Ɔfã 33
Nyikyerɛ a wɔnam Joseph Smith Nkɔnhyɛnyi no do dze maa Ezra Thayre na Northrop Sweet, wɔ Fayette, New York, Ɔbɛsɛ, 1830. Ber a ɔreyi dɛm nyikyerɛ yi enyim no, Joseph Smith n’abakɔsɛm no si no pi dɛ “Ewuradze … ayɛ krado aber nyina dɛ ɔbɛkyerɛkyerɛ hɔn a wɔdze gyedzi hwehwɛ no enyiberdo no.”
1–4, Wɔfrɛ edwumayɛfo dɛ wɔmbɔ asɛmpa no dawur wɔ dɔn a otsĩa dubiako no mu; 5–6, Wɔakyekyer Asɔr no na ɔwɔ dɛ wɔboa mpamufo no ano; 7–10, Hom nnu homho, na sor ahenman no abɛn; 11–15, Woesi Asɔr no wɔ asɛmpa no botan do; 16–18, Hom nsiesie homho mma Ayeforkun ne mbae no.
1 Hwɛ, mese hom, mo nkowaa Ezra na Northrop dɛ, hom mbue hom aso na hom ntsie Ewuradze hom Nyankopɔn ne ndze, nyia an’asɛm nkwa na tum wɔ mu, ɔyɛ ndam sen nkrantsee anofanu, na ohwira mu kodu dɛ ɔpaapaa akwaa nye ehuon mu, ɔkra nye sunsum mu; na ohu adwen nye bakoma mu nsusui.
2 Na nokwar, nokwar, mese hom dɛ wɔafrɛ hom dɛ hom mma hom ndze do dɛ mbrɛ hom dze atotorobɛnto, na hom mbɔ m’asɛmpa no dawur nkyerɛ ebusuasantsen kɔntɔnkye a wɔakyea yi.
3 Na, hwɛ, ahaban no ahoa na twaber no asõ; bdɔn a otsĩa dubiako no abɔ, cber a odzi ewiei a mebɛfrɛ m’edwumayɛfo ma wɔakɔ mo wenyin ture mu no.
4 Na mo awenyin ture ne fã biara basɛɛ; na obiara nnyi hɔ a ɔyɛ cpapa gyedɛ kumaabi; na osian dasɔfoɔtorsom ntsi hɔn nyinara wɔ adwen a wɔaprɔw, na ewɔfom wɔ akwan pii mu.
5 Na, nokwar, nokwar, mese hom dɛ, amakyekyer dɛm basɔr yi na mafrɛ no efi sar no do.
6 Na dɛmara so na amobɔboaboa me mpamufo no ano efi basaase ne mfɛndzanan nyina, dodowara mpo a wɔbɛgye me edzi, na woetsie me ndze.
7 Nyew, nokwar, nokwar, mese hom dɛ, haban no ahoa na twaber no asõ dada; dɛm ntsi, hom mfa hom ahom, adwen, nye ahoɔdzen nyina ntow hom kantankrankye.
8 Hom ambue hom anomu na wɔbɛhyɛ no mã, na hom bɛyɛ mpo dɛ tsetseberdo bNephi a otuu kwan fii Jerusalem wɔ sar no do no.
9 Nyew, hom mbue hom anomu na mma hom nngyaa obiara, na wɔbɛkyekyer aefi-efi no egu hom ekyir, na hwɛ, mekã hom ho.
10 Nyew, hom mbue hom anomu na wɔbɛhyɛ no mã, rekã dɛ: Hom annu homho, hom nnu homho, na hom nsiesie Ewuradze no kwan, na hom mma n’atsempɔn ntsentsen; na sor ahenman no abɛn;
11 Nyew, hom nnu homho ma awonnuma hom mu kor biara, nkɔ hom bɔnfakyɛ mu; nyew, wonnuma hom wɔ nsu mpo mu, na ɔno ekyir ogya nye Sunsum Krɔnkrɔn enuma so aba.
12 Hwɛ, nokwar, nokwar, mese hom dɛ, iyi nye am’asɛmpa no; na hom nkaa dɛ ɔwɔ dɛ wonya gyedzi wɔ mo mu, annyɛ dɛm a wonnkotum agye hɔn nkwa wɔ kwan biara do.
13 Na aɔbotan yi do na mibesi m’asɔr; nyew, wɔdze hom esi ɔbotan yi do, na sɛ hom kɔ do a, bhɛl mbobow nnkotum enya tum wɔ hom do.
14 Na hom nkaa asɔr ne ankyerɛkyerɛ nye ahyɛmu no na hom ndzi do.
15 Na obiara a ɔwɔ gyedzi no, hom mfa ansa ngu no do, bnsi no pi wɔ m’asɔr mu, na mubohue cSunsum Krɔnkrɔn akyɛdze no egu hɔn do.
16 Na mara medze Mormon Nwoma no nye akyerɛwsɛm krɔnkrɔn no mae dɛ wɔmfa bnkyerɛkyerɛ hɔn; na mo Sunsum no tum no ckenyan ndzɛmba nyinara.
17 Dɛm ntsi, hom ndzi nokwar, na hom mbɔ mpaa dabaa, na hom nsiesie hom nkandzea ma ɔndzɛw na hom mfa ngo so, ama hom aayɛ krado dze atweɔn aAyeforkun no ne mbae—
18 Na, hwɛ, nokwar, nokwar, mese hom dɛ, amereba ntsɛm. Ɔnyɛ hɔ dɛm. Amen.