Ɔfã 130
Nkyerɛkyerɛ bi a Joseph Smith Nkɔnhyɛnyi no dze mae wɔ Ramus, Illinois, Ebɔbira 2, 1843.
1–3, Egya na Ɔba no botum eyi hɔnho ankasa akyerɛ nyimpa; 4–7, Abɔfo tse celestial wiadze mu; 8–9, Celestial asaase no bɛyɛ Urim na Thummim kɛse bi; 10–11, Wɔdze ɔbo fitaa ma hɔn a wɔhɛn celestial wiadze mu nyina; 12–17, Wɔdze Mbae a Otsĩa Ebien no esuma Nkɔnhyɛnyi no; 18–19, Nyansa biara a yebenya wɔ dɛm asetsena yi mu no, nye hɛn bɔsoɛr wɔ Owusoɛr no mu; 20–21, Nhyira nyina nam setsie a yɛdze ma mbra no do ba; 22–23, Egya no na Ɔba no wɔ honam na mbiew nyimpadua.
1 Ber a Agyenkwa no abɛba no yebohu dɛ mbrɛ ɔtse no ara, yebohu no dɛ ɔyɛ bnyimpa tse dɛ hɛnankasa.
2 Na dɛ mbrɛ yɛtse ase ekuwekuw wɔ ha yi, dɛmara so na yɛbɛtsena wɔ hɔ so, soronko a ɔbɛba mu ara nye dɛ yebenya aonnyiewiei enyimnyam akã ho, dɛm enyimnyam no dze yennyi no seseiara.
3 John 14:23—aEgya na bƆba no hɔn mbae a wɔakyerɛw no wɔ dɛm nkyekyɛmu yi mu no kyerɛ dɛ cwɔbɛda hɔn ho edzi ankasa akyerɛ no; na mbom adwen a ɔkyerɛ dɛ Egya na Ɔba no dtse nyimpa n’akoma mu no yɛ asɔrasɔr nkyerɛkyerɛ, na ɔnnyɛ nokwar.
4 Asɛm a wobisae dɛ—Ana Nyankopɔn ne amberbu, ɔsorbɔfo ne mberbu, nkɔnhyɛnyi ne mberbu, nyimpa ne mberbu nngyina ɔsor nworaba kor a wɔtsetse mu no do bi no ho mbuae?
5 Mbuae a medze ma nye dɛ, Nyew. Mbom aabɔfo biara nnyi hɔ a wɔsom wɔ asaase yi do, gyedɛ hɔn a wɔtse do anaa wɔatsena do pɛn no.
6 Abɔfo nntse ɔsor nworaba a ɔtse dɛ hɛn asaase yi do,
7 Mbom wɔtse Nyame ne nkyɛn, wɔ bea a hɔ hyerɛn dɛ ahwehwɛ na aogya bpo, bea a ndzɛmba hɔn enyimnyam da edzi, dza etwa mu kɔ, dza ɔwɔ hɔ seseiara nye dza ɔbɛba nyina, na wɔwɔ Ewuradze n’enyim aber nyina.
8 Bea a Nyankopɔn tse no yɛ aUrim na Thummim kɛse bi.
9 aAsaase yi, sɛ wɔtsew ho na ɔyɛ bɛkyebo tsenabew a, ɔbɛyɛ hyɛnhyɛn tse dɛ ahwehwɛ, na ɔbɛyɛ Urim na Thummim dze ama hɔn a wɔbɛtsena do no, hɔ na ndzɛmba nyinara a wɔwɔ ahenman a onndzi mu papa, anaadɛ ahenman nyina a hɔn nhyehyɛɛ wɔ famu no, wɔbɛda no edzi akyerɛ hɔn a wɔtsena do no, na asaase yi bɛyɛ Christ dze.
10 Nkyii na ɔbo fitaa no a wɔakã ho asɛm wɔ Nyikyerɛ 2:17 no bɛba abɛyɛ Urim na Thummim ama ankorankor biara a ne nsa bɛkã bi, ɔno na ɔbɛma ndzɛmba a ɔwɔ ahenman a ɔkrɔn mu no ada edzi,
11 Na wɔdze aɔbo fitaa ma ankorankor biara a ɔba celestial ahenman mu no, no do na wɔakyerɛw bdzin fofor bi wɔ, na obiara nnyim gyedɛ nyia ne nsa bɛkã no nkõ. Dzin fofor no nye asɛntsitsir no.
12 Mehyɛ nkɔm, wɔ Ewuradze Nyankopɔn ne dzin mu dɛ, aɔhaw a ɔdze bɔgyagu pii bɛba no a ɔbɛhyɛ ase ansaana Nyimpa Ba no aba no, ɔbɛhyɛ ase efi bCarolina Anaafo.
13 Obotum efi nkowaasomsɛm mu aba. lyi ndze bi na ɔdaa no edzi kyerɛɛ me wɔ ber a morobɔ mpaa enyiberdo wɔ asɛm bi ho, wɔ Mumu 25, 1832.
14 Da no nna morobɔ mpaa enyiberdo dɛ mubohu ber a Nyimpa Ba no abɛba, ber no na metsee ndze bi dɛ ɔrekã nsɛm a odzi do yi:
15 Joseph, me babanyin, sɛ etsena ase kodu dɛ ibedzi mfe eduowɔtwe enum a, ibohu Nyimpa ba no n’enyim, dɛm ntsi mma nnhaw me wɔ dɛm asɛm yi ho bio.
16 Afei nna munntum nnhu dɛ sɛ mbae yi rekyerɛ mfe apem n’ahyɛse anaa mbae dadaw bi, anaadɛ mubowu na meehu n’enyim.
17 Megye dzi dɛ Nyimpa Ba ne mbae no nnkɛba ntsɛm akyɛn dɛm mber no.
18 aNyansa biara a yebenya wɔ dɛm nkwa ber yi mu no, nye hɛn bɔsoɛr wɔ bowusoɛr no mu.
19 Na sɛ obi nam no ambɔdzembɔ na bsetsie do sũa adze na onya cnyimdzee na nyansa wɔ nkwa ber yi mu sen obi so a, ne dgyinabew bɔkrɔn asen ɔkor no nedze wɔ wiadze a ɔbɛba no mu.
20 aMbra bi wɔ hɔ, a wɔhyɛɛ ho ɔmom wɔ sor, bansaana wɔrotow wiadze fapem, a wɔnnkantse no da, ɔno na cnhyira nyina gyina do.
21 Na sɛ yenya nhyira bi fi Nyankopɔn hɔ a, nna ɔkyerɛ dɛ yedzi dɛm mbra no a nhyira nyina gyina do no do.
22 aEgya no wɔ bnyimpadua a ɔyɛ honam na mbiew dɛ mbrɛ nyimpa wɔ, Ɔba no so dɛmara, mbom cSunsum Krɔnkrɔn no nnyi nyimpadua a ɔyɛ honam na mbiew, mbom ɔyɛ Sunsum nyimpa-su. Sɛ ɔnntse dɛm a, nkyɛ Sunsum Krɔnkrɔn no nnkotum atsena hɛn mu.
23 Nyimpa botum ne nsa akã aSunsum Krɔnkrɔn no, obesian no do na ɔnye no nnkɛtsena.