a ɔfa egyapadze nyinara a ɔyɛ nhyehyɛɛ yi a mehyɛɛ hom dɛ hom nkyekyer ma ɔmbɛyɛ ankabɔmu nhyehyɛɛ, na nhyehyɛɛ a ɔwɔ hɔ daapem a ɔwɔ m’asɔr mu, na ɔdze nkwagye bɛma nyimpa kɛpem dɛ mebɛba—
2 Mobɔ anohoba a otsim hɔ na ɔnnsakyer, na susuampaara dɛ hɔn a mehyɛɛ hɔn no bedzi nokwar no, wɔdze nhyira mbɔho behyira hɔn.
3 Mbom susuampaara dɛ wonndzi nokwar no, wɔbɛn ndom mu.
4 Dɛm ntsi, susuampaara dɛ mo nkowaa binom enndzi mbrasɛm no do, na mbom wɔnam aenyiber nye ndaadaasɛm do atõ ahyɛmu no, medze ndom yaayaw na ɔyɛ dzen bɔdom hɔn.
5 Na emi, Ewuradze, mahyɛ ɔmom wɔ m’akoma mu dɛ, susuampaara dɛ obi a ɔkã nhyehyɛɛ no ho wobohu no dɛ ɔyɛ mbratonyi no, anaadɛ, ɔbɔtõ ahyɛmu a woedzi dze akyekyer hom no, wɔbɔdom no no nkwa nda nyina, na mebɛma nyia mepɛ no etsiatsia no do;
6 Na Emi, Ewuradze, wonnsi me aatwetwe wɔ ndzɛmba yinom mu—
7 Na ɔtse dɛm, amma wɔaammfa hɔn a wɔnnyɛɛ bɔn no ammfora mbratofo no emmbu hɔn fɔ, amma afɔdzifo a wɔwɔ hom mu no emmfi nsa; osiandɛ emi, Ewuradze, mabɔ hom anohoba dɛ mebɛma hom aenyimnyam ahenkyɛw wɔ m’abanyimfa.
8 Dɛm ntsi, susuampaara dɛ wohu hom dɛ hom yɛ mbratofo no, hom nnkotum efi m’ebufuhyew nsa wɔ hom nkwa nda mu.
9 Susuampaara dɛ osian mbrato ntsi, awoetwa hom akyen no, hom nnkotum efi bSatan cn’ekutukubɔ mu ekesi ɔpon da no.
10 Na afei merema hom tum fi dɔn yi ara mu, na hom nhyehyɛɛ yi mu obiara a hom bohu dɛ ɔyɛ mbratonyi na oennu noho wɔ no bɔn a ɔayɛ ho no, wonyi no mfa no mma Satan n’ekutukubɔ; na orinnya tum biara mmfa abɔn bi mmba hom do.
11 Iyi nye me nyansaa, dɛm ntsi, mbrasɛm a medze ma hom nye dɛ, hom ntoto hom ndzɛmba nyina yie wɔ hom mu, na hom mfa obiara an’edwuma nhyɛ ne nsa.
12 Ama obiara eetum ebu n’edwuma a wɔdze ahyɛ ne nsa no ho nkontaa akyerɛ me.
13 Osiandɛ ohia dɛ Emi, Ewuradze, mebɛma obiara aebu n’edwuma ho nkontaa dɛ bɔhwɛfo wɔ asaase do nhyira ho, dza mayɛ na mesiesie dze ama m’abɔdze.
14 Emi, Ewuradze, metserɛɛw ɔsor mu na ameyɛɛ asaase a ɔyɛ me bnsaano edwuma ankasa; na ndzɛmba a ɔwɔ mu nyina yɛ medze.
15 Na ɔyɛ mo botae dɛ mehyɛ m’ahotseweefo hɔn ehiadze osiandɛ ndzɛmba nyina yɛ medze.
16 Mbom ɔwɔ dɛ wɔyɛ no mankasa mo akwan do; na hwɛ, dɛm kwan yi do na Emi, Ewuradze, maahyɛ ho ɔmom dɛ mebɛfa do dze m’ahotseweefo hɔn ehiadze ama hɔn, ama wɔaakrɔn behiafo no, dɛm na ɔbɛma wɔabrɛ esikafo adze.
17 Osiandɛ aasaase do ahyɛ mã, na pii wɔ ma ɔbor do; nyew, mesiesie ndzɛmba nyina, na medze ama adasamba dɛ bwɔnhwɛ hɔnankasa hɔnho do.
