Ɔfã 49
Nyikyerɛ a wɔnam Joseph Smith Nkɔnhyɛnyi no do dze maa Sidney Rigdon, Parley P. Pratt na Leman Copley, wɔ Kirtland, Ohio, Esusow Aketseaba 7, 1831. Leman Copley agye asɛmpa no na mbom ɔda ho gye kuw bi a ɔdze Shakers [Awosowawosowhofo] (United Society of Believers in Christ’s Second Appearing [Christ ne Mbae a Otsĩa Ebien ho Agyedzifo Koryɛ Kuw]), a nkyɛ ɔdɔm no, hɔn nkyerɛkyerɛ no mu bi dzi. Dza Shakerfo gye dzi no mu bi nye dɛ Christ ne Mbae a Otsĩa Ebien no esi dada na Ɔbae wɔ ɔbaa su do, ɔyɛ Ann Lee. Wosusuu dɛ nsu enuma ho nnhia. Wɔpoow awɔr na wɔgyee abrabɔ a awar mu nkitahodzi biara nnkã ho. Shakerfo mu binom braa bɔnam ne dzi. Dza Joseph Smith n’abakɔsɛm kã dze yɛ nyikyerɛ yi ne nyienyim nye dɛ, “Mbrɛ ɔbɛyɛ a mebɛtse nsɛmfua yi ase yie no, mobɔɔ mpaa bisaa Ewuradze, na minyaa nyikyerɛ a ɔtoa do yi.” Nyikyerɛ no tsia Shaker Kuw no dza wɔgye dzi no mu bi. Onua a woedzi kan abɔ ne dzin no dze nyikyerɛ a wɔkyerɛwee no bi kyerɛɛ Shaker Kuw no (wɔ bea bi a ɔbɛn Cleveland, Ohio) na ɔkenkaan ne nyinara kyerɛɛ hɔn, na mbom wɔpowee.
1–7, Da na dɔn no a Christ bɛba no wonnkohu kɛpem dɛ Ɔbɛba; 8–14, Ɔsɛ dɛ nyimpa nu hɔnho, wɔgye asɛmpa no dzi, na wɔyɛ ayɛdze ama woeenya nkwagye; 15–16, Nyankopɔn na ɔhyehyɛɛ awar; 17–21, Wɔpen bɔnam ne dzi do; 22–28, Zion bɛyɛ prɔmprɔm, na Lamanfo bɛpaa dɛ nhyiren ansaana Mbae a Otsĩa Ebien no asõ.
1 Hom ntsie m’asɛm, mo nkowaa Sidney na Parley nye Leman; na hwɛ, nokwar, mese hom dɛ, mbrasɛm a medze ma hom nye dɛ, hom nkɔ ankɛkã m’asɛmpa a hom nsa akã no, dɛ mbrɛ hom nsa kãe no, nkyerɛ Shakerfo no.
2 Hwɛ, mese hom dɛ, wɔpɛ dɛ wohu nokwar no ne fã bi, na mbom nnyɛ ne nyinara, osiandɛ awɔnntsen wɔ m’enyim na ɔsɛ dɛ wonu hɔnho.
3 Dɛm ntsi morosoma hom, mo nkowaa Sidney na Parley, dɛ hom nkɛkã asɛmpa no nkyerɛ hɔn.
4 Na m’akowaa Leman na wɔmfa edwuma yi nhyɛ ne nsa, ama oeetum nye hɔn ayɛ mpɛnsampɛnsamu, nnyɛ dza ne nsa kãe fii hɔn nkyɛn no, na mbom dza hom mo nkowaa dze abɛkyerɛkyerɛ no no; na sɛ ɔyɛ dɛm a, mibehyira no, na sɛ annyɛ dɛm a, orinnya mpontu.
5 Dɛm na Ewuradze se; Meyɛ Nyame, na amasoma me Ba a Wɔwoo no Kortoo no no wɔ wiadze dɛ bɔmbɔpon wiadze, na mahyɛ ɔmom dɛ nyia ɔbɛgye no ato mu no, wɔbɛgye no nkwa, na nyia ɔnnkɛgye no ato mu no cwobobu no fɔ—
6 Na dza wɔpɛ na wɔdze yɛɛ aNyimpa Ba no; na ɔagye no tum wɔ bn’enyimnyam cnsa nyimfa, na seseiara odzi hen wɔ ɔsorsor, na obedzi hen ekesi dɛ obesian aba asaase do dze n’atamfo nyina dahyɛ n’ananadze, na dɛm aber no abɛn—
7 Emi, Ewuradze Nyankopɔn, na makã; na mbom dɔn nye ada no dze nyimpa biara nnyim, na sor abɔfo so mpo nnyim, na wonnkohu so kɛpem dɛ ɔbɛba.
