1 Hwɛ, me babanyin, mese wo dɛ, osiandɛ ^aannkyerɛ ase dɛ mbrɛ epɛɛ fii mo hɔ no, na ehyɛɛ ase bio dɛ ^berekyerɛw ma m’akowaa Joseph Smith, Kakraba, ntsi mebɛpɛ dɛ ekɔ do dɛmara kɛpem dɛ ibowie dɛm abakɔsɛm yi a, medze ahyɛ ne nsa no.

2 Na nkyii, hwɛ, ^aabakɔsɛm ^bbinom so wɔ hɔ a mowɔ, na mebɛma wo tum ma aboa ma wɔakyerɛ ase.

3 Sie abotar, me babanyin, osiandɛ ɔyɛ enyansadze ma me, na mese dɛ onnhia mma wo dɛ ebɛkyerɛ ase wɔ dɛm aber yi mu.

4 Hwɛ, edwuma a wɔafrɛ wo dɛ yɛ nye dɛ ebɛkyerɛw ama m’akowaa Joseph.

5 Na, hwɛ, osiandɛ annkɔ do annyɛ dɛ mbrɛ ehyɛɛ ase no ntsi, ber a ehyɛɛ ase dɛ erekyerɛ ase no, megyee dɛm ndzinoa no fii wo nsamu.

6 Mma ^annhwinhwin, me babanyin, osiandɛ ɔyɛ enyansadze ma me, na ɔmaa menye wo dzii no dɛm no.

7 Hwɛ, anntse ase; esusu dɛ medze bɛma wo, wɔ ber a anndwen ho, kɛpeem dɛ ibisaa me ara.

8 Mbom, hwɛ, mese wo dɛ, ɔwɔ dɛ eyɛ ^ampɛnsampɛnsamu wɔ w’adwen mu; na ɔwɔ dɛ ^bibisa me sɛ ɔtsen a, na sɛ ɔtsen a, mebɛma wo ^cbo ayɛ wo ^dhyew wɔ wo mu; na dɛm ntsi, ^eebɛtse nkã dɛ ɔtsen.

9 Na sɛ ɔnntsen a, erenntse dɛm nkã no, na mbom ^aw’adwen mu bɛyɛ wo basaa a ɔbɛma wo werɛ efir dza omuo; dɛm ntsi, irunntum nnkyerɛw dza ɔyɛ krɔnkrɔn, gyedɛ medze ma wo.

10 Afei, sɛ inyim iyi a nkyɛ itumii ^akyerɛɛ ase; naaso, onnhia mma wo dɛ ebɛkyerɛ ase seseiara;

11 Hwɛ, ber a ehyɛɛ ase no nna ohia; na mbom ^aisuroi, na mber no apa ho, ntsi onnhia mma wo seseiara;

12 Ana innhu dɛ maama m’akowaa ^aJoseph ahoɔdzen kɛse, na ɔyɛɛ dɛn baa no dɛm? Na mummbu hom mu biara fɔ.

13 Yɛ dza mahyɛ wo no, na ebɛyɛ prɔmprɔm. Dzi nokwar, na mma nngyaa woho mu mma ^ansɔhwɛ.

14 Gyina pintsinn wɔ ^aedwuma a ^bmafrɛ wo wɔ ho no mu, na wo tsinhwi kor mpo nnkɛyew wɔ wo tsir do, na ^cwɔbɛma wo do wɔ da a odzi ewiei no mu. Amen.