1 ^aOliver Cowdery, nokwar, nokwar, mese wo dɛ, ampaara dɛ Ewuradze a ɔyɛ wo Nyankopɔn na wo Pomfo, tse ase yi, dɛmara so mpo na wo nsa bɛkã ndzɛmba biara a edze nokwar akoma ^bbebisa wɔ gyedzi mu no no ho ^cnyimdzee, wɔ aber a egye dzi dɛ ibenya nyimdzee wɔ ^dabakɔsɛm dadaw a woekrukye, dza ɔyɛ tsetseberdo dze no, dza ɔyɛ me nsɛm no bi a wɔkãe a mo Sunsum ^eada no edzi no.

2 Na, hwɛ, mubodua ^aSunsum Krɔnkrɔn no a ɔbɛba wo do na ɔabɛtsena w’akoma mu no do ^bakã akyerɛ wo wɔ w’adwen nye ^cw’akoma mu.

3 Afei, hwɛ, iyi nye nyikyerɛ sunsum no; hwɛ, iyi nye sunsum a Moses nam do dze Israelmba twaa ^aPo Memen no ma wɔnantseew asaase kɛsɛɛ do no.

4 Dɛm ntsi iyi yɛ w’akyɛdze; fa dzi dwuma, na nhyira akã wo, osiandɛ ɔbɛgye wo efi w’atamfo nsamu, na sɛ ɔnntse dɛm a, nkyɛ woboku wo na wɔdze wo kra aba ɔsɛɛ mu.

5 O, kaa dɛm ^ansɛm yi, na dzi me mbrasɛm do. Kaa, dɛ iyi yɛ w’akyɛdze.

6 Na nnyɛ iyi nko nye w’akyɛdze nyina; na ewɔ akyɛdze bi so a, ɔyɛ Aaron n’akyɛdze no; hwɛ, ɔakã ndzɛmba pii akyerɛ wo;

7 Hwɛ, tum biara nnyi hɔ, gyedɛ Nyame no tum nko, ɔno na obotum ama dɛm Aaron n’akyɛdze yi aba wo hɔ.

8 Dɛm ntsi, mma nngye kyim, osiandɛ ɔyɛ akyɛdze a ofi Nyame hɔ; na edze wo nsa bosuo mu, na ayɛ ahobow ndwuma; na tum biara runntum nngye mmfi wo nsamu, osiandɛ ɔyɛ Nyame n’edwuma.

9 Na, dɛm ntsi, biribiara a ibebisa me dɛ mundua dɛm kwan no do nkã nkyerɛ wo no, medze bɛma wo, na ibenya ho nyimdzee.

10 Kaa dɛ sɛ innyi ^agyedzi a, innkotum ayɛ hwee; dɛm ntsi, bisa wɔ gyedzi mu. Mma mmfa dɛm ndzɛmba yinom nndzi agor; mma ^bmmbisa dza onnyi dɛ ibisa.

11 Bisa ama eetum ehu Nyame n’esumasɛm, na ama eetum ^aakyerɛ ase na eenya nyimdzee efi dɛm tsetseberdo abakɔsɛm nyinara a wɔdze esuma no ho, dza ɔyɛ krɔnkrɔn no; na dɛ mbrɛ wo gyedzi tse no, ɔbɛyɛ hɔ ama wo.

12 Hwɛ, emi na makã; na emi nye nyia ɔkasaa kyerɛɛ wo fi ahyɛse no. Amen.