Ɔfã 54
Nyikyerɛ a wɔnam Joseph Smith Nkɔnhyɛnyi no do dze maa Newel Knight, wɔ Kirtland, Ohio, Obiradzi 10, 1831. Osian nsɛmbisa bi a ɔfa egyapadze a wɔdze abɔ afɔr ho ntsi, Asɔrmba a wɔtse Thompson, Ohio, no hɔn mu paapaae. Pɛsɛankonya na edzifodzipɛ daa edzi wɔ hɔn mu. N’asɛmpakã dwuma wɔ Shakerfo mu ekyir no (hwɛ ɔfã 49 etsifi nsɛm), Leman Copley buu n’ahyɛmu a odzii a ɔkyerɛ dɛ ɔdze n’asaase kɛse bɛma Ahotseweefo a wofi Colesville, New York reba no ma wɔatsena do no do. Osian iyi ntsi, Newel Knight (hɔn a wɔtse Thompson hɔn banodzinyi) na elderfo binom baa Nkɔnhyɛnyi ne nkyɛn bebisaa no dza wɔnyɛ. Nkɔnhyɛnyi no bisaa Ewuradze na onyaa nyikyerɛ yi, a ɔhyɛ Asɔrmba a wɔtse Thompson dɛ womfi Leman Copley n’asaase do na wontu kwan nkɔ Missouri.
1–6, Ɔwɔ dɛ Ahotseweefo no dzi asɛmpa n’ahyɛmu no do ama woeehu hɔn mbɔbɔr; 7–10, Ɔwɔ dɛ wosie abotar wɔ abɛbrɛsɛ mu.
1 Hwɛ, dɛm na Ewuradze, nyia ɔyɛ aAlpha na Omega, ahyɛse nye ewiei no, nyia bwɔbɔɔ no mbeamudua mu dze maa wiadze bɔn no se—
2 Hwɛ, nokwar, nokwar, mese ɔwo m’akowaa Newel Knight dɛ, gyina pintsinn wɔ dzibew a menye wo egyina no.
3 Na sɛ wo nuanom no pɛ dɛ wofi hɔn atamfo nsa a, ma wonnu hɔnho mfi hɔn bɔn ho, na awɔmbrɛ hɔnho adze nokwar mu, na hom mbotow wɔ m’enyim.
4 Na osiandɛ dɛ woebu aahyɛmu a wɔnye me dzii no do no, ntsi ɔayɛ bkwa, na mfaso biara nnyi ho so bio.
5 Na nyia ɔnam no do ma amfom iyi bae no ndue, osiandɛ nkyɛ obeye ama no dɛ wɔbɔtow no akyen nsu mu wɔ po no bun mu.
6 Mbom nhyira nye hɔn a woesie ahyɛmu no na woedzi mbrasɛm no do, na wobohu hɔn ambɔbɔr.
7 Dɛm ntsi, hom mfi ha nkɔ sesei na hom nguan mfi asaase no do amma hom atamfo ammba hom do; hom ntu hom kwan no, na hom nhwehwɛ obi ma ɔnyɛ hom banodzifo, na ontuatua sika mfa mma hom.
8 Na dɛm na hom ntu hom kwan mfa anee afamu nkɔ aMissouri asaase do, nkodu Lamanfo hɔn ahe do.
9 Na sɛ hom du hom akwantu n’ewiei a, hwɛ, mese hom dɛ, hom ambɔ bra dɛ mbrɛ nyimpa bɔ kɛpem dɛ mibesiesie beebi ama hom.
10 Na bio, hom nya aabotar wɔ abɛbrɛsɛ mu kɛpem dɛ bmebɛba, na hwɛ, mereba ntsɛm, na medze m’akatua nam, na hɔn a cwɔhwehwɛɛ m’ekyir kwan ntsɛm no benya dahomgye ama hɔn akra. Ɔnyɛ hɔ dɛm. Amen.