18 Dɛm ntsi, sɛ obi fa me ndzɛmba a mayɛ no amu pii, na ɔammfa nedze no mu bi amma behiafo na abɔbɔfo dɛ mbrɛ cmbra a ɔwɔ m’asɛmpa no ho tse a, onyia no nye emumuyɛfo bɛma hɔn enyi do wɔ dhɛl a ɔwɔ ahohyehye mu.
19 Na afei, nokwar, mese hom dɛ, dza mekã wɔ anhyehyɛɛ no n’egyapadze ho nye yi—
20 Wɔmma m’akowaa Sidney Rigdon ntsena bea a ɔtse seseiara no, na ɔmfa bea a ɔyɛ mbowawoma ho edwuma no nkã ho, mfa nhwɛ noho ber a ɔreyɛ edwuma wɔ mo wenyin ture mu no, dɛ mbrɛ mepɛ mpo, wɔ ber a mebɛhyɛ no.
21 Na hom nyɛ ndzɛmba nyina dɛ mbrɛ nhyehyɛɛ a wɔahyehyɛ ato hɔ no tse, nye dza dɔm a wɔwɔ nhyehyɛɛ no a ɔwɔ Kirtland asaase do no esi hɔn adwen pi wɔ ho anaa wɔdze ndze kor se no.
22 Na edwumadzi nye nhyira yi, na Emi, Ewuradze, medze ma m’akowaa Sidney Rigdon dɛ ɔnyɛ nhyira mma ɔno na n’asefo a wɔbɛba ekyir no nyina.
23 Na susuampaara dɛ ɔbrɛ noho adze wɔ, m’enyim no, mobɔbɔ nhyira a medze bɛma no no ho.
24 Na bio, hom mma m’akowaa Martin Harris mfa asaase a m’akowaa John Johnson dze n’egyapadze dadaw asesã no nyɛ no dwumadzi, ɔno nye n’asefo a wɔbɛba wɔ ekyir nyina;
25 Na susuampaara dɛ obedzi nokwar no, mobɔbɔ nhyira a medze bɛma ɔno na n’asefo a wɔbɛba ekyir nyina ho.
26 Na hom mma m’akowaa Martin Harris mfa ne sika nsi hɔ ma wɔmfa mbɔ me nsɛm dawur, dɛ mbrɛ m’akowaa Joseph Smith, Kakraba bɛkyerɛ no.
27 Na bio, hom mma m’akowaa Frederick G. Williams mfa bea a ɔtse seseiara no.
28 Na hom mma m’akowaa Oliver Cowdery mfa bea no a ɔtoa dan no a ɔbɛyɛ ɔfese a wobetsintsim nwoma wɔ no, ɔyɛ asaase a odzi kan no, na asaase so a n’egya tse do no.
29 Na hom mma m’akowaa Frederick G. Williams, nye Oliver Cowdery mfa ɔfese a wotsintsim nwoma no nye ndzɛmba nyina a ɔkã ho no.
30 Na iyi bɛyɛ dwumadzi a wɔdze bɛhyɛ hɔn nsa dɛ wondzi.
31 Na susuampaara dɛ wobedzi nokwar no, hwɛ, mibehyira hɔn, na mabɔ nhyira a medze bɛma hɔn no ho.
32 Na iyi nye dwumadzi a medze ama hɔn nye hɔn asefo a wɔbɛba no n’ahyɛse.
33 Na susuampaara dɛ wobedzi nokwar no, mobɔbɔ nhyira a medze bɛma hɔn nye hɔn asefo a wɔbɛba ekyir no nyina ho, nhyira mbɔho mpo.
34 Na bio, hom mma m’akowaa John Johnson mfa fie a ɔtse mu no nye egyapadze a ɔkã ho nyina, gyedɛ asaase a medze ato hɔ a awobesisi m’adan wɔ do no, dza ɔfa no dɛm egyapadze no ho no, nye dɛm nsaase a wɔabɔ dzin dze ama m’akowaa Oliver Cowdery no nko.
35 Na susuampaara dɛ odzi nokwar no, mobɔbɔ ne nhyira ho.
36 Na ɔyɛ me pɛ dɛ susuampaara dɛ aSunsum ne ndze no bɛda no edzi, na nhyehyɛɛ no pam no bɛkyerɛ, na ma nhyehyɛɛ no dze hɔn ndze bɛkã no, ɔbɔtɔn nsaase a wɔdze esi hɔ dɛ wobesisi m’ahotseweefo hɔn adan wɔ do no.
