Ɔfã 23
Nyikyerɛ enum a ɔtoa do a wɔnam Joseph Smith Nkɔnhyɛnyi no do dze mae, wɔ Manchester, New York, Ebɔbira 1830, dɛ ɔmfa mma Oliver Cowdery, Hyrum Smith, Samuel H. Smith, Joseph Smith Panyin, na Joseph Knight Panyin. Ɔnam nkorɔfo beenum a wɔabobɔ hɔn edzin no nyaa pɛ kɛse bi dɛ hɔn mu biara bohu hɔn ndwuma a ɔsɛ dɛ wɔyɛ, Nkɔnhyɛnyi no bisaa Ewuradze na onyaa nyikyerɛ maa nyimpa kor biara.
1–7, Wɔfrɛɛ dɛm tsetse esuafo yinom dɛ wɔnkã nyamesɛm nkyerɛ, wontu fo, na wɔnhyɛ Asɔr no dzen.
1 Hwɛ, mekã nsɛm kakra yi kyerɛ ɔwo, Oliver. Hwɛ, woehyira wo, na ennhyɛ afɔbu biara ase. Na mbom hwɛ yie wɔ aahantanyɛ ho, amma aannkɔ bnsɔhwɛ mu.
2 Ma asɔr nhu wo frɛ no na ɔnda wiadzemba so enyim, na wobobue w’akoma mu ma akã nokwar no fitsi aber yi na afebɔɔ. Amen.
3 Hwɛ, mekã nsɛm kakra yi kyerɛ ɔwo, Hyrum, na ɔwo so innyi afɔbu biara ase, na woebue w’akoma mu na woegyaa wo tɛkyerɛma mu so, na wo frɛ nye dɛ ibotu fo na akɔ do aahyɛ asɔr no dzen. Dɛm ntsi, ebɛyɛ edwuma ama asɔr no afebɔɔ, na iyi osian w’ebusua ntsi. Amen.
4 Hwɛ, mekã nsɛm kakra yi kyerɛ ɔwo, aSamuel; dɛ ɔwo so innyi afɔbu biara ase, na wo frɛ nye dɛ ibotu fo na ahyɛ asɔr no dzen; na wonnyae mmfrɛɛ wo dɛ kã asɛmpa no wɔ wiadzemba enyim. Amen.
5 Hwɛ, mekã nsɛm kakra yi kyerɛ ɔwo, Joseph; na ɔwo so innyi afɔbu biara ase, na wo so wo frɛ nye dɛ ibotu fo, na ahyɛ asɔr no dzen; na iyi nye wo dwuma fitsi aber yi na afebɔɔ. Amen.
6 Hwɛ, menam nsɛm kakra yi do da no edzi kyerɛ ɔwo Joseph Knight dɛ ɔwɔ dɛ epegya wo ambeamudua, na iyi mu no, ɔwɔ dɛ bepaa mu bɔ cmpaa wɔ wiadze enyim na ebɔ mpaa so wɔ nsumaamu, wɔ w’ebusua mu, nye w’anyɛnkofo mu, nye mbea nyina do.
7 Na, hwɛ, ɔyɛ wo dwuma dɛ edze awoho bɔ nokwar asɔr no ho, na ekɔ do kã kasa wɔ afotu mu, ama wo nsa aakã odwumayɛnyi n’akatua. Amen.