Ɔfã 117
Nyikyerɛ a wɔnam Joseph Smith Nkɔnhyɛnyi no do dze mae, wɔ Far West, Missouri, Ayɛwoho 8, 1838 ɔfa ndwuma bi a ɔsɛ dɛ William Marks, Newel K. Whitney na Oliver Granger yɛ no ntsɛmara ho.
1–9, Ɔnnsɛ dɛ Ewuradze no nkowaa hɔn enyi ber wiadze ndzɛmba, na “egyapadze yɛ ebɛnadze ma Ewuradze?” 10–16, Ɔwɔ dɛ wɔpow ɔkra a ɔyɛ sunsum mu ketseaba, na hɔn afɔrbɔ bɛyɛ krɔnkrɔn ama Ewuradze.
1 Nokwar, dɛm na Ewuradze se m’akowaa William Marks nye m’akowaa Newell K. Whitney so dɛ, wɔntow dwuma a woridzi no mu ntsɛm na wontu kwan mfi Kirtland asaase do, ansaana emi, Ewuradze masoma esukwankyɛba dze egu asaase no do.
2 Ma wonnyan, na wɔnsoɛr, na wɔmbra, na mma wonntsintsim osiandɛ emi, Ewuradze, na mahyɛ hɔn no.
3 Dɛm ntsi, sɛ wotsintsim a orunnwie yie mma hɔn.
4 Ma wonnu hɔnho wɔ hɔn bɔn nye hɔn enyiber apɛdze ho wɔ m’enyim, Ewuradze na ɔse; aegyapadze yɛ ebɛnadze ma me? Ewuradze na ɔse.
5 Hom mma wɔndan Kirtland egyapadze no na wɔmfa ntua aakaw, Ewuradze na ɔse, na biribiara a ɔbɛka ekyir no, ma ɔnka wo nsamu, Ewuradze na ɔse.
6 Ana sor ntumbowa nnyɛ medze nye nam so a wɔwɔ po mu, nye mbowa a wɔwɔ mbepɔw do no? Ana nnyɛ Emi na meyɛɛ asaase? Ana nnyɛ Emi na mukura aman nyina hɔn nsordaafo hɔn ankrabea?
7 Dɛm ntsi, ana munnkotum ayɛ ma nhyiren apaa mbea a ayɛ akɛsɛɛ do na wɔasow aba pii? Ewuradze na ɔse.
8 Ana asaase pii nnda aAdam-ondi-Ahman mbepɔw no do, nye bOlaha Shinehah sar no do, anaa casaase a Adam tsenaa do no, nna hom enyi ber dza ɔyɛ nsosɔwee, na hom pow nsɛm a no mu yɛ dur yi?
9 Dɛm ntsi, hom mbra mo nkorɔfo hɔn asaase do ha, Zion mpo no.
10 Ma m’akowaa William Marks ndzi anokwar wɔ ndzɛmba kumaabi ho, na ɔbɔhwɛ pii do. Wɔmma ɔntsena mo nkorɔfo a wɔwɔ Far West nkuropɔn no ne finimfin na ɔnhwɛ hɔn do, na ma mo nkorɔfo no mfa hɔn nhyira, nhyira no.
11 Ma m’akowaa Newell K. Whitney, osian aNicolaitane Kuw no nye hɔn bnsumaamu ekyiwadze nye ne kra a ɔyɛ sunsum mu ketseaba wɔ m’enyim ntsi n’enyi nto, Ewuradze na ɔse, na ɔmbra Adam-ondi-Ahman asaase do, na ɔmbɛyɛ cbishop mma mo nkorɔfo no, nnyɛ dzin mu ara mbom wɔ ndzeyɛɛ mu, Ewuradze na ɔse.
12 Na bio, mese hom dɛ, mekaa m’akowaa aOliver Granger; hwɛ, nokwar, mese no dɛ wɔbɛkaa ne dzin wɔ krɔnkrɔnyɛ mu fi ebusuasantsen kesi ebusuasantsen, afebɔɔ kesi afebɔɔ, Ewuradze na ɔse.
13 Dɛm ntsi, wɔmma ɔmper enyiberdo nhwehwɛ m’asɔr mu President a Odzi Kan na n’Apamfo hɔn mponee, Ewuradze na ɔse; na sɛ ɔhwe ase a ɔbɔsoɛr bio, na an’afɔrbɔ bɛyɛ krɔnkrɔn mbordo ama me asen n’ahodze pii, Ewuradze na ɔse.
14 Dɛm ntsi wɔmma ɔmbra Zion asaase do ha ntsɛm, na wɔbɛyɛ no oguadzinyi ama me dzin wɔ me mber pa mu, ma mo nkorɔfo enya mfaso efi mu, Ewuradze na ɔse.
15 Dɛm ntsi, mma obiara mmbu m’akowaa Oliver Granger enyimtsia, mbom hom mma mo nkorɔfo hɔn nhyira mbra no do afebɔɔ kesi afebɔɔ.
16 Na bio, nokwar, mese hom dɛ, hom mma mo nkowaa a wɔwɔ Kirtland asaase do nyina no nkaa Ewuradze hɔn Nyankopɔn, nye me fi no so, na wɔnhwɛ do na wɔmbɔ ho ban wɔ krɔnkrɔnyɛ mu, na sɛ mankasa me mber pa no sõ a, oebutuw sikasesafo no, Ewuradze na ɔse. Ɔnyɛ hɔ dɛm. Amen.