Ɔfã 91
Nyikyerɛ a wɔnam Joseph Smith Nkɔnhyɛnyi no do dze mae, wɔ Kirtland, Ohio, Ebɔw 9, 1833. Aber yi nna Nkɔnhyɛnyi no gu do rekyerɛ Ahyɛmu Dadaw no ase. Ber a odur tsetseberdo kyerɛwsɛm no a wɔfrɛ no Esumadze (Apocrypha) no do no, obisaa Ewuradze na onyaa dɛm yikyerɛ yi.
1–3, Esumadze no mu dodowara wɔkyerɛɛ ase yie na mbom no mu pii so nkorɔfo na wɔdze kãa ho a ɔnnyɛ nokwar; 4–6, Hɔn a sunsum no ama hɔn nyimdzee no nya mfaso fi mu.
1 Nokwar, dɛm na Ewuradze se wɔ aEsumadze no ho—Ndzɛmba pii wɔ mu a ɔyɛ nokwar, na wɔkyerɛɛ ase yie so;
2 Ndzɛmba pii so wɔ mu a ɔnnyɛ nokwar, dza adasa kyerɛwee dze kãa ho no.
3 Nokwar, mese hom dɛ, onnhia dɛ wɔbɛkyerɛ Esumadze no ase.
4 Dɛm ntsi, nyia ɔkenkan no, aɔntse ase, osiandɛ Sunsum no na ɔda nokwar edzi;
5 Na nyia aSunsum no ama no nyimdzee no benya mfaso efi mu;
6 Na nyia ɔnnam Sunsum do no nya no, onnkenya mu mfaso biara. Dɛm ntsi onnhia dɛ wɔbɛkyerɛ ase. Amen.