37 Na iyi nye dwumadzi a medze ama no a ɔbɛyɛ nhyira ama ɔno nye n’asefo nyina no n’ahyɛse.
38 Na susuampaara dɛ odzi nokwar no, mobɔbɔ nhyira a medze bɛma no no ho mbɔho.
39 Na bio, hom mma m’akowaa aNewel K. Whitney mfa adan nye asaase a ɔtse mu seseiara no, na asaase a eguadzidan si do no, nye asaase so a ɔhyɛ kutuw a ɔda eguadzidan no n’anaafo, nye asaase so a wɔyɛ nsõ edwuma no.
40 Na iyi nyinara medze ama m’akowaa Newel K. Whitney na iyi yɛ nhyira a medze ma ɔno nye n’asefo a wɔbɛba nyina, ama eguadzidan no ho aaba mfaso ama me nhyehyɛɛ a makyekyer ama me stake a ɔwɔ Kirtland asaase do no.
41 Nyew, nokwar, iyi yɛ dwumadzi a medze ama m’akowaa N. K. Whitney, ɔyɛ eguadzidwuma no medze ama ɔno nye an’ananmusinyi, nye n’asefo a wɔbɛba nyina.
42 Na susuampaara dɛ odzi nokwar, na odzi me mbrasɛm do no, mobɔbɔ nhyira a medze bɛma no no ho mbɔho mbɔho.
43 Na bio, hom mma m’akowaa Joseph Smith, Kakraba mfa asaase a nkyɛ woribesi me dan wɔ do no, dza ne tsentsen yɛ aahoma eduanan na ne tɛtɛr so yɛ ahoma duebien no, nye egyapadze so a n’egya tse do seseiara no;
44 Na iyi nye dwumadzi a medze ama no a ɔbɛyɛ nhyira ama ɔno nye n’egya.
45 Na hwɛ, mowɔ egyapadze bi wɔ hɔ dze ma an’egya, dza ɔdze bɔhwɛ noho; dɛm ntsi, wɔbɛkan no akã m’akowaa Joseph Smith, Kakraba ne fifo ho;
46 Na susuampaara dɛ m’akowaa Joseph Smith, Kakraba bedzi nokwar ama me no, mobɔbɔ nhyira mbɔho egu ne fie do, nhyira mbɔho mbɔho mpo.
47 Na afei, mbrasɛm a ɔfa Zion ho a medze ma hom nye dɛ, wɔrennkã hom nye nkabɔmu nhyehyɛɛ a ɔwɔ Zion no mmbɔ mu dɛ hom yɛ kuw kor bio, gyedɛ ɔnam dɛm kwan yi nko do—
48 Hom akyekyer ewie no wɔbɛfrɛ hom aZion Stake Nkabɔmu Nhyehyɛɛ a ɔwɔ Kirtland Kuropɔn mu. Na hom nuanom no so kyekyer wie a, wɔbɛfrɛ hɔn Nkabɔmu Nhyehyɛɛ a ɔwɔ Zion Kuropɔn mu.
49 Na wɔbɛkyekyer no wɔ hɔnankasa hɔn edzin mu, na hɔnankasa dzin mu; na wobedzi hɔn dwuma nyina wɔ hɔnankasa hɔn dzin mu na hɔnankasa edzin mu;
50 Na hom so hom bedzi hom dwuma nyina wɔ homankasa dzin mu, na homankasa hom edzin mu.
51 Na dɛm na mahyɛ hom, dɛ hom nyɛ mfa mma hom nkwagye; nye hɔn so hɔn nkwagye, ɔnam dɛ awɔaapam hɔn na wɔ dza ɔbɛba no ho.
52 aAhyɛmu a wɔnam mbrato, benyiber nye ndaadaa nsɛm do atõ—
53 Dɛm ntsi, woegu hom nye hom nuanom dɛ hom yɛ nkabɔmu nhyehyɛɛ, ntsi obesi dɛm dɔn yi hom nnkã hɔn ho gyedɛ, wɔ kwan yi do nko dɛ mbrɛ mekãe no, gyedɛ nhyehyɛɛ yi mu abaguafo gye to mu na wɔbɔ hom bosa a hom behia, na dɛ mbrɛ abaguafo no ndze bɛkyerɛ.