8 Dɛm ntsi, mebɛpɛ dɛ nyimpa nyinara nu hɔnho, osiandɛ hɔn nyinara hyɛ abɔn ase, gyedɛ hɔn a megya hɔn mama moho no nko, nyimpa bkrɔnkrɔn binom a hom nnyim hɔn.
9 Dɛm ntsi, mese hom dɛ, medze me aahyɛmu a ɔwɔ hɔ daapem abrɛ hom, dza nna ɔwɔ hɔ mpo fir ahyɛse no.
10 Na dza mobɔɔ ho anohoba no mahyɛ no mã so, na aasaase do aman bbɔbɔ hɔn mu adze ama no, na sɛ hɔnankasa annyɛ dɛm a, wɔbɛbrɛ hɔn adze, osiandɛ adze biara a ɔmema noho do seseiara no, cwɔbɛbrɛ no tum adze.
11 Dɛm ntsi, mbrasɛm a medze ma hom nye dɛ hom ankɔ nkorɔfo yi mu, na hom nkasa nkyerɛ hɔn dɛ mbrɛ tsetseberdo mo somafo no a, ne dzin dze Peter kãe no:
12 Hom ngye Ewuradze Jesus Christ ne dzin ndzi, nyia nna ɔwɔ asaase do, na ɔbɛba, ahyɛse nye ewiei no;
13 Hom annu homho na wonnuma hom wɔ Jesus Christ ne dzin mu, ama hom eenya bɔnfakyɛ, dɛ mbrɛ mbrasɛm krɔnkrɔn no se;
14 Na obiara a ɔyɛ iyi no sɛ asɔr no mu elderfo dze hɔn ansa gu no do a, obenya bSunsum Krɔnkrɔn n’akyɛdze no.
15 Na bio, mese hom dɛ obiara a aɔbra awar no, no tumdzi no mmfi Nyame, osiandɛ Nyankopɔn na ɔhyehyɛɛ bawar dze maa ɔdasanyi.
16 Dɛm ntsi, ɔsɛ dɛ onya ayer kor, na hɔn beenu bɛyɛ bhonankor, na iyi nyina ama ewiei no casaase eetum ama no mbɔe ho mbuae.
17 Ama woeetum dze nyimpadodow a ɔsɛ no ahyɛ do mã, dɛ mbrɛ an’abɔdze ho nhyehyɛɛ tse bansaana wɔrobɔ wiadze.
18 Na obiara a aɔbra na otua bbɔnam, na dɛ mma nyimpa nndzi no, dɛm nyimpa no no tumdzi mmfi Nyame.
19 Na, hwɛ, ahamu mbowa nye wimu ntumbowa, nye dza ofi asaasetsirmu ba, ne nyinara wɔbɔe dze maa nyimpa dɛ ondzi na ɔmfa nyɛ akataho, ama oeenya no mbordo.
20 Na mbom wɔammfa amma dɛ nyimpa kor anya ma ɔmbor do nkyɛn obi, dɛm ntsi na ɔama bwiadze tse bɔn mu no.
21 Na nyimpa a aɔkã bɔgya gu anaadɛ ɔsɛɛ honam a onnyi ho hia no ndue.
22 Na bio, nokwar, mese hom dɛ Nyimpa Ba no aremmba wɔ ɔbaa su do, nna ɔnntse dɛ ɔbarimba a orutu kwan wɔ asaase do.
23 Dɛm ntsi, mma awɔnndaadaa hom, na mbom hom nkɔ do ngyina pintsinn, bnhwɛ kwan ber a ɔsorsor bɔwosow, na asaase bɔtɔ ntentan na oehimahima dɛ ɔsãbofo, na cwɔbɛma mbɔnsa do, na dwɔbɛbrɛ mbepɔw adze na wɔayɛ mbea krann ayɛ tromtrom—na iyinom nyina besi wɔ ber a ɔbɔfo no bɛhɛn no etotorobɛnto no.
24 Mbom ansaana Ewuradze ne da kɛse no bɛba no, aJacob bɛyɛ prɔmprɔm wɔ sar no do na Lamanfo bapaa dɛ rose-nhyiren.
25 Zion bɛyɛ aprɔmprɔm wɔ bakoko do na woedzi ehurusi wɔ mbepɔw do, na wɔbɔboaboa hɔn ano akɔ bea a makyerɛ hɔn no.
26 Hwɛ, mese hom dɛ, hom nkɔ kan dɛ mbrɛ mahyɛ hom no; hom nnu homho mfi hom bɔn ho; hom ambisa na hom nsa bɛkã; hom mbɔ mu na wobobue ama hom.
27 Hwɛ, mibedzi hom enyim na mayɛ hom akyirtaafo; mobɔwɔ hom bfinimfin, na hom cenyim runngu ase.
28 Hwɛ, emi nye Jesus Christ, na mereba antsɛm. Ɔnyɛ hɔ dɛm. Amen.