Ɔfã 26
Nyikyerɛ a wɔdze maa Joseph Smith Nkɔnhyɛnyi no, Oliver Cowdery na John Whitmer wɔ Harmony, Pennsylvania. Ayɛwoho, 1830. (hwɛ dza wɔakyerɛw wɔ Ɔfã 24 n’etsifi no).
1, Ɔahyɛ hɔn dɛ wonsũa kyerɛwsɛm no na wɔnkã asɛmpa no; 2, Wosi do kã adwen kor ho mbra no.
1 Hwɛ, mese hom dɛ, hom ntu hom mber nsi hɔ mfa ansũa kyerɛwsɛm no, na hom nkã asɛmpa no, na hom nsi bColesville asɔr no pi, na hom nyɛ hom edwuma wɔ asaase no do, dɛ mbrɛ ɔsɛ, kesi dɛ hom bɔkɔ anee apaamu akɛyɛ ehyiadzi a ɔreba no; na iyi ekyir na mebɛkyerɛ hom dza hom nyɛ.
2 Na hom ndua mpaabɔ na gyedzi kɛse do nyɛ aadwen kor mfa nyɛ ndzɛmba nyinara wɔ asɔr no mu, osiandɛ hom nam gyedzi do benya ndzɛmba nyinara. Amen.