54 Na bio, medze mbrasɛm yi ma hom wɔ dwumadzi a medze ahyɛ hom nsa no ho;
55 Hwɛ, egyapadze yinom nyinara yɛ medze, ɔnntse dɛm a, nna hom gyedzi yɛ kwa, na hom yɛ enyidosomkyerɛfo, na hom enndzi ahyɛmu a hom nye me edzi no do;
56 Na sɛ egyapadze no yɛ medze a, nna hom yɛ aahwɛfo, ɔnntse dɛm a, nna hom nnyɛ ahwɛfo.
57 Mbom, nokwar, mese hom dɛ, meyi hom dɛ edwumayɛfo wɔ me fie mu, edwumayɛfo ankasa.
58 Na botae iyi ho ntsi na mahyɛ hom dɛ hom nyɛ ahoboa na hom ntsintsim ame nsɛm mpo, me kyerɛwsɛm ne mãhyɛ no, nyikyerɛ a medze ama hom nye dza ofi ber to ber mibeyi akyerɛ hom—
59 Ama maabɛkyekyer m’asɔr na ahenman wɔ asaase do, na mebesiesie mo nkorɔfo ama aber a menye hɔn bbɛtsena, na aber no abɛn.
60 Na hom besiesie beebi a wɔdze bɛyɛ sikakoradze no ama homho, na hom ehyira do ama me dzin.
61 Na hom nyi obi wɔ hom mu a ɔbɔhwɛ sikakoradze no do, na wobehyira no ama dwumadzi yi.
62 Na ɔwɔ dɛ wɔsɔw sikakoradze no ano, na ɔwɔ dɛ wɔdze ndzɛmba a ɔyɛ krɔnkrɔn nyina hyɛ sikakoradze no mu; na mma hom mu biara nnkã dɛ ɔyɛ nedze, anaadɛ ne fã bi yɛ nedze, na odzi wɔ hom nyina pɛpɛɛpɛr.
63 Na medze ma hom fi dɛm dɔn yi ara mu; na afei, hom nhwɛ na hom nkɛyɛ dwumadzi a medze ahyɛ hom nsa no, ndzɛmba a ɔyɛ krɔnkrɔn no nnkã ho, osian nwoma ne ntsintsimii no ntsi, dɛm ndzɛmba a ɔyɛ krɔnkrɔn dɛ mbrɛ makã no.
64 Na amfaso a obefi ndzɛmba a ɔyɛ krɔnkrɔn no mu aba no bɔkɔ sikakoradze no mu, na wɔdze nsɔwano asɔw ano; na onnyi dɛ obiara fa bi yɛ biribiara, nna onnyi so dɛ obiara yi nsɔwano a wɔdze asɔw ano no, gyedɛ nhyehyɛɛ no ndze, anaadɛ wɔ mbrasɛm do.
65 Na dɛm na ɔsɛ dɛ hom kora mfaso a obefi ndzɛmba a ɔyɛ krɔnkrɔn wɔ sikakoradze no mu ama wɔdze ato hɔ ama botae a ho tsew na ɔyɛ krɔnkrɔn.
66 Na iyi na wɔbɛfrɛ no Ewuradze ne sikakoradze krɔnkrɔn; na woegya nsɔwano no wɔ ho ama wɔayɛ krɔnkrɔn na wɔatsew ho ama Ewuradze.
67 Na bio, wɔnyɛ sikakoradze kor so, na wonyi sikasɛm ɔhwɛfo ma ɔnhwɛ sikakoradze no do, na wɔmfa nsɔwano nsɔw ano;
68 Na sika nyina a hom benya efi hom dwumadzi mu no, egyapadze no ɔsɛ dɛ wotu no mpon no, a ɔyɛ adan anaa nsaase, anaa anantwi, ndzɛmba nyina gyedɛ nkyerɛwee krɔnkrɔn a no ho tsew no a makora do ama moho a wɔdze ato hɔ ama botae a ɔyɛ krɔnkrɔn na no ho tsew no nko, na sika a hom nsa bɛkã no hom mfa ngu sikakoradze no mu ntsɛmara, na wɔnhyehyɛ no ɔha ɔha, anaa eduonum eduonum, anaa eduonu eduonu, anaa enum enum.
69 Mekyerɛ dɛ, sɛ hom mu biara nya dollar enum a, wɔmma ɔmfa ngu sikakoradze no mu; anaa sɛ onya du, anaa eduonu, anaa eduonum, anaa ɔha a, wɔmma ɔnyɛ no dɛmara;
70 Na mma hom mu biara nnkã dɛ ɔyɛ nankasa nedze, osiandɛ wɔrennkã dɛ ɔyɛ nedze, nna no mu biara so nnyɛ nedze.
71 Na onnyi dɛ woyi no mu biara fi sikakoradze no mu dze yɛ biribi anaadɛ wɔdze nsa kã, gyedɛ ɔnam nhyehyɛɛ no ne ndze do na hɔn nyina wɔagye ato mu.
