Ɔfã 111
Nyikyerɛ a wɔnam Joseph Smith Nkɔnhyɛnyi no do dze mae, wɔ Salem, Massachusetts, Dzifuu 6, 1836. Dɛm aber no nna osian ɔsomdwuma a wɔreyɛ no ntsi nna Asɔr no mu banodzifo no, dze kaw kɛsenara. Wɔtsee dɛ wobenya sika kɛse bi efi Salem no, Nkɔnhyɛnyi no, Sidney Rigdon, Hyrum Smith, na Oliver Cowdery tuu kwan fii Kirtland, Ohio, kɔr hɔ dɛ wɔrokɔhwehwɛ asɛm no mu na wɔakã asɛmpa no so. Enuanom no dzii dwuma pii wɔ Asɔr no mu na wɔkãa asɛmpa no so. Ber a ɔdaa edzi pefee dɛ sika biara nnyi hɔ ma hɔn no, wɔsaan hɔn ekyir baa Kirtland. Nsɛm pii a ho hia a opuee ekyir no, wɔkyerɛɛw ne nyina wɔ nyikyerɛ yi mu.
1–5, Ewuradze hwɛ No nkowaa hɔn honam afamu ehiadze; 6–11, Ɔnye Zion bedzi no ehumbɔbɔr mu na Oesiesie ndzɛmba nyina ama No nkowaa hɔn yieyɛ.
1 Emi, Ewuradze, hom Nyankopɔn nnyɛ dɛ m’enyi nngye kwan a hom etu yi ho, ɔmmfa ho dɛ ɔyɛ a hom yɛ dza ɔmmfata.
2 Mowɔ ahonyadze pii wɔ kuropɔn yi mu ma hom, dze ma Zion ne yieyɛ, na nkorɔfo dodowara wɔ kurow yi mu a worubodua hom do aboa hɔn ano dze ama Zion ne yieyɛ wɔ ne mber mu.
3 Dɛm ntsi, obehia dɛ hom nye nyimpa a wɔwɔ kuropɔn yi mu bɛyɛ anyɛnkofo dɛ mbrɛ wɔbɛkyerɛ hom, na wɔdze bɛma hom so.
4 Na ɔbɛba dɛ medze kuropɔn yi bɛhyɛ hom nsa wɔ ne mber mu, ama hom enya tum wɔ do, susuampaara dɛ wonnkohu hom nsumaa mu akwan; na n’ahonyadze a ɔyɛ sika na dwetɛ no bɛyɛ homdze.
5 Mma hom nndwendwen hom akaw ho, na mebɛma hom tum ma hom etua.
6 Mma hom nndwendwen Zion ho, na me nye no bedzi no mbɔbɔrhu mu.
7 Hom ntsintsim bea yi do, nye no nkurow a etwa ho ehyia nyina mu;
8 Na bea a, mpɛn pii, mepɛ dɛ hom tsena no, mo Sunsum no a ɔpem ba hom mu no bodua aasomdwee na tum do ada no edzi akyerɛ hom.
9 Hom botum agye bea yi etua ho kaw. Na hom ebisa enyiberdo ehu nkorɔfo a tsetseberdo no wɔbɛkyekyeer kuropɔn yi;
10 Osiandɛ nnyɛ ahonyadze kor na ɔwɔ kurow yi mu ma hom.
11 Dɛm ntsi, hom nyɛ aenyansafo tse dɛ mbowatsena, na eso, mma hom nnyɛ bɔn; wɔ ahoɔhar mu a hom botum dze agye no, mibesiesie ndzɛmba nyinara byie ama hom. Amen.