Ɔfã 60
Nyikyerɛ a wɔnam Joseph Smith Nkɔnhyɛnyi no do dze mae wɔ Independence, Jackson County, Missouri, Dzifuu 8, 1831. Dɛm aber no, elderfo a woetu kwan akɔ Jackson County na wɔdze hɔn ho hyɛɛ asaase no na temple asaase a wotuu hyɛɛ Nyame nsa no, pɛɛ dɛ wobohu dza ɔwɔ dɛ wɔyɛ.
1–9, Ɔwɔ dɛ elderfo no kã asɛmpa no kyerɛ mboanofo emumuyɛfo no; 10–14, Onnyi dɛ wɔsɛɛ hɔn mber, anaa wɔdze hɔn talent sie; 15–17, Wobotum ahohor hɔn anan ho dze ayɛ dasegye etsia hɔn a wɔpow asɛmpa no.
1 Hwɛ, dɛm na Ewuradze se n’asɔr mu elderfo no a ɔwɔ dɛ wɔsan hɔn ekyir ntsɛm kɔ asaase a wofi bae no: Hwɛ, ɔyɛ me enyigye dɛ hom aba ha;
2 Mbom minnyi hom mu binom ho enyigye koraa, osiandɛ wommbue hɔn aano, na wɔdze talent a medze ama hɔn no besuma osiandɛ cwosuro nyimpa. Nkorɔfo a wɔtse dɛm no wondue, na m’ebufuhyew no redzɛw tsia hɔn.
3 Na ɔbɛba dɛ sɛ woenndzi nokwar amma me a, awɔbɛgye dza wɔwɔ no mpo efi hɔn nsamu.
4 Na emi, Ewuradze, na midzi hen wɔ sor na aasaase nsordaafo do; na da a mebeyi bm’egudze no, nyimpa nyina bohu dza ɔda Nyame no tum edzi no mbrɛ ɔtse.
5 Na nokwar, mebɛkã dza ɔfa hom kwan a hom rubotu akɔ asaase a hom fi do bae no ho akyerɛ hom. Hom nyɛ nsuhɛn bi, anaa hom ntɔ, dɛ mbrɛ hom hwɛ a oye ma hom, ɔmmfa mo ho, na hom ntu kwan no ntsɛm nkɔ bea a wɔfrɛ no St. Louis.
6 Na sɛ hom du hɔ a, hom mma mo nkowaa Sidney Rigdon, Joseph Smith, Kakraba, nye Oliver Cowdery nsɔw hɔn akwantu no do nkɔ Cincinnati;
7 Na wɔ bea yi do na hom mma wɔmma hɔn ndze do ntsẽa mu kɛse mbɔ m’asɛm no dawur, mma wɔmmfa ebufuw anaadɛ wɔnngye kyim, na mbom wɔmma nsa krɔnkrɔn do wɔ hɔn do. Na emi mubotum mayɛ hom akrɔnkrɔn, na medze hom bɔn bakyɛ hom.
8 Na hom mma hɔn a wɔaka no mfi St. Louis hɔ nkɔ nkɛkã asɛm no, wɔnkɔ no beenu beenu, na mma wɔnnkɔ no ɔhardo, wɔntɔ hɔn bo nkyima mboanofo emumuyɛfo no mu nkã asɛm no nkyerɛ hɔn, nkodu dɛ wɔbɛsan hɔn ekyir akɔ hɔn nsɔr a wofi mu bae no.
9 Na ne nyinara nsɔr no yieyɛ ho ntsi a; na iyi ho ntsi na masoma hɔn.
10 Na wɔmma m’akowaa aEdward Partridge nyi sika a medze ama no no bi mfa mma me elderfo a mahyɛ hɔn dɛ wɔnsan hɔn ekyir mbra no.
11 Na nyia obotum no, wɔmma ɔmfa nsan mma asɔr n’ananmusinyi no; na nyia orunntum no, mma wommbisa no.
12 Na afei mekasa kyerɛ hɔn a wɔaka a ɔsɛ dɛ wɔba asaase yi do no.
13 Hwɛ, wɔasoma hɔn dɛ wɔnkɛkã m’asɛmpa no wɔ mboanofo emumuyɛfo mu; dɛm ntsi, mehyɛ hɔn dɛ: Mma wɔnnyɛ aakwadwer mmfa nnsɛɛ hɔn mber, na mma wɔmmfa hɔn btalent nnsie ɔno worunnhu.
14 Na hom ba Zion asaase do, na hom bɔ m’asɛm no dawur wie a, hom nsan hom ekyir ntsɛm mbra mbɔbɔ m’asɛm no dawur wɔ mboanofo emumuyɛfo no mu, mma hom nnyɛ no ɔhyew do anaa wɔ aebufuw do, nna nnyɛ aperdzi mu.
15 Na hom mporoporow hom ananadze ahuntuma ngu hɔn a wɔanngye hom no, nnyɛ wɔ hɔn enyim amma aannhyɛ hɔn ebufuw, na mbom wɔ nsumaamu; na hom nhohor hom ananho mfa ngye dase ntsia hɔn wɔ atsɛmbu da no mu.
16 Hwɛ, kakra yi dɔɔ sõ ma hom, na iyi yɛ nyia ɔsomaa hom ne pɛ.
17 Na mubodua m’akowaa Joseph Smith, Kakraba, n’anomu do akã dza ɔfa Sidney Rigdon nye Oliver Cowdery ho. Hɔn a wɔbɛka ekyir no. Ɔnyɛ hɔ dɛm. Amen.