72 Na iyi bɛyɛ nhyehyɛɛ no ne ndze na hɔn nyina agye ato mu—aama obi a ɔwɔ hom mu etum ase sikasɛm ɔhwɛfo no do dɛ ohia biribi a ɔtse dɛm dze aboa me wɔ me dwumadzi ho—
73 Sɛ ɔyɛ dollar enum, anaa dollar du, anaa eduonu, anaa eduonum, anaa ɔha a, sikasɛm ɔhwɛfo no dze sika a ɔrohwehwɛ no bɛma no dze aboa no wɔ no dwumadzi mu—
74 Gyedɛ wohu dɛ ɔyɛ mbratonyi, na ada nhyehyɛɛ no n’abaguafo enyim pefee dɛ aɔnnyɛ ɔhwɛfo nokwafo na onnyim nyansa so.
75 Mbom mber dodowara a ɔkã fɛkuw no ho na odzi mu wɔ mo no, na ɔyɛ nokwafo na nyansafo wɔ no dwumadzi ho no, iyi bɛyɛ dasedzi akyerɛ nyia ɔhwɛ sikakoradze no do no, ma ɔdze dza ɔrohwehwɛ no ama no.
76 Mbom sɛ ɔyɛ mbrato a, dza abaguafo no nye nhyehyɛɛ ndze no bɛkã no na sikasɛm ɔhwɛfo no bɛyɛ.
77 Na sɛ wohu so dɛ sikasɛm ɔhwɛfo no nnyɛ nokwafo na ɔnnyɛ ɔhwɛfo nyansafo so a, abaguafo no nye nhyehyɛɛ ndze no bɛkã ma woeyi no efi ne dzibew no do na awoeyi nyimpa fofor dze no ahyɛ n’ananmu.
78 Na bio, nokwar, merekã biribi a ɔfa hom kaw ho—hwɛ, ɔyɛ me pɛ dɛ hom abotua hom bakaw nyina.
79 Na ɔyɛ me pɛ dɛ hom abɛbrɛ homho adze wɔ m’enyim, na hom dua hom bmbɔdzembɔ na ahobrɛadze na gyedzi mpaabɔ do enya dɛm nhyira no.
80 Na susuampaara dɛ hom bɔbɔ mbɔdzen na hom abrɛ homho adze, na hom abɔ agyedzi mpaa no, hwɛ, mobɔdwedwe hɔn a hom dze hɔn kaw no hɔn akoma, kesi dɛ mebɛma wɔdze mboa bɛbrɛ hom ma hom dze agye homho.
81 Dɛm ntsi, hom nkyerɛw krataa ntsɛmara nkɔ New York na hom nkyerɛw dza mo aSunsum no bɛse hom no; na mobɔdwedwe hɔn a hom dze hɔn kaw no hɔn akoma ama eefi hɔn adwen mu, amma wɔaannhaw hom.
82 Na susuampaara dɛ hom abɛbrɛ homho adze na hom edzi nokwar, na hom abɔ me dzin ebisa no, mebɛma hom bedzi konyim.
83 Mobɔ hom anohoba dɛ, wɔbɛgye hom prɛko pɛr efi hom nkowaasom mu.
84 Susuampaara dɛ hom nya kwan bɔ mbosa ɔha ɔha anaa mpempem araa kesi dɛ hom botum abɔ mbosa ara yie dze agye homho efi nkowaasom mu a, iyi yɛ hom ndzinoa.
85 Na hom mfa egyapadze a medze ahyɛ hom nsa no nsi ahoba mber prɛko pɛr yi mu, dɛ hom bɛyɛ adwen kor dze hom edzin ama anaadɛ hom bɛyɛ biribi fofor a hom hwɛ a obeye ama hom.
86 Medze ndzinoa yi ma hom prɛko pɛr; na hwɛ, sɛ hom hyɛ ase dɛ hom reyɛ ndzɛmba a medze ato hom enyim yi, dɛ mbrɛ me mbrasɛm se a, ndzɛmba yinom nyina yɛ medze, na hom yɛ m’ahwɛfo, na ofiwura no ronnhwɛ mma wommbububu ne dan enndua mu. Ɔnyɛ hɔ dɛm. Amen.